Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Donald Trump-Narendra Modi

ವಿಶ್ವದಲ್ಲಿ ಭಾರತ 'ಸಕಾರಾತ್ಮಕ ಶಕ್ತಿ' ಎಂಬುದನ್ನು ಟ್ರಂಪ್ ಅರಿತಿದ್ದಾರೆ: ಅಮೆರಿಕಾ ಅಧಿಕಾರಿ

Belagavi Palike

ಬೆಳಗಾವಿ ಪಾಲಿಕೆಯಲ್ಲಿ ಮೊಳಗಿದ ನಾಡಗೀತೆ; ಎದ್ದುನಿಂತು ಗೌರವ ತೋರಿದ ಎಂಇಎಸ್!

Karnataka government announces terms and conditions on farmer loan waiver

ರೈತರ ಸಾಲ ಮನ್ನಾ ಸುತ್ತೊಲೆಯ ಪ್ರಮುಖ ಷರತ್ತುಗಳು

Naik Sandip Jadhav.

ಪುತ್ರನ ಮೊದಲ ಹುಟ್ಟುಹಬ್ಬದ ದಿನವೇ ಹುತಾತ್ಮ ಯೋಧನ ಅಂತ್ಯಕ್ರಿಯೆ

Governor accepts Parameshwara

ಗೃಹ ಸಚಿವ ಡಾ.ಜಿ.ಪರಮೇಶ್ವರ ರಾಜಿನಾಮೆ ಅಂಗೀಕರಿಸಿದ ರಾಜ್ಯಪಾಲರು

Hockey World League: India thrash Pakistan 6-1; will face Canada in 5th-6th place match

ವಿಶ್ವ ಹಾಕಿ ಲೀಗ್: ಪಾಕಿಸ್ತಾನಕ್ಕೆ ಮತ್ತೆ ಸೋಲುಣಿಸಿದ ಭಾರತ!

Pakistan commando, shot dead by the Indian Army after he crossed the LoC

ಭಾರತೀಯ ಯೋಧರ ತಲೆಕಡಿಯಲು ಬಂದಿದ್ದ ಪಾಕ್ ನ ಬ್ಯಾಟ್ ಉಗ್ರನ ಹತ್ಯೆ!

Govt to send 1,000 civic workers to Singapore for training: H Anjaneya

ಪೌರ ಕಾರ್ಮಿಕರಿಗೆ ವಿದೇಶ ಪ್ರವಾಸ ಭಾಗ್ಯ: ಎಚ್‌. ಆಂಜನೇಯ

Maharashtra chief minister Devendra Fadnavis

34 ಸಾವಿರ ಕೋಟಿ ರೂ. ಕೃಷಿ ಸಾಲ ಮನ್ನಾ: ಮಹಾರಾಷ್ಟ್ರ ಮುಖ್ಯಮಂತ್ರಿ ಘೋಷಣೆ

Dhoni Should play Player-Coach Role in team india: Discussion Goes Viral In Social Media

ರವಿ ಶಾಸ್ತ್ರಿ ಅಲ್ಲ, ಧೋನಿಯೇ ಪ್ಲೇಯರ್-ಕೋಚ್ ಆಗಿ ಕಾರ್ಯನಿರ್ವಹಿಸಲಿ: ವೈರಲ್ ಆಯ್ತು ಚರ್ಚೆ!

China stalls India

ಭಾರತದ ಎನ್ ಎಸ್ ಜಿ ಸದಸ್ಯತ್ವಕ್ಕೆ ಚೀನಾ ಮತ್ತೆ ಅಡ್ಡಿ

Paid news case: EC disqualified Madhya Pradesh Minister Narottam Mishra for 3 years

ಪ್ರಾಯೋಜಿತ ಸುದ್ದಿ ಪ್ರಕರಣ: ಮಧ್ಯಪ್ರದೇಶದ ಸಚಿವರಿಗೆ 3 ವರ್ಷ ಚುನಾವಣೆ ಸ್ಪರ್ಧೆ ನಿಷೇಧ!

Union Minister M. Venkaiah Naidu

ಹಿಂದಿ ರಾಷ್ಟ್ರ ಭಾಷೆ, ಹಿಂದಿ ಇಲ್ಲದೆ ದೇಶ ಮುಂದುವರೆಯಲು ಸಾಧ್ಯವೇ ಇಲ್ಲ: ವೆಂಕಯ್ಯ ನಾಯ್ಡು

ಮುಖಪುಟ >> ಸಿನಿಮಾ >> ಸಿನಿಮಾ ವಿಮರ್ಶೆ

ಕಥೆಗಾರನ ಸಂದೇಶದ ಭಾರಕ್ಕೆ ಮಂಕಾದ ಎಳೆಯರ ತುಂಟಾಟ, ಸಾಹಸ ಮತ್ತು ಮುಗ್ಧತೆ

ಎಳೆಯರು ನಾವು ಗೆಳೆಯರು ಚಿತ್ರ ವಿಮರ್ಶೆ
Eleyaru Navu Geleyaru Kannada Movie Review

ಎಳೆಯರು ನಾವು ಗೆಳೆಯರು ಸಿನೆಮಾ ವಿಮರ್ಶೆ

ಮಕ್ಕಳ ಸಿನೆಮಾಗಳು ಅಂದರೆ ಕೂಡಲೇ ನೆನಪಿಗೆ ಬರುವುದು ಸಾಹಸಮಯ ಸನ್ನಿವೇಶಗಳು-ಕಥೆಗಳು. ಆ ಕಥೆಗಳಿಗೆ ಬೆನ್ನುಲುಬಾಗಿ ನಿಲ್ಲುವುದು ಮಕ್ಕಳ ತುಂಟಾಟ, ಮುಗ್ಧತೆಯಿಂದ ಹುಟ್ಟುವ ಚೇಷ್ಟೆಗಳು ಮತ್ತು ಸದಾ ಸಾಹಸವನ್ನು ಅರಸುವ ಅವರ ಅಪರಿಮಿತ ಉತ್ಸಾಹ. ಕನ್ನಡ ಕಿರುತೆರೆಯ ರಿಯಾಲಿಟಿ ಕಾರ್ಯಕ್ರಮವೊಂದರಲ್ಲಿ ಜನಪ್ರಿಯವಾಗಿದ್ದ ಮಕ್ಕಳ ತಂಡವನ್ನು ಬಳಸಿಕೊಂಡು ವಿಕ್ರಂ ಸೂರಿ ನಿರ್ದೇಶಿಸಿರುವ ಮಕ್ಕಳ ಚಿತ್ರ 'ಎಳೆಯರು ನಾವು ಗೆಳೆಯರು', ಕನ್ನಡ ಚಿತ್ರರಂಗದಲ್ಲಿ ಒಳ್ಳೆಯ ಮಕ್ಕಳ ಚಿತ್ರಗಳು ಮೂಡಿಬರುತ್ತಿಲ್ಲ ಎಂಬ ಕೊರಗನ್ನು ನಿವಾರಿಸಲು ಸಾಧ್ಯವಾಗಿದೆಯೇ? ಆ ಮಕ್ಕಳ ತುಂಟಾಟ, ಸಾಹಸ ಬೆಳ್ಳಿ ತೆರೆಗೆ ಮರುಕಳಿಸಿದೆಯೇ? 

ಪೇಪರ್ ಮೋಹನ್ (ತುಷಾರ್), ಮರಕೋತಿ ಸೀನ (ಮಹೇಂದ್ರ), ಮೆಕ್ಯಾನಿಕ್ ಉಸ್ತಾದ್ (ಸೂರಜ್), ಕಂಬರ್ಕಟ್ ಸ್ವಾಮಿ (ನಿಹಾಲ್), ತಿಂಡಿಪೋತಿ ಪದ್ಮ (ತೇಜಸ್ವಿನಿ), ಹಕ್ಕಿಪಿಕ್ಕಿ ರಾಮ (ಪುಟ್ಟರಾಜು), ಹೀರೊ ರಾಜ (ಅಚಿಂತ್ಯ), ಹಲ್ಕಿರಿ ವಜ್ರಪ್ಪ (ಅಭಿಷೇಕ್), ಗೊರಕೆ ಶಂಕರ (ಅಮೋಘ್) ಹಳ್ಳಿಯೊಂದರಲ್ಲಿ ವಾಸಿಸುವ ಗೆಳೆಯರು. ಒಬ್ಬೊಬ್ಬರಿಗೂ ಒಂದೊಂದು ವಿಶೇಷ ಪ್ರತಿಭೆ ಇರುವ ಇವರು ಗೆಳೆಯರ ಕಟ್ಟೆ ಕಟ್ಟಿಕೊಂಡು ತಮ್ಮ ತುಂಟ ಚೇಷ್ಟೆಗಳ ಮೂಲಕ ಸಮಾಜದ ಸಮಸ್ಯೆಗಳಿಗೆ ಸ್ಪಂದಿಸುವವರು. ಬಹಿರ್ದೆಸೆಗೆ ಹೋಗುವವ ಹಿರಿಯರ ಕುಂಡಿಗೆ ಕ್ಯಾಟರ್ ಪಿಲ್ಲರ್ ಮೂಲಕ ಕಲ್ಲು ಬೀಸುತ್ತಾರೆ. ಗ್ರಂಥಾಲಯದಲ್ಲಿ ಹಿರಿಯ ವ್ಯಕ್ತಿಗಳಿಂದ ಪೇಪರ್ ಕಸಿದು ಓದಲು ಪಟಾಕಿ ಹಚ್ಚಿ ಬೆದರಿಸುತ್ತಾರೆ. ವಿದ್ಯಾರ್ಥಿಗಳಿಲ್ಲ ಎಂಬ ಕಾರಣಕ್ಕೆ ತಮ ಹಳ್ಳಿಯಲ್ಲಿ ಮುಚ್ಚಿದ ಸರ್ಕಾರಿ ಶಾಲೆಯನ್ನು ನೆನದು ಮರುಗುತ್ತಾರೆ ಅದಕ್ಕೆ ನಮಸ್ಕರಿಸುತ್ತಾರೆ. ಮುಂದಿನ ದಿನ ಶಾಲೆಗೆ ಪಕ್ಕದ ಊರಿಗೆ ಹೋಗಬೇಕೆಂದು, ಕಾಡಿಗೆ ಪ್ರವಾಸ ಬೆಳೆಸಿ ಹರಟೆ ಹೊಡೆಯುತ್ತಾರೆ. ಹೀಗೆ ಮೊದಲಾರ್ಧ ಯಾವುದೇ ಕಥೆ ಹೇಳಲು ಮುಂದಾಗದ ಸಿನೆಮಾ ಇಂತಹ ಸಣ್ಣಪುಟ್ಟ ಘಟನೆಗಳ ಸುತ್ತ ಸುತ್ತುತ್ತದೆ. ಆದರೆ ಈ ಘಟನೆಗಳು ಮಕ್ಕಳ ಮುಗ್ಧತೆಯಿಂದ, ತುಂಟಾಟದಿಂದ ಮೂಡಿ ಬಂದಿವೆ ಎಂದೆನಿಸದೆ, ನಿರ್ದೇಶಕರ ಕಲ್ಪನೆಯ ಸಾಮಾಜಿಕ ಸಮಸ್ಯೆಗಳನ್ನು, ಸಂದೇಶಗಳನ್ನು ಮಕ್ಕಳ ಮೂಲಕ ಕೃತಕವಾಗಿ ಹೇಳಿಸುತ್ತಿದ್ದಾರೇನೋ ಎಂದೆನಿಸಿ ಬಹುತೇಕ ಬೇಸರಿಸುವಂತೆ ಮಾಡುತ್ತದೆ. 

ಇದ್ದುದರಲ್ಲಿ ದ್ವಿತೀಯಾರ್ಧ ಮಕ್ಕಳ ಸಾಹಸದ ಕಥೆಯನ್ನು ಹೇಳಲು ಮುಂದಾಗುವದು ಪ್ರೇಕ್ಷಕರಲ್ಲಿ ತುಸು ಭರವಸೆ ಮೂಡಿಸುತ್ತದೆ. ಅಳಿವಿನಂಚಿನಲ್ಲಿರುವ ಪಕ್ಷಿಯನ್ನು ಹುಡುಕಿ ಜರ್ಮನಿಯಿಂದ ಬರುವ ವಿಜ್ಞಾನಿಗೆ, ಪಕ್ಷಿಗಳ ಕೂಗನ್ನು ಅನುಕರಿಸುವ ಶಕ್ತಿ ಇರುವ ಹಕ್ಕಿಪಿಕ್ಕಿ ರಾಮ ನೇರವಾಗಿಯೂ ಮತ್ತಿತರ ಮಕ್ಕಳು ತಮ್ಮ ವಿಶಿಷ್ಟ ಪ್ರತಿಭೆಗಳಿಂದ ಪರೋಕ್ಷವಾಗಿಯೂ ನೆರವಾಗುತ್ತಾರೆ. ಆದರೆ ಈ ಸಾಹಸಮಯ ಅನ್ವೇಷಣೆ ಕೂಡ, ತಮ್ಮ ಶಾಲೆಯ ಮತ್ತೊಬ್ಬಳು ವಿದ್ಯಾರ್ಥಿ ರ್ಯಾಂಕ್ ವಿದ್ಯಾ (ಮಹತಿ) ಅವಳ ಚಿಕಿತ್ಸೆಗೆ ನೆರವಾಗುವುದಕ್ಕೆ ಎಂಬ ಮೂಲಕಾರಣದ ಆರೋಪ ಹಚ್ಚಿ ಮತ್ತೆ ಆ ಸಾಹಸದ ಮುಗ್ಧತೆಗೆ ಬ್ರೇಕ್ ಹಾಕಿ, ಬೋಧನೆಯನ್ನು, ಸಹಾಯಹಸ್ತ ಚಾಚುವ ಭಾವನಾತ್ಮಕ ಸನ್ನಿವೇಶವನ್ನು ಮುಂದೆ ಮಾಡುತ್ತಾರೆ ನಿರ್ದೇಶಕ. ತನ್ನ ಗೆಳತಿಯ ಸಹಾಯಕ್ಕೆ ಕಂಕಣ ಕಟ್ಟಿ ನಿಲ್ಲುವ ಮಕ್ಕಳ ಸಾಹಸ ಆದರ್ಶಪ್ರಾಯವಾಗಿ ಕಂಡರೂ, ಇನ್ನಷ್ಟು ಸ್ವಾಭಾವಿಕವಾಗಿ ಅದನ್ನು ಮೂಡಿಸಲು ನಿರ್ದೇಶಕ-ಕಥೆಗಾರ ಜೋಡಿ ಪ್ರಯತ್ನಿಸಿದ್ದರೆ ಹೆಚ್ಚು ಪರಿಣಾಮಕಾರಿಯೆಂದೆನಿಸಿ ಆಪ್ತವಾಗುತ್ತಿತ್ತೇನೋ. ಪ್ರತಿ ಮಕ್ಕಳಿಗೆ ಒಂದೊಂದು ವಿಶೇಷ ಪ್ರತಿಭೆಯನ್ನು ಆರೋಪಿಸಿ, ಅದನ್ನು ನಿರೂಪಿಸುವ-ತೋರಿಸುವ (ಎಷ್ಟೋ ಬಾರಿ ಕಥೆಗೆ ಹೊಂದಿಕೊಳ್ಳದೇ ಹೋದರು) ಜಿದ್ದಿಗೆ ಬಿದ್ದು, ಸಾಕಷ್ಟು ಹರಸಾಹಸ ಪಟ್ಟಿದ್ದಾರೆ ನಿರ್ದೇಶಕರು. ನಿರ್ದೇಶಕನ ಈ ಸಾಹಸ ಅನಗತ್ಯವಾಗಿತ್ತೇನೋ ಎಂದೆನಿಸದೆ ಇರದು. 

ಕೆಲವೊಮ್ಮೆ ಮಕ್ಕಳ ತೊದಲು ನುಡಿ ಮನಸ್ಸಿಗೆ ಮುದ ತಂದರೂ, ಹಲವು ಬಾರಿ ಮಕ್ಕಳು ಅತಿ ಗ್ರಾಂಥಿಕವಾಗಿ ಮಾತನಾಡುವುದು, ದೇಶದ ಸಮಸ್ಯೆಗಳನ್ನೆಲ್ಲಾ ತಮ್ಮ ಮೇಲೆ ಹೊತ್ತಿಕೊಂಡವರಂತೆ ತಟಕ್ಕನೆ ಗಂಭೀರವಾಗುವುದು ಇಂತಹ ಸಮಸ್ಯೆಗಳು ಸಿನಿಮಾದುದ್ದಕ್ಕೂ ಪ್ರೇಕ್ಷಕನನ್ನು ಕಾಡುತ್ತವೆ. ಶಾಲೆಯ ಪರಿಸರದಲ್ಲಿ ಮೂಡುವ ಘಟನೆಗಳು ಕೂಡ ಯಾವುವು ವಾಹ್ ಎನ್ನುವಷ್ಟು ಆಪ್ತವಾಗಿರದೆ ಅತಿ ಸಾಧಾರಣ ಎಂಬಂತೆ ಮೂಡಿ ಬಂದಿರುವುದು ನಿರಾಸೆ ಮೂಡಿಸುತ್ತದೆ. 

ತಾಂತ್ರಿಕವಾಗಿ ಸಿನೆಮಾ ಪ್ರೇಕ್ಷಕರಿಗೆ ಒಂದಷ್ಟು ನೆಮ್ಮದಿ ಒದಗಿಸುತ್ತದೆ. ಅನೂಪ್ ಸೀಳಿನ್ ಸಂಗೀತದಲ್ಲಿ ಮೂಡಿಬಂದಿರುವ ಹಾಡುಗಳು ಸಾಂದರ್ಭಿಕವಾಗಿದ್ದು, ಒಂದೆರಡು ಗುನುಗುವಂತೆಯೂ ಇವೆ. ಅಶೋಕ್ ವಿ ರಾಮನ್ ಅವರ ಛಾಯಾಗ್ರಹಣ ಕೂಡ ಕಾಡಿನ ಪರಿಸರದಲ್ಲಿ ಓಡಾಟವನ್ನು ಆಪ್ತವಾಗಿ ಮೂಡಿಸಲು ಒಂದಷ್ಟು ಸಹಕರಿಸಿದೆ. ನಟನೆಯಲ್ಲಿ ಎಲ್ಲ ಮಕ್ಕಳು ಆಪ್ತವಾಗಿ ನಟಿಸಿದ್ದಾರೆ. 

ಕಥೆ ಹೆಣೆಯುವುದರಲ್ಲಿ, ಸಂಭಾಷಣೆಯಲ್ಲಿ ಇನ್ನಷ್ಟು ಶ್ರಮವಹಿಸಿ, ಮಕ್ಕಳ ಮುಗ್ಧತೆಯನ್ನು, ತುಂಟಾಟವನ್ನು, ಸಾಹಸಮಯ ಉತ್ಸಾಹವನ್ನು ಇನ್ನಷ್ಟು ನೈಜವಾಗಿ ಮೂಡಿಸಿ, ಸ್ವಾಭಾವಿಕವಾಗಿ ಕಟ್ಟಿಕೊಡಲು ನಿರ್ದೇಶಕ ವಿಕ್ರಂ ಸೂರಿ ಮತ್ತು ಕಥೆಗಾರ ಜೋಡಿ ಪ್ರಯತ್ನಿಸಿದ್ದರೆ ಸಿನೆಮಾ ಇನ್ನಷ್ಟು ಆಪ್ತವಾಗುತ್ತಿತ್ತೇನೋ. ಆದರೂ ಸಾಮಾಜಿಕ ಸಮಸ್ಯೆಗಳನ್ನು ಮಕ್ಕಳ ಮೂಲಕ ಬೇಧಿಸುವ, ಗೆಳೆತನವನ್ನು ಭಾವನಾತ್ಮಕವಾಗಿ ಕಟ್ಟಿಕೊಡುವ ಪಾಠಗಳನ್ನು ಮಕ್ಕಳು ನೋಡಿ ಮೈಗೂಡಿಸಿಕೊಳ್ಳಬಹದು ಎಂಬ ನಿಲುವು ನಿಮ್ಮದಾಗಿದ್ದರೆ, ಮಕ್ಕಳಿಗೆ ತೋರಿಸಬಹುದಾದ ಚಿತ್ರ!
Posted by: GN | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ !

Topics : Eleyaru Navu Geleyaru, Review, Kannada, Cinema, ಎಳೆಯರು ನಾವು ಗೆಳೆಯರು, ವಿಮರ್ಶೆ, ಚಿತ್ರವಿಮರ್ಶೆ, ಮಕ್ಕಳ ಸಿನೆಮಾ
English summary
A message oriented film ignores adventures, playfulness and naughtiness part of the story in favour of Social problems and message and makes it a difficult watch.

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement