Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Not seeking money, power or position for children: Murthy to Infy board

ಮಕ್ಕಳಿಗೆ ಹಣ, ಅಧಿಕಾರ ಅಥವಾ ಸ್ಥಾನಮಾನ ಕೇಳುತ್ತಿಲ್ಲ: ಇನ್ಫಿ ಮಂಡಳಿ ಆರೋಪಕ್ಕೆ ಮೂರ್ತಿ ಪ್ರತಿಕ್ರಿಯೆ

ಚೀನಾ-ಭಾರತ ಯೋಧರು

ಆಗಸ್ಟ್ 15ರಂದು ಲಡಾಕ್‌ನಲ್ಲಿ ಭಾರತ-ಚೀನಾ ಯೋಧರ ನಡುವೆ ಜಟಾಪಟಿ ನಡೆದಿತ್ತು: ಭಾರತ

ನೂತನ ನೋಟಿನ ಮಾದರಿ

ಹೊಸ 50 ರುಪಾಯಿ ಮುಖಬೆಲೆ ನೋಟಿನ ಮಾದರಿ ಬಿಡುಗಡೆ ಮಾಡಿದ ಆರ್‌ಬಿಐ

Rahul Gandhi

ರಾಹುಲ್ ಗಾಂಧಿಗೆ ಭಾರೀ ಹಿನ್ನಡೆ: ಪಕ್ಷದ ಚುನಾವಣಾ ವ್ಯವಸ್ಥಾಪಕ ಆಶಿಶ್ ಕುಲಕರ್ಣಿ ರಾಜಿನಾಮೆ

Indian Army to Get six Apache Attack Helicopters in Deal Worth Rs 4,168 Crore With US

ಭಾರತೀಯ ಸೇನೆಯ ಬತ್ತಳಿಕೆ ಸೇರಲಿವೆ ಅಮೆರಿಕದ ವಿಧ್ವಂಸಕ 6 ಆಪಾಚೆ ಹೆಲಿಕಾಪ್ಟರ್!

CM Ibrahim gets Congress ticket for Legislative Council bypolls

ವಿಧಾನ ಪರಿಷತ್ ಉಪ ಚುನಾವಣೆ: ಕಾಂಗ್ರೆಸ್ ನಿಂದ ಸಿಎಂ ಇಬ್ರಾಹಿಂಗೆ ಟಿಕೆಟ್

Bantwal Violence Case: Karnataka High Court Stalls All Legal Proceeding on Leaders of Hindu Outfits

ಬಂಟ್ವಾಳ ಕಲ್ಲುತೂರಾಟ ಪ್ರಕರಣ; ಹಿಂದೂ ಮುಖಂಡರ ವಿರುದ್ಧದ ಎಫ್ ಐಆರ್ ಗೆ ಹೈಕೋರ್ಟ್ ತಡೆ

ಸಂಗ್ರಹ ಚಿತ್ರ

ದೆಹಲಿಯಲ್ಲಿ ಮಹಿಳಾ ಸಿಬ್ಬಂದಿ ಸೀರೆ ಎಳೆದು ಲೈಂಗಿಕ ಕಿರುಕುಳ: ಕೀಚಕನ ಬಂಧನ

Virat Kohli

ಐಸಿಸಿ ಏಕದಿನ ರ್ಯಾಂಕಿಂಗ್: ನಂಬರ್ 1 ಸ್ಥಾನ ಕಾಯ್ದುಕೊಂಡ ವಿರಾಟ್ ಕೊಹ್ಲಿ

Mugulunage Movie Still

ಯೋಗಿ-ಗಣಿ ಜೋಡಿಯ 'ಮುಗುಳುನಗೆ' ಚಿತ್ರ ಸೆಪ್ಟೆಂಬರ್ 1ಕ್ಕೆ ಬಿಗ್ ರಿಲೀಸ್

Toxic froth from Bengaluru

ಕಡಿಮೆಯಾದ ಬೆಳ್ಳಂದೂರು ಕೆರೆ ನೊರೆ, ಮಳೆಯಿಂದ ಚೇತರಿಸಿಕೊಳ್ಳುತ್ತಿರುವ ಬೆಂಗಳೂರು

Playback singer LN Shastri

ಖ್ಯಾತ ಹಿನ್ನೆಲೆ ಗಾಯಕ ಎಲ್ಎನ್ ಶಾಸ್ತ್ರಿಗೆ ಕರುಳಿನ ಕ್ಯಾನ್ಸರ್

Enagi Balappa

ಹಿರಿಯ ರಂಗಕರ್ಮಿ ಏಣಗಿ ಬಾಳಪ್ಪ ಇನ್ನಿಲ್ಲ

ಮುಖಪುಟ >> ಸಿನಿಮಾ >> ಸಿನಿಮಾ ವಿಮರ್ಶೆ

ನೆನಪುಗಳ ದುನಿಯಾಗೆ ನೂರೊಂದು ದಾರಿ

'ನೂರೊಂದು ನೆನಪು' ಚಿತ್ರ ವಿಮರ್ಶೆ
Noorondu Nenapu Kannada Film Review

'ನೂರೊಂದು ನೆನಪು' ಸಿನೆಮಾ ವಿಮರ್ಶೆ

ಮರಾಠಿ ಲೇಖಕ ಸುಹಾಸ್ ಶಿರವಲ್ಕರ್ ಅವರ ಕಾದಂಬರಿ 'ದುನಿಯಾದಾರಿ' ಆಧಾರಿತ ಅದೇ ಹೆಸರಿನ ಸಿನೆಮಾ ೨೦೧೩ರಲ್ಲಿ ಮರಾಠಿ ಚಿತ್ರರಂಗದಲ್ಲಿ ಮೂಡಿಬಂದಿತ್ತು. ಬಹಳ ಜನಪ್ರಿಯವಾಗಿದ್ದ ಸಿನೆಮಾವನ್ನು ಈಗ ಕನ್ನಡದಲ್ಲಿ ಅಧಿಕೃತವಾಗಿ ರಿಮೇಕ್ ಮಾಡಿದ್ದಾರೆ ನಿರ್ದೇಶಕ ಕುಮಾರೇಶ್ ಎಂ. ೮೦ರ ದಶಕದ ಕಾಲೇಜು ಕಥೆಯನ್ನು ಹೊಂದಿರುವ 'ನೂರೊಂದು ನೆನಪು' ಪ್ರೇಕ್ಷಕರ ನೆನಪುಗಳನ್ನು ಉದ್ದೀಪಿಸುವ ಶಕ್ತಿ ಇದೆಯೇ? ೮೦ರ ದಶಕದ ಕಾಲೇಜು ಜೀವನವನ್ನು ಸಶಕ್ತವಾಗಿ ಸೆರೆ ಹಿಡಿದಿದೆಯೇ? 

ವ್ಯಾಸಂಗಕ್ಕೆ ಕಾಲೇಜಿಗೆ ಸೇರುವ ಶ್ರೇಯಸ್ ಬಹದ್ದೂರ್ (ಚೇತನ್), ಕಾಲೇಜು ರೌಡಿ ದಯಾನಂದ್ ಶಂಕರ್ ಪಾಟೀಲ್ (ರಾಜ ವರ್ಧನ್) ಜೊತೆಗೆ ಗೆಳೆತನ ಬೆಳೆಸುತ್ತಾನೆ. ಇದರಿಂದ ರಾಜಕಾರಿಣಿ ಪುತ್ರ-ವಿದ್ಯಾರ್ಥಿ ಸಾಯಿಯ ದ್ವೇಷ ಕಟ್ಟಿಕೊಳ್ಳುತ್ತಾನೆ. ಗೆಳೆತನ, ಕೀಟಲೆ, ಪ್ರೀತಿ, ತೊಳಲಾಟ ಹೀಗೆ ಹಲವು ವಿಷಯಗಳನ್ನು ಒಳಗೊಂಡ ಚಿತ್ರ ಪುರುಷಪ್ರಧಾನ ಸಮಾಜದಲ್ಲಿ ವಿದ್ಯಾರ್ಥಿಗಳ ಮುಕ್ತ ಪ್ರೀತಿಗೆ ಉಂಟಾಗುವ ಸಮಸ್ಯೆಯನ್ನು ಪ್ರಧಾನವಾಗಿ ಹಿಡಿದಿಡುತ್ತಿದೆಯೋ ಎಂಬಂತೆ ಭಾಸವಾಗುತ್ತದೆ. 

ನಟರ ಉಡುಗೆತೊಡುಗೆಗಳಲ್ಲಿ ೮೦ರ ದಶಕದ ವಿದ್ಯಾರ್ಥಿಗಳ ನಮೂನೆಯನ್ನು ಸೆರೆಹಿಡಿದಿದ್ದರೂ, ಆ ಕಾಲವನ್ನು  ಸೂಚಿಸುವ ಸೆಟ್ ಗಳನ್ನು ಸೃಷ್ಟಿಸಲು, ಘಟನೆಗಳನ್ನು ಹೆಣೆಯಲು ನಿರ್ದೇಶಕ ತಿಣುಕಿದ್ದಾರೆ. ಜನಗಳೇ ಇಲ್ಲದ ಸಿನೆಮಾ ಮಂದಿರದ ಮುಂದೆ ಬ್ಲ್ಯಾಕ್ ಟಿಕೆಟ್ ಮಾರುವ ದೃಶ್ಯ, ಬಹಳ ನಿಧಾನಕ್ಕೆ ಚಲಿಸುವ ಹೊಡೆದಾಟದ ದೃಶ್ಯಗಳು ಹೀಗೆ ಹಿನ್ನಲೆ ಅಷ್ಟು ಸಾವಯವವಾಗಿ ಮೂಡದೆ ನಿರಾಶೆ ಮೂಡುತ್ತದೆ. ಕೀಟಲೆಗಳ ದೃಶ್ಯಗಳು ಕೂಡ ತೀರಾ ತುರುಕಿದಂತೆ ಭಾಸವಾಗಿ, ಕಾಲೇಜು ಲವಲವಿಕೆಯನ್ನು ಪರಿಣಾಮಕಾರಿಯಾಗಿ, ಸ್ವಾಭಾವಿಕವಾಗಿ ಚಿತ್ರಿಸಲು ನಿರ್ದೇಶಕನಿಗೆ ಸಾಧ್ಯವಾಗಿಲ್ಲ. 

ಕಥೆಯಲ್ಲಿ ಭಾರಿ ಸಂಘರ್ಷದಂತಹ ಸಂಗತಿ ಕಾಣದೆ ಇದ್ದರೂ, ಪಾತ್ರಗಳ ಪರಿಕಲ್ಪನೆ ಪ್ರೇಕ್ಷಕರಿಗೆ ಒಂದಷ್ಟು ಆಪ್ತತೆಯನ್ನು ತಂದುಕೊಡುತ್ತದೆ. ಅಂತರ್ಮುಖಿಯಾದ ಶ್ರೇಯಸ್, ತನ್ನ ಪ್ರಿಯತಮೆ ಶ್ರುತಿ (ಮೇಘನಾ ರಾಜ್) ಬಳಿ ಮುಕ್ತವಾಗಿ ಪ್ರೇಮ ನಿವೇದನೆ ಮಾಡಿಕೊಳ್ಳಲಾಗದ, ಗೆಳೆಯರ ಕೀಟಲೆಯಿಂದ ತನ್ನನ್ನು ಪ್ರೀತಿಸುತ್ತಿರುವ ಮೀನಾಕ್ಷಿಯನ್ನು (ಸುಶ್ಮಿತಾ ಜೋಶಿ) ತಿರಸ್ಕರಿಸಲಾಗದ ತೊಳಲಾಟದ ಮನಸ್ಥಿತಿಯಲ್ಲಿ ಒದ್ದಾಡುವ ಪಾತ್ರವನ್ನು ಸಾಕಷ್ಟು ಸಂಯಮದಿಂದ ಕಟ್ಟಿಕೊಡಲಾಗಿದೆ. ಆದರೆ ಹಲವು ಉಪಕಥೆಗಳನ್ನು ಒಳಗೊಂಡಿರುವುದರಿಂದಲೋ, ಪಾತ್ರಗಳು ಹೆಚ್ಚಿರುವುದರಿಂದಲೋ ಶ್ರೇಯಸ್ ಮತ್ತು ಶ್ರುತಿ ಪ್ರೇಮ ಕಥೆಯಾಗಲಿ, ಅವರ ರೋಮ್ಯಾನ್ಸ್ ನ ಬೆಳವಣಿಗೆಯನ್ನಾಗಲಿ ಸರಿಯಾಗಿ ಸಾಬೀತುಪಡಿಸಲು ಸಾಧ್ಯವಾಗಿಲ್ಲ. ಗೆಳೆತನದ ಘಟನೆಗಳು ಮತ್ತು ದೃಶ್ಯಗಳು ಕೂಡ ಅತಿ ಸಾಮಾನ್ಯ ಎಂಬಂತೆ ಮೂಡಿವೆ. 

ಪುರುಷಪ್ರಧಾನ ಸಮಾಜದಲ್ಲಿ ಹೆಣ್ಣುಮಕ್ಕಳು ತಂದೆಯರ ಬಿಗಿಮುಷ್ಟಿಯಲ್ಲಿ, ಸಂಪ್ರದಾಯದ ಸಂಕುಚಿಯತೆಯಲ್ಲಿ ಬಂಧಿತರಾಗುವ ಎಳೆಗಳನ್ನು ಅಲ್ಲಲ್ಲಿ ಸೋಂಕಿಸುವ ನಿರ್ದೇಶಕ, ಅಲ್ಲಿಯೂ ಹೆಚ್ಚು ದೃಶ್ಯ-ಘಟನೆಗಳ ವಿವರಗಳನ್ನು ತರದೆ ಮಾತಿನ ಮೂಲಕವೇ ಎಲ್ಲವನ್ನು ಮುಗಿಸುವತ್ತ ಸಾಗುತ್ತಾರೆ. ಇಂತಹ ದಬ್ಬಾಳಿಕೆಯ ವಿರುದ್ಧ ಯಾರು ಕೂಡ ಸ್ವಲ್ಪವೂ ಪ್ರತಿರೋಧ ತೋರದೆ ಇರುವಂತೆ ಚಿತ್ರಿಸಿರುವುದು ತುಸು ಸೋಜಿಗ ಮೂಡಿಸುತ್ತದೆ.

ತಾಂತ್ರಿಕವಾಗಿ ಸಿನೆಮಾ ಒಂದಷ್ಟು ಭರವಸೆ ಮೂಡಿಸುತ್ತದೆ. ೮೦ರ ದಶಕದ ಭಾವನೆ ಮೂಡಿಸಲು ಬಳಸಿರುವ ಕಲರ್ ಕೋಡಿಂಗ್ ಚಿತ್ರದುದ್ದಕ್ಕೂ ಮೂಡಿದ್ದು, ಚಿತ್ರೀಕರಣ ಕೂಡ ಇದಕ್ಕೆ ಸಹಕರಿಸಿದೆ. ಗಗನ್ ಬಡೇರಿಯ ಅವರ ಸಂಗೀತದಲ್ಲಿ ಮೂಡಿರುವ ಹಾಡುಗಳಲ್ಲಿ ಕೆಲವು ಮನಸ್ಸಿನಲ್ಲಿ ಉಳಿಯುವಂತವು. ಪಾತ್ರ ಪೋಷಣೆ ಮತ್ತು ನಟನೆಯಲ್ಲಿ ಚೇತನ್ ಮತ್ತು ಮೇಘನಾ ರಾಜ್ ಮಿಂಚಿದ್ದರೆ, ಚೊಚ್ಚಲ ಬಾರಿಗೆ ನಟಿಸಿರುವ ರಾಜವರ್ಧನ್ ಕೂಡ ಗಮನಸೆಳೆಯುತ್ತಾರೆ. ಸಾಯಿ ಪಾತ್ರದಲ್ಲಿ ಖಳನಾಯಕನಾಗಿ ಕಾಣಿಸಿಕೊಂಡಿರುವ ಯಶ್ ಶೆಟ್ಟಿ ತಮ್ಮ ವಿಚಿತ್ರ ಅತಿರೇಕದ ಮ್ಯಾನರಿಸಂನಿಂದ ನಟ ರವಿಶಂಕರ್ ಅವರಿಗೆ ಸವಾಲೊಡ್ಡಿದ್ದಾರೆ. 

ಕೆಲವೊಮ್ಮೆ ಸಂಭಾಷಣೆ ತೀವ್ರ ಬೋಧನೆಯ ಸ್ವರೂಪ ತಳೆಯುವುದು, ಆ ಬೋಧನೆಗಳಿಗೆ ಮನಃ ಪರಿವರ್ತನೆ ಆಗುವ ದೃಶ್ಯಗಳು, ಬಹಳ ನಿಧಾನವಾಗಿ ಚಲಿಸುವ ಆಕ್ಷನ್ ದೃಶ್ಯಗಳು, ಕೆಲವೊಮ್ಮೆ ಸರಾಗತನ ಇಲ್ಲದ ಸಂಕಲನ ಹೀಗೆ ಇನ್ನೊಂದಷ್ಟು ಅಡಚಣೆಗಳು ಕೂಡ ಸಿನೆಮಾದಲ್ಲಿ ಸೇರಿವೆ.

ಇನ್ನಷ್ಟು ವಿವರಗಳಿಂದ, ಕಾಲೇಜಿನಲ್ಲಿ ಮೂಡಬಹುದಾದ ಲವಲವಿಕೆಯ ಘಟನೆಗಳಿಂದ, ನಂಬಲಾರ್ಹ ಕೀಟಲೆಗಳನ್ನು ಸೃಷ್ಟಿಸಿ ತೋರಿಸುವುದರಿಂದ, ಮುಖ್ಯ ಪ್ರೇಮ ಕಥೆಯ ಎಳೆಯನ್ನು ಇನ್ನಷ್ಟು ಪರಿಣಾಮಕಾರಿಗಿ ಸಾಬೀತು ಪಡಿಸುವುದರಿಂದ ಕಥೆ ಹೆಣೆದು, ನಿರೂಪಿಸಿದ್ದರೆ ಬಹಳ ಆಪ್ತವಾದ ರಿಮೇಕ್ ಸಿನೆಮಾ ಇದಾಗುವುದರಲ್ಲಿ ಸಂಶಯವಿರಲಿಲ್ಲ. ಸದ್ಯಕ್ಕೆ ಮರಾಠಿ ಚಿತ್ರದ ಮತ್ತೊಂದು ರಿಮೇಕ್ ಬಂದಿದೆ ಎನ್ನಬಹುದಷ್ಟೆ! 
Posted by: GN | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ !

Topics : Noorondu Nenapu, Review, Kannada, Cinema, ನೂರೊಂದು ನೆನಪು, ವಿಮರ್ಶೆ, ಚಿತ್ರವಿಮರ್ಶೆ, ಚೇತನ್
English summary
Noorondu Nenapu Kannada remake of Malayalam Super hit film Duniya Dari is released today. Set in 80's though film tries to bring in some conflicts in life of college students, lack of good establishment for the love story between protagonists and events which fails to be organic makes it a ordinary remake.

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement