Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
#MeToo: Minister MJ Akbar files defamation case against journalist Priya Ramani

#MeToo: ಪತ್ರಕರ್ತೆ ಪ್ರಿಯಾ ವಿರುದ್ಧ ಮಾನನಷ್ಟ ಮೊಕದ್ದಮೆ ದಾಖಲಿಸಿದ ಕೇಂದ್ರ ಸಚಿವ

India

ಆಸ್ಟ್ರೇಲಿಯಾ ಟೆಸ್ಟ್ ಪ್ರವಾಸಕ್ಕೆ ತಂಡ ಆಯ್ಕೆ: ಮೂರನೇ ಓಪನರ್, ಎರಡನೇ ವಿಕೆಟ್ ಕೀಪರ್‏ದೇ ಚಿಂತೆ!

ಪೃಥ್ವಿ ಶಾ-ಇಯಾನ್ ಗೌಲ್ಡ್

ಪೃಥ್ವಿ ಶಾಗೆ ಜೀವದಾನ: ಮುಜುಗರ ಪಟ್ಟು ಹೋಲ್ಡರ್ ಬಳಿ ಕ್ಷಮೆಯಾಚಿಸಿದ ಅಂಪೈರ್, ವಿಡಿಯೋ ವೈರಲ್!

Vizag temple deity gets Rs 4 crore in cash and Rs 2 crore worth gold

ಕರೆನ್ಸಿಮಯ ಕನ್ನಿಕಾ ಪರಮೇಶ್ವರಿ, ಅಲಂಕಾರಕ್ಕೆ 4 ಕೋಟಿ ನಗದು, 2 ಕೋಟಿ ಮೌಲ್ಯದ ಚಿನ್ನಾಭರಣ ಬಳಕೆ!

Tarana Burke

ಗಣ್ಯರ ನಿದ್ರಾಭಂಗಕ್ಕೆ ಕಾರಣವಾದ #MeToo ಚಳವಳಿಯನ್ನು ಹುಟ್ಟಿಹಾಕಿದವರಾರು ಗೊತ್ತೆ?

Shashi Tharoor

ಒಳ್ಳೆಯ ಹಿಂದುಗಳು ಅಯೋಧ್ಯೆಯಲ್ಲಿ ರಾಮ ಮಂದಿರವನ್ನು ಬಯಸುವುದಿಲ್ಲ: ಶಶಿ ತರೂರ್

China meddled in US elections too, says President Donald Trump

ಅಮೆರಿಕ ಚುನವಾಣೆಯಲ್ಲಿ ಚೀನಾ ಹಸ್ತಕ್ಷೇಪ ಮಾಡಿದೆ: ಡೊನಾಲ್ಡ್ ಟ್ರಂಪ್ ಸ್ಫೋಟಕ ಹೇಳಿಕೆ

6 sixes in an over: Afghanistan’s Hazratullah Zazai ‘does a Yuvraj Singh’, watch video

6 ಎಸೆತದಲ್ಲಿ ಆರು ಸಿಕ್ಸರ್, ಒಂದೇ ಓವರ್ ನಲ್ಲಿ 37 ರನ್, 12 ಎಸೆತದಲ್ಲಿ ಅರ್ಧಶತಕ!

ಇಮ್ರಾನ್ ಖಾನ್

ಸರ್ಕಾರ ನಡೆಸೋಕೆ ದುಡ್ಡಿಲ್ಲ, ಆದರೆ ಪಾಕ್ ಆಟೋ ಡೈವರ್ 300 ಕೋಟಿ, ಬೀದಿ ವ್ಯಾಪಾರಿ 200 ಕೋಟಿ ವಹಿವಾಟು!

Watch: Cristiano Ronaldo Jr Follows Father

ತಂದೆಯನ್ನೇ ಮೀರಿಸುವಂತಿದೆ ಜೂನಿಯರ್ ರೊನಾಲ್ಡೋ ಕಾಲ್ಚೆಳಕ!

Anitha Kumaraswamy and LR Shivaramegowda

ಉಪ ಚುನಾವಣೆ: ರಾಮನಗರದಲ್ಲಿ ಅನಿತಾ ಕುಮಾರಸ್ವಾಮಿ, ಮಂಡ್ಯದಲ್ಲಿ ಶಿವರಾಮೇಗೌಡ ನಾಮಪತ್ರ ಸಲ್ಲಿಕೆ

Representational image

ಸೊಳ್ಳೆಬತ್ತಿಯಿಂದ ಬೆಡ್ ಶೀಟ್ ಗೆ ಹೊತ್ತಿಕೊಂಡ ಬೆಂಕಿ: ವೃದ್ಧೆ ಸಾವು

One Nation, One Driving License: Uniform Smart Driving Licenses across India in 2019

ಒಂದು ದೇಶ -ಒಂದು ಡ್ರೈವಿಂಗ್ ಲೈಸೆನ್ಸ್: ದೇಶಾದ್ಯಂತ ಏಕರೂಪದ ಚಾಲನಾ ಪರವಾನಗಿಗೆ ಕೇಂದ್ರ ಚಿಂತನೆ

ಮುಖಪುಟ >> ಅಂಕಣಗಳು

ಸಾಮಾಜಿಕ ಉದ್ಯಮ ಸಾಧ್ಯವೇ? ನಮ್ಮ ಸಮಸ್ಯೆಗಳಿಗೆ ಇದು ಪರ್ಯಾಯವಾಗಬಲ್ಲದೇ?

ಹಣಕ್ಲಾಸು-41
social entrepreneurship

ಸಾಮಾಜಿಕ ಉದ್ಯಮ

 ಉದ್ಯೋಗಂ ಪುರುಷ ಲಕ್ಷಣಂ ಎನ್ನುವ ಒಂದು ಮಾತು ನಮ್ಮಲ್ಲಿ ಬಳಸುತ್ತಿದ್ದೆವು. ಕಳೆದ ಎರಡು ದಶಕಗಳಿಂದ ಉದ್ಯೋಗಂ ಮನುಷ್ಯ ಲಕ್ಷಣಂ ಎಂದು ಬದಲಿಸಬಹದು ಆಷ್ಟು ಪ್ರಮಾಣದಲ್ಲಿ ಪುರುಷ ಅಥವಾ ಸ್ತ್ರ‍ೀ ಎನ್ನುವ ಭೇದವಿಲ್ಲದೆ ಎಲ್ಲರೂ ಒಂದಲ್ಲ ಒಂದು ಕಾಯಕದಲ್ಲಿ ತೊಡಗಿರುವುದು ಎಲ್ಲರಿಗೂ ತಿಳಿದಿರುವ ವಿಷಯವೇ. ಮುಂದಿನ ದಶಕದಲ್ಲಿ ಮಹತ್ತರ ಬದಲಾವಣೆ ಆಗಲಿದೆ. ನೂರಾರು ಜನ ಮಾಡುವ ಕೆಲಸವನ್ನ ಟೆಕ್ನಾಲಜಿ ಸಹಾಯದಿಂದ ಒಬ್ಬ ಮನುಷ್ಯ ಮಾಡಿ ಬಿಡಬಹುದು. ಹಾಗಾದರೆ ನಮ್ಮ ಕೆಲಸದ ಗತಿ ಏನು? ಎನ್ನುವ ಪ್ರಶ್ನೆಗೆ ಉತ್ತರ ಹುಡುಕಿಕೊಳ್ಳುವ ದರ್ದು ಇಂದು ಹೆಚ್ಚಾಗಿದೆ. 

ಅಕೌಂಟೆಂಟ್, ಆಡಿಟರ್ ವೃತ್ತಿಯಿಂದ ಹಿಡಿದು ಡ್ರೈವರ್ ಕೆಲಸದ ವರೆಗೆ ಎಲ್ಲವನ್ನೂ ನಿಖರವಾಗಿ ಮಾಡಲು ಮಷೀನ್ ಗಳು ಸಿದ್ಧವಾಗುತ್ತಿವೆ. ಹಲವಾರು ಕ್ಷೇತ್ರದಲ್ಲಿ ಆಗಲೇ ಇದು ಸಿದ್ಧವಿದೆ ಕೂಡ. ಇದೆಲ್ಲಾ ಕಾರ್ಪೊರೇಟ್ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವರಿಗೆ ಹೊಸ ವಿಷಯವೇನೂ ಅಲ್ಲ. ನಿತ್ಯ ಯಾವುದಾದರೊಂದು ದೊಡ್ಡ ಕಾರ್ಪೊರೇಟ್ ಸಂಸ್ಥೆ ತನ್ನ ನೌಕರರನ್ನ ಲೇ ಆಫ್ ಮಾಡುವುದು ಜನ ಸಾಮಾನ್ಯ ಕೂಡ ಸುದ್ದಿ ಪತ್ರಿಕೆಗಳಲ್ಲಿ ಓದಿರುತ್ತಾನೆ. ಜಗತ್ತು ಈ ಸಮಸ್ಯೆಯನ್ನ ಅರಿತಿದೆ. ಪ್ರತಿ ನಿತ್ಯ ಹೆಚ್ಚುತ್ತಿರುವ ಜನಸಂಖ್ಯೆಗೆ ಕೆಲಸ ಒದಗಿಸಲು ಹೇಗೆ ತಾನೇ ಸಾಧ್ಯ? ನಮ್ಮ ತಂತ್ರಜ್ಞಾನ ಹೆಚ್ಚಾದಂತೆ ನಮಗೆ ಕೆಲಸ ಕಡಿಮೆಯಾಗುತ್ತದೆ. ಇದಕ್ಕೆ ಪರಿಹಾರವೇನು? ಇದಕ್ಕೆ ಪರಿಹಾರ ಸೋಶಿಯಲ್ ಎಂಟರ್ಪ್ರೈಸಿಂಗ್.  ಏನಿದು ಸೋಶಿಯಲ್ ಎಂಟರ್ಪ್ರೈಸಿಂಗ್? ಇದನ್ನ ಹೇಗೆ ಬಳಸಿ ಕೊಂಡರೆ ಉತ್ತಮ ಎನ್ನುವುದನ್ನ ನೋಡೋಣ. 

ಸೋಶಿಯಲ್ ಎಂಟರ್ಪ್ರೈಸಿಂಗ್ ಎಂದರೇನು? 
ಒಂದಷ್ಟು ಜನ ಸಮಾನಮನಸ್ಕರು ಒಂದು ಸಾಮಾನ್ಯ ಉದ್ದೇಶಕ್ಕಾಗಿ ಹುಟ್ಟು ಹಾಕುವ ಸಂಸ್ಥೆಗೆ ಸೋಶಿಯಲ್ ಎಂಟರ್ಪ್ರೈಸ್ ಎನ್ನಬಹದು. ಉದಾಹರಣೆ ನೋಡಿ ಅಮುಲ್ ಎಲ್ಲರಿಗೂ ಗೊತ್ತಿರುವ ಸಂಸ್ಥೆ. ಇದೊಂದು ಸೋಶಿಯಲ್ ಎಂಟರ್ಪ್ರೈಸ್. ಲೀಚರ್ಡ್ ಪಾಪಡ್ ಇನ್ನೊಂದು ಹೆಸರುವಾಸಿ ಸಂಸ್ಥೆ. ಇದು ಕೂಡ ಸೋಶಿಯಲ್ ಎಂಟರ್ಪ್ರೈಸ್. ಗಮನಿಸಿ ಯಾವುದಾದರೊಂದು ಸಾಮಾನ್ಯ ಉದ್ದೇಶವನ್ನ ಆಯ್ದುಕೊಂಡು ಅದರ ಬಗ್ಗೆ ಕೆಲಸ ಮಾಡಲು ಶುರು ಮಾಡುವುದು ಮತ್ತು ತನ್ನ ಸದಸ್ಯರ ಶ್ರೇಯೋಭಿವೃದ್ಧಿಗಾಗಿ ದುಡಿಯುವುದು ಇಂತಹ ಸಂಸ್ಥೆಗಳ ಬಹು ಮುಖ್ಯ ಲಕ್ಷಣ. ನಮ್ಮಲ್ಲಿ ಸೋಶಿಯಲ್ ಎಂಟರ್ಪ್ರೈಸ್ ಎಂದರೆ ಅದು ಲಾಭಕ್ಕಾಗಿ ನೆಡೆಸದ ಸಂಸ್ಥೆ ಎನ್ನುವ ಒಂದು ಭಾವನೆಯಿದೆ. ಇದೊಂತರ ಎನ್ ಜಿ ಓ ಇದ್ದಹಾಗೆ ಎನ್ನುವ ಅಭಿಪ್ರಾಯವಿದೆ. ಭಾರತ ದೇಶದಲ್ಲಿ ಇಂತಹ ಸಂಸ್ಥೆಗಳು ಶುರುವಾದಾಗ ನಮ್ಮ ದೇಶ ಅತ್ಯಂತ ಬಡ ದೇಶವಾಗಿತ್ತು. ಆಗ ಅಲ್ಲಿ ಲಾಭ ಮಾಡುವುದಕ್ಕಿಂತ ಸಂಸ್ಥೆಯ ಸದಸ್ಯರ ಜೀವನೋಪಾಯಕ್ಕೆ ಏನಾದರೂ ಮಾಡಿದರೆ ಸಾಕು ಎನ್ನುವ ಭಾವನೆಯಿತ್ತು. ಹೀಗಾಗಿ ಇದು ಅನೇಕ ದಶಕಗಳ ಕಾಲ ಲಾಭಕ್ಕೆ ಮಾಡಿದರೆ ಅದು ಎಥಿಕಲ್ ಅಲ್ಲ ಎನ್ನುವ ಮಟ್ಟಿಗೆ ನಮ್ಮ ಮನಸ್ಸಿನಲ್ಲಿ ಬೇರೂರಿತ್ತು. ಬದಲಾದ ಇಂದಿನ ಸನ್ನಿವೇಶದಲ್ಲಿ ಬಹಳಷ್ಟು ಸಂಸ್ಥೆಗಳು ಆರೋಗ್ಯಕರ ಲಾಭವನ್ನೂ ಮಾಡುತ್ತಿವೆ ಜೊತೆಗೆ ಸಮಾಜಕ್ಕೆ ಸೇವೆಯನ್ನೂ ನೀಡುತ್ತಿವೆ. 

ಸೋಶಿಯಲ್ ಎಂಟರ್ಪ್ರೈಸ್ ನಲ್ಲಿ ಎಷ್ಟು ವಿಧಗಳಿವೆ? 

ಇದನ್ನ ಮುಖ್ಯವಾಗಿ ಮೂರು ವಿಭಾಗಗಳಾಗಿ ವಿಂಗಡಿಸಬಹದು.  

ಅನ್ವೇಷಣೆಯ ಉದ್ದೇಶ: ಅಂದರೆ ಜಗತ್ತಿನ ಜನರ ಒಳಿತಿಗಾಗಿ ಹೊಸ ಚಿಕಿತ್ಸಾ ವಿಧಾನ ಕಂಡು ಹಿಡಿಯುವುದು ಅಥವಾ ಮಕ್ಕಳಿಗೆ ಹೊಸ ಕಲಿಕಾ ವಿಧಾನ ಕಂಡು ಹಿಡಿಯಲು ಶ್ರಮಿಸುವುದು ಇತ್ಯಾದಿ. 

ಕೆಲಸ ವೃದ್ಧಿ: ಜನರಿಗೆ ಕೆಲಸ ನೀಡುವ ಉದ್ದೇಶದಿಂದ ಸೃಷ್ಟಿಯಾಗುವ ಸಂಸ್ಥೆಗಳು. ಉದಾಹರಣೆಗೆ ಭಾರತದಲ್ಲಿ ಹೆಚ್ಚುತ್ತಿರುವ ವೃದ್ಧರ ಸಂಖ್ಯೆಯನ್ನ ಗಣನೆಗೆ ತೆಗೆದುಕೊಂಡು ಒಂದು ಒಳ್ಳೆಯ ವೃದ್ಧಾಶ್ರಮ ತೆಗೆಯುವುದು ತನ್ಮೂಲಕ ಅಲ್ಲಿನ ವೃದ್ಧರ ಸೇವೆಗೆ ಎಂದು ನೂರಾರು ಜನರನ್ನ ಕೆಲಸಕ್ಕೆ ನೇಮಿಸಿಕೊಳ್ಳುವುದು. ಹೀಗೆ ಹಲವಾರು ಇಂದಿನ ಸಾಮಾಜಿಕ ಸಮಸ್ಯೆಗಳನ್ನ ಹೆಕ್ಕಿ ಅದಕ್ಕೆ ಪರಿಹಾರ ಕೂಡ ಕೊಡಬಹದು ಜೊತೆಗೆ ಕೆಲಸ ಕೂಡ ಸೃಷ್ಟಿಸಬಹದು.

ಸಮಾಜಕ್ಕೆ ಹಿಂತಿರುಗಿಸಲು ಅಥವಾ ಋಣ ಸಂದಾಯ ವಿಧಾನ: ಇಲ್ಲಿ ಸಂಸ್ಥೆ ತನ್ನ ಪ್ರತಿ ಉತ್ಪನ್ನದ ಮೇಲೆ ಬರುವ ಲಾಭಾಂಶವನ್ನ ಸಮಾಜದ ಒಳಿತಿಗಾಗಿ ಬಳಸುತ್ತದೆ. ಉದಾಹರಣೆ ನೋಡಿ ಯಾವುದೋ ಒಂದು ಕಾರು ಮಾರುವ ಸಂಸ್ಥೆ ತಾನು ಮಾರಿದ ಪ್ರತಿ ಕಾರಿನ ಒಂದಷ್ಟು ಲಾಭಾಂಶವನ್ನ ಜನರ ಒಳಿತಿಗಾಗಿ ಬಳಸಲು ತನ್ನದೇ ಅದ ಒಂದು ಅಂಗ ಸಂಸ್ಥೆ ತೆಗೆದುಕೊಳ್ಳುತ್ತದೆ. ಅವುಗಳನ್ನ ಈ ವಿಭಾಗದಡಿಯಲ್ಲಿ ಸೇರಿಸಬಹದು. 

ಈ ಸೋಶಿಯಲ್ ಎಂಟರ್ಪ್ರೈಸ್ ಏಕೆ ಬೇಕು? 

ಜಗತ್ತು ಹಿಂದೆದೂ ಕಂಡು ಕೇಳರಿಯದಷ್ಟು ಕೆಲವೇ ಕೆಲವು ಜನರ ಕಪಿಮುಷ್ಠಿಯಲ್ಲಿ ಸಿಕ್ಕಿದೆ. ಇವರ ಕಪಿಮುಷ್ಟಿಯಿಂದ ಬಿಡಿಸಿಕೊಳ್ಳಲು ಇರುವುದು ಸಹಕಾರ ಸಂಸ್ಥೆ ಹುಟ್ಟುಹಾಕುವುದು. ಸಾಧ್ಯವಾದಷ್ಟೂ ದೊಡ್ಡ ಬ್ರಾಂಡ್ ಗಳನ್ನ ಕೊಳ್ಳದೆ ಇರುವುದು ಅದಕ್ಕೆ ಪರ್ಯಾಯವಾಗಿ ನಮ್ಮದೇ ಆದ ಒಂದು ಬ್ರಾಂಡ್ ಸೃಷ್ಟಿಸುವುದು ಮತ್ತು ಅದನ್ನ ಸದಸ್ಯರ ನಡುವೆ ಮಾರಾಟ ಮಾಡುವುದು ಮಾಡಿದರೆ ನಿಧಾನವಾಗಿ  'ಅವರ' ಮಾರುಕಟ್ಟೆ ಮೌಲ್ಯ ಕುಗುತ್ತದೆ. ಎಲ್ಲಕೂ ಮೊದಲು ಒಂದು ಸಾಮಾನ್ಯ ಉದ್ದೇಶ ಆಯ್ದುಕೊಳ್ಳಬೇಕು. ಸಾಮಾನ್ಯ ಉದ್ದೇಶವನ್ನ ಇಷ್ಟಪಡುವ ಮತ್ತು ಅದರಲ್ಲಿ ನಂಬಿಕೆ ಇರುವ ಜನರನ್ನ ಒಗ್ಗೊಡಿಸಬೇಕು. ಅವರಿಂದ ಒಂದಷ್ಟು ಹಣ ಸಂಗ್ರಹಿಸಬೇಕು. ಸಹಕಾರಿ ಸಂಸ್ಥೆ ಎಂದು ನೋಂದಾಯಿಸಿಕೊಳ್ಳಬೇಕು, ಮತ್ತು ಸಾಮಾನ್ಯ ಉದ್ದೇಶಕ್ಕಾಗಿ ನಿರಂತರ ನಿಷ್ಠೆಯಿಂದ ದುಡಿಯಬೇಕು. ಉದಾಹರಣೆ ನೋಡಿ ಮೂರರಿಂದ ಐದು ಸಾವಿರ ಜನರಿರುವ ಒಂದು ಹಳ್ಳಿಯ ಜನರನ್ನ ಸೇರಿಸಿ ಒಂದು ಸಹಕಾರಿ ಸಂಸ್ಥೆ ತೆಗೆದರೆ ಮತ್ತು ಅಲ್ಲಿನ ಎಲ್ಲಾ ಉತ್ಪನ್ನಗಳ ಅಲ್ಲಿನ ಸದಸ್ಯರ ನಡುವೆ ಕೊಳ್ಳುವುದು ಮಾರುವುದು ನೆಡೆದರೆ ಅಲ್ಲಿ ರಿಲಯನ್ಸ್ ಫ್ರೆಶ್ಗೆ ಏನು ಕೆಲಸವಿರುತ್ತದೆ ನೀವೇ ಹೇಳಿ? ಜನರ ಪ್ರತಿಯೊಂದು ಬೇಕುಗಳನ್ನ ಪಟ್ಟಿ ಮಾಡಿ ಅದನ್ನ ಅಲ್ಲೇ ಸ್ಥಳೀಯವಾಗಿ ಉತ್ಪಾದಿಸಲು ಅಲ್ಲಿನ ಜನರನ್ನೇ ಪ್ರೋತ್ಸಾಹಿಸಿದರೆ ಹಳ್ಳಿಯ ಜನ ಪಟ್ಟಣಕ್ಕೆ ಕೆಲಸ ಹುಡುಕಿ ಬರುವ ಪ್ರಮೇಯವಿರುವುದಿಲ್ಲ. ಅವರ ಕೊತ್ತಂಬರಿ ಸೊಪ್ಪನ್ನ ಹತ್ತು ಪೈಸೆಗೆ ಕೊಂಡು ರುಪಾಯಿಗೆ ಮಾರಲು ರಿಲಯನ್ಸ್ ಫ್ರೆಶ್ಗೂ ಸಾಧ್ಯವಾಗುವುದಿಲ್ಲ. 

ದಿನ ನಿತ್ಯ ಒಂದಲ್ಲ ಒಂದು ಕಾರಣಕ್ಕೆ ಭೇದಭಾವ ಸೃಷ್ಟಿಯಾಗುತ್ತಿರುವ ಈ ಕಾಲಘಟ್ಟದಲ್ಲಿ ಎಲ್ಲಾ ಸದಸ್ಯರ ಒಗ್ಗಟ್ಟಾಗಿ ಸಾಮಾನ್ಯ ಗುರಿಯ ಕಡೆಗೆ ನೆಡೆಸುವುದು ಸುಲಭದ ಮಾತಲ್ಲ. ಆದರೇನು ಮುಂಬರುವ ದಿನಗಳಲ್ಲಿ ಕೆಲಸ ಅಭಾವದ ಜೊತೆಗೆ ಹೆಚ್ಚಾಗಿ ಸಿಗುವ ಸಮಯವನ್ನ ಸರಿಯಾಗಿ ವ್ಯಯಿಸುವ ಉದ್ದೇಶದಿಂದ ಕೂಡ ಇಂತಹ ಸಂಸ್ಥೆಗಳು ಶುರವಾಗುತ್ತದೆ. ಶುರುವಾಗಲಿ ಎನ್ನುವುದು ಆಶಯ.

-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮನಿಯಲ್ಲಿ
ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ -
ನೋಂದಣಿ ಉಚಿತ!

Topics : Hanaclassu, social entrepreneurship, reality, ಹಣಕ್ಲಾಸು, ಸಾಮಾಜಿಕ ಉದ್ಯಮ, ಪರ್ಯಾಯ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS