Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
H.D kumara swamy

ಸಾಲ ಮನ್ನಾಗೆ ಬದ್ಧ; ಮರಳು, ಕಸದ ಸಮಸ್ಯೆ ಬಗೆಹರಿಸಲು ಮಾಫಿಯಾ ಬಿಡುತ್ತಿಲ್ಲ: ಸಿಎಂ ಕುಮಾರಸ್ವಾಮಿ

Supreme court

ಲೆಫ್ಟಿನೆಂಟ್ ಗವರ್ನರ್ ಕಚೇರಿಯಲ್ಲಿ ಕೇಜ್ರಿವಾಲ್ ಧರಣಿ ವಿರೋಧಿಸಿ ಅರ್ಜಿ: ತುರ್ತು ಪರಿಶೀಲನೆಗೆ 'ಸುಪ್ರೀಂ' ನಕಾರ

Chief Minister H D Kumaraswamy greets Congress president Rahul Gandhi in New Delhi on Monday. Congress general secretary K C Venugopal and JD(S) leader Danish Ali look on

ರಾಜ್ಯ ಸರ್ಕಾರಕ್ಕೆ ಹೊರೆಯಾಗದಂತೆ ರೈತರ ಸಾಲ ಮನ್ನಾ: ರಾಹುಲ್ ಗೆ ಸಿಎಂ ಕುಮಾರಸ್ವಾಮಿ ಭರವಸೆ

CM HD Kumaraswamy

ಕಾವೇರಿ ನಿರ್ವಹಣಾ ಮಂಡಳಿಯಲ್ಲಿ ರಾಜ್ಯದಿಂದ ಪ್ರತಿನಿಧಿ ನೇಮಕ: ಸಿಎಂ ಕುಮಾರಸ್ವಾಮಿ

Representative image

ಬೆಂಕಿ ಬಿದ್ದು ನಾಶಗೊಂಡಿದ್ದ ಹಿಂದುಗಳ ಮನೆಗಳನ್ನು ಪುನರ್ ನಿರ್ಮಿಸಿ ಕೋಮು ಸೌಹಾರ್ದತೆ ಸಾರಿದ ಮುಸ್ಲಿಮರು!

Tored notes in ATM machine

ಅಸ್ಸಾಂ: ಎಟಿಎಂಗೆ ಲಗ್ಗೆ ಇಟ್ಟ ಇಲಿಗಳು, ಲಕ್ಷಾಂತರ ರೂಪಾಯಿ ನೋಟುಗಳು ಚೂರು ಚೂರು

Gauri lankesh (File photo)

ಪತ್ರಕರ್ತೆ ಗೌರಿ ಹತ್ಯೆ ಆರೋಪಿಗಳಿಗೆ ಪೊಲೀಸ್ ಹಿಂಸೆ: ದಾಖಲೆ ಕೇಳಿದ ಹೈಕೋರ್ಟ್

Former Chief Secretary of Karnataka Kaushik Mukherjee’s house burgled

ಬೆಂಗಳೂರು: ರಾಜ್ಯದ ಮಾಜಿ ಮುಖ್ಯ ಕಾರ್ಯದರ್ಶಿ ಮನೆಯಲ್ಲಿ 25 ಲಕ್ಷ ರು. ವಸ್ತುಗಳ ಕಳವು

Bihar: Six children die after car falls into pond

ಕೆರೆಗೆ ಬಿದ್ದ ಕಾರು: ಆರು ಮಕ್ಕಳ ದಾರುಣ ಸಾವು

N Mahesh  placed the slippers of a seer on his shoulders

ಅಮ್ಮ ಭಗವಾನ್​ ಪಾದುಕೆಯನ್ನು ಮೈಗೆ ಸವರಿಕೊಂಡ ಶಿಕ್ಷಣ ಸಚಿವ ಎನ್.ಮಹೇಶ್: ವಿಡಿಯೋ ವೈರಲ್

Representational image

ಬೆಂಗಳೂರು: ಟ್ಯೂಷನ್ ಗೆ ತೆರಳಿದ 8 ವಿದ್ಯಾರ್ಥಿಗಳು ನಾಪತ್ತೆ

Australia

34 ವರ್ಷಗಳ ಬಳಿಕ ಅಂಕಪಟ್ಟಿಯಲ್ಲಿ ಪಾತಾಳಕ್ಕೆ ಕುಸಿದ ಆಸ್ಟ್ರೇಲಿಯಾ!

HD Kumaraswamy

ಮುತಾಲಿಕ್ 'ನಾಯಿ' ಹೇಳಿಕೆಗೆ ಸಿಎಂ ಕುಮಾರಸ್ವಾಮಿ ಗರಂ!

ಮುಖಪುಟ >> ಅಂಕಣಗಳು

ನೇಯ್ಮಾರನಿಗೆ ಮಿಲಿಯನ್ ಗಳ ನಂಟು ಜನ ಸಾಮಾನ್ಯನಿಗೆ ಕುಣಿಕೆಯ ಗಂಟು!

ಹಣಕ್ಲಾಸು
ಸಂಗ್ರಹ ಚಿತ್ರ

ಸಂಗ್ರಹ ಚಿತ್ರ

ಜಗತ್ತು ಎಷ್ಟು ವೇಗವಾಗಿ ಸಾಗುತ್ತಿದೆ ಎಂದರೆ ನಮ್ಮ ಬಗ್ಗೆ ನಮಗೇ ತಿಳಿದುಕೊಳ್ಳಲು ಪುರುಸೊತ್ತಿಲ್ಲದಷ್ಟು! ಅದು ಸರಿ ಇಷ್ಟು ವೇಗವಾಗಿ ಹೋಗಿ ತಲುಪುವುದಾದರೂ ಎಲ್ಲಿಗೆ? ನಿಖರ ಉತ್ತರ ಗೊತ್ತಿಲ್ಲ. ನಿನ್ನೆಗಿಂತ ಇಂದಿನ ವೇಗ ಹೆಚ್ಚು. ಆ ವೇಗದಿಂದ ಗಳಿಸುವುದಾದರೂ ಏನು? ವೇಳೆ ಮತ್ತು ಹಣ ಒಂದಕ್ಕೊಂದು ಲಿಂಕ್ ಮಾಡಿದುದರ ಫಲವಿದು. 

ಹಣದ ಮೌಲ್ಯವನ್ನ ವೇಳೆಯ ಜೊತೆಗೆ ತಳುಕು ಹಾಕಲು ಶುರು ಮಾಡಿದ್ದು ಮನುಕುಲ ಇಂದು ಇಷ್ಟೊಂದು ಸಿರಿವಂತಿಕೆ ಕಾಣಲು ಸಾಧ್ಯವಾಯಿತು. ಸಿರಿವಂತಿಕೆಯೇನೋ ಬಂತು ಆದರೆ ಬದುಕಿನಲ್ಲಿ ಇದ್ದ ನೆಮ್ಮದಿ ಮತ್ತು ಶಾಂತಿಯ ಲೆಕ್ಕ ಅದಕ್ಕೆ ಕಟ್ಟಬೇಕಾದ ಮೌಲ್ಯ ಮಾತ್ರ ಮರೆತು ಬಿಟ್ಟೆವು. ಇರಲಿ ಈಗ ಹಣ ಮತ್ತು ವೇಳೆಯೇ ವಿಷಯ ತೆಗೆಯಲು ಮುಖ್ಯ ಕಾರಣವೇನು ಗೊತ್ತೇ? ನೇಯ್ಮಾರ್ ಎನ್ನುವ ಬಾರ್ಸಿಲೋನಾ ಫುಟಬಾಲ್ ಕ್ಲಬ್ಬಿಗ್ಗೆ ಆಡುವ ಆಟಗಾರನ ಹೆಸರು ಕೇಳಿರುತ್ತೀರಿ ಅಲ್ಲವೇ? ಆತನನ್ನ ಬಾರ್ಸಿಲೋನಾ ಫುಟ್ಬಾಲ್ ಕ್ಲಬ್ ಜಗತ್ತಿನ ಚರಿತ್ರೆಯಲ್ಲೆ ಅತಿ ದುಬಾರಿ ಮೊತ್ತ ಕೊಟ್ಟು ತನ್ನ ತೆಕ್ಕೆಗೆ ತೆಗೆದುಕೊಂಡಿರುವ ವಿಷಯ ಗೊತ್ತಿರುವುದೆ. ಹೊಸ ವಿಷಯ ಏನಪ್ಪಾ ಅಂದರೆ ಇದೆ ನೇಯ್ಮಾರ್ ನನ್ನ 2050 ರಲ್ಲಿ ಕೊಳ್ಳಲು ಎಷ್ಟು ಹಣ ಬೇಕು ಎನ್ನುವುದನ್ನ ಹಣದುಬ್ಬರ ಮತ್ತಿತರ ಲೆಕ್ಕಾಚಾರದ ಮೂಲಕ ಹೇಳುವುದಾದರೆ ಸಾವಿರ ಮಿಲಿಯನ್ ಯುರೋ ಬೇಕು. 

ಅಂಕಿ-ಅಂಶಗಳ ಪ್ರಕಾರ ನೇಯ್ಮಾರ್ ಇಂದಿನ ಮಟ್ಟಿಗೆ ಜಗತ್ತಿನ ಅತಿ ದುಬಾರಿ ಆಟಗಾರ. ಕಳೆದ ಜುಲೈ ನಲ್ಲಿ ಆತನ ಬಿಕರಿಗೆ 222 ಮಿಲಿಯನ್ ಯುರೋ ತೆತ್ತಿದ್ದರಂತೆ! ಇನ್ನೊಂದು ಅಚ್ಚರಿಯ ವಿಷಯ ನಿಮಗೆ ಗೊತ್ತೆ? ಯೂರೋಪಿನ ಜನರ ಗಳಿಕೆ ಭಾರತೀಯರ ಗಳಿಕೆಗಿಂತ ಹೆಚ್ಚಾಗಿದೆ ಆದರೂ ಸಾಮಾನ್ಯ ಯೂರೋಪಿಯನ್ ಒಬ್ಬ ನೇಯ್ಮಾರ್ ನ ಒಂದಷ್ಟು ವರ್ಷದ ಗಳಿಕೆಯನ್ನ ಗಳಿಸಲು 6500 ವರ್ಷ ದುಡಿಯಬೇಕು. ಇದೆ ಮಾತನ್ನ ನಾವು ಭಾರತೀಯ ಕ್ರಿಕೆಟ್ ಆಟಗಾರರಿಗೂ ಅನ್ವಯಿಸಬಹದು. ಆಟವಷ್ಟೇ ಏಕೆ ಸಿನಿಮಾ ಒಳಗೊಂಡು ಆನೇಕ ಕಾರ್ಯ ಕ್ಷೇತ್ರಗಳಲ್ಲಿ ಇದನ್ನ ಕಾಣಬಹದು. ಈ ರೀತಿಯ ಹಣದಾಟವನ್ನ ಅವರು ಹುಟ್ಟಿ ಹಾಕಿದ್ದಾರೆ. ತಲೆಬುಡವಿಲ್ಲದ ಯಾವ ಲಾಜಿಕ್ ಇಲ್ಲದ ಈ ರೀತಿಯ ವೇತನ ಅವರಿಗೇಕೆ ದೊರಕುತ್ತದೆ ನಿಮಗೆ ಗೊತ್ತೇ?? ಅದಕ್ಕೆ ಮುಖ್ಯ ಕಾರಣರಾರು ಗೊತ್ತೆ? ತಿಪ್ಪೆಯ ಮೇಲಿನ ಜಾಗಕ್ಕೆ ಅಲ್ಲಿ ಕಟ್ಟಿದ ಮನೆಗೆ ಕೋಟಿ ಕೋಟಿ ಹಣವನ್ನ ನಿಗದಿ ಮಾಡಿದ್ದು ಯಾರು ಗೊತ್ತೆ? ಇವತ್ತು ಬೆಂಗಳೂರಿನ ತಗಡು ಶಾಲೆಗಳು ಕೂಡ ವರ್ಷಕ್ಕೆ ಮಕ್ಕಳ ಪಾಠಕ್ಕೆ ಅಂತ ಲಕ್ಷ ರೂಪಾಯಿ ನಿಗದಿ ಮಾಡಿವೆ ಅದಕ್ಕೆ ಕಾರಣರಾರು ಗೊತ್ತೆ? ಇಂದು ಜಗತ್ತಿನೆಲ್ಲೆಡೆ ಮನುಷ್ಯ ಮನುಷ್ಯನ ನಡುವಿನ ಅಂತರ ಹೆಚ್ಚಾಗುತ್ತಿದೆ. ಭಾರತದ ನ್ಯಾಷನಲ್ ಫುಡ್ ಸೆಕ್ಯೂರಿಟಿ ಸಂಸ್ಥೆ ಹೇಳುವ ಪ್ರಕಾರ ಪ್ರತಿ ವರ್ಷ ಭಾರತದಲ್ಲಿ ನಾವು ಹೊರಚೆಲ್ಲುವ ಆಹಾರ ಪದಾರ್ಥದ ಮೌಲ್ಯ 92 ಸಾವಿರ ಕೋಟಿ. ಈ ಸಂಖ್ಯೆಯನ್ನ ನಿಖರ ಎಂದು ಭಾವಿಸುವಂತಿಲ್ಲ ಇವೆಲ್ಲಾ ಅಂದಾಜು ಅಂಕಿ ಅಂಶಗಳು. ಅಂದರೆ ಇಷ್ಟು ಮಟ್ಟದ ಆಹಾರ ಬೀದಿಗೆ ಬಿಸಾಕುವ ಶ್ರೀಮಂತ ವರ್ಗ ಇಲ್ಲಿದೆ ಅಂತಾಯ್ತು. ಇದೆ ನೆಲದಲ್ಲಿ ಪ್ರತಿ ದಿನ ನಿಖರ ಲೆಕ್ಕವಿಲ್ಲದಷ್ಟು (ಮೂರರಿಂದ ಐದು ಸಾವಿರ ಮಕ್ಕಳು ದಿನಂಪ್ರತಿ ಎನ್ನುವುದು ಕೂಡ ಅಂದಾಜು ಸಂಖ್ಯೆ ಅಲ್ಲದೆ ಇನ್ನೇನು ಆಗಿರಲು ಸಾಧ್ಯ?) ಮಕ್ಕಳು ಹಸಿವು ಮತ್ತು ಪೌಷ್ಟಿಕತೆ ಇಲ್ಲದೆ ಸಾಯುತ್ತವೆ. ನಮ್ಮ ನಡುವೇ ಈ ಮಟ್ಟದ ಅತಂಕಕಾರಿ ಅಂತರವೇಕೆ ಸೃಷ್ಟಿಯಾಗುತ್ತಿದೆ? ಇಂತಹ ಒಂದು ಬೆಳವಣಿಗೆಗೆ ಕಡಿವಾಣ ಹಾಕಲು ನಾವೇನು ಮಾಡಬಹದು? ಎನ್ನುವುದನ್ನ ಇಂದಿನ ಹಣಕ್ಲಾಸಿನಲ್ಲಿ ತಿಳಿಸುವ ಪುಟ್ಟ ಪ್ರಯತ್ನ ಮಾಡುವೆ. 

ನಮ್ಮ ನಡುವೆ ಇಂತಹ ಅಂತಕಾರಿ ಅಂತರವೇಕೆ ಸೃಷ್ಟಿಯಾಗುತ್ತಿದೆ? 

ಮೊದಲನೆಯದಾಗಿ ಈ ಜಗತ್ತಿನ ರಿಚ್ ಅಂಡ್ ಎಲೈಟ್ ವರ್ಗದ ಜನ ತಮ್ಮನ್ನ ತಾವೇ ಗಂಧರ್ವರು ಅಥವಾ ಜಗತ್ತನ್ನ ಆಳಲು ಹುಟ್ಟಿದ ಉನ್ನತ ವರ್ಗದ ಜನ ಎನ್ನುವ ಭಾವನೆ ಬೆಳಸಿಕೊಂಡಿದ್ದಾರೆ. ಜಗತ್ತಿನ ಮೇಲಿನ ತಮ್ಮ ಬಿಗಿ ಹಿಡಿತ ಮುಂದುವರಿಸಿಕೊಂಡು ಹೋಗಲು ಅವರಿಗೆ ಅಸಂಘಟಿತ, ಅವಿಧ್ಯಾವಂತ ಬಡ ಜನರು ಬೇಕು. ಒಂದು ವೇಳೆ ಇಂತಹ ಜನರ ಪರಿಸ್ಥಿತಿ ಸುಧಾರಿಸಿ ಬಿಟ್ಟರೆ ಅವರು ಎಲ್ಲವನ್ನೂ ಪ್ರಶ್ನಿಸಲು ಶುರು ಮಾಡುತ್ತಾರೆ. ಇಂದು ಜಗತ್ತನ್ನ ಆಳುತ್ತಿರುವರಿಗೆ ಅವರನ್ನ ಪ್ರಶ್ನಿಸುವ ಜನಾಂಗ ಸೃಷ್ಟಿಯಾಗುವುದು ಇಷ್ಟವಿಲ್ಲ. ಹಾಗೆಂದ ಮಾತ್ರಕ್ಕೆ ಎಲ್ಲರೂ ಆ ಮಟ್ಟದ ನಿರಕ್ಷರತೆ ಹೊಂದಿದರೆ ಅವರು ಹೇಳುವ ಕೆಲಸ ಮಾಡಲು ಜನ ಎಲ್ಲಿಂದ ತಂದಾರು? ಹೀಗಾಗಿ ಒಂದಷ್ಟು ಜನರನ್ನ  ತಾವು ಮಧ್ಯಮವರ್ಗಕ್ಕೆ ಸೇರಿದವರು ಎನ್ನುವ ಭ್ರಮೆಯಲ್ಲಿ ಬಂಧಿಸುತ್ತಾರೆ. ಹಾಗೆ ನೋಡಲು ಹೋದರೆ ಜಗತ್ತಿನಲ್ಲಿ ಮಧ್ಯಮವರ್ಗ ಎನ್ನುವುದು ಇಲ್ಲ ಎನ್ನುವಷ್ಟು ಕಡಿಮೆ ಜನಸಂಖ್ಯೆ ಹೊಂದಿರುವ ಒಂದು ಪುಟ್ಟ ಬಳಗ. ಬಡವರಲ್ಲಿ ಯಾರು ಕಡಿಮೆ ಬಡವರು? ಯಾರು ಹೆಚ್ಚು ಬಡವರು? ಎನ್ನುವ ಬಡಿದಾಟವಿದ್ದಂತೆ ಶ್ರೀಮಂತರಲ್ಲಿ ಕೂಡ ಅಗ್ರ ಪಟ್ಟಕ್ಕೆ ಪ್ರತಿ ನಿತ್ಯ ಹೊಡೆದಾಟವಿದೆ.  

ಎರಡನೆಯದಾಗಿ ಅತಿ ಶ್ರೀಮಂತರ ನಡುವೆ ಇದೊಂದು ಶಕ್ತಿ ಪ್ರದರ್ಶನದ ವಿಷಯವಾಗಿದೆ. ಹಣ ಎನ್ನುವುದು ಅವರಿಗೆ ವಸ್ತು ಅಥವಾ ವಿಷಯವೇ ಅಲ್ಲ ಅವರಿಗೇನಿದ್ದರೂ ನಾನು ಎನ್ನುವ ಅಹಂಭಾವವಷ್ಟೇ ಮುಖ್ಯ. ಜಗತ್ತಿನ ಎಷ್ಟು ಭಾಗ ತಮ್ಮ ಹಿಡಿತದಲ್ಲಿದೆ ಎನ್ನುವುದು ಅವರಿಗೆ ಉನ್ಮಾದ ತರಿಸುವ ವಿಷಯವೇ ಹೊರತು ಹಣವಲ್ಲ. ತಮ್ಮ ಮುಂದಿನ ಪೀಳಿಗೆ ಕೂಡ ಇತರರ ಜೊತೆ ಸ್ನೇಹ ಸಂಬಂಧ ಬೆಳಸದಂತೆ ತಾಕೀತು ಮಾಡುತ್ತಾರೆ. ಇವರ ಸ್ನೇಹ ಸಂಬಂಧ ತನ್ನ ಸರೀಕರೊಂದಿಗೆ ಮಾತ್ರ. 

ಮೂರನೆಯದಾಗಿ ಹಿಂದೆ ಜನರನ್ನ ಧರ್ಮದ  ಹೆಸರಿನಲ್ಲಿ ವಿಭಜಿಸುವುದು ಮತ್ತು ಆ ಮೂಲಕ ತಮ್ಮ ಅಂಕೆಯಲ್ಲಿ ಹಿಡಿದಿಡುವುದು ಸುಲಭವಾಗಿತ್ತು. ಇತ್ತೀಚಿನ ದಶಕದಲ್ಲಿ ಅಮೇರಿಕಾ ಮತ್ತು ಯೂರೋಪಿನಲ್ಲಿ ಸಾಮಾನ್ಯ ಜನರನ್ನ ಧರ್ಮದ ಹೆಸರಲ್ಲಿ ವಿಭಜಿಸುವುದು ಮತ್ತು ಕಂಟ್ರೋಲ್ ಮಾಡುವುದು ಕಷ್ಟದ ಕೆಲಸವೆಂದು ಅವರಿಗೆ ತಿಳಿಯಿತು. ಅದಲ್ಲದೆ ಮುಂದುವರಿಯುತ್ತಿರುವ ದೇಶಗಳಲ್ಲಿ ಕೂಡ ಹೆಚ್ಚಿದ ಇಂಟರ್ನೆಟ್ ಬಳಕೆ ಪರ್ಯಾಯ ಚಿಂತನಶಕ್ತಿಯನ್ನ, ಪ್ರಶ್ನಿಸುವ ಶಕ್ತಿಯನ್ನ ಜನತೆಗೆ ನೀಡಿತು. ಇದಕ್ಕೆ ಉತ್ತರ ಎನ್ನುವಂತೆ ಅವರು ಕಂಡು ಕೊಂಡ ಪರಿಹಾರವೇ ಹಣಕಾಸು ಅಥವಾ ಹೊಸ ಮನಿ ಗೇಮ್! ಜಗತ್ತಿನ ಮುಕ್ಕಾಲು ಪಾಲು ಜನರನ್ನ ಸಾಲವೆನ್ನುವ ಖೆಡ್ಡಾಗೆ ದೂಡಿಬಿಟ್ಟರೆ ಮುಗಿಯಿತು ಅವರೆಂದೂ ತಲೆ ಎತ್ತಬಾರದು ಹಾಗೆ ಯೋಜನೆಯನ್ನ, ಬಡ್ಡಿ ದರವನ್ನ ತಮಗೆ ಬೇಕಾದ ಹಾಗೆ ಬದಲು ಮಾಡುವ ಅಧಿಕಾರ ಅವರ ಕೈಲಿದೆ. ಹೀಗಾಗಿ ಇಂದು ಪ್ರಶ್ನಿಸುವ ಬುದ್ದಿಯಿರುವ ಜನ ಸಾಲದ ಸುಳಿಯಲ್ಲಿ, ಪ್ರಶ್ನಿಸಲು ಬಾರದವರು ಹಸಿವಿನ ಹಂಗಿನಲ್ಲಿ ಹೀಗೆ ಜನತೆಯನ್ನ ವಿಭಾಜಿಸಿ ತಮ್ಮ ಬೆಳೆ ಬೇಯಿಸಿಕೊಳ್ಳುತ್ತಿದ್ದಾರೆ. 

ಇಂತಹ ಒಂದು ಬೆಳವಣಿಗೆಗೆ ಕಡಿವಾಣ ಹಾಕಲು ನಾವೇನು ಮಾಡಬಹದು?

ವಿತ್ತ ನೀತಿಯಲ್ಲಿ ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಅಡಗಿದೆ. ಅವರು ನಮ್ಮನ್ನು ಕಟ್ಟಿ ಹಾಕಿದ ದಾರದಿಂದ ಮಾತ್ರ ನಾವು ಅವರನ್ನ ಕಟ್ಟಿ ಹಾಕಲು ಸಾಧ್ಯ. ಕೆಲವೊಂದು ಅಂಶಗಳನ್ನ  ನೋಡೋಣ ಅವುಗಳನ್ನ ನಿಜ ಜೀವನದಲ್ಲಿ ಅಳವಡಿಸಿಕೊಂಡಿದ್ದೆ ಆದರೆ ಖಂಡಿತ ಅವರನ್ನ ಕಟ್ಟಿ ಹಾಕಬಹದು. 

ಡಿಮ್ಯಾಂಡ್ ಅಂಡ್ ಸಪ್ಲೈ: ಎಲ್ಲರಿಗೂ ಗೊತ್ತಿರುವಂತೆ ಬೇಡಿಕೆ ಹೆಚ್ಚಿದರೆ ಅದಕ್ಕೆ ತಕ್ಕಂತೆ ಪೂರೈಕೆಯು ಹೆಚ್ಚುತ್ತದೆ ಅಲ್ಲವೇ? ಬೇಡಿಕೆಯೇ ಇಲ್ಲದಿದ್ದರೆ? ಪೂರೈಕೆಗೆ ಬೆಲೆ ಎಲ್ಲಿಂದ ಬಂದೀತು?  ತಿಪ್ಪೆಯ ಮೇಲಿನ ಮನೆಗೆ ಕೋಟಿ ರೂಪಾಯಿ ನಿಗದಿ ಮಾಡಿದರು ಸರಿ., ಅದನ್ನ ಸಾಲ ಮಾಡಿ ಮುಗಿಬಿದ್ದು ಕೊಳ್ಳಲು ಯಾರು ಹೇಳಿದರು?? ಅಷ್ಟು ಸಾಲ ಮಾಡಿ ಕೊಂಡ ಮೇಲೆ ನೀವು ಅವರು ಹೇಳಿದಂತೆ ಕುಣಿಯುವ ತೊಗಲು ಬೋಂಬೆ ಬೇರೇನೂ ಆಗಲು ಸಾಧ್ಯವಿಲ್ಲ. ಉತ್ತರ ಸಿಕ್ಕಿತು ಅಂದುಕೊಳ್ಳುತ್ತೀನಿ. ಅವರು ಬೆಲೆ ಎಷ್ಟೇ ನಿಗದಿ ಮಾಡಲಿ ಅದನ್ನ ನಿಮ್ಮ ಬೆಲೆಗೆ ಇಳಿಸಿಕೊಳ್ಳುವ ತಾಕತ್ತು ನಿಮಗಿದೆ. ಆದರೆ ವಿಪರ್ಯಾಸ ನೋಡಿ ಅಂತಹ ಶಕ್ತಿ ನಿಮ್ಮಲಿದೆ ಎನ್ನುವ ಅರಿವು ನಿಮ್ಮಲಿಲ್ಲ. 

ಹೂಡಿಕೆ ನಾಳಿನ ಬದುಕಿಗೆ ಮಾಡಲೇಬೇಕಾದ ಅನಿವಾರ್ಯ ಎನ್ನುವ ನಿಲುವನ್ನ ನಮ್ಮ ನಡುವೆ ಹುಟ್ಟಿಹಾಕಿದ್ದಾರೆ. ವೇಳೆಗೂ ಹಣಕ್ಕೂ ಒಂದು ಕೊಂಡಿ ಸೃಷ್ಟಿಸಿದ್ದಾರೆ ಅದು ಇಂದು ಕೇವಲ ಕೊಂಡಿಯಾಗಿರದೆ ಸರಪಳಿಯಾಗಿ ಮಾರ್ಪಟ್ಟಿದೆ. ಮನೆ ಮತ್ತು ಜಾಗದ ಮೇಲೆ ಹಣವಿದ್ದರೆ ಮಾತ್ರ ಹೂಡಿಕೆ ಮಾಡಬೇಕು. ಆದರೇನು ಇಂದಿನ ಹೂಡಿಕೆ ನಾಳೆ ಹೆಚ್ಚಿನ ಲಾಭಾಂಶ ತಂದು ಕೊಡುತ್ತದೆ ಎನ್ನುವ ಪ್ರಲೋಭನೆ ಇಂದು ನಿಮ್ಮನ್ನ ಸಾಲ ಮಾಡಲು ಪ್ರೇರೇಪಿಸುತ್ತದೆ. ಇದೊಂದು ವಿಷವರ್ತುಲ ಒಮ್ಮೆ ಇಲ್ಲಿ ಪ್ರವೇಶ ಪಡೆದರೆ ಮುಗಿಯಿತು ಇಲ್ಲಿಂದ ನಿರ್ಗಮಿಸುವುದು ಕಷ್ಟ. ಇದರ ಅರಿವು ನಮ್ಮದಾದರೆ ಅದು ನಮ್ಮ ಗೆಲುವು ಅವರ ಸೋಲು. 

ನಮ್ಮಲ್ಲಿರುವ ಬಹು ದೊಡ್ಡ ಕೊರತೆ ಸಂಘಟನೆ: ಯಾವುದೇ ಒಂದು ವ್ಯವಸ್ಥೆಯ ವಿರುದ್ಧ ನಾಲ್ಕು ಜನ ಸಂಘಟಿರಾದರೆ ಸಾಕು ಮೂರು ದಿನದಲ್ಲಿ ಅವರಲ್ಲಿ ನಾಲ್ಕು ಪಾರ್ಟಿ ಉಂಟಾಗಿರುತ್ತದೆ. ನಮ್ಮನ್ನಾಳುವರಿಗೆ ನಮ್ಮನ್ನ ಒಡೆಯುವ ರೀತಿ ಗೊತ್ತಿದೆ. ಹೀಗಾಗಿ ನಮ್ಮ ಸಮಸ್ಯೆಗಳು ಎಂದಿಗೂ ಮುಗಿಯದ ಸಮಸ್ಯೆಗಳಾಗಿಯೇ ಉಳಿದಿವೆ. ಡಾಲರ್ ತಿರಸ್ಕರಿಸುವುದಿರಬಹದು., ಬೆಂಗಳೂರಿನ ಸೈಟಿನ ಬೆಲೆ ನಿಗದಿ ಇರಬಹದು.. ಅಷ್ಟೇಕೆ ಸ್ಕೂಲ್ನ ಫೀಸ್ ಎಷ್ಟೆನ್ನುವ ನಿರ್ಧಾರವಿರಬಹದು ಇವೆಲ್ಲವನ್ನ ನಾವು ಸಂಘಟಿತರಾದರೆ ಸುಲಭವಾಗಿ ನಿರ್ವಹಿಸಬಹದು. 

ನಮ್ಮ ನಡುವಿನ ಅಂತರಕ್ಕೆ, ಬೆಂಗಳೂರಿನ ಸೈಟಿನ ಬೆಲೆ ಏರುವಿಕೆಗೆ, ಶಾಲೆಯ ಫೀಸ್ ಏರುವಿಕೆ, ಡಾಲರ್, ಬಂಗಾರದ ಬೆಲೆಯೇರಿಕೆ ಹೀಗೆ ಜಗತ್ತಿನ ಯಾವುದೇ ಸಮಸ್ಯೆಯ ಹೆಸರೇಳಿ ಅದಕ್ಕೆಲ್ಲಾ ಕಾರಣ ನಾವು-ನೀವು. ನಾವು-ನೀವು ಸರಿಯಾಗಿಬಿಟ್ಟರೆ ಸಮಾಜ ತಾನಾಗೇ ಸರಿಯಾಗುತ್ತದೆ. ಸಣ್ಣ ಉದಾಹರಣೆ ನೋಡಿ ಸಾವಿರಾರು ಸಂಖ್ಯೆಯ ಜಿಂಕೆಗಳ ಹಿಂಡನ್ನ ಕೇವಲ ನಾಲ್ಕೈದು ಸಿಂಹ ಅಥವಾ ಹುಲಿಗಳು ಅಟ್ಟಾಡಿಸಿ.. ಬೇರ್ಪಡಿಸಿ ಕೊನೆಗೆ ತನ್ನ ಆಹಾರವ ಪಡೆದುಕೊಳ್ಳುತ್ತದೆ. ನಮ್ಮ ಸ್ಥಿತಿಯೂ ಇದಕ್ಕಿಂತ ಭಿನ್ನವೇನಲ್ಲ. ಜಿಂಕೆಗಳಿಗೆ ಸಿಂಹದ ವಿರುದ್ಧ ತಿರುಗಿ ಬೀಳುವ ಯೋಚನಾಶಕ್ತಿ, ಸಂಘಟನಾಶಕ್ತಿ ಇಲ್ಲ. ನಾವು ಮನುಷ್ಯ ಪ್ರಾಣಿಗಳು ಚಿಂತಿಸುವ ಶಕ್ತಿ ನಮಗಿದೆ ಆದರೆ ಸಂಘಟನೆಗೆ ಯಾರ ಅಪ್ಪಣೆಗಾಗಿ ಕಾದು ಕುಳಿತ್ತಿದ್ದೇವೆ?  

- ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಇನ್ನೂ ವಿವಾಹವಾಗಿಲ್ಲವೇ?
ಇಂದೇ ಕನ್ನಡ ಮ್ಯಾಟ್ರಿಮನಿ ಯಲ್ಲಿ ನೋಂದಾಯಿಸಿ -
ನೋಂದಣಿ ಉಚಿತ!

Topics : Hanaclassu, Minting Money, Common Man, Elite class Conspiracy, ಹಣಕ್ಲಾಸು, ಹಣ ಗಳಿಕೆ, ಶ್ರೀಮಂತ, ಬಡವ, ವಿತ್ತ ನೀತಿ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement