Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Cooperative bank with Amit Shah as a director collected highest amount of demonetised notes among DCCBs

ಅಮಾನ್ಯೀಕರಣ: ಅತಿ ಹೆಚ್ಚು ಹಳೆಯ ನೋಟುಗಳನ್ನು ಸಂಗ್ರಹಿಸಿದ ಅಮಿತ್ ಶಾ ನಿರ್ದೇಶಕತ್ವದ ಸಹಕಾರಿ ಬ್ಯಾಂಕ್!

Separatist-sponsored strike hits normal life in Kashmir

ಪತ್ರಕರ್ತ ಶೂಜತ್ ಬುಖಾರಿ ಹತ್ಯೆ: ಪ್ರತ್ಯೇಕತಾವಾದಿಗಳಿಂದ ಕಾಶ್ಮೀರ ಬಂದ್

D K Shivakumar

ನನ್ನ ಬಳಿಯೂ ಡೈರಿಗಳಿವೆ, ಸಮಯ ಬಂದಾಗ ಬಿಚ್ಚಿಡುತ್ತೇನೆ: ಡಿಕೆಶಿ; ಸಚಿವರ ಬೆಂಬಲಕ್ಕೆ ನಿಂತ ಜೆಡಿಎಸ್

PM Narendra Modi and Jashodaben

''ಅವರು ನನಗೆ ಶ್ರೀರಾಮನಿದ್ದಂತೆ'': ಪ್ರಧಾನಿ ಮೋದಿ ಪತ್ನಿ ಜಶೋದಾ ಬೆನ್

Jammu Kashmir Liberation Front chairman Yasin Malik arrested to foil protests in Srinagar

ಕಾಶ್ಮೀರ: ಪ್ರತಿಭಟನೆ ತಡೆಯಲು ಪ್ರತ್ಯೇಕವಾದಿ ನಾಯಕ ಯಾಸಿನ್ ಮಲ್ಲಿಕ್ ಬಂಧನ

Makkal Needhi Maiam chief Kamal Haasan meets Sonia Gandhi

ಸೋನಿಯಾ ಗಾಂಧಿ ಭೇಟಿ ಮಾಡಿದ ಕಮಲ್ ಹಾಸನ್

LeT giving management training to Pakistani engineers: Sources

ಪಾಕಿಸ್ತಾನದ ಇಂಜಿನಿಯರ್ ಗಳಿಗೆ ಲಷ್ಕರ್ ಉಗ್ರ ಸಂಘಟನೆಯಿಂದ ಮ್ಯಾನೇಜ್ಮೆಂಟ್ ತರಬೇತಿ!

Death toll rises to 15 in MP road mishap

ಮಧ್ಯ ಪ್ರದೇಶದಲ್ಲಿ ಭೀಕರ ಅಪಘಾತ: ಸಾವಿನ ಸಂಖ್ಯೆ 15ಕ್ಕೆ ಏರಿಕೆ

History will not forgive BJP for Kashmir: Shiv Sena

ಕಾಶ್ಮೀರ ಬಿಜೆಪಿಯನ್ನು ಎಂದಿಗೂ ಕ್ಷಮಿಸಲ್ಲ: ಶಿವಸೇನೆ

Passport officer shames Hindu-Muslim couple, tells husband to convert

ಹಿಂದು-ಮುಸ್ಲಿಂ ದಂಪತಿಗಳಿಗೆ ಪಾಸ್'ಪೋರ್ಟ್ ಅಧಿಕಾರಿಯಿಂದ ಅವಮಾನ: ಮತಾಂತರಗೊಳ್ಳುವಂತೆ ಮಹಿಳೆ ಪತಿಗೆ ಒತ್ತಾಯ

H.D Kumaraswamy

ರೈತರ ಬೆಳೆಗಳಿಗೆ ಕಾವೇರಿ ನೀರು ಬಿಡುವಂತೆ ಅಧಿಕಾರಿಗಳಿಗೆ ಸಿಎಂ ಖಡಕ್ ಸೂಚನೆ

New Zealand Prime Minister Jacinda Ardern gives birth to baby girl

ಸರ್ಕಾರಿ ಆಸ್ಪತ್ರೆಯಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ ನ್ಯೂಜಿಲೆಂಡ್ ಪ್ರಧಾನಿ ಜಸಿಂದಾ ಅರ್ಡೆರ್ನ್!

England women make highest T20 total Breaks New Zealand record

ಪುರುಷರಾಯ್ತು, ಈಗ ಮಹಿಳೆಯರ ಸರದಿ: ಟಿ20ಯಲ್ಲಿ ದಾಖಲೆ ರನ್ ಚಚ್ಚಿದ ಇಂಗ್ಲೆಂಡ್ ಮಹಿಳಾ ಕ್ರಿಕೆಟ್ ತಂಡ

ಮುಖಪುಟ >> ಅಂಕಣಗಳು

ಬಿಟ್ ಕಾಯಿನ್ ಬಗ್ಗೆ ನಿಮಗೆಷ್ಟು ಗೊತ್ತು ? ಹೂಡಿಕೆಗೆ ನೀಡಬಹುದೇ ಒತ್ತು?

ಹಣಕ್ಲಾಸು
ಬಿಟ್ ಕಾಯಿನ್ (ಸಾಂಕೇತಿಕ ಚಿತ್ರ)

ಬಿಟ್ ಕಾಯಿನ್ (ಸಾಂಕೇತಿಕ ಚಿತ್ರ)

ಒಂದು ವಾರದಲ್ಲಿ ಮೂರು ಜನ ಗೆಳೆಯರು ಬಿಟ್ ಕಾಯಿನ್ ಎನ್ನುವ ಹೆಸರು ಕೇಳಿದ್ದೇವೆ ಹಾಗೆಂದರೇನು? ಅದು ಹೇಗೆ ಕೆಲಸ ನಿರ್ವಹಿಸುತ್ತದೆ? ಅದರಲ್ಲಿ ಹೂಡಿಕೆ ಮಾಡಬಹುದೇ? ಎನ್ನುವ ಪ್ರಶ್ನೆಯನ್ನ ಕೇಳಿದ್ದಾರೆ. ಗೆಳೆಯ ಅಶ್ವತ್ಥ ದೇಶಪಾಂಡೆ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ನನ್ನ ಚಿಕ್ಕಪ್ಪ ಹೂಡಿಕೆ ವಿಷಯದಲ್ಲಿ ಬಹಳ ಚುರುಕು ಅವರು ಬಿಟ್ ಕಾಯಿನ್ ನಲ್ಲಿ ಹೂಡಿಕೆ ಮಾಡಿದ್ದಾರೆ ಮತ್ತು ನಮ್ಮನ್ನೂ ಅದರಲ್ಲಿ ಹೂಡಿಕೆ ಮಾಡುವಂತೆ ಪ್ರೇರೇಪಿಸುತ್ತಾರೆ. ಆದರೆ ಇದು ಭಾರತದಲ್ಲಿ ಮಾನ್ಯತೆ ಪಡೆದಿದೆಯೇ? ಅಥವಾ ಇಲ್ಲವೇ ಎನ್ನುವ ಬಗ್ಗೆಯೂ ಗೊಂದಲಗಳಿವೆ ಏನು ಮಾಡುವುದು? ಎನ್ನುವ ಪ್ರಶ್ನೆಯನ್ನ ಮುಂದಿಟ್ಟಿದ್ದಾನೆ. ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಪಡೆಯಲು ಮುಂದಿನ ಸಾಲುಗಳಲ್ಲಿ ಪ್ರಯತ್ನಿಸೋಣ. 

ಬಿಟ್ ಕಾಯಿನ್ ಹಾಗೆಂದರೇನು? 

ಬಿಟ್ ಕಾಯಿನ್ ಎನ್ನುವುದು ಡಿಜಿಟಲ್ ಕರೆನ್ಸಿ. ಇದು ಪ್ರಿಂಟ್ ರೂಪದಲ್ಲಿ ಇರುವುದಿಲ್ಲ. ಇದು ಕೇವಲ ಎಲೆಕ್ಟ್ರಾನಿಕ್ ರೂಪದಲ್ಲಿ ಮಾತ್ರ ಇರುತ್ತದೆ. ಅಂದರೆ ನಮ್ಮ ಟ್ರಡಿಷನಲ್ ಯುರೋ, ಡಾಲರ್ ಅಥವಾ ರೂಪಾಯಿಯಂತೆ ಇದು ಭೌತಿಕ ರೂಪದಲ್ಲಿ ಇರುವುದಿಲ್ಲ. ಅಲ್ಲದೆ ಇದನ್ನ ಯಾವುದೇ ದೇಶ ಅಥವಾ ಬ್ಯಾಂಕ್ ತನ್ನದು ಎಂದು ಎನ್ನುವಂತಿಲ್ಲ. ಇದು ಜನರಿಗೆ ಸೇರಿದ್ದು. ಗಣಿತದ ಸಮಸ್ಯೆಗಳನ್ನ ಪರಿಹರಿಸುವ ಸಾಫ್ಟ್ವೇರ್ ಮೂಲಕ ಇದನ್ನ ಸೃಷ್ಟಿಸಲಾಗುತ್ತದೆ. ಈ ತಂತ್ರಾಂಶದಲ್ಲಿ ಉಪಯೋಗಿಸುವ ಕೋಡ್ ಅನ್ನು ಮುಕ್ತವಾಗಿ ಸಾರ್ವಜನಿಕರಿಗೆ ತೆರೆದಿಡಲಾಗಿದೆ. ಅಂದರೆ ಇದೊಂದು ಓಪನ್ ಸೊರ್ಸ್ ಇದನ್ನ ಯಾರು ಯಾವಾಗ ಬೇಕಾದರೂ ಪರಾಮರ್ಶಿಸಬಹದು. 

ನಮ್ಮ ಟ್ರಡಿಷನಲ್ ಕರೆನ್ಸಿ ಚಿನ್ನದ ಮೇಲೆ ಆಧಾರವಾಗಿತ್ತು. ಬಿಟ್ ಕಾಯಿನ್ ಕಥೆಯೇನು? 

ನಮ್ಮ ಟ್ರಡಿಷನಲ್ ಕರೆನ್ಸಿ ಮುದ್ರಣ ಚಿನ್ನದ ಮೇಲೆ ಆಧಾರವಾಗಿತ್ತು. ಅಂದರೆ ನೀವು ನೂರು ರೂಪಾಯಿ ನೋಟನ್ನ ಬ್ಯಾಂಕಿಗೆ ಮರಳಿ ಕೊಟ್ಟರೆ ಅವರು ಅಷ್ಟು ಮೌಲ್ಯದ ಅಥವಾ ಅದರ ನಿರ್ಧಾರಿತ ಮೌಲ್ಯದ ಚಿನ್ನವನ್ನ ನಿಮಗೆ ವಾಪಸ್ಸು ಕೊಡುತ್ತಾರೆ ಎನ್ನುವ ನಂಬಿಕೆ ಅಥವಾ ನಿಯಮದೊಂದಿಗೆ ನಮ್ಮ ಟ್ರಡಿಷನಲ್ ನೋಟುಗಳು ಚಾಲ್ತಿಗೆ ಬಂದವು. ಆದರೆ ಇಂದೇನಾಗಿದೆ? ನಾವು ನೋಟು ಮರಳಿಸಿ ಚಿನ್ನ ಪಡೆಯಲು ಸಾಧ್ಯವೇ? ಇದೊಂದು ಪ್ರಾಕ್ಟಿಕಲ್ ಆಗಿ ಆಗದೆ ಇರುವ ವಿಷಯ ಎನ್ನುವುದನ್ನ ನಾವೆಲ್ಲಾ ಒಪ್ಪಿಕೊಂಡಾಗಿದೆ. ಬಿಟ್ ಕಾಯಿನ್ ಸೃಷ್ಟಿ ಗಣಿತದ ಆಧಾರದ ಮೇಲೆ ಆಗಿದೆ. ಇದಕ್ಕೆ ಬಳಸಿದ ಫಾರ್ಮುಲಾ ಸರಿಯೇ ತಪ್ಪೇ ಎನ್ನುವುದನ್ನ ಜಗತ್ತಿನ ಯಾರು ಬೇಕಾದರೂ ಲೆಕ್ಕ ಮಾಡಿ ನೋಡಬಹದು, ಸರಿಯಿಲ್ಲದಿದ್ದರೆ ತಿದ್ದಬಹದು ಏಕೆಂದರೆ ಇದೊಂದು ಮುಕ್ತ ತಾಣ. 

ಎಷ್ಟು ಬಿಟ್ ಕಾಯಿನ್ ಬೇಕಾದರೂ ಸೃಷ್ಟಿಸಬಹುದೇ? 

ನಮ್ಮ ಟ್ರಡಿಷನಲ್ ಕರೆನ್ಸಿಯಲ್ಲಿ ಜಗತ್ತಿನ ಯಾವುದೇ ದೇಶದ ಮೇಲೆ ಇಷ್ಟೇ ಮೊತ್ತದ ಹಣವನ್ನ ಮಾತ್ರ ಮುದ್ರಿಸಬೇಕು ಎನ್ನುವ ನಿಯಮವಿಲ್ಲ. ಅವಶ್ಯಕತೆಗೆ ಅನುಗುಣವಾಗಿ ಇದನ್ನ ಮುದ್ರಿಸುವ ಅವಕಾಶ ಎಲ್ಲರಿಗೂ ಇದೆ. ಹೀಗೆ ಹಣದ ಮೊತ್ತ ಹೆಚ್ಚುತ್ತಾ ಹೋದಂತೆಲ್ಲ ಹಣದ ಮೌಲ್ಯ ಕುಸಿಯುತ್ತದೆ. ಒಂದು ದೇಶದಿಂದ ಇನ್ನೊಂದು ದೇಶದ ಹಣದ ಮೌಲ್ಯದಲ್ಲಿ ಆಗುವ ವ್ಯತ್ಯಾಸಕ್ಕೆ ಇದೂ ಒಂದು ಕಾರಣ. ಆದರೆ ಬಿಟ್ ಕಾಯಿನ್ ನಲ್ಲಿ ಹೆಚ್ಚೆಂದರೆ 21 ಮಿಲಿಯನ್ ಮಾತ್ರ ಸೃಷ್ಟಿಸಬಹದು. ಹೀಗಾಗಿ ಬಿಟ್ ಕಾಯಿನ್ ಮೌಲ್ಯದಲ್ಲಿ ಹೆಚ್ಚಿನ ವ್ಯತ್ಯಾಸವಾಗುವುದಿಲ್ಲ. 

ಬಿಟ್ ಕಾಯಿನ್ ಹೇಗೆ ಕೊಳ್ಳುವುದು? 

ನೀವು ರೂಪಾಯಿ ಕೊಟ್ಟು ಪೆಟಿಎಂ ಹಣ ಕೊಳ್ಳುವುದಿಲ್ಲವೇ? ಹಾಗೆ ಇದು ಕೂಡ.  ಮೊದಲಿಗೆ ಮಾರುಕಟ್ಟೆಯಲ್ಲಿ ಇರುವ ಹಲವಾರು ಆಪ್ ಗಳಲ್ಲಿ ಅತ್ಯಂತ ಹೆಚ್ಚು ಜನ ಬಳಸುತ್ತಿರುವ ಕಾಯಿನ್ ಬೇಸ್, ಬಿಟ್ ಕ್ವಿಕ್, ಕಾಯಿನ್ ಕಾರ್ನರ್ ಹೀಗೆ ಯಾವುದಾದರೊಂದು ತಂತ್ರಾಂಶವನ್ನ ನಿಮ್ಮ ಮೊಬೈಲ್ನಲ್ಲಿ ಅಥವಾ ಕಂಪ್ಯೂಟರ್ ನಲ್ಲಿ ಡೌನ್ಲೋಡ್ ಮಾಡಿಕೊಳ್ಳಿ ನಂತರ ಡಾಲರ್, ಯುರೋ ಹಣವನ್ನ ನೀಡಿ ಬಿಟ್ ಕಾಯಿನ್ ಕೊಳ್ಳಬಹುದು. ಹೀಗೆ ನೀವು ಕೊಂಡ ಬಿಟ್ ಕಾಯಿನ್ ಮೂಲಕ ಜಗತ್ತಿನೆಲ್ಲೆಡೆ ಇದನ್ನ ವಿನಿಮಯ ಮಾಧ್ಯಮವನ್ನಾಗಿ ಬಳಸಬಹದು. ಈ ಲೇಖನ ಬರೆಯುವಾಗ ಒಂದು ಬಿಟ್ ಕಾಯಿನ್ ಕೊಳ್ಳಲು ಐದು ಲಕ್ಷ ಮೂವತ್ತಮೂರು ಸಾವಿರ ಒಂಬೈನ್ನೋರ ಐವತ್ತನಾಲ್ಕು ರೂಪಾಯಿ ನೀಡಬೇಕಾಗುತ್ತದೆ. 

ಬಿಟ್ ಕಾಯಿನ್ ಕೊಳ್ಳುವುದರಿಂದ ಆಗುವ ಲಾಭ ನಷ್ಟಗಳೇನು ? 

ಲಾಭ: 
  • ಬಿಟ್ ಕಾಯಿನ್ ಬಳಸಿ ಜಗತ್ತಿನೆಲ್ಲೆಡೆ ವ್ಯವಹಾರ ಮಾಡಬಹದು.

  • ಮುಂಬರುವ ದಿನದಲ್ಲಿ ಇಡೀ ಜಗತ್ತಿಗೆ ಒಂದು ಕರೆನ್ಸಿ ಆಗುವ ಸಾಧ್ಯತೆಗಳಿವೆ ಆಗ ವಿನಿಮಯ ದರ ಮತ್ತು ಅದರಿಂದ ಆಗುವ ನಷ್ಟಗಳು ತಪ್ಪುತ್ತದೆ. 
  • ಇದು ಯಾವೊಂದು ನಿರ್ದಿಷ್ಟ ದೇಶದ ಹಿಡಿತದಲ್ಲಿಲ್ಲ ಹೀಗಾಗಿ ಇದರ ವಹಿವಾಟು ಮುಕ್ತವಾಗಿರುತ್ತದೆ. 

  • ಇಲ್ಲಿ ಮಧ್ಯವರ್ತಿಯಂತೆ ಕೆಲಸ ಮಾಡುವ ಬ್ಯಾಂಕ್ಗಳು ಇರುವುದಿಲ್ಲ ಹೀಗಾಗಿ ಬ್ಯಾಂಕಿಗೆ ಕೊಡುವ ಕಮಿಷನ್ ಹಣ ಉಳಿತಾಯಾವಾಗುತ್ತದೆ. 

  • ಇಲ್ಲಿನ ವಹಿವಾಟು ಅತಿ ಶೀಘ್ರದಲ್ಲಿ ಮುಗಿದು ಹೋಗುತ್ತದೆ. ಉದಾಹರಣೆ ನೋಡಿ ಟ್ರಡಿಷನಲ್ ಬ್ಯಾಂಕಿಂಗ್ ಪ್ರಕಾರ ಭಾರತದಿಂದ ಇಂಗ್ಲೆಂಡ್ ಅಥವಾ ಅಮೇರಿಕಾ ಎಲ್ಲಿಗಾದರೂ ಸರಿಯೇ ಹಣ ವರ್ಗಾವಣೆ ಮಾಡಲು ಅನುಮತಿ ಬೇಕು. ಈ ರೀತಿಯ ಹಣ ವರ್ಗಾವಣೆಗೆ ವಾರಗಟ್ಟಲೆ ಹಿಡಿಯುತ್ತಿದೆ. ಬಿಟ್ ಕಾಯಿನ್ ನಲ್ಲಿ ಎಲ್ಲವೂ ನಿಮಿಷ ಗಳಲ್ಲಿ ಮುಗಿದು ಹೋಗುತ್ತದೆ. 

ನಷ್ಟ :
  • ಟ್ರಡಿಶನಲ್ ಹಣಕಾಸು ನಿಯಮ ತಿಳಿಯದ ಜನಸಾಮಾನ್ಯ ಇದನ್ನ ಕಲಿಯುವುದು ಕಷ್ಟಸಾಧ್ಯ. 
  • ಸಧ್ಯದ ಮಟ್ಟಿಗೆ ಇದು ಜೂಜಾಟದಂತಿದೆ . ಬಿಟ್ ಕಾಯಿನ್ ಮೌಲ್ಯದಲ್ಲಿ ಸದಾ ಏರುಪೇರು ಆಗುತ್ತಲೇ ಇರುತ್ತದೆ.
  • ಒಮ್ಮೆ ಬಿಟ್ ಕಾಯಿನ್ ಮೂಲಕ ಹಣ ಸಂದಾಯವಾದರೆ ಮುಗಿಯಿತು ಮತ್ತೆ ಅದನ್ನ ಮರಳಿ ಪಡೆಯಲು ಸಾಧ್ಯವಿಲ್ಲ . ಅಂದರೆ ಆಕಸ್ಮಾತ್ ನೀವು ರಾಮನಿಗೆ ಹಣ ಕಳಿಸುವ ಬದಲು ತಪ್ಪಾಗಿ ಲಕ್ಷ್ಮಣನಿಗೆ ಹಣ ಕಳಿಸಿದರೆ ಮುಗಿಯಿತು . ಇಲ್ಲಿ ತಪ್ಪ ತಿದ್ದಲು ಬರುವುದಿಲ್ಲ . ಅಪ್ಪಿಗೆ ಬೆಲೆ ತೆತ್ತು ಸುಮ್ಮನಿರಬೇಕು ಇಲ್ಲವೇ ನೇರವಾಗಿ ಲಕ್ಷ್ಮಣನಿಂದ ಹೋಗಿ ಹಣ ಪಡೆಯಬೇಕು . 
  • ಸದ್ಯದ ಮಟ್ಟಿಗೆ ಇದನ್ನ ಇನ್ನೂ ಜಗತ್ತಿನ ಬಹಳ ದೇಶಗಳಲ್ಲಿ ಇದಕ್ಕೆ ಮಾನ್ಯತೆ ಸಿಕ್ಕಿಲ್ಲ. 
  • ಹಣ ವರ್ಗಾವಣೆ ಬಹಳ ಸುಲಭವಾಗುವರಿಂದ ಇದನ್ನ  ದೇಶದ ಕೆಡುಕಿಗೆ , ಟೆರರಿಸಂ ನಂತ ಹೀನ ಕೃತ್ಯ ನೆಡೆಸಲು ಬಳಸಲು ಸುಲಭವಾಗುತ್ತದೆ. 

ಭಾರತದಲ್ಲಿ ಇದು ಕಾನೂನು ಬದ್ಧವೇ? 

ಸದ್ಯಕ್ಕೆ ಇದು ಭಾರತದಲ್ಲಿ ಕಾನೂನು ಬದ್ಧವಲ್ಲ. ನವಂಬರ್ 3 2017 ರಂದು ಭಾರತ ಸರಕಾರಕ್ಕೆ ಬಿಟ್ ಕಾಯಿನ್ ಡೀಲರ್ ಗಳನ್ನ ಅಮಾನ್ಯ ಮಾಡಲು ಮನವಿ ಮಾಡಲಾಗಿದೆ. ಹಾಗೇನಾದರು ಇದಕ್ಕಾಗಿ ನೇಮಕವಾಗಿದ್ದ ಪ್ಯಾನೆಲ್ ನ ಸಲಹೆ ಸ್ವೀಕಾರವಾದರೆ ಭಾರತದಲ್ಲಿ ಇದನ್ನ ನಿಷೇಧ ಮಾಡಲಾಗುತ್ತದೆ. ಆಕಸ್ಮಾತ್ ಇದನ್ನ ಕಾನೂನು ಬದ್ದ ಮಾಡಿದರೆ ಆಗ ಇದು ಆರ್ ಬಿ ಐ ನ ಕಾನೂನು ಕಟ್ಟಳೆಗಳ ಅಡಿಯಲ್ಲಿ ಬರುತ್ತದೆ. 

ಇದರಲ್ಲಿ ಹೂಡಿಕೆ ಮಾಡಬಹುದೇ? 
ಸದ್ಯದ ಪರಿಸ್ಥಿತಯಲ್ಲಿ ಇದರ ಮೇಲೆ ಹೂಡಿಕೆ ಮಾಡದಿರುವುದೇ ಮೇಲು. ಇನ್ನಷ್ಟು ಸಮಯ ಕಳೆದು ಇದೊಂದು ಉತ್ತಮ ಲೋಪದೋಷವಿಲ್ಲದ ಕರೆನ್ಸಿ ಆದಾಗ ಬೆಲೆಯೂ ಇಳಿಯಲೇಬೇಕು. ಸದ್ಯ ಇದರ ಮೇಲಿನ ಹೂಡಿಕೆ ಜೋಜಾಟಕ್ಕಿಂತ ಕಡಿಮೆಯೇನಲ್ಲ. ಬಿಟ್ ಕಾಯಿನ್ ಇರಲಿ ಅಥವಾ ಬೇರೇನೇ ಇರಲಿ ಹೂಡಿಕೆ ಮಾಡುವ ಮುನ್ನ ಅದರ ಪೂರ್ಣ ಜ್ಞಾನ ನಿಮ್ಮದಾಗಿರಲಿ. ನೆನಪಿರಲಿ ಒಮ್ಮೆ ಹಣ ನಿಮ್ಮಿಂದ ಹೊರ ಹೋದರೆ ಮುಗಿಯಿತು ಅದನ್ನ ಮರಳಿ ಸಂಪಾದಿಸುವುದು ಬಹು ಕಷ್ಟ. 

-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Topics : Hanaclassu, Bitcoin, investment, ಹಣಕ್ಲಾಸು, ಬಿಟ್ ಕಾಯಿನ್, ಹೂಡಿಕೆ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement