Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
PDP, NC, Congress have agreed to form J&K government, says Altaf Bukhari

ಕಾಶ್ಮೀರದಲ್ಲಿ ಸಮ್ಮಿಶ್ರ ಸರ್ಕಾರ ರಚನೆಗೆ ಪಿಡಿಪಿ, ಎನ್ ಸಿ, ಕಾಂಗ್ರೆಸ್ ಒಪ್ಪಿಕೊಂಡಿವೆ: ಬುಖಾರಿ

India start Australia tour with four-wicket loss in first T20

ಮೊದಲ ಟಿ-20: ಭಾರತದ ವಿರುದ್ಧ ಆಸೀಸ್ ಗೆ 4 ರನ್ ಗಳ ರೋಚಕ ಗೆಲುವು

Amritsar grenade attack: One arrested, search for another accused on, says CM Amarinder Singh

ಅಮೃತಸರ ಗ್ರನೇಡ್ ದಾಳಿ: ಓರ್ವನ ಬಂಧನ, ಪಾಕ್‌ ಐಎಸ್‌ಐ ಕೃತ್ಯ ಎಂದ ಪಂಜಾಬ್ ಸಿಎಂ

File Image

2019ರ ಮಾರ್ಚ್ ಒಳಗೆ ಭಾರತದಲ್ಲಿ ಅರ್ಧದಷ್ಟು ಎಟಿಎಂಗಳ ಕಾರ್ಯನಿರ್ವಹಣೆ ಸ್ಥಗಿತ?

Nearly 400 paramilitary personnel killed in action in 2015-17: MHA

ಭಾರತ-ಪಾಕ್ ಗಡಿಯಲ್ಲಿ 2015-17 ವರೆಗೆ ಅರೆಸೇನಾಪಡೆಯ 400 ಸಿಬ್ಬಂದಿಗಳ ಹತ್ಯೆ!

File Image

ಕಿಡಿಗೇಡಿಗಳ ಬೆದರಿಕೆಗೆ ಹೆದರಿ ವಿಷ ಸೇವಿಸಿದ ಪ್ರೇಮಿಗಳು: ಪ್ರೇಮಿ ಸಾವು, ಪ್ರೇಯಸಿ ಸ್ಥಿತಿ ಗಂಭೀರ

Priyanka Chopra to Have a Christian Wedding with Nick Jonas on December 3

ಡಿ. 2ರಂದು ಹಿಂದೂ, ಡಿ. 3ರಂದು ಕ್ರಿಶ್ಚಿಯನ್ ಶೈಲಿಯಲ್ಲಿ ಪ್ರಿಯಾಂಕಾ - ನಿಕ್‍ ಮದುವೆ

ಸಂಗ್ರಹ ಚಿತ್ರ

ಚೀನಾ ಮಹಾಗೋಡೆಯಂತಹ ಬೃಹತ್ ಯೋಜನೆಗೆ ಕೈ ಹಾಕಿದ ಭಾರತೀಯ ರೈಲ್ವೆ!

BJP leader Surendran

ಶಬರಿಮಲೆ ದೇವಾಲಯದ ಬಳಿ ಹೋಗಬೇಡಿ: ಬಿಜೆಪಿ ನಾಯಕ ಸುರೇಂದ್ರನ್ ಗೆ ಕೋರ್ಟ್ ಸೂಚನೆ

File Image

ವಾಟ್ಸ್ ಅಪ್ ಭಾರತದ ಮುಖ್ಯ್ಸಥನಾಗಿ ಅಭಿಜಿತ್ ಬೋಸ್, ಮುಂದಿನ ವರ್ಷಾರಂಭಕ್ಕೆ ಅಧಿಕಾರ ಸ್ವೀಕಾರ

ಸಂಗ್ರಹ ಚಿತ್ರ

ಅಪ್ಪನ ಜತೆ ತವರಿಗೆ ಹೋಗ್ತೀನಿ ಅಂತ ಗೃಹಿಣಿ ಮಾಡಿದ್ದೇನು ಗೊತ್ತ? ಸುಂದರ ಪತ್ನಿ ಮಾಡಿದ್ದನ್ನು ಕೇಳಿ ಬೆಚ್ಚಿಬಿದ್ದ ಪತಿ!

Somnath Bharti

ಮಹಿಳಾ ಪತ್ರಕರ್ತೆಗೆ ನಿಂದನೆ: ದೆಹಲಿ ಎಎಪಿ ಶಾಸಕ ಸೋಮನಾಥ್ ಭಾರ್ತಿ ವಿರುದ್ಧ ದೂರು ದಾಖಲು

Your free incoming calls facility may stop soon, telecom companies all set to shock you

ಶಾಕಿಂಗ್ ನ್ಯೂಸ್ ಗೆ ಸಿದ್ಧರಾಗಿ, ಉಚಿತ ಇನ್ ಕಮಿಂಗ್ ಕರೆ ಸೇವೆ ಶೀಘ್ರ ಸ್ಥಗಿತ!

ಮುಖಪುಟ >> ಅಂಕಣಗಳು

ಹಣಕ್ಲಾಸು ಅಂಕಣ: ನಮ್ಮ ಬ್ಯಾಂಕ್ಗಳು ಎಷ್ಟು ಸುರಕ್ಷಿತ ?

ಹಣಕ್ಲಾಸು
ಸಂಗ್ರಹ ಚಿತ್ರ

ಸಂಗ್ರಹ ಚಿತ್ರ

ಕಳೆದ ವಾರ ಗೆಳೆಯ ನವೀನ್ ಕಲ್ಗುಂಡಿ ಅವರು ವಾಟ್ಸಪ್ ಮೂಲಕ ಹೆಸರಾಂತ ಇಂಗ್ಲಿಷ್ ಪತ್ರಿಕೆಯಲ್ಲಿ ಪ್ರಕಟವಾದ ಲೇಖನವೊಂದನ್ನ ಕಳಿಸಿದ್ದರು. ಇದರ ಬಗ್ಗೆ ನಿನ್ನ ಅಭಿಪ್ರಾಯವೇನು ತಿಳಿಸು ಎಂದು ಕೂಡ ಕೇಳಿದ್ದರು. ಸರಿ ವಾಟ್ಸಪ್ ನಲ್ಲಿ ಟೈಪಿಸುವುದು ಅವರು ಮರು ಪ್ರಶ್ನಿಸುವುದು ಇವೆಲ್ಲಾ ಏಕೆ ಎಂದು ನೇರವಾಗಿ ಅವರಿಗೆ ಕರೆ ಮಾಡಿ ಮಾತನಾಡಿದೆ. ಅವರ ಮನಸ್ಸಿಗೆ ಒಂದಷ್ಟು ನೆಮ್ಮದಿಯೆಯಾಯಿತು ಎನ್ನುವ ನಂಬಿಕೆ ನನ್ನದು. ಆ ಲೇಖನ ಸರಕಾರದಿಂದ ಬ್ಯಾಂಕ್ಗಳಲ್ಲಿ ಮರು ಬಂಡವಾಳ ಹೂಡಿಕೆಯ ಬಗ್ಗೆ ಇತ್ತು. ಆ ಲೇಖನವನ್ನ ಪೂರ್ಣ ಓದಿಬಿಟ್ಟರೆ ಮರು ಘಳಿಗೆಯಲ್ಲಿ ನೀವು ನಿಮ್ಮ ಬ್ಯಾಂಕಿನಲ್ಲಿರುವ ಠೇವಣಿ ಹಣವನ್ನ ಹೊರತೆಗೆಯಲು ಹವಣಿಸುತ್ತೀರಿ ಖಂಡಿತ. ಹಾಗೆಂದ ಮಾತ್ರಕ್ಕೆ ಆ ಲೇಖನದಲ್ಲಿ ಇದ್ದ ಎಲ್ಲಾ ಮಾಹಿತಿ ತಪ್ಪೆಂದಲ್ಲ ಆದರೆ 'ರೋಗಿಗೆ ವೈದ್ಯ ನಿನ್ನ ಸಮಯ ಮುಗಿಯಿತು ನಾಳೆ ನೀನು ಸಾಯುತ್ತೀಯ' ಎಂದು ಹೇಳುವ ರೀತಿಯಲ್ಲಿತ್ತು. 

ನಮ್ಮ ಬ್ಯಾಂಕ್ಗಳ ಸ್ಥಿತಿ ಚಿಂತಾಜನಕವಾಗಿದೆ ಅದಕ್ಕೆ ಕಾರಣ ನಿಮಗೆಲ್ಲಾ ತಿಳಿದಿರುವಂತೆ ಅನುತ್ಪಾದಕ ಆಸ್ತಿಗಳು. ಬ್ಯಾಂಕ್ ನ ಕೆಲಸ ಗ್ರಾಹಕರಿಂದ ಠೇವಣಿ ಪಡೆಯುವುದು ಮತ್ತು ಅದನ್ನ ಯೋಗ್ಯರಿಗೆ ವ್ಯಾಪಾರಕ್ಕೆ ಸಾಲ ಕೊಡುವುದು ಮತ್ತು ಅದನ್ನ ಮಾರುವಸೂಲಿ ಮಾಡುವುದು. ಈಗ ಭಾರತದಲ್ಲಿ ಆಗಿರುವುದು ಸಾಲ ವಸೂಲಾತಿಯಲ್ಲಿ ತೊಂದರೆ. ಹೀಗೆ ವಸೂಲಿ ಆಗದೆ ಉಳಿದ ಹಣವನ್ನ ಅನುತ್ಪಾದಕ ಆಸ್ತಿ ಅಥವಾ ನಾನ್ ಪರ್ಫಾರ್ಮಿಂಗ್ ಅಸೆಟ್ ಎನ್ನುತ್ತೇವೆ. ಇದರ ಮೊತ್ತ ಹೆಚ್ಚಾದರೆ ಬ್ಯಾಂಕಿನ ಬಳಿ ಹಣವಿದ್ದರೂ ಅವರು ಸಾಲ ನೀಡಲು ಅನುಮತಿ ಇರುವುದಿಲ್ಲ. ಇದೊಂದು ಅತಂತ್ರ ಸ್ಥಿತಿ, ಹಣವಿದೆ ಆದರೆ ಹಳೆಯ ವಸೂಲಿ ಮಾಡದೆ ಹೊಸ ಸಾಲ ನೀಡಲು ಬರುವುದಿಲ್ಲ. ಈ ಸನ್ನಿವೇಶ ಬಹಳ ಸಮಯ ಮುಂದುವರಿದರೆ ಇಡೀ ಬ್ಯಾಂಕಿಂಗ್ ವ್ಯವಸ್ಥೆ ಕುಸಿಯುತ್ತದೆ.

ಒಂದು ಸಣ್ಣ ಉದಾಹರಣೆ ನೋಡೋಣ. ಒಂದು ಬ್ಯಾಂಕು ಸಾವಿರ ರೂಪಾಯಿ ಸಾಲ ನೀಡಬೇಕೆಂದರೆ ಅದರ ಹತ್ತು ಪ್ರತಿಶತ ಅಂದರೆ ನೂರು ರೂಪಾಯಿ ಬಂಡವಾಳ ಬ್ಯಾಂಕಿನ ಬಳಿ ಇರಬೇಕು. ಹೀಗೆ ಸಾಲ ಕೊಟ್ಟ ಸಾವಿರ ರೂಪಾಯಿಯಲ್ಲಿ ಕೇವಲ ಐದು ಪ್ರತಿಶತ ಹಣ ವಾಪಸ್ಸು ಬರದೆ ಹೋದರೆ ಅಂದರೆ ಐವತ್ತು ರೂಪಾಯಿ ಅದು ಬಂಡವಾಳದ ಅರ್ಧ ಹಣ ಮುಳುಗಿಸುತ್ತದೆ. ಅಂದರೆ ಬ್ಯಾಂಕಿನ ಮೂಲ ಬಂಡವಾಳ ನೂರರಿಂದ ಐವತ್ತಕ್ಕೆ ಇಳಿಕೆಯಾಯಿತು . ಗಮನಿಸಿ ನೂರು ರೂಪಾಯಿ ಇದ್ದಾಗ ಸಾವಿರ ರೂಪಾಯಿ ಸಾಲ ನೀಡಬಹುದಿತ್ತು ಇದೀಗ ಬಂಡವಾಳದ ಮೊತ್ತ ಐವತ್ತು ಈಗ ಬ್ಯಾಂಕು ಕೇವಲ ಐನೂರು ಮಾತ್ರ ನಿಯಮದ ಪ್ರಕಾರ ಸಾಲ ಕೊಡಬಹದು. ಬ್ಯಾಂಕಿನ ಬಂಡವಾಳದಲ್ಲಿ ಕುಸಿತವಾಗಿದೆ ನಿಜ ಆದರೆ ಗ್ರಾಹಕರು ಇತ್ತ ಠೇವಣಿಯಲ್ಲಿ ಕುಸಿತವೇನು ಆಗಿಲ್ಲ ಬ್ಯಾಂಕಿನ ಬಳಿ ಹೇರಳ ಹಣವಿದೆ ಆದರೇನು ನಿಯಮದ ಪ್ರಕಾರ ಅದು ಸಾಲ ನೀಡುವ ಆಗಿಲ್ಲ. ಸಾಲ ನೀಡದೆ ಹಣ ಸಂಪಾದಿಸದೆ ಗ್ರಾಹಕರಿಗೆ ಬಡ್ಡಿ ಕೊಡುವುದು ಹೇಗೆ? ಈ ಸ್ಥಿತಿ ಮುಂದುವರಿದರೆ ಬ್ಯಾಂಕು ಮತ್ತು ಇಡೀ ವ್ಯವಸ್ಥೆ ಕುಸಿಯುತ್ತದೆ. 

ಹಾಗಾದರೆ ಇದಕ್ಕೆ ಪರಿಹಾರವೇನು? 

ರಿ ಕ್ಯಾಪಿಟಲೈಸೇಶನ್ ಅಥವಾ ಬಂಡವಾಳ ಮರು ಹೂಡಿಕೆ ಇದಕ್ಕೆ ಪರಿಹಾರ. ಸರಕಾರ ಬ್ಯಾಂಕಿನಲ್ಲಿ ಬಂಡವಾಳ ಹೂಡುವುದರಿಂದ ವ್ಯವಸ್ಥೆಗೆ ಮರು ಜೀವ ನೀಡುವ ಪ್ರಕ್ರಿಯೆಗೆ ರಿ ಕ್ಯಾಪಿಟಲೈಸೇಶನ್ ಅಥವಾ ಬಂಡವಾಳ ಮರು ಹೂಡಿಕೆ ಎನ್ನುತ್ತೇವೆ. ಈಗ ಸರಕಾರ ನೀಡಿರುವ ರೂಪುರೇಷೆ ಪ್ರಕಾರ ಕೆಳಗಿನ ಮೂರು ಹಂತದಲ್ಲಿ ಹಣದ ಶೇಖರಣೆ ಮಾಡಬೇಕಿದೆ. 

1) ಸರಕಾರ ಬಜೆಟ್ ನಲ್ಲಿ ಬ್ಯಾಂಕಿನಲ್ಲಿ ಮರು ಹೂಡಿಕೆಗೆ ಎಂದು 18 ಸಾವಿರ ಕೋಟಿ ರೂಪಾಯಿ ಮೀಸಲಿಡುತ್ತದೆ. 
2) ಪಬ್ಲಿಕ್ ಸೆಕ್ಟರ್ ಬ್ಯಾಂಕ್ಗಳು 58 ಸಾವಿರ ಕೋಟಿ ರೂಪಾಯಿಯನ್ನ ಮಾರುಕಟ್ಟೆಯಿಂದ ಬಂಡವಾಳದ ರೂಪದಲ್ಲಿ ಪಡೆಯಬೇಕಿದೆ. 
3) ಭಾರತ ಸರಕಾರ ಒಂದು ಲಕ್ಷ ಮೂವತ್ತೈದು ಸಾವಿರ ಕೋಟಿ ರೂಪಾಯಿಯನ್ನ ಬ್ಯಾಂಕ್ ರಿ ಕ್ಯಾಪಿಟಲೈಸೇಶನ್ ಬಾಂಡ್ ಬಿಡುಗಡೆ ಮಾಡಿ ಹಣವನ್ನ ಸಂಗ್ರಹಿಸಲಿದೆ. 

ಮೇಲೆ ಹೇಳಿದ ಮೂರು ಹಂತದ ಹಣ ಸಂಗ್ರಹಣೆಗೆ ಎರಡು ವರ್ಷದ ಕಾಲಾವಧಿ ಹಾಕಿಕೊಳ್ಳಲಾಗಿದೆ. 

ಬ್ಯಾಂಕ್ಗಳ ಬಳಿ ಹೇರಳವಾಗಿ ಹಣವಿದೆ ಆದರೆ ಅವುಗಳಿಗೇಕೆ ಮರು ಹೂಡಿಕೆ ಮಾಡಬೇಕು? 

ಬ್ಯಾಂಕ್ ಹಣವನ್ನ ಮುದ್ರಿಸುತ್ತದೆ ಅದು ತನಗೆ ಬೇಕಾದ ಹಾಗೆ ಹಣವನ್ನ ಸೃಷ್ಟಿಸಬಹದು ಮತ್ತೆ ಬ್ಯಾಂಕಿಗೇಕೆ ಹಣದ ಅವಶ್ಯಕತೆ? ನಾವು ಹಣವನ್ನ ಬ್ಯಾಂಕಿನಲ್ಲಿ ಇಟ್ಟಿದ್ದೇವೆ ಬ್ಯಾಂಕ್ ವಾಪಸ್ಸು ನಮಗೆ ಹಣವನ್ನ ಸಾಲ ಕೊಡುತ್ತದೆ. ಬ್ಯಾಂಕಿನ ಬಳಿ ಹಣವಿದೆ ಮತ್ತೇಕೆ ಕೇವಲ ಐದು ಪ್ರತಿಶತ ಹಣ ವಾಪಸ್ಸು ಬರದೇ ಹೋದರೆ ಅದು ಸಾಲ ಕೊಡುವುದಿಲ್ಲ? ಎನ್ನುವುದಕ್ಕೆ ಉತ್ತರ ಬಂಡವಾಳ ಅನುಪಾತ ಅದನ್ನ ಮೇಲಿನ ಪ್ಯಾರಾದಲ್ಲಿ ವಿವರಿಸಿದ್ದೇನೆ. ಬ್ಯಾಂಕಿನ ಬಳಿ ಹಣವಿದೆ ಆದರೆ ಅದನ್ನ ಜನರಿಗೆ ಸಾಲ ಕೊಡಲು ಬಂಡವಾಳ ಅನುಪಾತ ಎನ್ನುವ ನಿಯಮ ಅನುಮತಿ ನೀಡುವುದಿಲ್ಲ ಆದರೆ ಬ್ಯಾಂಕು ಈ ಹಣವನ್ನ ಸರಕಾರಕ್ಕೆ ಸಾಲ ನೀಡಬಹದು! ಸರಕಾರ ಬ್ಯಾಂಕಿನಿಂದ ಸಾಲ ಪಡೆದು ಅದನ್ನೇ ಮತ್ತೆ ಬ್ಯಾಂಕಿನಲ್ಲಿ ಹೂಡಿಕೆಯ ರೂಪದಲ್ಲಿ ಬ್ಯಾಂಕಿಂಗ್ ವ್ಯವಸ್ಥೆಗೆ ಹಾಕುತ್ತದೆ. ಈ ಪ್ರಕ್ರಿಯೆಯಿಂದ ಬಂಡವಾಳ ಅನುಪಾತ ಹೆಚ್ಚಾಗುತ್ತದೆ ಮತ್ತು ಬ್ಯಾಂಕ್ ಮತ್ತೆ ಜನರಿಗೆ ಸಾಲ ಕೊಡಲು ಸಾಧ್ಯವಾಗುತ್ತದೆ. ಗಮನಿಸಿ ಹೀಗೆ ಮಾರುಕಟ್ಟೆಯಿಂದ ಹಣ ಸಂಗ್ರಹಣೆ ಮಾಡಲು ಬ್ಯಾಂಕ್ಗಳು ಅಥವಾ ಭಾರತ ಸರಕಾರ ಹೊರಡಿಸುವ ಬಾಂಡ್ ಗಳನ್ನ ನಿನ್ನೆ ಮೊನ್ನೆಯವರೆಗೆ ವಿಜಯ್ ಮಲ್ಯ ಕೊಳ್ಳಬಹುದಿತ್ತು !! . ಅಂದರೆ ಉದಾಹರಣೆ ನೋಡಿ ವಿಜಯ್ ಮಲ್ಯ ಮತ್ತು ಅವಂತಹ ಹತ್ತು ಜನ ಬ್ಯಾಂಕ್ನಿಂದ ಸಾವಿರಾರು ಕೋಟಿ ಸಾಲ ಪಡೆಯುತ್ತಾರೆ ಮತ್ತು ಅದನ್ನ ಮರು ಪಾವತಿಸದೆ ಓಡಿ ಹೋಗುತ್ತಾರೆ . ಬ್ಯಾಂಕ್ ಕುಸಿಯುತ್ತದೆ ಬಂಡವಾಳ ಮರು ಸಂಗ್ರಹಣೆಗೆ ಬಾಂಡ್ ಹೊರಡಿಸಿದರೆ ಅದನ್ನ ವಿಜಯ್ ಮಲ್ಯ ನಂತವರು ಅದನ್ನ ಕೊಳ್ಳಬಹುದಿತ್ತು ! ಅಂದರೆ ಬ್ಯಾಂಕ್ ನಿಂದ ಸಾಲ ಪಡೆದು ಅದನ್ನ ಮರುಪಾವತಿಸದೆ ನಂತರ ಅದೇ ಬ್ಯಾಂಕ್ ನ ಬಾಂಡ್ ಕೊಂಡು ಅಷ್ಟು ಮೌಲ್ಯದ ಹಣಕ್ಕೆ ಆತ ಬ್ಯಾಂಕಿನ ಮಾಲೀಕ ಅಥವಾ ಪಾಲುದಾರನಾಗುವ ಅವಕಾಶ . ಇದು ನಮ್ಮ ವ್ಯವಸ್ಥೆಯ ಅವ್ಯವಸ್ಥೆ. ಇತ್ತೀಚೆಗೆ ಮೋದಿ ಸರಕಾರ ಇದಕ್ಕೆ ತಿದ್ದುಪಡಿ ತಂದಿದೆ. 

ಬೈಲ್ ಔಟ್ ಎನ್ನುವ ಪದ ರಿ ಕ್ಯಾಪಿಟಲೈಸೇಶನ್ ಜೊತೆಗೆ ಕೇಳಿಬರುತ್ತದೆ ಏನಿದು ಬೈಲ್ ಔಟ್? 

ವ್ಯವಸ್ಥೆ ಪೂರ್ಣವಾಗಿ ಕುಸಿದು ಜನರು ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ನಂಬಿಕೆ ಕಳೆದು ಕೊಂಡು ತಮ್ಮ ಹಣವನ್ನ ಬ್ಯಾಂಕಿನಿಂದ ತೆಗೆಯಲು ಧಾವಿಸುತ್ತಾರೆ. ಆಗ ಸರಕಾರ ವಿಧಿಯಿಲ್ಲದೆ ವ್ಯವಸ್ಥೆಯ ಮರು ಸ್ಥಾಪಿಸಲು ಬ್ಯಾಂಕ್ನಲ್ಲಿ ತನ್ನ ಬೊಕ್ಕಸದಿಂದ ಹಣವನ್ನ ಹೂಡಿಕೆ ಮಾಡುತ್ತದೆ. ಈ ರೀತಿ ಹಣ ಹೂಡಿಕೆ ಮಾಡಿ ಬ್ಯಾಂಕಿಂಗ್ ವ್ಯವಸ್ಥೆ ಕುಸಿತ ತಡೆಯುವ ಪ್ರಕ್ರಿಯೆಗೆ ಬೈಲ್ ಔಟ್ ಎನ್ನುತ್ತಾರೆ. ಇದು ರಿ ಕ್ಯಾಪಿಟಲೈಸೇಶನ್ ಗಿಂತ ಕೆಟ್ಟ ಹಂತ. ಹಾಗೆ ನೋಡಲು ಹೋದರೆ ಎರಡು ಸಂಧರ್ಭದಲ್ಲೂ ಸರಕಾರ ಮಧ್ಯ ಪ್ರವೇಶಿಸುತ್ತದೆ, ಹಣ ಹೂಡಿಕೆ ಮಾಡುತ್ತದೆ. ಆದರೆ ರಿ ಕ್ಯಾಪಿಟಲೈಸೇಶನ್ ಮೊದಲ ಹಂತ ಇಲ್ಲಿ ಜನ ಸಾಮಾನ್ಯನ ಅರಿವಿಗೆ ವ್ಯವಸ್ಥೆಯ ಕುಸಿತ ಕಂಡು ಬರುವುದಿಲ್ಲ. ಮಾಧ್ಯಮಗಳು ಕೂಡ ಹೆಚ್ಚು ಬೊಬ್ಬೆ ಹೊಡೆಯುವುದಿಲ್ಲ. ಆದರೆ ಎರಡನೇ ಹಂತ ವ್ಯವಸ್ಥೆಯ ಕುಸಿತ ಜನ ಸಾಮಾನ್ಯನಿಗೂ ತಿಳಿಯುತ್ತದೆ. ಸಮಾಜದಲ್ಲಿ ಪ್ಯಾನಿಕ್ ಶುರುವಾಗುತ್ತದೆ. ಈ ರೀತಿಯ ಸಂದರ್ಭದಲ್ಲಿ ವ್ಯವಸ್ಥೆಯ ಮೇಲೆ ಪೂರ್ಣ ವಿಶ್ವಾಸ ಕುಸಿಯುತ್ತದೆ. ಈ ಹಂತದಿಂದ ರಿಕವರಿ ಬಹು ಕಷ್ಟ ಮತ್ತೆ ಮೊದಲಿನ ಹಾಗೆ ವ್ಯಾಪಾರ ವಹಿವಾಟು ನೆಡೆಯಲು ದಶಕಗಳು ಬೇಕು. ಯೂರೋಪಿನ ಬ್ಯಾಂಕ್ಗಳು ಕುಸಿತು ಕಂಡು ಎರಡನೇ ಹಂತ ಅಂದರೆ ಬೈಲ್ ಔಟ್ ಹಂತ ತಲುಪಿದ್ದವು. ಹೀಗಾಗಿ ಯೂರೋಪ್ ಇನ್ನು ಚೇತರಿಸಿ ಕೊಳ್ಳುತ್ತಲೇ ಇದೆ. 

ಸರಿ ಪರಿಹಾರ ಇದೆಯಲ್ಲ ಹಾಗಾದರೆ ಎಲ್ಲಾ ಓಕೇನಾ?

ರಿ ಕ್ಯಾಪಿಟಲೈಸೇಶನ್ ಗಾಗಿ ಸರಕಾರ ಹೊರಡಿಸುವ ಬಾಂಡ್ ವಿತರಣೆ ಅನುಪಾತ 80:20 ಅಥವಾ 75:25 ಇರಲಿದೆ. ಅಂದರೆ 20 ಅಥವಾ 25 ಪ್ರತಿಶತ ಹೂಡಿಕೆ ಪ್ರೈವೆಟ್ ಅಥವಾ ಖಾಸಗಿ ವ್ಯಕ್ತಿ ಅಥವಾ ಸಂಸ್ಥೆಗಳಿಂದ ಬರಲಿದೆ ಉಳಿದದ್ದು ಸರಕಾರದ್ದು. ಅಂದರೆ 20/25 ಪ್ರತಿಶತ ಬ್ಯಾಂಕಿಂಗ್ ಮಾಲೀಕತ್ವದಲ್ಲಿ ಅಥವಾ ಪಾಲುದಾರಿಕೆಯಲ್ಲಿ ಕಲಬೆರೆಕೆಯಾಯಿತು. ಇದು ಬೀಸುವ ದೊಣ್ಣೆಯಿಂದ ತಪ್ಪಿಸಿಕೊಂಡ ಹಾಗೆ ಅಷ್ಟೇ. 

ಹಾಗಾದರೆ ಇದಕ್ಕೆ ಶಾಶ್ವತ ಪರಿಹಾರವೇನು? 

ಕೊಟ್ಟ ಸಾಲವನ್ನ ಮರು ವಸೂಲಿ ಮಾಡುವುದೊಂದೇ ಇದಕ್ಕೆ ಶಾಶ್ವತ ಪರಿಹಾರ. ಸಾಲ ವಸೂಲಿ ಕಾನೂನನ್ನ ಸಾಕಷ್ಟು ಪ್ರಬಲವಾಗಿಸಬೇಕು. ಸುಸ್ತಿದಾರ ಜಗತ್ತಿನ ಯಾವುದೇ ಮೂಲೆಯಲ್ಲಿ ಅಡಗಿ ಕುಳಿತಿರಲಿ ಆತನನ್ನ ಭಾರತದ ಕಾನೂನು ಹಿಡಿದು ತರುವಂತಾಗಬೇಕು. ಎಲ್ಲಕ್ಕೂ ಮುಖ್ಯ ಸುಸ್ತಿದಾರನಿಗೆ ಶಿಕ್ಷೆಯಾಗಬೇಕು. ಸಾಲ ತೆಗೆದುಕೊಂಡವರಲ್ಲಿ ಮರು ಪವಾತಿಸದೆ ಹೋದರೆ ಗತಿಯೇನು ಎನ್ನುವ ಭಯ ಮೂಡುವಂತೆ ಮಾಡಬೇಕು. 

ಕೊನೆಯ ಮಾತು: 

ಅರುಣ್ ಜೈಟ್ಲಿ ಒಟ್ಟು ಎರಡು ಲಕ್ಷ ಹನ್ನೊಂದು ಸಾವಿರ ಕೋಟಿ ರೂಪಾಯಿ ಮರು ಬಂಡವಾಳ ಹೂಡಿಕೆ ಘೋಷಿಸಿ ಮಾತನಾಡುತ್ತ' ಈ ಹಣವನ್ನ ನಮ್ಮ ಬ್ಯಾಂಕ್ ಇನ್ನಷ್ಟು ಮಜಬೂತ್ ಆಗಲು ಕೊಡುತ್ತಿದ್ದೇವೆ ನಮ್ಮ ಬ್ಯಾಂಕ್ ಮಜಬೂರ್ ಆಗಲು ಬಿಡುವುದಿಲ್ಲ' ಎನ್ನುವ ಹೇಳಿಕೆ ನೀಡಿದ್ದಾರೆ. ಸದ್ಯದ ಮಟ್ಟಿಗೆ ಪ್ಯಾನಿಕ್ ಆಗುವ ಅವಶ್ಯಕತೆ ಇಲ್ಲ. ಬೀಸುವ ದೊಣ್ಣೆ ತಪ್ಪಿದರೆ ಸಾವಿರ ವರ್ಷ ಆಯಸ್ಸು ಎನ್ನುವ ಗಾದೆ ನಮ್ಮ ಹಿರಿಯರು ಸುಮ್ಮನೆ ಮಾಡಿರುವುದಿಲ್ಲ ಅದರ ಹಿಂದೆ ಅನುಭವ ಇದ್ದೆ ಇರುತ್ತೆ. ಇವತ್ತಿಗೆ ಸರಿ ನಾಳಿನ ವ್ಯವಸ್ಥೆಯ ಭದ್ರತೆಗೆ ಸುಲಲಿತ ಕಾರ್ಯ ನಿರ್ವಹಣೆಗೆ ಕೊಟ್ಟ ಸಾಲ ವಸೂಲಿ ಮಾಡಬೇಕಿದೆ. ಅಲ್ಲಿಯವರಿಗೆ ವ್ಯವಸ್ಥೆಯಲ್ಲಿ ನಂಬಿಕೆಯಿರಲಿ. 

-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : Banks, Safety, ಬ್ಯಾಂಕ್, ಸುರಕ್ಷತೆ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS