Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
H.D kumara swamy

ಸಾಲ ಮನ್ನಾಗೆ ಬದ್ಧ; ಮರಳು, ಕಸದ ಸಮಸ್ಯೆ ಬಗೆಹರಿಸಲು ಮಾಫಿಯಾ ಬಿಡುತ್ತಿಲ್ಲ: ಸಿಎಂ ಕುಮಾರಸ್ವಾಮಿ

Supreme court

ಲೆಫ್ಟಿನೆಂಟ್ ಗವರ್ನರ್ ಕಚೇರಿಯಲ್ಲಿ ಕೇಜ್ರಿವಾಲ್ ಧರಣಿ ವಿರೋಧಿಸಿ ಅರ್ಜಿ: ತುರ್ತು ಪರಿಶೀಲನೆಗೆ 'ಸುಪ್ರೀಂ' ನಕಾರ

Chief Minister H D Kumaraswamy greets Congress president Rahul Gandhi in New Delhi on Monday. Congress general secretary K C Venugopal and JD(S) leader Danish Ali look on

ರಾಜ್ಯ ಸರ್ಕಾರಕ್ಕೆ ಹೊರೆಯಾಗದಂತೆ ರೈತರ ಸಾಲ ಮನ್ನಾ: ರಾಹುಲ್ ಗೆ ಸಿಎಂ ಕುಮಾರಸ್ವಾಮಿ ಭರವಸೆ

CM HD Kumaraswamy

ಕಾವೇರಿ ನಿರ್ವಹಣಾ ಮಂಡಳಿಯಲ್ಲಿ ರಾಜ್ಯದಿಂದ ಪ್ರತಿನಿಧಿ ನೇಮಕ: ಸಿಎಂ ಕುಮಾರಸ್ವಾಮಿ

Representative image

ಬೆಂಕಿ ಬಿದ್ದು ನಾಶಗೊಂಡಿದ್ದ ಹಿಂದುಗಳ ಮನೆಗಳನ್ನು ಪುನರ್ ನಿರ್ಮಿಸಿ ಕೋಮು ಸೌಹಾರ್ದತೆ ಸಾರಿದ ಮುಸ್ಲಿಮರು!

Tored notes in ATM machine

ಅಸ್ಸಾಂ: ಎಟಿಎಂಗೆ ಲಗ್ಗೆ ಇಟ್ಟ ಇಲಿಗಳು, ಲಕ್ಷಾಂತರ ರೂಪಾಯಿ ನೋಟುಗಳು ಚೂರು ಚೂರು

Gauri lankesh (File photo)

ಪತ್ರಕರ್ತೆ ಗೌರಿ ಹತ್ಯೆ ಆರೋಪಿಗಳಿಗೆ ಪೊಲೀಸ್ ಹಿಂಸೆ: ದಾಖಲೆ ಕೇಳಿದ ಹೈಕೋರ್ಟ್

Former Chief Secretary of Karnataka Kaushik Mukherjee’s house burgled

ಬೆಂಗಳೂರು: ರಾಜ್ಯದ ಮಾಜಿ ಮುಖ್ಯ ಕಾರ್ಯದರ್ಶಿ ಮನೆಯಲ್ಲಿ 25 ಲಕ್ಷ ರು. ವಸ್ತುಗಳ ಕಳವು

Bihar: Six children die after car falls into pond

ಕೆರೆಗೆ ಬಿದ್ದ ಕಾರು: ಆರು ಮಕ್ಕಳ ದಾರುಣ ಸಾವು

N Mahesh  placed the slippers of a seer on his shoulders

ಅಮ್ಮ ಭಗವಾನ್​ ಪಾದುಕೆಯನ್ನು ಮೈಗೆ ಸವರಿಕೊಂಡ ಶಿಕ್ಷಣ ಸಚಿವ ಎನ್.ಮಹೇಶ್: ವಿಡಿಯೋ ವೈರಲ್

Representational image

ಬೆಂಗಳೂರು: ಟ್ಯೂಷನ್ ಗೆ ತೆರಳಿದ 8 ವಿದ್ಯಾರ್ಥಿಗಳು ನಾಪತ್ತೆ

Australia

34 ವರ್ಷಗಳ ಬಳಿಕ ಅಂಕಪಟ್ಟಿಯಲ್ಲಿ ಪಾತಾಳಕ್ಕೆ ಕುಸಿದ ಆಸ್ಟ್ರೇಲಿಯಾ!

HD Kumaraswamy

ಮುತಾಲಿಕ್ 'ನಾಯಿ' ಹೇಳಿಕೆಗೆ ಸಿಎಂ ಕುಮಾರಸ್ವಾಮಿ ಗರಂ!

ಮುಖಪುಟ >> ಅಂಕಣಗಳು

ವಿಧಿ ವಿಕ್ರಮ ಕಾಂಡ

ರಾಮಾಯಣ ಅವಲೋಕನ - 123
Rama

ರಾಮ

(ಜೀವನದಲ್ಲಿನ ಘಟನೆಗಳು ಎಷ್ಟು ಕರಾರುವಾಕ್ಕಾಗಿರುತ್ತವೆಂದರೆ, ಅತ್ಯಂತ ಎಚ್ಚರಿಕೆಯಿಂದ, ತುಂಬ ಆಲೋಚಿಸಿ, ಯೋಜನಾಬದ್ಧವಾಗಿ ಯಾರಾದರೂ ನಿರೂಪಿಸಿದ್ದಾರೋ ಎನಿಸುತ್ತದೆ. ಉದಾಹರಣೆಗೆ ಶರೀರದ ಅಂಗಾಂಗಗಳು, ಅವುಗಳು ಒಂದಕ್ಕೊಂದು ಹೊಂದಿಕೊಂಡು ಚಲಿಸುವ, ಕಾರ್ಯ ನಿರ್ವಹಿಸುವ, ದೇಹದೊಳಗಿನ ನಮ್ಮ ಕಣ್ಣಿಗೆ ಕಾಣದೆಯೇ, ನಮ್ಮ ಙ್ಞಾನಕ್ಕೆ ದಕ್ಕದೆಯೇ ತಮ್ಮ ಪಾಡಿಗೆ ತಾವು ಕ್ರಿಯಾಶೀಲವಾಗಿರುವ ಶ್ವಾಸಕೋಶ, ಮೇದೋಜೀರಕ, ಪಿತ್ತಕೋಶ, ಕರುಳುಗಳು... ಇತ್ಯಾದಿಗಳೆಲ್ಲ ಹೇಗೆ ಅನ್ಯೋನ್ಯವಾಗಿ ಕಿತ್ತಾಡದೇ, ಸಮಯಕ್ಕೆ ಸರಿಯಾಗಿ ತಮ್ಮ ತಮ್ಮ ಕಾರ್ಯಗಳನ್ನು ನಿರ್ವಹಿಸುತ್ತಿರುತ್ತವೆ ಎಂಬುದು ಅತ್ಯಾಶ್ಚರ್ಯಕರ. 

ಅಸಲು ಈ ಶರೀರದ ಗೂಡಿಗೆ, ಅದೂ ಒಂದು ನಿಮಿಷವೂ ಆಗಿರದ ಆ ಜೀವಕೋಶಕ್ಕೆ ಎಲ್ಲಿಂದ ಈ ಜೀವ ಬಂದು ಸೇರಿತು?  ಅಂದಿನಿಂದ ಸತತವಾಗಿ ಸಾಯುವ ತನಕ ಎಷ್ಟೆಷ್ಟೋ ವರ್ಷಗಳು ಅದೇ ಶರೀರದಲ್ಲುಳಿಯಿತು? ಅದೇ ನಮ್ಮ ದೈಹಿಕ ಕ್ರಿಯಗಳ ಮೇಲೆ ಗಮನವಿಟ್ಟಿದೆಯೋ, ಅಲ್ಲದೇ ನಮ್ಮ ಬದುಕಿನ ಬಾಲ್ಯ, ಯವ್ವನ, ವಾರ್ಧಕ್ಯಗಳನ್ನು ನಿಯಂತ್ರಿಸುತ್ತಿದೆಯೋ, ಕ್ಷಣ-ಕ್ಷಣದ ಕರಾರುವಾಕ್ಕು ಕಾರ್ಯಕ್ರಮ ಆ ಜೀವಕ್ಕಿದೆಯೋ, ಅಸಲು ಈ ಶರೀರಕ್ಕೆ ಬರುವ ಮೊದಲು ಇತ್ತೆಲ್ಲಿ ಅದು? ಈಗೇಕೆ ಬಂದಿದೆ? ಇದ್ದಕ್ಕಿದ್ದಂತೆಯೇ ಎಲ್ಲಿ ಮಾಯವಾಗಿ, ಆ ಕ್ಷಣದ ತನಕ ಚೈತನ್ಯ ಪೂರ್ಣವಾಗಿದ್ದ ದೇಹವನ್ನು ತಣ್ಣಗೆ ಮಾಡಿ ನಿಷ್ಕರುಣೆಯಿಂದ ಸಾಯಿಸಿ, ಎಲ್ಲಿಗೆ ಹೋಗಿಬಿಡುತ್ತದೆ? .... ಎಂದೆಲ್ಲ ಪ್ರಶ್ನೆಗಳೂ ಪ್ರಶ್ನೆಗಳಾಗಿಯೇ ಉಳಿದುಬಿಡುತ್ತವೆ. ಭೃಗುವಲ್ಲಿಯಲ್ಲಿ ಇವೇ ಪ್ರಶ್ನೆಗಳನ್ನು ಇಟ್ಟುಕೊಂಡು ತಪಸ್ಸು ಮಾಡೆಂದು ವರುಣ ಸೂಚಿಸುತ್ತಾನೆ. 

(ಯತೋ ವಾ ಇಮಾನಿ ಭೂತಾನಿ ಜಾಯಂತೆ
ಏನ ಜಾತಾನಿ ಜೀವಂತಿ 
ಯತ್ ಪ್ರಯಂತ್ಯಭಿಸಂವಿಶಂತಿ)

ಅಲ್ಲೇನೋ ಭೃಗುವಿಗೆ ಬ್ರಹ್ಮದರ್ಶನವಾಯಿತಂತೆ! " ಆನಂದೋ ಬ್ರಹ್ಮೇತಿ ವ್ಯಜಾನಾತ್" ಎಂದೇನೋ ಆತ ಹೇಳಿಬಿಟ್ಟ. ಅದನ್ನೋದಿದ್ದಷ್ಟೇ ನಮಗೆ ಗೊತ್ತು. ನಮಗೆ ಬ್ರಹ್ಮಾನುಭವ ಆಗಲಿಲ್ಲವಲ್ಲ!!

ನಮ್ಮಿಂದ ಹೊರನೋಡಿದರೆ ಅವೆಷ್ಟು ವೈವಿಧ್ಯಮಯ ಪಶುಪಕ್ಷಿ ಪ್ರಾಣಿ ಕೀಟ ಜಲಚರ, ಗಗನಚರ, ಭೂಚರಗಳು! ಅವೆಷ್ಟು ಕೋಟಿ ಕೋಟಿ! ಆ ಕೋಟಿ ಕೋಟಿಗಳಲ್ಲಿ ಪ್ರತಿಯೊಂದಕ್ಕೂ ತನ್ನದೇ ಆದ ಜಗತ್ತು; ತನ್ನದೇ ಚಿಂತನೆ; ತನ್ನದೇ ಲೆಕ್ಕಾಚಾರ, ತನ್ನದೇ ಬೇಕು- ಬೇಡಗಳು... ಅಬ್ಬೋ! ಇದೆಲ್ಲ ಹೇಗೆ ಸಾಧ್ಯವೆನ್ನುವಂತೆಯೇ ಇಲ್ಲ; ಸಾಧ್ಯವಾಗಿಬಿಟ್ಟಿದೆಯಲ್ಲ! ಈ ಎಲ್ಲ ಜೀವ-ನಿರ್ಜೀವಗಳ ಅಸ್ತಿತ್ವ ಏಕೆ, ಯಾವ ಪುರುಷಾರ್ಥಕ್ಕೆ? ಇರುವೆಯೋ, ಹಕ್ಕಿಯೋ ಬೆಳಗಿನಿಂದ ಸಂಜೆಯ ತನಕ ಸುತ್ತಿ, ಸುತ್ತಿ, ಓಡಾಡಿ, ಆಹಾರ ಸಂಗ್ರಹಿಸಿ, ಉಂಡು, ಮಲಗಿ, ಹುಟ್ಟಿಸಿ ಸಾಯುತ್ತವೆ. ತಾನೇನೋ ವಿಶೇಷವೆಂದೋ, ದೊಡ್ಡವನೆಂದೋ, ನಾಗರಿಕನೆಂದೋ ಮನುಷ್ಯ ಬೀಗುತ್ತಿದ್ದರೂ, ಆಳವಾಗಿ ಯೋಚಿಸಿದಲ್ಲಿ ಯಾವುದೇ ಜೀವಿಗಿನ್ನಾ ವಿಭಿನ್ನವಾಗಿ, ವಿಶೇಷ ಕಾರಣದಿಂದ ಇಲ್ಲಿದ್ದಾನೆ, ಗುರುತರವಾದದ್ದನ್ನು ಮಾಡುತ್ತಿದ್ದಾನೆ, ಎಂದು ನನಗೇನೋ ಅನ್ನಿಸುತ್ತಿಲ್ಲ. ಆದರೂ ಏನೋ ಲೆಕ್ಕಾಚಾರಗಳನ್ನು ಹಾಕುತ್ತ, ಕ್ರಮಬದ್ಧವಾಗಿ ಜೀವಿಸುತ್ತಿದ್ದೇವೆ. ಏನೇನನ್ನೋ ಸಾಧಿಸುತ್ತಿದ್ದೇವೆ, ಸಮಾಜಕ್ಕೆ ಅನುಕೂಲಗಳನ್ನು ಮಾಡುತ್ತಿದ್ದೇವೆ... ಎಂದೆಲ್ಲ ಅಂದುಕೊಂಡರೂ, ಕಾಲ ಕಳೆಯುತ್ತಿದ್ದಂತೆಯೇ ನಾವೇನೇನು ಮಹಾ ಮಹಾ ಮಹಿಮಾನ್ವಿತವಾದುವೆಂದುಕೊಳ್ಳುತ್ತೇವೆಯೋ ಅವೆಲ್ಲ ಕಾಲ ಪ್ರವಾಹದಲ್ಲಿ ಕೊಚ್ಚಿ ಹೋಗಿ, ಎಲ್ಲವೂ ಶೂನ್ಯವಾಗಿಬಿಡುತ್ತದೆ. ಹಾಗಾದರೆ ಈ ಜೀವನಕ್ಕೇನಾದರೂ ಅರ್ಥವಿದೆಯೇ ಎನ್ನುವುದು ಪ್ರಶ್ನೆಯಾಗಿಯೇ ಉಳಿದುಬಿಡುತ್ತದೆ. ಇದಕ್ಕಿನ್ನ ಮಹತ್ತರವಾದ ಪ್ರಪಂಚದ ಪ್ರಪ್ರಥಮ ಅಚ್ಚರಿಯೆಂದರೆ, ಇಷ್ಟೆಲ್ಲ ಜೀವನದಲ್ಲಿ ಅರ್ಥ ಕಾಣಿಸದಿದ್ದರೂ ನಾವು ಕ್ರಿಯಾಶೀಲರಾಗಿರುವುದಾಗಲೀ, ಸಾಧಿಸುವೆವೆಂದು ಹೂಂಕರಿಸುವುದಾಗಲೀ ನಿಲ್ಲಿಸುವುದೇ ಇಲ್ಲ.
 
ಇನ್ನೂ ಮುಂದಕ್ಕೆ ಹೋದರೆ, ನಾವಿರುವ ಗಗನ, ಅದರ ವಿಸ್ತಾರ, ಅದರೊಡಲಲ್ಲಿರುವ ಗ್ರಹತಾರೆಗಳು, ಅವುಗಳಲ್ಲಿ ಹತ್ತಿರದಲ್ಲಿರುವ ಸದಾ ಸ್ಫೋಟದ ಅಗ್ನಿಗೋಳ ಸೂರ್ಯ, ಅವನ ಸುತ್ತಲಿರುವ ಗ್ರಹಗಳು, ಕೋಟಿ ಕೋಟಿ ಕಿಲೋಮೀಟರ್ ದೂರದ ಅವುಗಳು ನಮ್ಮ ಮೇಲೆ ಪ್ರಭಾವ ಬೀರುವುದು... ಇವೆಲ್ಲ ವಿಸ್ಮಯ, ಅಚ್ಚರಿ, ಮೂಕ ಬೆರಗು. 

ಹಾಗಾದರೆ ಇವೆಲ್ಲ ಹೇಗೆ? ಏಕೆ? ಯಾವ ಸೂತ್ರಕ್ಕೆ ಅನುಗುಣವಾಗಿ ನೆಡೆಯುತ್ತಿದೆ? ಎಂದೆಲ್ಲ ಯೋಚಿಸಿದಾಗ ಸಂಪ್ರದಾಯ, ತತ್ವಙ್ಞಾನ ಹೇಳುತ್ತದೆ; ಅದೇ ವಿಧಿ. ಯಾವುದು ಈ ವಿಧಿ, ಏನೀ ವಿಧಿ ಎಂದರೆ? ಎಲ್ಲಿದೆ? ನಮ್ಮೊಳಗೋ, ಹೊರಗೋ, ಸರ್ವವ್ಯಾಪ್ತವೋ, ಅದರ ರಾಜಧಾನಿ ಯಾವುದು? ಸಿಬ್ಬಂದಿ ಹೇಗೆ? ಕಾರ್ಯವಿಧಾನವೆಂತು? ಅಸಲು ಅದರ ಸ್ವರೂಪವೇನು?.... ಈ ಯಾವ ಪ್ರಶ್ನೆಗಳಿಗೂ ನಮಗೆ ಉತ್ತರ ಸರಿಯಾಗಿ, ನಿಜವಾಗಿ ಗೊತ್ತಿಲ್ಲ. ಗೊತ್ತಿರುವುದೆಲ್ಲ ಓದಿದ್ದು, ಕೇಳಿದ್ದು, ಯೋಚಿಸಿದ್ದು, ಅರ್ಥಕ್ಕೆ ಸಿಕ್ಕಿದ್ದು, ಅರ್ಥವಾದದ್ದು. ಅಷ್ಟೇ. ಅಷ್ಟೇನೋ ಇನ್ನೆಷ್ಟೋ? ಗೊತ್ತಿಲ್ಲ ಗೊತ್ತಿಲ್ಲ ಕೆಣಕಿದಷ್ಟೂ, ಕೆದಕಿದಷ್ಟೂ, ಸಂದೇಹಗಳು, ಅನುಮಾನಗಳು. ಈ ಯೋಚನೆಗಳನ್ನು ಮಾಡದೇ ಉಳಿದುಬಿಡುವುದೇ ಎಷ್ಟೋ ಬಾರಿ ಸಮಂಜಸ ಎನಿಸುತ್ತದೆ.
 
ಈ ವಿಧಿಯನ್ನು ಒಪ್ಪದ ವಾದವೂ ಒಂದುಂಟು. ನಾವೇ ರೂಪಿಸಿಕೊಳ್ಳುವ ಜೀವನ, ಅದರ ಸೋಲು, ಗೆಲುವುಗಳೆಲ್ಲ ಸ್ವಯಂಕೃತ. ಕಣ್ಣಿಗೆ ಕಾಣದ, ಕೇವಲ ಆಧಾರವೇ ಇಲ್ಲದ ನಂಬಿಕೆಯನ್ನಾಧರಿಸಿದ ವಿಧಿಗೆ ಇಲ್ಲಿ ಜಾಗವೇ ಇಲ್ಲ. ಈ ಚಿಂತನೆಯೇ ಪೌರುಷವಾದ. ಈ ಎರಡೂ ವಾದಗಳನ್ನು ಒಪ್ಪಿರುವವರೂ, ತಮ್ಮ ತಮ್ಮ ಜೀವನವನ್ನು ಅದರಂತೆ ಕಾಣುವವರೂ ಕೋಟಿ ಕೋಟಿ ಮಂದಿ. ಇಬ್ಬರೂ ಒಂದಾಗುವ ಮಾತೇ ಇಲ್ಲ! ಅವರವರ ಗ್ರಹಿಕೆ, ಅವರವರ ಅನುಭವ ಅವರವರಿಗೆ ಪ್ರಮಾಣ 

ರಾಮಾಯಣದಲ್ಲೂ ಙ್ಞಾತಾಙ್ಞಾತವಾಗಿ ಈ ಚರ್ಚೆ ಸ್ಥಾನ ಗಳಿಸಿದೆ. ಆದ್ಯಂತವಾಗಿ ಇದೇ ರಾಮಾಯಣದ ತತ್ವವೇನೋ ಎಂಬಷ್ಟು ಗಾಢವಾಗಿ ಮಂಡಿಸಲ್ಪಟ್ಟಿದೆ. ನಾನು ವಿಧಿವಾದವನ್ನು ಒಪ್ಪಿರುವಾತ; ನಂಬಿರುವಾತ. ನನಗೆ ಪ್ರಿಯವಾದ ಶ್ರೀರಾಮರು ವಿಧಿವಾದಿಗಳು. ಅವರ ಪ್ರಭಾವ ನನ್ನ ಮೇಲೆ ಸಾಕಷ್ಟೇ ಇದೆ. ಹೀಗಾಗಿ ಮುಂದಿನ ಕಥಾಭಾಗವನ್ನು ವಿಧಿವಿಕ್ರಮಕಾಂಡ ವೆಂದು ಕರೆಯುತ್ತಿದ್ದೇನೆ. ಅದೇ ವಿಧಿ, ದಾಳ ಉರುಳಿಸಿ ಶ್ರೀರಾಮ ಪಥವನ್ನೀಗ ಬದಲಿಸುತ್ತಿದೆ! 

-ಡಾ.ಪಾವಗಡ ಪ್ರಕಾಶ ರಾವ್
pavagadaprakashrao@gmail.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಇನ್ನೂ ವಿವಾಹವಾಗಿಲ್ಲವೇ?
ಇಂದೇ ಕನ್ನಡ ಮ್ಯಾಟ್ರಿಮನಿ ಯಲ್ಲಿ ನೋಂದಾಯಿಸಿ -
ನೋಂದಣಿ ಉಚಿತ!

Topics : Ramayana avalokana, Dr.Pavagada Prakash Rao, Rama, Vidhi Vikrama Kaanda, ರಾಮಾಯಣ ಅವಲೋಕನ, ಡಾ.ಪಾವಗಡ ಪ್ರಕಾಶ್ ರಾವ್, ರಾಮ, ವಿಧಿ ವಿಕ್ರಮ ಕಾಂಡ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement