Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
2-Month-Old Rescued In Rained Out Kodagu, Watch Heart-Warming Video

ಕೊಡಗು: 48 ಗಂಟೆಗಳ ಕಾರ್ಯಾಚರಣೆ ಬಳಿಕ ಎನ್ ಡಿ ಆರ್ ಎಫ್ ನಿಂದ 2 ತಿಂಗಳ ಮಗುವಿನ ರಕ್ಷಣೆ! ವಿಡಿಯೋ ವೈರಲ್

Hardik Pandya

ಪಾಂಡ್ಯ ಕೈಚಳಕಕ್ಕೆ ಪತರಗುಟ್ಟಿದ ಇಂಗ್ಲೆಂಡ್ 161 ಕ್ಕೆ ಸರ್ವಪತನ: ಭಾರತಕ್ಕೆ 292 ರನ್ ಮುನ್ನಡೆ

Kerala Floods: No heavy rains in state over next five days, predicts Met department

ಕೇರಳ ಪ್ರವಾಹ; ಮುಂದಿನ 5 ದಿನ ಸಾಧಾರಣ ಮಳೆ: ಐಎಂಡಿ

Bajrang Punia

ಏಷ್ಯನ್ ಕ್ರೀಡಾಕೂಟ 2018: ಫ್ರೀಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಬಜರಂಗ್ ಪುನಿಯಾಗೆ ಚಿನ್ನದ ಪದಕ

Imran Khan

ಇಮ್ರಾನ್ ಖಾನ್ ಪ್ರಧಾನಿಯಾದ ಬೆನ್ನಲ್ಲೇ ಸಿಪಿಇಸಿ ಮೇಲೆ ಕರಿನೆರಳು!?

Navjot Singh Sidhu

ಪಿಒಕೆ ಅಧ್ಯಕ್ಷರ ಪಕ್ಕದಲ್ಲೇ ಆಸೀನ ವಿವಾದ : ಅಲ್ಲಿಯೇ ಕುಳಿತುಕೊಳ್ಳಲು ಕೇಳಿದರು - ಸಿಧು

Pope calls on international community to help Kerala

ಕೇರಳಕ್ಕೆ ಸಹಾಯ ಮಾಡಲು ಅಂತಾರಾಷ್ಟ್ರೀಯ ಸಮುದಾಯಕ್ಕೆ ಪೋಪ್ ಕರೆ

Parliamentary panel calls ex-RBI governor Raghuram Rajan to brief on mounting NPAs

ಎನ್ ಪಿಎ ಬಗ್ಗೆ ವಿವರಣೆ ನೀಡಿ: ರಘುರಾಮ್ ರಾಜನ್ ಗೆ ಸಂಸದೀಯ ಸಮಿತಿ

3rd Test: England bowl out India for 329 on Day 2

ಇಂಗ್ಲೆಂಡ್ ವಿರುದ್ಧ 3ನೇ ಟೆಸ್ಟ್: 329ಕ್ಕೆ ಭಾರತ ಆಲೌಟ್‌

Quota protest: Hardik Patel, supporters detained in Ahmedabad

ಮೀಸಲಾತಿ ಪ್ರತಿಭಟನೆ: ಹಾರ್ದಿಕ್ ಪಟೇಲ್, ಬೆಂಬಲಿಗರ ಬಂಧನ

Kerala Floods: Height of dumbness, they are dropping Plastic Waste back to river!

ಕೇರಳ: ಪ್ರವಾಹದಲ್ಲಿ ತೇಲಿ ಬಂದ ತ್ಯಾಜ್ಯ ಮತ್ತೆ ನದಿಗೆ, ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ರೋಶ

Vajpayee Ashes  Immersed  in Haridwar

ವಾಜಪೇಯಿ ಅಸ್ತಿ ಕಳಸ ಯಾತ್ರೆ ಆರಂಭ :ಹರಿದ್ವಾರ ಸೇರಿ ದೇಶದ ಪ್ರಮುಖ ನದಿಗಳಲ್ಲಿ ವಿಸರ್ಜನೆ

ಮುಖಪುಟ >> ಅಂಕಣಗಳು

ಸಮಸ್ಯೆ ನಮ್ಮ ಬುಡಕ್ಕೇ ಬಂದು ಬಿಟ್ಟರೆ, ಯಾವ ಧಾರ್ಮಿಕ ನಿಷ್ಠೆಯೂ ನಮಗಿರುವುದಿಲ್ಲ. ತಕ್ಷಣ ದನಿ ಬದಲಿಸುತ್ತೇವೆ, ದಾರಿ ಬದಲಿಸುತ್ತೇವೆ..!

ರಾಮಾಯಣ ಅವಲೋಕನ - 132
Image for only representational purpose

ಸಂಗ್ರಹ ಚಿತ್ರ

(ಹೌದು. ನಾವೆಲ್ಲರೂ ಒಳ್ಳೆಯವರೇ. ಸಾಮಾನ್ಯ ಸ್ಥಿತಿಗಳಲ್ಲಿ ಹಾಗೂ ಅನ್ಯರ ಬಗ್ಗೆ ಮಾತನಾಡುವಾಗ ನಾವು ತುಂಬ ಉದಾರಿಗಳು. ಬೇರೆಯವರು ನ್ಯಾಯದಿಂದ ಅತ್ತಿತ ಗೆರೆಯಷ್ಟು ಚಲಿಸಿದರೂ ನಾವದನ್ನು ಖಂಡಿಸುವವರೇ! ಅದೂ ಎಷ್ಟೆಂದರೆ ಶ್ರೀರಾಮರನ್ನೂ ವಿಮರ್ಶಿಸುವಷ್ಟು! ಆದರೆ ನಮ್ಮ ಒಳ್ಳೆಯ ಮನಸ್ಸು ಎನ್ನುವ ಮನಸ್ಸು(?) ಪರೀಕ್ಷೆಗೆ ಕುಳಿತಾಗ ಅದೇ ಧೈರ್ಯ ನಮಗಿರುತ್ತದೆ ಎಂದು ಗಟ್ಟಿದನಿಯಲ್ಲಿ ಹೇಳಲಾರೆವು. ಹಾಗೆ ಹೇಳಿಬಿಟ್ಟರೆ, ಅದರಿಂದಾಗುವ ಅಡಚಣೆಗಳೇನು? ಯಾರ್ಯಾರು ನಮ್ಮನ್ನು ವಿರೋಧಿಸಬಹುದು? ನ್ಯಾಯದ ದೃಷ್ಟಿಯಲ್ಲಿ ನಾವು ಸುರಕ್ಷಿತರಾಗಿದ್ದೇವೊ? ನಮಗಾಗುವ ನಷ್ಟವೇನು?-ಎಂದೆಲ್ಲ ಯೋಚಿಸುತ್ತೇವೆ. ಸಮಸ್ಯೆ ನಮ್ಮ ಬುಡಕ್ಕೇ ಬಂದ ಬಿಟ್ಟರೆ, ಯಾವ ಧಾರ್ಮಿಕ ನಿಷ್ಠೆಯೂ ನಮಗಿರುವುದಿಲ್ಲ! ತಕ್ಷಣ ದನಿ ಬದಲಿಸುತ್ತೇವೆ; ದಾರಿ ಬದಲಿಸುತ್ತೇವೆ. ಧಾರ್ಮಿಕ-ನ್ಯಾಯಿಕ ಯಾವ ಬದಲಾವಣೆಗೂ ಸಿದ್ಧರಾಗಿ ಬಿಡುತ್ತೇವೆ!!!!

ಕೈಕೆ ಸಾಮಾನ್ಯ ಹೆಣ್ಣು. ತಾನೂ, ತನ್ನವರು, ತನ್ನ ಕುಟುಂಬ, ತನ್ನ ಬಂಧುಗಳು... ಈ ಸರತಿಯಲ್ಲಿ ಎಲ್ಲರಿಗೂ ಸುಖವನ್ನು ಬಯಸುವಾಕೆಯೇ! ಅದು ಕಾರಣವೇ ರಾಮರ ಬಗ್ಗೆಯೂ ಎಣೆ ಇಲ್ಲದ ಪ್ರೀತಿ. ಕೌಸಲ್ಯೆಗಿನ್ನ ಶ್ರೀರಾಮ ಪ್ರೀತಿ ತನ್ನಮೇಲೇ ಹೆಚ್ಚು (ಕೌಸಲ್ಯಾತೋ ಅತಿರಿಕ್ತಂ ಚ/ ಸ ತು ಶುಶ್ರೂಷತೇ ಹಿ ಮಾಂ)

ಎಂಬ ಅಸಹಜ ಸ್ಥಿತಿಯನ್ನೂ ಊಹಿಸಿಕೊಂಡಾಕೆ! ಹೀಗಾಗಿಯೇ ರಾಮ-ಭರತರಲ್ಲಿ ಆಕೆಗೆ ಭೇದವೇ ಇಲ್ಲ!! ಆದರೆ ತಾನು ಎನ್ನುವುದರಲ್ಲಿ ಸಿಂಹಪಾಲು ಸಂತಾನದ್ದೇ! ಎಲ್ಲಿವರೆಗೆ ತನಗಾಗಲೀ ಭರತನಿಗಾಗಲೀ ತೊಂದರೆ ಇಲ್ಲವೋ, ಅಲ್ಲಿವರೆಗೆ ಅವಳು ಒಳ್ಳೆಯವಳೇ! ಆದರೆ ಮಂಥರೆ ಬಿಡಿಸಿದ ಚಿತ್ರ ಅವಳನ್ನು ಅಲುಗಾಡಿಸಿಬಿಟ್ಟಿತು!! ಇದರಲ್ಲಿ ಮಂಥರೆಯ ತಪ್ಪು ನನಗೆ ಅಷ್ಟೇನೂ ಕಾಣುತ್ತಿಲ್ಲ. ಎಷ್ಟೇ ಆಗಲಿ ಆಕೆಯ ಮಟ್ಟವೇ ಅದು. ತಾನು, ತನ್ನ ಒಡತಿ, ಒಡತಿಯ ಮಗ, ಈ ಮೂವರೇ ಅವಳ ಪ್ರಪಂಚ. ಅವಳು ಭರತನ ವಕೀಲಿ ವಹಿಸಿದ್ದು ಏನೂ ದೊಡ್ಡ ವಿಷಯವಲ್ಲ! ಆದರೆ ಕೈಕೆ ಎಷ್ಟೇ ಆಗಲಿ ರಾಜ ಪುತ್ರಿ, ಈಗ ರಾಜಪತ್ನಿ. ಮಗನ ತಾಯಿ. ಅದರಲ್ಲಿಯೂ ಶ್ರೀರಾಮರನ್ನು ಅತಿ ಹತ್ತಿರದಿಂದ ಬಲ್ಲಾಕೆ! ಆತನ ಗುಣಗಳ ಬಗ್ಗೆ ತಾನೇ ಹೊಗಳಿದಾಕೆ!! ಅಷ್ಟು ಬೇಗ ಮಂಥರೆಯ (ಬಹುಶಃ ಹತ್ತು ನಿಮಿಷಗಳ) ಬೋಧನೆಗೆ ರಾಮ, ಶತ್ರುವಾಗಿ ಕಾಣಬೇಕೆ? ಇನ್ನೆಷ್ಟು ದುರ್ಬಲಳಿದ್ದಾಳು ಆಕೆ! ಭರತನನ್ನು ರಾಜನನ್ನಾಗಿಸುವ ನಡೆಯನ್ನಾದರೂ ಕ್ಷಮಿಸಬಹುದು; ಆದರೆ ರಾಮರಿಗೆ ವಿಧಿಸಿದ ಶಿಕ್ಷೆ, ಆಕೆ ನರಕದ ರಹದಾರಿಗೆ ಕೋರಿಕೊಂಡ ವರ!!!! -ಲೇಖಕರು)

ಮಂಥರೆಯ ಪ್ರಚೋದನೆ ಕೈಕೆಗೆ ಬಲವಾಗಿ ನಾಟಿತು. ’ ಛೇ ಛೇ! ಮಂಥರೆ ಇಲ್ಲದಿದ್ದಿದ್ದರೆ ನನ್ನ ಗತಿ ಏನಾಗುತ್ತಿತ್ತೋ! ಮಂಥರೆ ಎಷ್ಟು ಒಳ್ಳೆಯವಳು! ತನ್ನ ಹಿತದಲ್ಲಿ ಅವಳಿಗೆಷ್ಟು ಆಸಕ್ತಿ! ’ಪ್ರೀತಿ ಉಬ್ಬುಬ್ಬಿ ಕುಬ್ಜೆಯನ್ನು ಹಾಡಿ ಹೊಗಳಿದಳು. "ಮಂಥರೆ ನಿನ್ನನ್ನು ಏನೋ ಎಂದುಕೊಂಡಿದ್ದೆ. ಎಂಥ ಕುಶಾಗ್ರಮತಿ ನೀನು. ನಿನಗೆಷ್ಟು ದೂರದೃಷ್ಟಿ ಇದೆ! "ಎದ್ದು ಬಂದು ಅವಳನ್ನಪಿ ಬೆನ್ನು ಸವರುತ್ತ, " ಕುಬ್ಜೆ, ಎಷ್ಟು ಚನ್ನಾಗಿ ಮಾತಾಡ್ತೀಯ! ನನಗೆ ಗೊತ್ತೇ ಇರಲಿಲ್ಲ ನೀನು ಇಷ್ಟು ವಾಚಾಳಿ ಅಂತ! ಈ ಪ್ರಪಂಚದ ಕುಬ್ಜೆಯರಲ್ಲೆಲ್ಲ ನೀನೇ ಮೊದಲ ದರ್ಜೆ. ಗಾಳಿಯ ಹೊಡೆತಕ್ಕೆ ಬಾಗಿದ ತಾವರೆ ಬಳ್ಳಿಯ ಹಾಗೆ ಬಗ್ಗಿದ್ದೀಯ! ನಿನ್ನ ಎದೆ ಹೆಗಲಿನವರೆಗೆ ಉಬ್ಬಿದೆ. ಕೆಳಗಿನ ಹಿಂಭಾಗ ಮೇಲಿನ ಉನ್ನತ ಸ್ತನಗಳ ಮಧ್ಯೆ, ನಾಚಿಕೊಂಡ ನಿನ್ನ ಹೊಕ್ಕಳು ಆಳಕ್ಕೆ ಇಳಿದುಹೋಗಿದೆ. ನಿನ್ನ ಮುಖ ಪೂರ್ಣಚಂದ್ರನ ಹಾಗೆ ಶೋಭಾಯಮಾನವಾಗಿದೆ. ನಿನ್ನ ಸೊಂಟ ಡಾಬಿನಿಂದ, ಅದಕ್ಕೆ ಅಂಟಿಸಿರುವ ಚಿನ್ನದ ಬಳ್ಳಿ ಎಳೆಗಳಿಂದ ಎಷ್ಟು ಹೊಳೆಯುತ್ತಿದೆ. ಓಹೋ ನೀನು ನಡೆಯುತ್ತಿದ್ದರೆ ರಾಜ ಹಂಸಿಯಂತೆ ಕಾಣಿಸುತ್ತೀಯ..."

(ಕುಬ್ಜೇ ತ್ವಾಂ ನ ಅವಜಾನಾಮಿ ಶ್ರೇಷ್ಠಾಂ ಶ್ರೇಷ್ಠಂ ಅಭಿಧಾಯಿನೀಂ
ಪೃಥಿವ್ಯಾಂ ಅಸಿ ಕುಬ್ಜಾನಾಂ ಉತ್ತಮಾ ಬುದ್ಧಿ ನಿಶ್ಚಯೇ
ತ್ವಂ ಪದ್ಮಂ ಇವ ವಾತೇನ ಸಂನತಾ ಪ್ರಿಯದರ್ಶನಾ
ಉರಸ್ತೇ ಅಭಿನಿವಿಷ್ಟಂ ವೈ ಯಾವತ್ ಸ್ಕಂಧಂ ಸಮುನ್ನತಂ
ಅಧಸ್ತ ಅಚ್ಛೋದರಂ ಶಾತಂ ಸುನಾಭಂ ಇವ ಲಜ್ಜಿತಂ
ಪರಿಪೂರ್ಣಂತು ಜಘನಂ ಸುಪೀನೌಚ ಪಯೋಧರೌ
ವಿಮಲ ಇಂದು ಸಮಂ ವಕ್ತ್ರಂ ಅಹೋ ರಾಜಸಿ ಮಂಥರೇ
ಜಘನಂ ತವ ನಿರ್ಮೃಷ್ಟಂ ರಶನಾದಾಮ ಶೋಭಿತಂ
ಅಗ್ರತೋ ಮಮ ಗಚ್ಛಂತೀ ರಾಜ ಹಂಸೀವ ರಾಜಸೇ)

ಕೈಕೆಯ ಹೊಗಳಿಕೆ ಸೂತ್ರ ಹರಿದ ಗಾಳಿ ಪಟದಂತೆ ತೇಲತೊಡಗಿತು! ಕುರೂಪಿ ಮಂಥರೆಯೂ ನಾಚಿಕೊಂಡುಬಿಟ್ಟಳು!! ಭರತ ರಾಜನಾದಮೇಲೆ ಮಂಥರೆಯ ಗೂನಿಗೊಂದು ಬಂಗಾರದ ತಗಡು ಹೊದೆಸುವೆನೆಂದಳು. ಹೀಗೆ ಹೊಗಳುತ್ತ ಹೊಗಳುತ್ತ ಕೈಕೆಗೆ ಇದ್ದಕ್ಕಿದ್ದಂತೆಯೇ ವಾಸ್ತವದ ಅರಿವಾಗಿ, "ಹೌದು, ಇದೆಲ್ಲ ಸಾಧಿಸುವುದು ಹೇಗೆ? ಯಾರನ್ನು ಕೇಳಲಿ? ಯಾರಲ್ಲಿ ನಂಬಿಕೆ ಇಡಲಿ? ಯಾರು ತನ್ನ ಸಮಸ್ಯೆಯನ್ನರಿತು ತನಗೆ ಸಹಾಯ ಮಾಡಬಲ್ಲರು?.... ಅರೆ! ಹೌದಲ್ಲ. ಇಷ್ಟು ಹೇಳಿದ ಮಂಥರೆಯೇ ಇದಕ್ಕೂ ಉಪಾಯ ಹೇಳಬಲ್ಲಳು! ಮಂಥರೆಯ ಕೈಗಳನ್ನು ಬಿಗಿಯಾಗಿ ಹಿಡಿದು, "ಮಂಥರೆ, ಮಂಥರೆ, ಇದನ್ನು ಸಾಧಿಸುವ ಉಪಾಯ ಏನು? "( ಕೇನೋಪಾಯೇನ ಮಂಥರೆ?)

ಅಲ್ಲಿಗೆ ಕೈಕೆ ಸಂಪೂರ್ಣ ಮಂಥರೆಯ ವಶವರ್ತಿಯಾದಳು. ತನ್ನ ಜುಟ್ಟನ್ನು ಪೂರ್ಣ ಅವಳ ಕೈಗೇ ಕೊಟ್ಟುಬಿಟ್ಟಳು. ಪದವೀಧರನಿಗೆ ಸಂದೇಹ ಬಂದರೆ ಪ್ರಾಧ್ಯಾಪಕನನ್ನು ಕೇಳಬೇಕು ತಾನೆ? ಕೈಕೆಳಗಿನ ಆಳನ್ನು ಸಹಾಯಕ್ಕೆ, ಮಾರ್ಗದರ್ಶನಕ್ಕೆ ಕೇಳುವುದೆ? 
"ನೆನಪಿದೆಯಾ ನಿನಗೆ? ಹಿಂದೆ ಯುದ್ಧ ನಡೆದಾಗ, ದೇವತೆಗಳಿಗೆ ಸಹಾಯ ಮಾಡಲು ನಿನ್ನ ಗಂಡ ಹೋದಾಗ, ಅವನಿಗೂ ಸಾಕಷ್ಟು ಗಾಯಗಳಾದವು. ಒಮ್ಮೆ ಪ್ರಙ್ಞೆ ತಪ್ಪಿ ಬಿದ್ದೇ ಬಿಟ್ಟ! ಆಗ ನೀನು ಅವನನ್ನು ಹೊರತಂದು ಉಪಚರಿಸಿದೆ. ಎದ್ದ ಗಂಡ ಎರಡು ವರಗಳನ್ನು ಕೇಳಿಕೊಳ್ಳಲು ಹೇಳಿದ. ನೀನು ನಿನಗೆ ಬೇಕಾದಾಗ ಅವುಗಳನ್ನು ಉಪಯೋಗಿಸಿಕೊಳ್ಳುವುದಾಗಿ ಹೇಳಿದೆ. ಅದಕ್ಕವನು ಒಪ್ಪಿಕೊಂಡ. ಈಗದನ್ನು ಉಪಯೋಗಿಸಿಕೋ"

(ತತ್ರಾಕರೋನ್ ಮಹಾ ಯುದ್ಧಂ ರಾಜಾ ದಶರಥಸ್ತದಾ
ಅಸುರೈಶ್ಚ ಮಹಾಬಾಹುಃ ಶಸ್ತ್ರೈಶ್ಚ ಶಕಲೀಕೃತಃ
ಅಪವಾಹ್ಯ ತ್ವಯಾದೇವಿ ಸಂಗ್ರಾಮಾನ್ ನಷ್ಟ ಚೇತನಃ
ತತ್ರಾಪಿ ವಿಕ್ಷತಃ ಶಸ್ತ್ರೈಃ ಪತಿಸ್ತೇ ರಕ್ಷಿತಸ್ತ್ವಯಾ
ತುಷ್ಟೇನ ತೇನ ದತ್ತೌ ತೇ ದ್ವೌ ವರೌ ಶುಭದರ್ಶನೇ
ಸತ್ವಯ ಉಕಃ ಪತಿರ್ದೇವಿ ಯದ ಇಚ್ಛೇಯಂ ತದಾ ವರೌ
ಗೃಹ್ಣೀಯಾಂ ಇತಿ ತತ್ತೇನ ತಥಾ ಇತಿ ಉಕ್ತಂ ಮಹಾತ್ಮನಾ)
*****************

-ಡಾ.ಪಾವಗಡ ಪ್ರಕಾಶ ರಾವ್
pavagadaprakashrao@gmail.com 

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ !

Topics : Ramayana Avalokana, Dr. Pavagada Prakash Rao, Dharma, Rama, ರಾಮಾಯಣ ಅವಲೋಕನ, ಡಾ.ಪಾವಗಡ ಪ್ರಕಾಶ್ ರಾವ್, ಧರ್ಮ, ರಾಮ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS