Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
H.D kumara swamy

ಸಾಲ ಮನ್ನಾಗೆ ಬದ್ಧ; ಮರಳು, ಕಸದ ಸಮಸ್ಯೆ ಬಗೆಹರಿಸಲು ಮಾಫಿಯಾ ಬಿಡುತ್ತಿಲ್ಲ: ಸಿಎಂ ಕುಮಾರಸ್ವಾಮಿ

Supreme court

ಲೆಫ್ಟಿನೆಂಟ್ ಗವರ್ನರ್ ಕಚೇರಿಯಲ್ಲಿ ಕೇಜ್ರಿವಾಲ್ ಧರಣಿ ವಿರೋಧಿಸಿ ಅರ್ಜಿ: ತುರ್ತು ಪರಿಶೀಲನೆಗೆ 'ಸುಪ್ರೀಂ' ನಕಾರ

Chief Minister H D Kumaraswamy greets Congress president Rahul Gandhi in New Delhi on Monday. Congress general secretary K C Venugopal and JD(S) leader Danish Ali look on

ರಾಜ್ಯ ಸರ್ಕಾರಕ್ಕೆ ಹೊರೆಯಾಗದಂತೆ ರೈತರ ಸಾಲ ಮನ್ನಾ: ರಾಹುಲ್ ಗೆ ಸಿಎಂ ಕುಮಾರಸ್ವಾಮಿ ಭರವಸೆ

CM HD Kumaraswamy

ಕಾವೇರಿ ನಿರ್ವಹಣಾ ಮಂಡಳಿಯಲ್ಲಿ ರಾಜ್ಯದಿಂದ ಪ್ರತಿನಿಧಿ ನೇಮಕ: ಸಿಎಂ ಕುಮಾರಸ್ವಾಮಿ

Representative image

ಬೆಂಕಿ ಬಿದ್ದು ನಾಶಗೊಂಡಿದ್ದ ಹಿಂದುಗಳ ಮನೆಗಳನ್ನು ಪುನರ್ ನಿರ್ಮಿಸಿ ಕೋಮು ಸೌಹಾರ್ದತೆ ಸಾರಿದ ಮುಸ್ಲಿಮರು!

Tored notes in ATM machine

ಅಸ್ಸಾಂ: ಎಟಿಎಂಗೆ ಲಗ್ಗೆ ಇಟ್ಟ ಇಲಿಗಳು, ಲಕ್ಷಾಂತರ ರೂಪಾಯಿ ನೋಟುಗಳು ಚೂರು ಚೂರು

Gauri lankesh (File photo)

ಪತ್ರಕರ್ತೆ ಗೌರಿ ಹತ್ಯೆ ಆರೋಪಿಗಳಿಗೆ ಪೊಲೀಸ್ ಹಿಂಸೆ: ದಾಖಲೆ ಕೇಳಿದ ಹೈಕೋರ್ಟ್

Former Chief Secretary of Karnataka Kaushik Mukherjee’s house burgled

ಬೆಂಗಳೂರು: ರಾಜ್ಯದ ಮಾಜಿ ಮುಖ್ಯ ಕಾರ್ಯದರ್ಶಿ ಮನೆಯಲ್ಲಿ 25 ಲಕ್ಷ ರು. ವಸ್ತುಗಳ ಕಳವು

Bihar: Six children die after car falls into pond

ಕೆರೆಗೆ ಬಿದ್ದ ಕಾರು: ಆರು ಮಕ್ಕಳ ದಾರುಣ ಸಾವು

N Mahesh  placed the slippers of a seer on his shoulders

ಅಮ್ಮ ಭಗವಾನ್​ ಪಾದುಕೆಯನ್ನು ಮೈಗೆ ಸವರಿಕೊಂಡ ಶಿಕ್ಷಣ ಸಚಿವ ಎನ್.ಮಹೇಶ್: ವಿಡಿಯೋ ವೈರಲ್

Representational image

ಬೆಂಗಳೂರು: ಟ್ಯೂಷನ್ ಗೆ ತೆರಳಿದ 8 ವಿದ್ಯಾರ್ಥಿಗಳು ನಾಪತ್ತೆ

Australia

34 ವರ್ಷಗಳ ಬಳಿಕ ಅಂಕಪಟ್ಟಿಯಲ್ಲಿ ಪಾತಾಳಕ್ಕೆ ಕುಸಿದ ಆಸ್ಟ್ರೇಲಿಯಾ!

HD Kumaraswamy

ಮುತಾಲಿಕ್ 'ನಾಯಿ' ಹೇಳಿಕೆಗೆ ಸಿಎಂ ಕುಮಾರಸ್ವಾಮಿ ಗರಂ!

ಮುಖಪುಟ >> ಅಂಕಣಗಳು

'ಗುರು ದತ್ತಾತ್ರೇಯರ ಆದೇಶದಂತೆ, ರಾಜರನ್ನೆಲ್ಲ ಗೆದ್ದು ನನ್ನದಾಗಿಸಿಗೊಂಡಿದ್ದ ನೆಲವನ್ನೆಲ್ಲ ದಾನ ಮಾಡಿಬಿಟ್ಟೆ... '

ರಾಮಾಯಣ ಅವಲೋಕನ - 122
Parashurama

ಪರಶುರಾಮ

ಹೌದು ! ಹೌದು !! ಇದನ್ನೂ ಗುರುಗಳು ಹೇಳಿದ್ದರು. ಅಂದು ತಾವೂ ಅಲ್ಲಿದ್ದುದನ್ನೂ, ಅಂದಿನ ಘಟನೆಗಳನ್ನೂ ಕಣ್ಣಿಗೆ ಕಟ್ಟುವಂತೆ ಹೇಳಿದ್ದರು. ಶ್ರೀರಾಮರ ಕಣ್ಣ ಮುಂದೆ ಆ ದೃಶ್ಯಗಳೆಲ್ಲ ಬಂದವು. 
*************

ಗಂಧದ ತುಂಡುಗಳನ್ನು ಪೇರಿಸಿ ಸಿದ್ಧ ಪಡಿಸಿದ್ದ ಚಿತೆ. ಜಮದಗ್ನಿಗಳನ್ನು ಹೊತ್ತು ತಂದು ಮಲಗಿಸಿದ್ದಾರೆ. ದೊಡ್ಡ ಮಗ ತೂತು ಮಡಕೆಯಲ್ಲಿ ನೀರು ಸುರಿಸುತ್ತಾ ಮೂರು ಸುತ್ತು ಸುತ್ತಿದ್ದಾನೆ. ಅಪರ ಕರ್ಮ ಮಂತ್ರಗಳನ್ನು ಸುನಿತ್ಯರು ಪಠಿಸುತ್ತಿದ್ದಾರೆ. ಚಿತೆಯ ಮೇಲೆ ಜಮದಗ್ನಿಗಳ ದೇಹದ ಮೇಲಿದ್ದ ಕಟ್ಟಿಗೆಗಳಿಗೆ ತುಪ್ಪದ ಅಭಿಷೇಕ ಆಗಿದೆ. ಕೈಗೆ ಉರಿಯುವ ದೊಂದಿ ಬಂದಿತು. ಚಿತೆಗೆ ಬೆಂಕಿ ಹಚ್ಚಬೇಕು. ಇದ್ದಕ್ಕಿದ್ದಂತೆಯೇ ಅಶರೀರವಾಣಿ. "ನಿಲ್ಲಿ! ಜಮದಗ್ನಿಗೆ ಇನ್ನೂ ಆಯುಷ್ಯ ಮುಗಿದಿಲ್ಲ. ಹಿಂದೆಲ್ಲ ಎಷ್ಟೋ ಬಾರಿ ಸಿಟ್ಟುಗೊಂಡು ಶಪಿಸಿದಾಗ, ಕೆಲವು ನಿಷ್ಕಾರಣ ದಂಡನೆಯಾಗಿತ್ತು. ಕೆಲವು ಪುಟ್ಟ ತಪ್ಪುಗಳಿಗೆ ಭಾರೀ ಶಿಕ್ಷೆಗಳಾಗಿದ್ದುವು. ಇದಕ್ಕೆ ಜಮದಗ್ನಿ ದಂಡ ತರಬೇಕಾಗಿತ್ತು. ಅದಕ್ಕಾಗಿ ವಿಧಿ ಈ ಘಟ್ಟವನ್ನು ಏರ್ಪಡಿಸಿದೆ. ಈ ಅಂಕ ಈಗ ಮುಗಿದಿದೆ. ನಾನು ಭೃಗು. ನಮ್ಮ ವಂಶದ ಜಮದಗ್ನಿ ಇನ್ನೂ ಬದುಕಬೇಕಿದೆ. ನಿಮ್ಮ ಮುಂದೀಗ ಥಾಲಿಯಲ್ಲಿ ಸಂಜೀವಿನೀ ರಸ ಪ್ರತ್ಯಕ್ಷವಾಗುತ್ತದೆ. ಅದರ ರಸವನ್ನು ಭಗ್ನವಾದ ದೇಹ ಭಾಗಗಳಿಗೆಲ್ಲ ಸವರಿ. ಏಳುತ್ತಾನೆ ಜಮದಗ್ನಿ. " 
ಸೋದರಳಿಯನ ಸಂಸ್ಕಾರಕ್ಕೆ ಬಂದಿದ್ದ ವಿಶ್ವಮಿತ್ರರು ಸಂತುಷ್ಟರಾಗಿ ಶ್ರೀರಾಮರಿಗೆ ಕಥೆ ಹೇಳಿ ಮುಗಿಸಿ, "ಈ ಹುಣ್ಣಿಮೆ ಇನ್ನು ಮುಂದೆ ರಂಡೆ ಹುಣ್ಣಿಮೆಯೆಂದಲ್ಲ; ಮುತ್ತೈದೆ ಹುಣ್ಣಿಮೆಯೆಂದು ಆಚರಿಸಲ್ಪಡುತ್ತದೆ" ಎಂದು "ಓಂ ಸ್ವಸ್ತಿ" ಹೇಳಿದ್ದರು. 
**************

ಇದೀಗ ಶ್ರೀರಾಮರಿಗೆ ಸಮಸ್ಯೆ. ಹೆದೆ ಏರಿಸಿಬಿಟ್ಟಿದ್ದಾರೆ. ಬಾಣ ಪ್ರಯೋಗ ಆಗಲೇ ಬೇಕು. ಅದು ಧನುಃ ಶಾಸ್ತ್ರ. ಪರಶುರಾಮರ ಮೇಲೆ ಬಿಡಲೆ? ಗುರು ಸಂಬಂಧಿಯ ಮೇಲೆ ಬಾಣ ಪ್ರಯೋಗವೆ? ಅದರಲ್ಲಿಯೂ ಈಗಿನ ಪರಶುರಾಮರನ್ನು ನೋಡಿದರೇ ಕರುಣೆಯುಕ್ಕುತ್ತಿದೆ. ಬಿಲ್ಲು ಕೊಟ್ಟು ಯುದ್ಧ ಮಾಡುವುದಾಗಿ ಹೇಳಿದ್ದರು. ಈಗ ನೋಡಿದರೆ ಕೈಕಟ್ಟಿ ಅಂತರ್ಮುಖಿಯಾಗಿದ್ದಾರೆ. ಏನು ಯೋಚಿಸುತ್ತಿದ್ದಾರೋ? ನಾನೀಗ ಏನು ಮಾಡಬೇಕು? "ಸ್ವಾಮಿನ್, ತಾವೇ ಹೇಳಿದಂತೆ ಈಗ ಹೆದೆ ಏರಿಸಿದ್ದೇನೆ. ಬಾಣವನ್ನು ಹೂಡಿಬಿಟ್ಟಿದ್ದೇನೆ. ಆ ಕ್ಷಣದಲ್ಲಿ, ಆ ದುರ್ಬಲ ಮುಹೂರ್ತದಲ್ಲಿ ನನಗೂ ಕ್ಷಣಕಾಲ ಕೋಪ ಬಂದುಬಿಟ್ಟಿತು. ನೀವೇ ಆಹ್ವಾನಿಸಿದಮೇಲೆ, ನಿಮ್ಮನ್ನು ಸೋಲಿಸಲೇ ಸಿದ್ಧನಾಗಿಬಿಟ್ಟೆ! ಶರಸಂಧಾನ ಮಾಡಿಯೂ ಬಿಟ್ಟೆ!! ಕೋಪವೆಂಬುದು ಬಹಳ ಕೆಟ್ಟದ್ದು. ಪ್ರಥಮ ಗುರುಗಳು ಮತ್ತೆ ಮತ್ತೆ ಹೇಳುತ್ತಿದ್ದರು. "ರಾಮ ನೀನು ಕಲಿಯಬೇಕಾದ ಮೊದಲ ಪಾಠವೆಂದರೆ ಸಿಟ್ಟನ್ನು ನಿಗ್ರಹಿಸುವುದು. ಜನಸಾಮಾನ್ಯ ಸಿಟ್ಟುಗೊಂಡರೆ ಆಗುವ ಅನಾಹುತ ಅತ್ಯಲ್ಪ! ಸೈನಿಕ ಸಿಟ್ಟಾದರೆ, ಖಂಡಿತ ಹಿಂಸೆ! ಸೇನಾ ಪ್ರಮುಖ ಕೋಪ ಮಾಡಿಕೊಂಡರೆ ಅನೇಕ ಬಲಿ. ಅದರಲ್ಲಿಯೂ ರಾಜನಾದವನು ಸಿಟ್ಟುಗೊಂಡರೆ ಮಹಾ ಹಾನಿ. ಯುದ್ಧವೂ ಆಗಿ ಸಾವಿರಾರು ಮಂದಿ ಸಾಯಬಹುದು. ಆಸ್ತಿ ಹಾನಿಯಾಗುತ್ತದೆ. ದೇಶದಲ್ಲಿ ಆತಂಕ ಮೂಡಿ ಜನರ ಶಾಂತಿ ಭಂಗವಾಗುತ್ತದೆ. ಅದು ಕಾರಣ ನಿನ್ನ ಕೋಪ ಅತ್ಯಂತ ವಿರಳವಾಗಿರಬೇಕು. ಯುದ್ಧ ಸಂದರ್ಭ ವಿನಃ, ರಾಜನೆಂಬ ಕಾರಣಕ್ಕೆ ಕೋಪಗೊಂಡು ಅನ್ಯರಿಗೆ ಧಕ್ಕೆ ಮಾಡಬೇಡ " .ವಸಿಷ್ಠರ ಮಾತನ್ನು ಇಲ್ಲಿಯವರೆಗೆ ಚಚಾತಪ್ಪದೇ ಪಾಲಿಸುತ್ತಿದ್ದೇನೆ. ವಿನಾಕಾರಣ ಮೇಲೆ ಬಿದ್ದ ತಾಟಕೆಯ ಸಂಹಾರ ಮಾಡಲೂ ನಿಧಾನಿಸಿದ್ದೆ. ಗುರುಗಳ ಬೆಂಬಲ; ಒತ್ತಾಯ ಹಾಗೂ ಅವರ ರಕ್ಷಣೆಗಾಗಿ ಸುಬಾಹುವನ್ನು ಸಾಯಿಸಬೇಕಾಯಿತು. ಅಷ್ಟೇ! "ಕೊಂಚ ಕಾಲ ತಡೆದು ಹೇಳಿದರು, "ಇದೀಗ ತಾವು ನಮಗೆಲ್ಲ ಪೂಜ್ಯರು. ತಮ್ಮ ಮೇಲೆ ಕೈ ಎತ್ತಬಾರದಿತ್ತು! ಬಿಲ್ಲು ಎತ್ತಿಯೇ ಬಿಟ್ಟೆ. ಈಗ ಅದಕ್ಕೆ ಗ್ರಾಸ ಕೊಡದೇ ಇಳಿಸುವಂತಿಲ್ಲ! ಒಂದೇ ಸಾಧ್ಯತೆ ಇದೆ. ನೀವು ಕ್ಷಮೆ ಕೇಳಿದರೆ ಮಾತ್ರ ಹಿಂತೆಗೆದುಕೊಳ್ಳಬಹುದು." 

ರಾಮರ ಮೃದು ಮಾತು; ಅಷ್ಟೆ ಸ್ಪಷ್ಟವಾದ ಮಾತು ನಿಲ್ಲುತ್ತಿದ್ದಂತೆಯೇ ಪರಶುರಾಮರು ಹೇಳಿದರು, "ಬೇಡ ರಾಮ, ಬೇಡ. ಬಿಲ್ಲಿಳಿಸಬೇಡ. ಕ್ಷಮೆ ಕೇಳಿ ನನಗಾಗಬೇಕಾದ ಶಿಕ್ಷೆಯನ್ನು ಕಡಿಮೆ ಮಾಡಿಕೊಳ್ಳಲು ನನ್ನ ಅಭಿಮಾನ ಒಪ್ಪುವುದಿಲ್ಲ. ನಿಷ್ಕಾರಣವಾಗಿ ನಾನು ಅನೇಕರನ್ನು ಹತ್ಯೆ ಮಾಡಿದ್ದಕ್ಕೆ ಶಿಕ್ಷೆಯಾಗಲೇಬೇಕು! ಒಂದರ್ಥದಲ್ಲಿ ಈಗಾಗಲೇ ಆರಂಭವಾಗಿದೆ. ಗುರು ದತ್ತಾತ್ರೇಯರ ಆದೇಶದಂತೆ ನಾನು ರಾಜರನ್ನೆಲ್ಲ ಗೆದ್ದು ನನ್ನದಾಗಿಸಿಕೊಂಡಿದ್ದ ನೆಲವನ್ನೆಲ್ಲ ದಾನ ಮಾಡಿಬಿಟ್ಟೆ ಕಶ್ಯಪ ಮಹರ್ಷಿಗಳಿಗೆ" 
( ಕಶ್ಯಪಾಯ ಮಯಾ ದತ್ತಾ ಯದಾ ಪೂರ್ವಂ ವಸುಂಧರಾ )
ದಾನಕೊಂಡ ಕಶ್ಯಪರು ಹೇಳಿದ್ದರು, "ನನಗೆ ದಾನ ಕೊಟ್ಟಮೇಲೆ ಇದು ನನ್ನ ಭೂಮಿಯಾಯಿತು. ದಾನ ಮಾಡಿದ ವಸ್ತುವನ್ನು ದಾನ ಕೊಟ್ಟಾತ ಉಪಯೋಗಿಸಿಕೊಳ್ಳುವಂತಿಲ್ಲ. ಅರ್ಥವಾಯಿತೆ? " ಶ್ರೀರಾಮರಿಗೆ ಬಿಡಿಸಿ ಹೇಳುತ್ತಿದ್ದಾರೆ ಪರಶುರಾಮರು, " ನನ್ನನ್ನು ತದೇಕ ದೃಷ್ಟಿಯಿಂದ ನೋಡುತ್ತ ನುಡಿದಿದ್ದರು ಕಶ್ಯಪರು; ಈ ಭೂಮಿಯ ಮೇಲೆ ನೀನು ವಾಸ ಮಾಡುವಂತಿಲ್ಲ. " 
( ವಿಷಯೇ ಮೇ ನ ವಸ್ತವ್ಯಮ್ ಇತಿ ಮಾಂ ಕಶ್ಯಪೋ ಅಬ್ರವೀತ್ )

ಅಂದಿನಿಂದ ನಾನು ಮಹೇಂದ್ರ ಪರ್ವತದಲ್ಲಿ ವಾಸ ಮಾಡುತ್ತಿದ್ದೇನೆ. ಭಾರತಕ್ಕೆ ಇಳಿಯುವುದೇ ಇಲ್ಲ. ಅಕಸ್ಮಾತ್ ತಾಯಿ-ಅಣ್ಣಂದಿರನ್ನು ನೋಡಲೋ, ಮಿತ್ರ ಋಷಿಗಳನ್ನು ಭೇಟಿಯಾಗಲೋ ಬಂದರೂ, ಕಶ್ಯಪರಿಗೆ ಮಾತು ಕೊಟ್ಟಂತೆ ಅಂದೇ ರಾತ್ರಿಯಾಗುವುದರೊಳಗೆ ಮಹೇಂದ್ರಗಿರಿಗೆ ವಾಪಸಾಗಬೇಕು. 
( ಸೋ ಅಹಂ ಗುರುವಚಃ ಕುರ್ವನ್ ಪೃಥಿವ್ಯಾಂ ನ ವಸೇ ನಿಶಾಂ )
ಪರಶುರಾಮರು ಏನು ಹೇಳುತ್ತಿದ್ದಾರೆಂದು ಸ್ಪಷ್ಟವಾಗಲಿಲ್ಲ. ಆದರೆ ಪರಶುರಾಮರ ಮಾತು ಮುಂದುವರಿದಾಗ ಎಲ್ಲವೂ ಸ್ಪಷ್ಟವಾಯಿತು. " ನನ್ನಲ್ಲಿ ಎರಡು ವಿಶೇಷ ಶಕ್ತಿಗಳಿವೆ. ನಾನು ತಪದಿಂದ ಸಂಪಾದಿಸಿರುವ ಪವಿತ್ರವಾದ ಪುಣ್ಯಲೋಕಗಳು; ಎರಡು, ಗುರುಗಳಿಂದ ವಿಶೇಷ ಸಂದರ್ಭಗಳಲ್ಲಿ ಬಳಸಿಕೊಳ್ಳುವ ಗಗನ ಗಮನ. ಈ ಎರಡರಲ್ಲಿ ನೀನು ಬಾಣ ಬಿಟ್ಟು ಕೆಲವು ಪುಣ್ಯಲೋಕಗಳನ್ನು ಸುಟ್ಟುಬಿಡು. ನಾನು ಮನೋವೇಗದಿಂದ ಮಹೇಂದ್ರಗಿರಿಗೆ ಹೋಗಿಬಿಡುತ್ತೇನೆ. 
( ಲೋಕಾಸ್ತ್ವಪ್ರತಿಮಾ ರಾಮ ಜಹಿ ತಾನ್ ಶರಮುಖೇನ
ಮನೋಜವಂ ಗಮಿಷ್ಯಾಮಿ ಮಹೇಂದ್ರಂ ಪರ್ವತೋತ್ತಮಂ )
ಮನಸ್ಸಿಲ್ಲದ ಮನಸ್ಸಿನಿಂದ ಶ್ರೀರಾಮರು ಸೆಳೆದು ಬಿಟ್ಟರು ಬಾಣವನ್ನು. ಅದು ಹೋಗಿ ಪರಶುರಾಮರು ಸಂಪಾದನೆ ಮಾಡಿರುವ ಕೆಲ ಪುಣ್ಯಲೋಕಗಳನ್ನು ಸುಟ್ಟುಹಾಕಿತು. ಆನಂತರ ಪರಶುರಾಮರು ದಶರಥರಾಮರಿಗೆ ಹರಸಿ ಆಕಾಶದಲ್ಲಿ ಹಾರಿ ಹೋದರು ಮಹೇಂದ್ರ ಗಿರಿಗೆ!
 ಹಸ್ತಿ ಹಸುವಾದಂತೆ, ಸರ್ಪ ಸರವಾದಂತೆ,
ಜ್ವಾಲೆ ಸೊಡರಾದಂತೆ, ಶಿಲೆ ಬೆಣ್ಣೆಯಾದಂತೆ
ಬಿರುಬಿಸಿಲು ತಂಪಾಗಿ ರಾಮರನು ಹರಸುತ್ತ
ಮಹೇಂದ್ರಕೇರಿದರು ಪರಶುರಾಮ 
ಅತ್ಯಲ್ಪಕಾಲದಲ್ಲೇ ಶ್ರೀರಾಮರಿಗೆ ಆತ್ಮೀಯರಾಗಿದ್ದ ಪರಶುರಾಮರು ಗಾಳಿಯಲ್ಲಿ ಹಾರಿ ಕಣ್ಣಿಗೆ ಕಾಣದಾದದ್ದು ಅಪ್ರಿಯವಾಗಿತ್ತು. ಹಿಂದಿನ ದಿನ ಗುರುಗಳಾದ ವಿಶ್ವಮಿತ್ರರೂ ಹೋಗಿಬಿಟ್ಟಿದ್ದರು. ಮನಸ್ಸು ತುಂಬ ಕಹಿಯಾಗಿದ್ದು, ಸೀತೆಯನ್ನು ಕಾಣುತ್ತಿದ್ದಂತೆಯೇ ಪ್ರಫುಲ್ಲವಾಯಿತು.
(ಕಲ್ಯಾಣಕಾಂಡ ಮುಗಿಯಿತು. )
---೦೦೦---

-ಡಾ.ಪಾವಗಡ ಪ್ರಕಾಶ ರಾವ್
pavagadaprakashrao@gmail.com

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಇನ್ನೂ ವಿವಾಹವಾಗಿಲ್ಲವೇ?
ಇಂದೇ ಕನ್ನಡ ಮ್ಯಾಟ್ರಿಮನಿ ಯಲ್ಲಿ ನೋಂದಾಯಿಸಿ -
ನೋಂದಣಿ ಉಚಿತ!

Topics : Ramayana avalokana, Parashurama, land, Kashyapa maharshi, ರಾಮಾಯಣ ಅವಲೋಕನ, ಪರಶುರಾಮ, ಕಶ್ಯಪ ಮಹರ್ಶಿ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement