Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
H.D kumara swamy

ಸಾಲ ಮನ್ನಾಗೆ ಬದ್ಧ; ಮರಳು, ಕಸದ ಸಮಸ್ಯೆ ಬಗೆಹರಿಸಲು ಮಾಫಿಯಾ ಬಿಡುತ್ತಿಲ್ಲ: ಸಿಎಂ ಕುಮಾರಸ್ವಾಮಿ

Supreme court

ಲೆಫ್ಟಿನೆಂಟ್ ಗವರ್ನರ್ ಕಚೇರಿಯಲ್ಲಿ ಕೇಜ್ರಿವಾಲ್ ಧರಣಿ ವಿರೋಧಿಸಿ ಅರ್ಜಿ: ತುರ್ತು ಪರಿಶೀಲನೆಗೆ 'ಸುಪ್ರೀಂ' ನಕಾರ

Chief Minister H D Kumaraswamy greets Congress president Rahul Gandhi in New Delhi on Monday. Congress general secretary K C Venugopal and JD(S) leader Danish Ali look on

ರಾಜ್ಯ ಸರ್ಕಾರಕ್ಕೆ ಹೊರೆಯಾಗದಂತೆ ರೈತರ ಸಾಲ ಮನ್ನಾ: ರಾಹುಲ್ ಗೆ ಸಿಎಂ ಕುಮಾರಸ್ವಾಮಿ ಭರವಸೆ

CM HD Kumaraswamy

ಕಾವೇರಿ ನಿರ್ವಹಣಾ ಮಂಡಳಿಯಲ್ಲಿ ರಾಜ್ಯದಿಂದ ಪ್ರತಿನಿಧಿ ನೇಮಕ: ಸಿಎಂ ಕುಮಾರಸ್ವಾಮಿ

Representative image

ಬೆಂಕಿ ಬಿದ್ದು ನಾಶಗೊಂಡಿದ್ದ ಹಿಂದುಗಳ ಮನೆಗಳನ್ನು ಪುನರ್ ನಿರ್ಮಿಸಿ ಕೋಮು ಸೌಹಾರ್ದತೆ ಸಾರಿದ ಮುಸ್ಲಿಮರು!

Tored notes in ATM machine

ಅಸ್ಸಾಂ: ಎಟಿಎಂಗೆ ಲಗ್ಗೆ ಇಟ್ಟ ಇಲಿಗಳು, ಲಕ್ಷಾಂತರ ರೂಪಾಯಿ ನೋಟುಗಳು ಚೂರು ಚೂರು

Gauri lankesh (File photo)

ಪತ್ರಕರ್ತೆ ಗೌರಿ ಹತ್ಯೆ ಆರೋಪಿಗಳಿಗೆ ಪೊಲೀಸ್ ಹಿಂಸೆ: ದಾಖಲೆ ಕೇಳಿದ ಹೈಕೋರ್ಟ್

Former Chief Secretary of Karnataka Kaushik Mukherjee’s house burgled

ಬೆಂಗಳೂರು: ರಾಜ್ಯದ ಮಾಜಿ ಮುಖ್ಯ ಕಾರ್ಯದರ್ಶಿ ಮನೆಯಲ್ಲಿ 25 ಲಕ್ಷ ರು. ವಸ್ತುಗಳ ಕಳವು

Bihar: Six children die after car falls into pond

ಕೆರೆಗೆ ಬಿದ್ದ ಕಾರು: ಆರು ಮಕ್ಕಳ ದಾರುಣ ಸಾವು

N Mahesh  placed the slippers of a seer on his shoulders

ಅಮ್ಮ ಭಗವಾನ್​ ಪಾದುಕೆಯನ್ನು ಮೈಗೆ ಸವರಿಕೊಂಡ ಶಿಕ್ಷಣ ಸಚಿವ ಎನ್.ಮಹೇಶ್: ವಿಡಿಯೋ ವೈರಲ್

Representational image

ಬೆಂಗಳೂರು: ಟ್ಯೂಷನ್ ಗೆ ತೆರಳಿದ 8 ವಿದ್ಯಾರ್ಥಿಗಳು ನಾಪತ್ತೆ

Australia

34 ವರ್ಷಗಳ ಬಳಿಕ ಅಂಕಪಟ್ಟಿಯಲ್ಲಿ ಪಾತಾಳಕ್ಕೆ ಕುಸಿದ ಆಸ್ಟ್ರೇಲಿಯಾ!

HD Kumaraswamy

ಮುತಾಲಿಕ್ 'ನಾಯಿ' ಹೇಳಿಕೆಗೆ ಸಿಎಂ ಕುಮಾರಸ್ವಾಮಿ ಗರಂ!

ಮುಖಪುಟ >> ಅಂಕಣಗಳು

ನಿಮ್ಮನ್ನು ಒಂದೇ ಏಟಿಗೆ ಮುಗಿಸಬಹುದು . ಆದರೂ ನಿಮ್ಮ ತಪ್ಪು ನಿಮಗೆ ಮೊದಲು ಗೊತ್ತಾಗಲಿ, ಆಮೇಲೆ ನಿಮ್ಮನ್ನು ರಕ್ಷಿಸಲು ಯಾರಿಗೂ ಸಾಧ್ಯವಿಲ್ಲ!!

ರಾಮಾಯಣ ಅವಲೋಕನ - 118
Parashurama

ಪರಶುರಾಮ

ತಂದೆಯ ಹೆಣ ನೋಡಿ, ಅದರ ರಕ್ತಸಿಕ್ತ ಕಪ್ಪು ಕಪ್ಪಾಗಿದ್ದ ವೃದ್ಧ ದೇಹ ನೋಡಿ, ರಕ್ತದಿಂದ ಕೆಂಪಾಗಿದ್ದ ಅಪ್ಪನ ಬಿಳಿಗಡ್ಡ ನೋಡಿ, ಕಣ್ಣುಗಳಿಂದ ರಕ್ತ ಸುರಿದು ಕರೆಗಟ್ಟಿ ನೆಲದಲ್ಲಿ ಇಕ್ಕೆಡೆಯೂ ರಕ್ತದಿಂದ ತೊಯ್ದ ನೆಲ ನೋಡಿ.... ಒಟ್ಟಿನಲ್ಲಿ ಆ ಭಯಾನಕ ದೃಷ್ಯ ನೋಡಿ ಪರಶುರಾಮರಿಗೆ ಹೊಟ್ಟೆ ತೊಳಸಿತು; ತಲೆ ತಿರುಗಿತು. ಅತ್ತ ಅಳು ಇರದ, ಸಿಟ್ಟೂ ಮೂಡದ, ಮುಂದೆ ಏನು ಮಾಡಬೇಕೆಂದು ಖಚಿತವಾಗದ ತಲೆ ಸಿಡಿವ ಸ್ಥಿತಿ. ತಾಯಿ ನೆಲದಲ್ಲಿ ಬಿದ್ದು ಹೊರಳಾಡಿ ತನ್ನ ದುಃಖವನ್ನು ಹೊರಹಾಕುತ್ತಿದ್ದಾಳೆ! ತಲೆ ತಲೆ ಚಚ್ಚಿಕೊಳ್ಳುತ್ತಿದ್ದಾಳೆ! ಅಣ್ಣಂದಿರೆಲ್ಲ ಅಳುತ್ತಿದ್ದಾರೆ. ಯಾರಿಗೂ ಏನು ಮಾಡಲೂ ತೋಚುತ್ತಿಲ್ಲ. ಅಷ್ಟು ಹೊತ್ತಿಗೆ ಬಂದವರು ವೃದ್ಧ ಕಾತ್ಯಾಯನರು. " ಹೀಗೇ ನೋಡುತ್ತ, ಅಳುತ್ತ ಇದ್ದರೆ ಹೇಗೆ? ಮುಂದಿನ ಕಾರ್ಯಗಳಾಗಬೇಕಲ್ಲ! ಪಕ್ಕದ ಆಶ್ರಮದಿಂದ ಪುರೋಹಿತರನ್ನು ಕರೆತರುವೆ. ಚಿತೆಯನ್ನು ಸಿದ್ಧಪಡಿಸಿ. " 

ತನ್ನ ಮುಂದೆ ನಡೆಯುತ್ತಿರುವುದೇನೂ ದಾಖಲಾಗುತ್ತಿಲ್ಲ ಮನಸ್ಸಿನಲ್ಲಿ! ಕೇವಲ ನೋವು. "ಯಾರು ಹೀಗೆ ಮಾಡಿದ್ದು? ಏಕೆ ಹೀಗೆ ಮಾಡಿದ್ದು? ತಪ್ಪೇ ಮಾಡದ, ಅತ್ಯಂತ ಸಾತ್ವಿಕ ಅಪ್ಪನನ್ನು ಏಕೆ ಕೊಂದದ್ದು? ಅದರಲ್ಲಿಯೂ ಇಷ್ಟು ದಾರುಣವಾಗಿ, ಇಷ್ಟು ಹಿಂಸೆ ಕೊಟ್ಟು ಸಾಯಿಸಬೇಕಿದ್ದರೆ ಅವರಿಗಿನ್ನೆಷ್ಟು ಸಿಟ್ಟಿರಬೇಕು? ಅಸಲು ಅವರು ಯಾರು? " ಪರಶುರಾಮರು ಮನಸ್ಸನ್ನು ನಿಗ್ರಹಿಸಿ ಕೇಂದ್ರೀಕರಿಸಿದರು! ಆಶ್ರಮದಲ್ಲಿ ನಡೆದ ಅನಾಹುತಗಳು ಕಾಣಿಸತೊಡಗಿದವು. ರಾಜಕುಮಾರರು! ಯಾರಿರಬಹುದು? ಕಾರ್ತವೀರ್ಯನ ಮಕ್ಕಳೋ? ಹಗೆ ತೀರಿಸಬಂದರೋ? ಕಣ್ಣು ಕೆಂಪಾಯಿತು. ಪರಶುವಿನ ಸುತ್ತ ಹಿಡಿ ಬಿಗಿಯಾಯಿತು. ಎದ್ದರು! ಅಣ್ಣಂದಿರು ಹತ್ತಿರ ಬಂದರು. ತಮ್ಮನ ಬೆಂಕಿ ಮುಖ ಕಂಡರು. " ಬೇಡ ರಾಮ! ಇದು ಕ್ರೋಧಕ್ಕೆ ಕಾಲವಲ್ಲ! ಮೊದಲು ತಂದೆಯ ಸಂಸ್ಕಾರ ಮಾಡೋಣ. ಆಮೇಲೆ ಏನು ಮಾಡಬೇಕೆಂದು ಯೋಚಿಸೋಣ. "ಪವನ ಮಂತ್ರವನ್ನು ಪಠಿಸುತ್ತ ನೆಲ ಬಿಟ್ಟು ಮೇಲೇರುತ್ತ ಹೇಳಿದರು ಪರಶುರಾಮರು, "ಆ ಕೆಲಸ ನೀವು ಮಾಡಿ, ಅಪ್ಪನನ್ನು ಹತ್ಯೆಗೈದವರನ್ನು ಸಾಯಿಸದೇ ನಾನು ಮರಳುವುದಿಲ್ಲ." 
************

ಮಾತಾಡಿಕೊಳ್ಳುತ್ತ ಹೋಗುತ್ತಿದ್ದಾರೆ ಕಾರ್ತವೀರ್ಯನ ಮಕ್ಕಳು, ಹಿಂದಿನಿಂದ ತಲೆ ಮೇಲೆ ಹಾದು ಬಂದು ನಿಂತ, ಕಿಡಿ ಸೂಸುತ್ತಿದ್ದ ಭೀಕರ ಪರಶುರಾಮರನ್ನು ಕಂಡೇ ನಡುಗಿಬಿಟ್ಟರು ಕಾರ್ತವೀರ್ಯನ ಮಕ್ಕಳು. ಆದರೂ ಏನೋ ಮೊಂಡು ಧೈರ್ಯ! "ನಿಮ್ಮನ್ನು ಒಂದೇ ಏಟಿಗೆ ಮುಗಿಸಬಹುದು! ಆದರೂ ನಿಮ್ಮ ತಪ್ಪು ನಿಮಗೆ ಮೊದಲು ಗೊತ್ತಾಗಲಿ! ಆಮೇಲೆ ನಿಮ್ಮನ್ನು ರಕ್ಷಿಸಲು ಯಾರಿಗೂ ಸಾಧ್ಯವಿಲ್ಲ!! "ಅಬ್ಬರಿಸಿದ ಪರಶುರಾಮರು ಕೇಳಿದರು; "ನೀವೇ ತಾನೇ ನನ್ನಪ್ಪನನ್ನು ಕೊಂದದ್ದು? ಹಾಗೆ ಸಾಯಿಸಲು ಅವರು ನಿಮಗೇನು ತಪ್ಪು ಮಾಡಿದ್ದರು? "ಸ್ವಲ್ಪ ಧೈರ್ಯ ಸಂಗ್ರಹಿಸಿಕೊಂಡು ಒಬ್ಬ ಹೇಳಿದ; "ಸೇಡು ತೀರಿಸಿಕೊಳ್ಳುವುದು ಧರ್ಮವೆಂದು ಶಾಸ್ತ್ರವೇ ಹೇಳಿದೆಯಲ್ಲ! ನಮ್ಮಪ್ಪನ ಸಾವಿನ ಸೇಡು ತೀರಿಸಿಕೊಂಡೆವು. ತಪ್ಪೇನಿದೆ?" 'ಇದೆ! 'ಅರಚಿ ಪರಶುವನ್ನು ಬೀಸಿದರು ಪರಶುರಾಮರು. 

ಒಂದೇ ಏಟಿಗೆ ಎಲ್ಲರ ಮೊಣಕಾಲುಗಳನ್ನೂ ಕತ್ತರಿಸಿತು! ಕುಸಿದು ಬಿದ್ದರು. ಮೂರ್ಛೆ ಹೋಗಲಿಲ್ಲ  ಕ್ಷತ್ರಿಯರಾದ್ದರಿಂದ! ಕೊಡಲಿ ಕೈಗೆ ವಾಪಸಾಯಿತು. 

"ಇದೆ. ನಿಮ್ಮಪ್ಪನನ್ನು ಜಮದಗ್ನಿಗಳು ಕೊಲ್ಲಲಿಲ್ಲ. ಕೊಂದವನು ನಾನು! ನನ್ನನ್ನು ತಾನೇ ನೀವು ಸಾಯಿಸಬೇಕಾದದ್ದು? ಹೌದಾ? ತಪ್ಪು ಒಪ್ಪಿಕೊಂಡು ಕ್ಷಮಾಪ್ಪಣೆ ಕೇಳಿ "ಕಾಲುಗಳು ಮುರಿದಿದ್ದರೂ, ರಕ್ತ ಸುರಿಯುತ್ತಿದ್ದರೂ ಒಬ್ಬ ಹೇಳಿದ; "ನಮ್ಮಪ್ಪನನ್ನು ಕೊಂದುಹಾಕಿದ ನಿನ್ನಲ್ಲಿ ಕ್ಷಮೆ ಏಕೆ ಕೇಳಬೇಕು? ಸತ್ತರೂ ಕೇಳುವುದಿಲ್ಲ." "ಹಾಗಾದರೆ ಸಾಯಿರಿ. ಆದರೆ ನಾನು ಮಾಡಿದ್ದು ಸರಿಯೆಂದು ಅರ್ಥ ಮಾಡಿಕೊಂಡು ಸಾಯಿರಿ.

ನಿಮ್ಮಪ್ಪನನ್ನು ಕೊಲ್ಲಲು ನನಗೆ ಕಾರಣವಿತ್ತು! ನಮ್ಮ ಆಶ್ರಮವನ್ನು ಹಾಳು ಮಾಡಿ ಹೋಮಧೇನುವಿನ ಕರುವನ್ನು ಅಪಹರಿಸಿದ್ದ. ವಾಪಸ್ ಕೊಡಲು ಕೇಳಿದರೂ ಅಸ್ತ್ರ-ಶಸ್ತ್ರ ಧರಿಸಿ ನಿಂತ! ಹಾಗಾಗಿ ಆತನನ್ನು ಶಿಕ್ಷಿಸಬೇಕಾಯಿತು. ನಮ್ಮಪ್ಪನನ್ನು ಕೊಲ್ಲಲು ನಿಮಗಾವ ಕಾರಣವೂ ಇರಲಿಲ್ಲ. ಹೌದೆ? "ಪರಶುರಾಮರು ಸಮಾಧಾನವಾಗಿಯೇ ಕೇಳಿದರು. ಬಹುಶಃ ತಾವು ಮಾಡಿದ್ದು ಸರಿಯಲ್ಲ ಎಂದು ಅವರಿಗನ್ನಿಸಿರಬೇಕು. "ಹೌದು! ಆದರೂ ನಮ್ಮಪ್ಪನ ಸಾವಿನ ಸೇಡು ತೀರಿಸಿಕೊಂಡ ಸಮಾಧಾನವಿದೆ!! "ಕೊಡಲಿ ಹಿಡಿದು ಹತ್ತಿರ ಬಂದರು. "ಸರಿ. ನಿಮ್ಮ ಸಮಾಧಾನ ನಿಮಗಿರಲಿ. ಈಗ ನನಗೂ ಅಂಥದೇ ನೆಮ್ಮದಿ ಸಿಗಬೇಕಲ್ಲ? "ಒಬ್ಬೊಬ್ಬರನ್ನೇ ಕಚಕ್ ಕಚಕ್ ಎಂದು ಕತ್ತರಿಸಲಾರಂಭಿಸಿದರು.
****************

ಅಪ್ಪನನ್ನು ಸಾಯಿಸಿದವರನ್ನು ಸಾಯಿಸಿದ್ದಾಯಿತು. ಆದರೆ ಅಪ್ಪ ಮತ್ತೆ ಬರೊಲ್ಲವಲ್ಲ! ಪ್ರಯೋಜನವೇನು? ದುಃಖ, ಉದ್ವಿಗ್ನತೆ, ಏನೂ ಮಾಡಲಾಗದ ಹಪಹಪಿಕೆ, ಮೃತ್ಯುವಿನ ಮುಂದೆ ನಾವೆಷ್ಟು ಅಲ್ಪರೆಂಬ ಸತ್ಯದ ತೀಕ್ಷ್ಣತೆ... ಈ ಎಲ್ಲ ಮಿಶ್ರವಾಗಿ ಸುಸ್ತಾಗಿ ಕಾಲೆಳೆದುಕೊಂಡು ಆಶ್ರಮಕ್ಕೆ ವಾಪಸಾಗುತ್ತಿದ್ದಾರೆ. ತುಂಬಾ ಬಳಲಿಕೆ, ನಿಃಶಕ್ತಿ, ಸಂಕಟ... ಮರದ ಕೆಳಗೆ ಕುಳಿತುಬಿಟ್ಟರು. ಅತ್ತ ಏನಾಗಿದೆಯೋ, ಅಪ್ಪನ ಕಳೇವರ ಸುಟ್ಟು ಹೋಗಿದೆಯೇನೋ, ಅಮ್ಮನ ಶೋಕಕ್ಕೆ ಪಾರ ಉಂಟೆ? ನಮಗೆ ಮುಂದೇನು ಗತಿ?..... ಈ ಯೋಚನೆಗಳಲ್ಲಿದ್ದಾಗಲೇ ದೂರದಲ್ಲಿ ಎದ್ದ ಧೂಳು, ಕುದುರೆಗಳ ಕೆನೆತ, ಆಯುಧಗಳ ಹೊಳೆತ, ಸೈನಿಕರ ಅಸ್ಪಷ್ಟ ಮಾತುಗಳು.
 
ಕೆಲವು ನಿಮಿಷಗಳಲ್ಲೇ ಸೈನ್ಯ ಹತ್ತಿರವಾಯಿತು. ಹಲವಾರು ರಥಗಳು. ಅನೇಕ ರಾಜ ಪೋಷಾಕಿನ ರಾಜರುಗಳು! ಸುಮಾರು ಐನೂರು ಲೆಕ್ಕ ಕಟ್ಟಬಹುದಾದ ಸೈನ್ಯ. ತಮ್ಮ ಆಶ್ರಮದ ದಿಕ್ಕಿಗೇ ಹೋಗುತ್ತಿದ್ದಾರೆ. ತಕ್ಷಣವೇ ಅರ್ಥವಾಯ್ತು! ಇವರು ಬಹುಶಃ ನನ್ನನ್ನು ಸಾಯಿಸಲು ಹೋಗುತ್ತಿದ್ದಾರೆ. ಆಶ್ರಮದ ಹತ್ತಿರ ಹೋಗಲು ಬಿಟ್ಟರೆ, ಅದೆಲ್ಲ ಹಾಳಾಗುತ್ತದೆ. ಋಷ್ಯಾಶ್ರಮದ ಉಳಿದ ಯತಿಗಳಿಗೆ ಧಕ್ಕೆ. ಬೇಡ, ನಿಲ್ಲಿಸೋಣ. ಎದ್ದು ತನ್ನಲ್ಲಿದ್ದ ವೈಷ್ಣವ ಧನುಸ್ಸಲ್ಲಿ ಬಾಣಗಳನ್ನು ಹೂಡಿದರು. ನಿಮಿಷಮಾತ್ರದಲ್ಲಿ ಲೋಹಗಳ ಗೋಡೆಯೊಂದು ನಿರ್ಮಾಣವಾಯಿತು. 

ಅನಿರೀಕ್ಷಿತ ಅಡ್ಡಿಯಿಂದಾಗಿ ಎಲ್ಲರೂ ಅಪ್ರತಿಭರಾಗಿ ನಿಂತರು. ಗೋಡೆಯ ಮೇಲಕ್ಕೆ ನೆಗೆದು ಕೇಳಿದರು ಪರಶುರಾಮರು; "ಯಾರು ನೀವು? ಎಲ್ಲಿಗೆ ಹೊರಟಿದ್ದೀರಿ? "ಮುಂದಿನ ರಥದಲ್ಲಿದ್ದವನೊಬ್ಬ ಹೇಳಿದ; "ಅದನ್ನು ಕೇಳಲು ನೀನಾರು? ಜಮದಗ್ನಿಗಳ ಆಶ್ರಮದ ಒಬ್ಬ ಶಿಷ್ಯನಾದರೆ, ಆಶ್ರಮಕ್ಕೆ ಓಡಿ ಹೋಗಿ ಹೇಳು, "ಕಾರ್ತವೀರ್ಯನ ಬಂಧುಗಳೆಲ್ಲ ಬರುತ್ತಿದ್ದಾರೆ, ಅವನ್ಯಾರೋ ಪರಶುರಾಮ ನಮ್ಮ ಹಿರಿಯನನ್ನೂ, ಅವನ ಮಕ್ಕಳನ್ನೂ ಸಾಯಿಸಿದ್ದಾನೆ. ಈಗ ಅವನ ಇಡೀ ಕುಟುಂಬವನ್ನೇ ನಾಶಮಾಡಲು ನಾವು ಯಮ ಕಿಂಕರರು ಬರುತ್ತಿದ್ದೇವೆಂದು ಹೇಳು."

ಲೆಕ್ಕ ಹಾಕಿದರು. ಹನ್ನೆರಡು ರಥಗಳು. ಉಳಿದವರೆಲ್ಲ ಸೈನಿಕರು. ಸಾಮಾನ್ಯರಿಗೇಕೆ ಶಿಕ್ಷೆ? ಹನ್ನೆರಡು ಬಾಣಗಳನ್ನು ಹೂಡಿದರು. "ನೀವು ಯಮ ಕಿಂಕರರಾದರೆ ನಾನು ಯಮ ಧರ್ಮರಾಯ. ನಾನೇ ಆ ಪರಶುರಾಮ. ಪರಶುರಾಮನನ್ನೂ, ಅವನ ಕುಟುಂಬವನ್ನೂ ಶಿಕ್ಷಿಸುವ ಶಕ್ತಿ ನಿಮಗಿಲ್ಲ. ಈಗ ನೋಡಿ ಏನಾಗುತ್ತದೋ!! "ಜೋರಾಗಿ ಮಂತ್ರ ಹೇಳಿದರು, ಹೆದೆಯನ್ನು ಎಳೆದರು, ಬಿಟ್ಟರು. ಒಂದೇ ಬಾರಿಗೆ ಹನ್ನೆರಡೂ ಮಂದಿಯ ಎದೆ ಸೀಳಿ, ಅರಚುತ್ತ ರಥದಿಂದ ಬಿದ್ದು ಸತ್ತರು! ತಮ್ಮ ನಾಯಕರು ಬೀಳುತ್ತಿದ್ದಂತೆ ಸೈನ್ಯ ಅರಚುತ್ತ ಓಡಿಹೋಯಿತು. 

-ಡಾ.ಪಾವಗಡ ಪ್ರಕಾಶ ರಾವ್
pavagadaprakashrao@gmail.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಇನ್ನೂ ವಿವಾಹವಾಗಿಲ್ಲವೇ?
ಇಂದೇ ಕನ್ನಡ ಮ್ಯಾಟ್ರಿಮನಿ ಯಲ್ಲಿ ನೋಂದಾಯಿಸಿ -
ನೋಂದಣಿ ಉಚಿತ!

Topics : Ramayana avalokana, Parashurama, Jamadagni, Kartaviryarjuna, revenge, ರಾಮಾಯಣ ಅವಲೋಕನ, ಪರಶುರಾಮ, ಜಮದಗ್ನಿ, ಕಾರ್ತವೀರ್ಯಾರ್ಜುನ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement