Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
PM Narendra Modi

ಪ್ರಧಾನಿಯ ಸ್ವಜನ ಪಕ್ಷಪಾತದಿಂದ ಐಎಎಫ್ ಪೈಲಟ್ ಗಳಿಗೆ ಸಂಕಷ್ಟ: ರಾಹುಲ್ ಗಾಂಧಿ

Pramoda Devi wadiyar

ಪ್ರಮೋದಾ ದೇವಿ ಒಡೆಯರ್ ತಾಯಿ ವಿಧಿವಶ: ಅರಮನೆಯಲ್ಲಿ ಸೂತಕದ ಛಾಯೆ?ದಸರಾ ಕಾರ್ಯಕ್ರಮಗಳಲ್ಲಿ ಬದಲಾವಣೆ ?

CM Kumaraswamy

ಶಬರಿಮಲೆಗೆ ಮಹಿಳೆಯರ ಪ್ರವೇಶ: ಸಿಎಂ ಕುಮಾರಸ್ವಾಮಿ ನಿಲುವೇನು ಗೊತ್ತೇ?

Azhar Ali

ವಿಚಿತ್ರ ರನ್ಔಟ್: ನಗೆಪಾಟಲಿಗೀಡಾದ ಪಾಕ್ ಬ್ಯಾಟ್ಸ್ ಮನ್, ವಿಡಿಯೋ ನೋಡಿದ್ರೆ ನಗು ಬರುತ್ತೆ!

Protestors stop female NYT journalist from reaching Sabarimala

ಶಬರಿಮಲೆಯತ್ತ ಸಾಗಿದ್ದ ನ್ಯೂಯಾರ್ಕ್ ಟೈಮ್ಸ್ ಪತ್ರಕರ್ತೆಯ ಕೆಳಗಟ್ಟಿದ ಭಕ್ತರು!

Shoaib Malik-Sania Mirza

ಗರ್ಭಿಣಿಯರು ಹೇಗಿರಬೇಕು ಅಂತ ಉಚಿತ ಸಲಹೆ ನೀಡಿದ್ದ ಪುರುಷರಿಗೆ ಸಾನಿಯಾ ತಿರುಗೇಟು!

ಸಂಗ್ರಹ ಚಿತ್ರ

ತಿತ್ಲಿ ಚಂಡಮಾರುತಕ್ಕೆ ಮಗಳು ಬಲಿ, ಕರುಳ ಕುಡಿ ಕೊಳೆತ ಶವ ಹೊತ್ತು 8 ಕಿ.ಮೀ ಸಾಗಿದ ತಂದೆ!

ಸಂಗ್ರಹ ಚಿತ್ರ

ಇಂಡಿಗೋ ಗಗನಸಖಿಯ ಹಿಂಭಾಗ ಮುಟ್ಟಿ ಅಸಭ್ಯ ವರ್ತನೆ: ಬೆಂಗಳೂರು ಯುವಕನ ಬಂಧನ!

ಸಂಗ್ರಹ ಚಿತ್ರ

ಭೀಕರ ವಿಡಿಯೋ: ಆಹಾರ ನೀಡುವಾಗ ಶಾರ್ಕ್ ಇದ್ದ ಟ್ಯಾಂಕ್‌ಗೆ ಬಿದ್ದ ಮಹಿಳೆ!

Owaisi

ನಿಮ್ಮನ್ನು ಮಂದಿರ ಕಟ್ಟದಂತೆ ತಡೆದಿರುವವರಾದರೂ ಯಾರು?: ಭಾಗ್ವತ್ ಗೆ ಓವೈಸಿ

Militant killed by security forces in south Kashmir

ಕಾಶ್ಮೀರದಲ್ಲಿ ಉಗ್ರರ ಹುಟ್ಟಡಗಿಸಿದ ಸೇನೆ, ಪುಲ್ವಾಮದಲ್ಲಿ ಓರ್ವ ಉಗ್ರನ ಹತ್ಯೆ!

SIM cards issued through Aadhaar will not be disconnected, re-verification of mobile subscribers

ಆಧಾರ್ ದೃಢೀಕರಣ ಮೂಲಕ ಪಡೆದಿರುವ ಸಿಮ್ ಕಾರ್ಡ್ ಗಳಿಗೆ ಯಾವುದೇ ಸಮಸ್ಯೆಗಳಿಲ್ಲ: ಕೇಂದ್ರ ಸರ್ಕಾರದ ಸ್ಪಷ್ಟನೆ

D.K Shivakumar

ಪ್ರತ್ಯೇಕ ಲಿಂಗಾಯತ ಧರ್ಮದ ವಿಚಾರವಾಗಿ ನಮ್ಮಿಂದ ತಪ್ಪಾಗಿದೆ, ಕ್ಷಮಿಸಿ: ಡಿ.ಕೆ ಶಿವಕುಮಾರ್

ಮುಖಪುಟ >> ಅಂಕಣಗಳು

'ಶ್ರೀರಾಮರೇ, ನೀವೊಪ್ಪುವ ಲಗ್ನದಲ್ಲಿನ ಅನಿವಾರ್ಯ ಅಂಗಗಳಾವುವು ?'

ರಾಮಾಯಣ ಅವಲೋಕನ - 108
Rama

ರಾಮ

"ನಿಶ್ಚಿತಾರ್ಥ..."ತುಸು ನಗೆಯಿಂದಲೇ ಕೇಳಿದರು, "ಯಾರಿಗೆ ನಿಶ್ಚಿತಾರ್ಥ ಗುರುಗಳೇ? ಯಾರಿಗಾಗಿ? ಯಾರಿಗೆ ಹೇಳಲು? ನಾನು ಬರುವುದಕ್ಕೂ ಮುನ್ನವೇ ನಿಶ್ಚಯವಾಗಿಬಿಟ್ಟಿದೆ, 'ಯಾರು ಬಿಲ್ಲೆತ್ತಿ ಹೆದೆ ಏರಿಸುವರೋ ಅವರಿಗೇ ಸೀತೆ'. ಆಯಿತು, ಅದಾದಮೇಲೆ? ಆಕೆಯನ್ನು ಮಗನಿಗೆ ವಿವಾಹ ಮಾಡಿಸಲೇ ತಂದೆಯೂ, ಗುರುಗಳೂ ಬಂದಿದ್ದಾರೆ. ಇಡೀ ಮಿಥಿಲೆಗೇ ಈ ವಿಷಯ ಗೊತ್ತಿದೆ. ಎಂದಮೇಲೆ ನೀವು ಹೇಳುವ ಆ ನಿಶ್ಚಿತಾರ್ಥ ಏಕೆ? ಈ ಯಾವುದೂ ಇಲ್ಲದೆಯೇ ಇಂತಹ ಗಂಡು, ಹೆಣ್ಣು ಗೃಹಸ್ಥ ಧರ್ಮ ಪ್ರವೇಶ ಮಾಡುತ್ತಾರೆ ಎಂದು ಯಾವಾಗ ಖಚಿತವಾಗುತ್ತದೆಯೋ, ಆಗಲೇ ನಿಶ್ಚಿತಾರ್ಥ ಆಗಿ ಹೋಯಿತು. ಅದನ್ನು ಬಹಿರಂಗವಾಗಿ ಆಚರಿಸುವುದೇನು ಬಂತು, ನಾನು ಕೇಳಿದ್ದೇನೆ ಕೆಲವೆಡೆ ವಿವಾಹಕ್ಕೆ ಬಹು ಮುನ್ನವೇ, ತಿಂಗಳುಗಳ ಹಿಂದೆ ನಿಶ್ಚಿತಾರ್ಥ ಎನ್ನುವ ಮದುವೆಯಂತೆ ದೊಡ್ಡದಾಗಿ ಬಂಧು-ಬಳಗವನ್ನು ಕರೆದು ಆಚರಿಸುತ್ತಾರೆ.

’ನನಗೆ ಮದುವೆಯನ್ನೇ ಸರಳವಾಗಿ ಮಾಡಬೇಕೆನ್ನುವವನಿಗೆ ಈ ನಿಶ್ಚಿತಾರ್ಥದ ಆರ್ಭಟ ಇಷ್ಟವೇ ಆಗುವುದಿಲ್ಲ. ಅಕಸ್ಮಾತ್ ಮಾಡಲೇ ಬೇಕೆನ್ನುವ ಹೆಬ್ಬಯಕೆ ಇದ್ದರೆ ಗಂಡು-ಹೆಣ್ಣಿನ ಮನೆಯವರಿಬ್ಬರಿದ್ದರೆ ಸಾಕು. ಹೇಗೂ ಎಲ್ಲರೂ ನಿಶ್ಚಯ ಆಗಿರುವಾಗ, ಮದುವೆಗೆ ಸಿದ್ಧತೆ ಗಳಿಸುತ್ತಿರುವಾಗ ಈ ನಿಶ್ಚಿತಾರ್ಥವೆಂಬುದರ ಅರ್ಥವೇನು?" ದೊಡ್ಡ ಭಾಷಣವೇ ಆಯಿತು ರಾಮರಿಂದ. ಬೆವರು ವರೆಸಿಕೊಂಡರು ಶತಾನಂದರು. "ಎಲ್ಲದಕ್ಕೂ ಬೇಡವೆನ್ನುತ್ತಿರುವಿರಿ, ಕೊನೆಯದಾಗಿ ಒಂದು ಕೇಳಿಬಿಡುತ್ತೇನೆ. ಕಾಶಿ ಯಾತ್ರೆ ಬೇಕೋ, ಬೇಡವೋ?". "ಇದು ಪ್ರಶ್ನಾವಳಿಯ ಕೊನೆಯ ಪ್ರಶ್ನೆಯೋ? "ತುಸು ಹಾಸ್ಯ ಮಿಶ್ರಿತ ಧ್ವನಿಯಲ್ಲೇ ಕೇಳಿದರು ರಾಮರು. ಅತ್ಯಂತ ಸ್ಪಷ್ಟವಾಗಿ ಆರಂಭಿಸಿದರು, "ಇದೆಂಥ ನಾಟಕ ಮಾಡುತ್ತಿದ್ದೀರಿ? ಇದರಂತಹ ನಾಟಕ ಮತ್ತೊಂದಿಲ್ಲ. ಇದಕ್ಕೊಂದು ಹರುಕು ಕಥೆಯನ್ನೂ ಕಟ್ಟಿಬಿಟ್ಟಿದ್ದೀರಿ, ಅಥವ ಆಧಾರ ಎನ್ನುತ್ತೀರಿ. ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಒಬ್ಬಾತ ಕಾಶಿಗೆ ಹೊರಟನಂತೆ, ವಾರಣಾಸಿ ಎಂಬುದು ಪ್ರಪಂಚದ ಹಳೆಯ, ಅತ್ಯಂತ ಹಳೆಯ ಪಟ್ಟಣ. ನಮ್ಮ ವಂಶದ ಹರಿಶ್ಚಂದ್ರನಿಗೆ ಪರಮೇಶ್ವರ ಪ್ರತ್ಯಕ್ಷವಾದ ಪರಮ ಪುಣ್ಯ ಕ್ಷೇತ್ರ. ನಿತ್ಯ ಸ್ಮಶಾನ ಎಂದು ಅದನ್ನೇಕೆ ಕರೆಯುತ್ತಾರೆ ಎಂದರೆ, ಅಲ್ಲಿ ಪ್ರತಿ ನಿತ್ಯ ಆ ಗಂಗಾನದಿಯಲ್ಲಿ, ದಿವ್ಯ ಗಂಗಾನದಿಯಲ್ಲಿ ತಮ್ಮ ದೇಹಗಳನ್ನು ತೇಲಿ ಬಿಡಬೇಕೆಂಬ ಉದ್ದಿಶ್ಯದಿಂದಲೇ ಎಷ್ಟೋ ವರ್ಷಗಳು ಕಾಶಿಯಲ್ಲೇ ಬಂದು, ನೆಲೆಸಿ, ಪ್ರಾಣ ಬಿಡುವವರಿದ್ದಾರೆ. ಹಾಗೂ ಆ ಪ್ರಮಾಣದಲ್ಲಿ ಅಲ್ಲಿ ಸಾಯುವುದರಿಂದ ಅಲ್ಲಿನ ಸ್ಮಶಾನಗಳಲ್ಲಿ ಹೆಣಗಳು ಸುಡುತ್ತಲೇ ಇರುತ್ತದೆ. ಇದು ಪ್ರಸಿದ್ಧವಾಗಿರುವ ವಿಷಯ. ಹೀಗಾಗಿ ಅಲ್ಲಿ ಯಾರಿಗೂ ಸ್ಮಶಾನದ ಮೈಲಿಗೆ ಇರುವುದೇ ಇಲ್ಲ ಎನ್ನುವುದು ಪ್ರಸಿದ್ಧಿ. 

ನಮ್ಮ ವಂಶ ಪರಂಪರೆಯಂತೆ ಪರಮೇಶ್ವರ ನಮಗೆ ಆರಾಧ್ಯ ದೈವ. ನಾವು ಯಾವುದಾದರೂ ಪ್ರಮುಖ ಘಟ್ಟವನ್ನೋ, ವಿಜಯ ಯಾತ್ರೆಯನ್ನೋ ಮುಗಿಸಿದಾಗ ಶಿವಾರಾಧನೆ ಮಾಡುತ್ತೇವೆ. ಇರಲಿ, ಹೀಗೆ ನಮ್ಮ ದೇಶದಲ್ಲಿ ಅತಿ ಪ್ರಸಿದ್ಧವಾಗಿರುವ ಕಾಶಿಗೆ, ಹಾಗೆ ನೋಡಿದರೆ ಅದರಂತಃ ವಿದ್ವತ್ ಕ್ಷೇತ್ರವೇ ಇಡೀ ಭಾರತದಲ್ಲಿ ಮತ್ತೊಂದಿಲ್ಲ. ಅಂತಹ ಕಾಶಿಗೆ, ಅಲ್ಲಿ ಅಧ್ಯಯನ ಮಾಡುವುದಕ್ಕೆ ಯಾವುದೇ ವಿದ್ವಾಂಸ ಇಷ್ಟ ಪಟ್ಟರೆ ಅದು ಗೌರವಾರ್ಹವಾದ ವಿಷಯವೇ. ಇಷ್ಟೆಲ್ಲ ಪೀಠಿಕೆಯನ್ನೇಕೆ ಹೇಳಿದೆನೆಂದರೆ ಮುಂದೆ ಹೇಳುತ್ತಿರುವುದು ಇದೆಲ್ಲದಕ್ಕೂ ವಿರುದ್ಧವಾದದ್ದು.

ಅಂತೂ ಇರಲಿ, ಹೀಗೆ ಅಲ್ಲಿ ವಿದ್ಯೆಯನ್ನು ಅಧ್ಯಯನ ಮಾಡಲಿಕ್ಕಾಗಿ ಹೊರಟಿದ್ದಾನೆ ಒಬ್ಬ ವಿದ್ಯಾಪಿಪಾಸು ಎಂದಿಟ್ಟುಕೊಳ್ಳಿ, ಆ ಕಥೆಯ ಪ್ರಕಾರ. ದಾರಿಯಲ್ಲೊಬ್ಬ ಕನ್ಯಾ ಪಿತೃ ಸಿಗಬೇಕೆ? ಮಗಳಿಗೆ ಗಂಡು ಹುಡುಕಿ ಸುಸ್ತಾಗಿದ್ದ ಆ ವ್ಯಕ್ತಿ ಹೇಳುತ್ತಾನಂತೆ, "ನನ್ನ ಮಗಳನ್ನು ಮದುವೆಯಾಗಿ ಅನಂತರ ವಿದ್ಯಾಭಾಸ ಮುಂದುವರಿಸಿ ಅವಳೊಟ್ಟಿಗೆ". ಈ ಬೆಪ್ಪ ವಿದ್ಯಾರ್ಥಿ ತಕ್ಷಣಕ್ಕೆ ಒಪ್ಪಿ ಮದುವೆಗೆ ಸಿದ್ಧನೇ ಆಗಿಬಿಟ್ಟ! ಅವನನ್ನು ಕರೆತಂದು ಮಗಳನ್ನು ಧಾರೆ ಎರೆದರಂತೆ. ಮುಂದೆ? ಕಥೆ ಅಲ್ಲಿಗೆ ನಿಂತು ಹೋಯಿತು. ಅವನೇನು ಹೋದನೋ, ಇಲ್ಲವೋ, ಈ ದುರ್ಬಲ ಕಥೆಯನ್ನು ಆಧಾರವಾಗಿ ಇಟ್ಟುಕೊಂಡು ಇಂದು ಈ ಕಾಶಿ ಯಾತ್ರೆ ನಾಟಕವನ್ನು ಆಡುತ್ತಿದ್ದಾರೆ. ಹೆಚ್ಚಾಗಿ ಇದು ನಿಮ್ಮಲ್ಲಿ, ಎಂದರೆ ಬ್ರಾಹ್ಮಣರಲ್ಲಿದೆ, ಅದನ್ನು ನೋಡಿ ನಮ್ಮಲ್ಲೂ, ಅಂದರೆ ಅದೇ ನಾಟಕ ಕೆಲವರು ಆಡಲು ಪ್ರಯತ್ನಿಸುತ್ತಿದ್ದಾರೆ. ಇದೆಷ್ಟು ಹಾಸ್ಯಾಸ್ಪದವೆಂದರೆ, ಗಂಡು-ಹೆಣ್ಣು ನೋಡುತ್ತಾರೆ, ಮದುವೆಗೆ ಸಿದ್ಧವಾಗುತ್ತಾರೆ, ಮದುವೆಗೆ ಬಂದಿರುತ್ತಾರೆ, ಕೊನೆಗೆ ಮಾವನೇ ಕಾಶಿ ಯಾತ್ರೆಯ ವೇಷವನ್ನೂ ಕೊಡುತ್ತಾನೆ, ಹೆಣ್ಣಿನ ಕಡೆಯವರೇ ಬೇಕೋ, ಬೇಡವೋ ಕೊಡೆಯನ್ನೂ ಹಿಡಿಯುತ್ತಾರೆ, ಕನ್ಯಾಮಂಟಪದಿಂದ ಹತ್ತು ಹೆಜ್ಜೆ ತಾಳ ಮೇಳಗಳೊಡನೆ ಹೋಗುವುದೂ ಆಗುತ್ತದೆ, ನಿಮ್ಮಂತಹ ಪುರೋಹಿತರು ಕನ್ಯಾಪಿತೃವಿನಿಂದ ಹೇಳಿಸಿ ವಾಪಸ್ ಕರೆಸಿಕೊಂಡು ನೇರ ಈಗಾಗಲೇ ಸಿದ್ಧವಿರುವ ಕಲ್ಯಾಣ ಮಂಟಪಕ್ಕೇ ಕರೆತರುತ್ತಾರೆ.

ಇಂತಹ ನಾಟಕ ಮದುವೆಯ ಗಾಂಭೀರ್ಯವನ್ನೇ ಕೆಡಿಸುತ್ತದೆ. ಹೇಳಿ ಗುರುಗಳೇ, ಎದೆ ಮುಟ್ಟಿಕೊಂಡು ಹೇಳಿ, ಈ ಕಾಶಿ ಯಾತ್ರೆ ಯಾವುದಾದರೂ ವೇದದಲ್ಲೋ, ಶಾಸ್ತ್ರದಲ್ಲೋ ಇದೆಯೋ, ಹೇಳಿ." " ಉಫ಼್! "ಶತಾನಂದರು ನಿಟ್ಟುಸಿರು ಬಿಟ್ಟರು, ಅವರ ಹಿಂದಿನಿಂದ" ಶ್ರೀರಾಮ, ನೀನು ಹೇಳುತ್ತಿರುವುದು ನೂರಕ್ಕೆ ನೂರು ಸತ್ಯ. ನಿನ್ನ ನಡೆಯೇ ಲೋಕಕ್ಕೆ ಮಾರ್ಗದರ್ಶನ. ಮುಂದೆ ನಿನ್ನ ಪ್ರಜೆಗಳು ನಿನ್ನನ್ನು ಕೊಂಡಾಡುವವರು, ನಿನ್ನ ಮಾತುಗಳನ್ನು ಕೇಳಿಸಿಕೊಳ್ಳಬೇಕು. ಇಂತಹ ಅರ್ಥವಿಲ್ಲದ ಆಧಾರಗಳನ್ನು ಬಿಡಬೇಕು. ನೀನೆಂದಂತೆ ಇದಕ್ಕೆ ಯಾವ ಶಾಸ್ತ್ರಾಧಾರವೂ ಇಲ್ಲ. "ಅತ್ಯಂತ ಗಂಭೀರವಾಗಿ ನ್ಯಾಯಾಧೀಶರಂತೆ ತೀರ್ಪು ಕೊಟ್ಟುಬಿಟ್ಟರು, ಯಾವಾಗ ಬಂದಿದ್ದರೋ, ಯಾವಾಗಲಿಂದ ಶ್ರೀರಾಮರ ಮಾತುಗಳನ್ನು ಕೇಳಿಸಿಕೊಳ್ಳುತ್ತಿದ್ದರೋ ಗೊತ್ತಿಲ್ಲ. ಯಾರು? ವಸಿಷ್ಠರು... ಇಬ್ಬರೂ ಅವರೆಡೆ ಸಂಭ್ರಮದಿಂದ ನೋಡಿ ಧಿಗ್ಗೆನೆದ್ದು ಅವರಿಗೆ ನಮಸ್ಕರಿಸಿದರು.

"ಶತಾನಂದರೆ, ನೀವು ಜನಕ ಮಹಾರಾಜನ ಆಚಾರ್ಯರು. ನೀವು ಬಂದು ಇದನ್ನು ಚರ್ಚಿಸಿದ್ದು ಒಳ್ಳೆಯದೇ ಆಯಿತು. ಕಾಲ-ಕಾಲಕ್ಕೆ ಇಂತಹ ಶುದ್ಧೀಕಾರ್ಯ ಆಗುತ್ತಿರಲೇ ಬೇಕು. ವಿವಾಹ ಕಾರ್ಯವನ್ನು ಜನಸಾಮಾನ್ಯರು ಅತಿ ಕಗ್ಗಂಟಾಗಿ, ಅರ್ಥವೇ ಆಗದೇ ಅನುಸರಿಸುತ್ತಿದ್ದಾರೆ. ನಮ್ಮ ಶಿಷ್ಯನ ವಿವಾಹದಲ್ಲಾದರೂ ಇಂತಹ ಬೇಕಿಲ್ಲದ ಆಚರಣೆಗಳಿಗೆ ಕಡಿವಾಣವಿದ್ದರೆ ಮುಂದೆ ಶ್ರೀರಾಮರನ್ನು ಅನುಸರಿಸುವ ಜನಸಾಮಾನ್ಯರಿಗೆ ಸುಲಭವಾದ, ಸಾಧ್ಯವಾದ ಮದುವೆಯ ಮಾರ್ಗದರ್ಶನ ಮಾಡಿದಂತಾಗುತ್ತದೆ. "ವಸಿಷ್ಠರೇ ಹೀಗೆಂದಮೇಲೆ ಶತಾನಂದರಿಗೆ ಹೇಳಲೇಬೇಕೇನು? ಇನ್ನು ತಾನು ಪ್ರಶ್ನೆ ಕೇಳಿ ಬೈಸಿಕೊಂಡಿದ್ದು ಸಾಕು. ಶ್ರೀರಾಮರನ್ನೇ ಕೇಳಿಬಿಡೋಣ, "ಶ್ರೀರಾಮ, ಹಾಗಾದರೆ ನೀನೊಪ್ಪುವ ವಿವಾಹ ಕ್ರಮ ಹೇಗೆ? ವಿವಾಹದಲ್ಲಿ ಅನಿವಾರ್ಯವಾದ ಅಂಗಗಳು ಯಾವುದು?"....

-ಡಾ.ಪಾವಗಡ ಪ್ರಕಾಶ್ ರಾವ್
pavagadaprakashrao@gmail.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮನಿಯಲ್ಲಿ
ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ -
ನೋಂದಣಿ ಉಚಿತ!

Topics : Ramayana avalokana, Rama, marriage, rituals, ರಾಮಾಯಣ ಅವಲೋಕನ, ರಾಮ, ವಿವಾಹ, ಆಚರಣೆಗಳು

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS