Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Cooperative bank with Amit Shah as a director collected highest amount of demonetised notes among DCCBs

ಅಮಾನ್ಯೀಕರಣ: ಅತಿ ಹೆಚ್ಚು ಹಳೆಯ ನೋಟುಗಳನ್ನು ಸಂಗ್ರಹಿಸಿದ ಅಮಿತ್ ಶಾ ನಿರ್ದೇಶಕತ್ವದ ಸಹಕಾರಿ ಬ್ಯಾಂಕ್!

Separatist-sponsored strike hits normal life in Kashmir

ಪತ್ರಕರ್ತ ಶೂಜತ್ ಬುಖಾರಿ ಹತ್ಯೆ: ಪ್ರತ್ಯೇಕತಾವಾದಿಗಳಿಂದ ಕಾಶ್ಮೀರ ಬಂದ್

D K Shivakumar

ನನ್ನ ಬಳಿಯೂ ಡೈರಿಗಳಿವೆ, ಸಮಯ ಬಂದಾಗ ಬಿಚ್ಚಿಡುತ್ತೇನೆ: ಡಿಕೆಶಿ; ಸಚಿವರ ಬೆಂಬಲಕ್ಕೆ ನಿಂತ ಜೆಡಿಎಸ್

PM Narendra Modi and Jashodaben

''ಅವರು ನನಗೆ ಶ್ರೀರಾಮನಿದ್ದಂತೆ'': ಪ್ರಧಾನಿ ಮೋದಿ ಪತ್ನಿ ಜಶೋದಾ ಬೆನ್

Jammu Kashmir Liberation Front chairman Yasin Malik arrested to foil protests in Srinagar

ಕಾಶ್ಮೀರ: ಪ್ರತಿಭಟನೆ ತಡೆಯಲು ಪ್ರತ್ಯೇಕವಾದಿ ನಾಯಕ ಯಾಸಿನ್ ಮಲ್ಲಿಕ್ ಬಂಧನ

Makkal Needhi Maiam chief Kamal Haasan meets Sonia Gandhi

ಸೋನಿಯಾ ಗಾಂಧಿ ಭೇಟಿ ಮಾಡಿದ ಕಮಲ್ ಹಾಸನ್

LeT giving management training to Pakistani engineers: Sources

ಪಾಕಿಸ್ತಾನದ ಇಂಜಿನಿಯರ್ ಗಳಿಗೆ ಲಷ್ಕರ್ ಉಗ್ರ ಸಂಘಟನೆಯಿಂದ ಮ್ಯಾನೇಜ್ಮೆಂಟ್ ತರಬೇತಿ!

Death toll rises to 15 in MP road mishap

ಮಧ್ಯ ಪ್ರದೇಶದಲ್ಲಿ ಭೀಕರ ಅಪಘಾತ: ಸಾವಿನ ಸಂಖ್ಯೆ 15ಕ್ಕೆ ಏರಿಕೆ

History will not forgive BJP for Kashmir: Shiv Sena

ಕಾಶ್ಮೀರ ಬಿಜೆಪಿಯನ್ನು ಎಂದಿಗೂ ಕ್ಷಮಿಸಲ್ಲ: ಶಿವಸೇನೆ

Passport officer shames Hindu-Muslim couple, tells husband to convert

ಹಿಂದು-ಮುಸ್ಲಿಂ ದಂಪತಿಗಳಿಗೆ ಪಾಸ್'ಪೋರ್ಟ್ ಅಧಿಕಾರಿಯಿಂದ ಅವಮಾನ: ಮತಾಂತರಗೊಳ್ಳುವಂತೆ ಮಹಿಳೆ ಪತಿಗೆ ಒತ್ತಾಯ

H.D Kumaraswamy

ರೈತರ ಬೆಳೆಗಳಿಗೆ ಕಾವೇರಿ ನೀರು ಬಿಡುವಂತೆ ಅಧಿಕಾರಿಗಳಿಗೆ ಸಿಎಂ ಖಡಕ್ ಸೂಚನೆ

New Zealand Prime Minister Jacinda Ardern gives birth to baby girl

ಸರ್ಕಾರಿ ಆಸ್ಪತ್ರೆಯಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ ನ್ಯೂಜಿಲೆಂಡ್ ಪ್ರಧಾನಿ ಜಸಿಂದಾ ಅರ್ಡೆರ್ನ್!

England women make highest T20 total Breaks New Zealand record

ಪುರುಷರಾಯ್ತು, ಈಗ ಮಹಿಳೆಯರ ಸರದಿ: ಟಿ20ಯಲ್ಲಿ ದಾಖಲೆ ರನ್ ಚಚ್ಚಿದ ಇಂಗ್ಲೆಂಡ್ ಮಹಿಳಾ ಕ್ರಿಕೆಟ್ ತಂಡ

ಮುಖಪುಟ >> ಅಂಕಣಗಳು

ಏನು? ಕುದುರೆಗಳು ಮಾತನಾಡುವುದೆಂದರೇನು? ಅಸ್ಖಲಿತವಾಣಿಯಿಂದ ಜೋಡಿ ಸ್ವರ ಆದೇಶಿಸುವುದೆಂದರೇನು?

ರಾಮಾಯಣ ಅವಲೋಕನ-113
ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ವಿವಾಹವಾಗಿ ಇಷ್ಟು ದಿನಗಳಿಗೆ ಮೊದಲಬಾರಿಗೆ ನಾಚಿಕೆಯಾಗಿಬಿಟ್ಟಿತು ತನಗೆ! ಹೌದು ಅದೂ ಮೊದಲ ಬಾರಿ ಗಂಡನ ತಕ್ಕೆಯಲ್ಲಿ ಏನೋ ಅನಿರ್ವಚನೀಯ ಸುಖ ಕಂಡಿತು. "ಆಮೇಲೆ ಕೇಳುತ್ತೇನೆ" ಎಂದು ಕೊಸರಿಕೊಂಡು ಒಳಕ್ಕೆ ಓಡಿ ಹೋಗಿದ್ದೆ.

ಅಂದು ಸಾಯಂ ಸಂಧ್ಯಾವಂದನೆ ಆದಮೇಲೆ ಕೇಳಿದರು; "ಏನು ಯೋಚನೆ ಮಾಡ್ತಾ ಇದ್ದೀಯ? ಇನ್ನೂ ಕೇಳೇ ಇಲ್ಲ? "ಅವರ ಕಣ್ಣುಗಳನ್ನು ನೋಡದೇ ತಲೆ ತಗ್ಗಿಸಿ, ಅದೇನೋ ಮಹಾ ಸಂಭ್ರಮ, ಮಹಾ ನಾಚಿಕೆಯಿಂದ ಹೇಳಿಯೇ ಬಿಟ್ಟೆ. "ಸ್ವಾಮಿ , ತಪ್ಪು ತಿಳ್ಕೋಬೇಡಿ, ಆ ರಾಕ್ಷಸನನ್ನ ಎತ್ತಿ ಎಸೆದಾಗ ನಿಮ್ಮ ದೇಹ ಎಷ್ಟು ಗಟ್ಟಿಯಾಗಿತ್ತು! ಎಷ್ಟು ದೃಢವಾಗಿತ್ತು! ಹೊಳೀತಾ ಇತ್ತು. ಅಂದರೆ ನೀವು ಬಯಸಿದರೆ ಏನೂ ಮಾಡಬಲ್ಲರಿ ಅಂತ ಗೊತಾಗ್ಹೋಯ್ತು. ದಯವಿಟ್ಟು ಕ್ಷಮಿಸಿ, ನಿಮ್ಮಲ್ಲಿ ಆ ಗಡಸು ದೇಹದ ಯುವಕನನ್ನು ನೋಡೋ ಆಸೆ. "ಅಬ್ಬ! ಬಹಳ ಕಷ್ಟ ಪಟ್ಟು ಹೇಳಿದ್ದೆ. ಕ್ಷಣ ಬಿಟ್ಟು ಕೇಳಿದೆ, "ನಾನು ತಪ್ಪು ಮಾತಾಡಿದ್ನಾ? ಕೇಳ್ಬಾರದ್ದು ಕೇಳಿದ್ನಾ? ಅಪಚಾರ ಮಾಡಿದ್ನಾ?" 

ಗಂಡ ಎದ್ದ. ನಾನೂ ಎದ್ದೆ. ಹತ್ತಿರ ಬಂದರು. ಸನಿಹ. ಏನೋ ಖುಶಿ. ಅಪ್ಪಿಕೊಂಡರು. ಕಿವಿಯ ಬಳಿ ಬಾಯಿಟ್ಟು ಹೇಳಿದರು, "ನೀನು ಹೀಗೆ ಹೇಳಿದ್ ಸರಿ ಹೋಯಿತು. ನಿನ್ನ ಬಯಕೆಯನ್ನು ಯಾಕೆ ತಪ್ಪು ಅಂದ್ಕೊಳ್ತೀಯ? ನಾನೇನೂ ಮಾಡಬಲ್ಲೆ, ಏನನ್ನೂ ಸಾಧಿಸ ಬಲ್ಲೆ. ಆದರೆ ಸ್ವಂತಕ್ಕಾಗಿ ಯಾವ ದೇವತೇನೂ ಕೇಳೋದಿಲ್ಲ. ಈಗ ನೀನು ಕೇಳಿದೆ ಅನ್ನೋದು ಕಾರಣ. ಆದರದೇನೂ ಪೂರ್ಣ ನಿಜ ಅಲ್ಲ. ಈ ಮುದಿ ಶರೀರದಿಂದ ನನಗೂ ತುಂಬಾ ತೊಂದರೆಯಾಗ್ತಾಯಿದೆ. ನಿನ್ನ ಬಯಕೆಯ ನೆಪದಲ್ಲಿ ನಾನೂ ಈ ಒಣಗಿದ ಶರೀರಾನ ಬಿಟ್ಟಬಿಡುತೀನಿ. ನಾಳೆ ಒಂದು ನೂತನ ಕಾಮ್ಯ ಮಾಡತೀನಿ. ಹೊರಗಡೆಯಿಂದ ಯಾರನ್ನೂ ಕರಿಯೋದು ಬೇಡ. ನಮ್ಮ ಶಿಷ್ಯರೇ ಇದಾರೆ, ಸಾಕು. ನಲವತ್ತೆಂಟು ದಿವಸಗಳ ಹೋಮ. ನಿನ್ನ ಆಶೆ ನೆರವೇರುತ್ತೆ. "ಅಬ್ಬಬ್ಬಾ! ಆ ಮಾತುಗಳನ್ನು ಕೇಳತಾ ಇದ್ದರೆ ದೇಹ ಎಲ್ಲ ಬೆವರೊಡೆದುಹೋಯಿತು. ಓಹ್! ಇವರು ಹೇಳುತಿರೋದು ನಿಜನಾ? ಅವರು ಯುವಕರಾಗುತಾರ? ಅಲ್ಲ, ಅದು ಹೇಗೆ ಹೇಳಿಬಿಟ್ಟೆ ನಾನು; "ನೀವು ಬಲವಾದ ಯುವಕರಾಗಬೇಕು ಅಂತ? "ಅಬ್ಬಬ್ಬ! ಈಗ, ಈಗ ಈಗ್ ತುಂಬಾ ನಾಚಿಕೆ ಆಗಬಿಡ್ತು. ಅವರೆದುರು ನಿಂತು ಮುಖ ತೋರಿಸುವುದಕ್ಕೂ ಆಗ್ತಾ ಇಲ್ಲ. ಅವರ ಆಲಿಂಗನವನ್ನು ಸಡಿಲಿಸಿ ಒಳಕ್ಕೆ ಜಾರಿದ್ದೆ.. 
*************

ಪಕ್ಕ-ಪಕ್ಕದಲ್ಲಿ ಎರಡು ಸಮ ಪ್ರಮಾಣದ ಯಙ್ಞ ಕುಂಡಗಳು. ಎರಡಕ್ಕೂ ರಂಗು ರಂಗಿನ ಅಲಂಕಾರಗಳು. ದೊಡ್ಡ ರಾಶಿ ಬಿದ್ದಿರುವ ಮರದ ತುಂಡುಗಳು. ಸಮಿತ್ತುಗಳು ನೂರಾರು ದೊಡ್ಡ-ದೊಡ್ಡ ಬುಟ್ಟಿಗಳಲ್ಲಿ ಕೊಬ್ಬರಿ ಗಿಟುಕುಗಳು. ಅರಳು, ಸುಗಂಧ ಮೂಲಿಕೆಗಳು, ಅಶ್ವಗಂಧಿ, ತೇಜಸ್ವಿನಿ, ಇತ್ಯಾದಿ ಪರ್ಣಗಳು ತುಂಬಿರುವ ಬಿದಿರು ಗುಡಾಣಗಳು. ತುಪ್ಪ ಹನಿಯುತ್ತಿರುವ ಜರತಾರಿ ವಸ್ತ್ರಗಳನ್ನು ಮಡಿಸಿಟ್ಟಿರುವ ದೊಡ್ಡ ದೊಡ್ಡ ಮೊರಗಳು. ಬೆಳಿಗ್ಗೆ ಗೋ ಪೂಜೆ ಮುಗಿಸಿ ಬರುವ ಹೊತ್ತಿಗೆ ಯಾಗವಾಟಿಕೆಯಲ್ಲಿ ಎಲ್ಲ ಸಿದ್ಧವಾಗಿಬಿಟ್ಟಿದೆ! ಈ ಪ್ರಮಾಣದ ಸಂಭ್ರಮ ಹಿಂದೆಂದೂ ಕಂಡಿರಲಿಲ್ಲ. ಅಷ್ಟು ಹೊತ್ತಿಗೆ ಕೆನೆಯುತ್ತಿರುವ ಬಿಳುಪು-ಬಿಳುಪು ಸುಂದರ ಅಶ್ವ ದ್ವಯವನ್ನು ಯಾರೋ ರಾಜಪುರುಷರು ತಂದು ಒಪ್ಪಿಸಿದರು. ಅಬ್ಬ! ಯಜಮಾನರ ಶಕ್ತಿ ಎಷ್ಟು! ರಾತ್ರಿ ಕಳೆದು ಬೆಳಗಾಗುವದರೊಳಗೆ ಎಷ್ಟು ಭಾರಿ ಸಿದ್ಧತೆ ಮಾಡಿಬಿಟ್ಟಿದ್ದಾರೆ! 

ಬಂದ ಋಷಿಗಳು ಕುದುರೆಗಳ ಲಗಾಮು, ಕಣ್ಣಪಟ್ಟಿ, ಬೆನ್ನಮೇಲಿದ್ದ ಜೀನುಗಳನ್ನು ತೆಗೆದು ಮೈಯ್ಯೆಲ್ಲ ನೇವರಿಸಿ, ಹಣೆಗೆ ಕುಂಕುಮ, ಅರಿಶಿನ, ಅಕ್ಷತೆಗಳನ್ನಿಟ್ಟು, ಬಾಯಿಗೆ ಬೆಲ್ಲ ಕೊಟ್ಟು, ಯಙ್ಞಕುಂಡದ ಮುಂದೆ ಬರಲು ಪ್ರಾರ್ಥಿಸಿದರು. ಸಾಕಿದ ಪ್ರಾಣಿಯಂತೆ ಅವು ಬಂದು ಅಗ್ನಿಯ ಮುಂದೆ ನಿಲ್ಲುವುದೇ?  

"ಭೋ ಅಶ್ವಿನಿ ಕುಮಾರರೇ, ನಿಮ್ಮ ಜನ್ಮವೇ ಅಸಾಧಾರಣ. ನಿಮ್ಮ ತಂದೆ ಸೂರ್ಯ ದೇವನ ಬಿಸಿ ತಾಳಲಾರದೇ, ನಿಮ್ಮ ತಾಯಿ ಸೌಙ್ಞಾ ದೇವಿ ಉತ್ತರ ಕುರುವಿನಲ್ಲಿ ಕುದುರೆಯ ವೇಷದಲ್ಲಿದ್ದಾಗ, ನಿಮ್ಮ ತಂದೆಯೂ ಅಶ್ವವಾಗಿ ಬಂದು ಹೆಂಡತಿಯನ್ನು ಕೂಡಿದ್ದರಿಂದ ಜನಿಸಿದ ವಿಶೇಷ ದೇವತೆಗಳು ನೀವು. ನಿಮಗೆ ಸ್ವಾಗತ. " 

"ಜವ್ವನಿಗ ಸೂರ್ಯ ಪುತ್ರರೇ , ಶರ್ಯಾತಿ ಮಹಾರಾಜನ ಮಗಳು ಅಙ್ಞಾನದಿಂದ ಹುತ್ತದಲ್ಲಿ ಹೊಳೆಯುವ ಮಣಿಗಳಿಗೆ ಕಡ್ಡಿ ಚುಚ್ಚಿದ್ದರಿಂದ ಒಳಗಿದ್ದ ಚ್ಯವನ ಮಹರ್ಷಿ ಕುರುಡಾಗಿ ಆತನ ಶಾಪದಿಂದ ಸೈನ್ಯಕ್ಕೆಲ್ಲ ಕಡು - ಕಷ್ಟ ಉಂಟಾದಾಗ , ಬಾಧೆ ತಪ್ಪಿಸಲು ಅಪ್ಪ ಮಗಳಾದ ಸುಕನ್ಯೆಯನ್ನು ಮುದುಕ ಚವನನಿಗೇ ಕೊಟ್ಟು ಮದುವೆ ಮಾಡಿದಾಗ, ಸುಕನ್ಯೆಯ ಪ್ರಾರ್ಥನೆಯಂತೆ ಚ್ಯವನರಿಗೆ ಯೌವ್ವನವಿತ್ತ ದೇವ ವೈದ್ಯರೇ, ಆ ಚ್ಯವನ ಮಹರ್ಷಿಗಳ ಮೊಮ್ಮಗನಾದ ನಾನು ಆಹ್ವಾನಿಸುತ್ತಿದ್ದೇನೆ ಈ ಯಙ್ಞಕ್ಕೆ. ನಿಮಗೆ ಸ್ವಾಗತ. "

"ಹಂಸ ಕಟ್ಟಿದ ಸ್ವರ್ಣ ರಥದಲ್ಲಿ ಸಂಚರಿಸುವ ಯುಗಳ ದೇವತೆಗಳೇ, ನಿಮ್ಮ ಪ್ರಿಯ ರಾಜ ಮೋದು, ಯುದ್ಧದಲ್ಲಿ ಸೋತಾಗ ನೂರು ದಿವ್ಯಾಶ್ವಗಳನ್ನಿತ್ತು ಅವನ ಜಯಕ್ಕೆ ಕಾರಣರಾದ ಅತಿ ಕಿರಿ ವಯಸ್ಸಿನ ಜೋಡಿ ದೇವತೆಗಳೇ, ಈ ಯಾಗಶಾಲೆಗೆ ಸ್ವಾಗತ."

"ಸುರದೇವತೆಗಳಾದರೂ ಆಗಾಗ ಭೂಮಿಯಲ್ಲಿ ನೇಗಿಲಿನಿಂದ ಉಳುವ ಕೃಷಿ ಅಭಿಮಾನಿ ದೇವತಾ ಯುಗ್ಮವೇ, ರೇಭನ ಕೈಕಾಲುಗಳನ್ನು ಕಡಿದು ಹಾಳು ಬಾವಿಯಲ್ಲಿ ರಾಕ್ಷಸರು ಎಸೆದಾಗ, ಅವನ ಕೈಕಾಲುಗಳ ಶಸ್ತ್ರಚಿಕಿತ್ಸೆ ಮಾಡಿ ಜೋಡಿಸಿದ ಮಹಾನ್ ವೈದ್ಯರಿಗೆ ನಾನು ಔರ್ವ ಪುತ್ರ ಋಚೀಕ ಸ್ವಾಗತ ಗೀತೆ ಹಾಡುತ್ತಿರುವೆ. "

ಮರುಕ್ಷಣವೇ ನಲವತ್ತೆಂಟು ಋಗ್ವೇದೀ ಹೋತೃ ಶಿಷ್ಯರು, ಅಶ್ವಿನ್ಯಾತ್ಮಕ ಋಚೆಗಳನ್ನು ಸುಶ್ರಾವ್ಯವಾಗಿ ಪಠಿಸಿದರು. ಅದು ಮುಗಿಯುತ್ತಿದ್ದಂತೆಯೇ ಇಬ್ಬರು ತೇಜಸ್ವೀ ಉದ್ಗಾತೃ ವಿದ್ಯಾರ್ಥಿಗಳು ಸಾಮಗಾನ ಹಾಡಿದರು. ಋಚೀಕರು ಸ್ವರ್ಣ ಪುಷ್ಪಗಳನ್ನು ಅರ್ಪಿಸುತ್ತಿದ್ದಂತೆಯೇ ತೇಜಿಗಳಲ್ಲಿ ಏನೋ ಬದಲಾವಣೆ. ಏನೋ ಒಂದು ಕಾಂತಿ ಅವುಗಳಿಗೆ ಬಂದು ಸೇರಿದಂತೆ. 

ಆವಾಹಿತರಾದ ಅಶ್ವಿನಿ ದೇವತೆಗಳು, " ಭೋ ಋಚೀಕ! ನಿನಗೂ ಅಶ್ವಪ್ರಪಂಚಕ್ಕೂ ಏನೋ ವಿಶಿಷ್ಟವಾದ ನಂಟು! ತುಂಬುರನ ಅನುಗ್ರಹವೆಂದರೇನು!! ಅಶ್ವಲೋಕದಿಂದ ಅಶ್ವಸಂಪತ್ತನ್ನು ಗಳಿಸಿದ್ದೆಂತು!!! ಇದೀಗ ನಮ್ಮನ್ನು ಆಹ್ವಾನಿಸಿರುವುದೇನು!!? ಈ ತೇಜಿಗಳಲ್ಲಿ ಇದ್ದು ನಿನ್ನ ಈ ನಲವತ್ತೆಂಟು ದಿನಗಳ ಯಙ್ಞವನ್ನು ವೀಕ್ಷಿಸುತ್ತೇವೆ. ರಕ್ತಚಂದನ, ಮತ್ತಿ, ಅರ್ಕ, ಹಾಗೂ ಸಂಜೀವಿನಿ ಪುಷ್ಪಗಳನ್ನು ಯಾಗ ಮಾಡು. ನಿನ್ನ ಅಪೇಕ್ಷೆಯಂತೆ ಚಂದನದಿಂದ ದಿವ್ಯ ರಕ್ತ, ಮತ್ತಿಯಿಂದ ಮೂಳೆಗಳ ಬಲ, ಅರ್ಕದಿಂದ ತೇಜಸ್ಸು, ಸಂಜೀವಿನಿಯಿಂದ ಚೈತನ್ಯ ಸಿಕ್ಕುತ್ತದೆ. ಶುಭಮಸ್ತು." "ಏನು? ಕುದುರೆಗಳು ಮಾತನಾಡುವುದೆಂದರೇನು? ಅಸ್ಖಲಿತ ವಾಣಿಯಿಂದ ಜೋಡಿ ಸ್ವರ ಆದೇಶಿಸುವುದೆಂದರೇನು? "ನಾನೂ ಹಾಗೂ ಆಶ್ರಮದ ವಟುಗಳು ಅವಾಕ್ಕಾಗಿ ನಿಂತುಬಿಟ್ಟೆವು. 

-ಡಾ. ಪಾವಗಡ ಪ್ರಕಾಶ್ ರಾವ್
pavagadaprakashrao@gmail.com

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Topics : Ramayana avalokana, Rishi Ruchika, Ashwini devas, ರಾಮಾಯಣ ಅವಲೋಕನ, ಋಚೀಕ, ಅಶ್ವಿನಿಕುಮಾರರು

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

FIFA World Cup 2019
Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement