Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
ಚಿತ್ರಮಂದಿರ

ಚಿತ್ರಮಂದಿರದಲ್ಲಿ ರಾಷ್ಟ್ರಗೀತೆ: ದೇಶಭಕ್ತಿ ತೋರಲು ಎದ್ದು ನಿಲ್ಲಬೇಕಿಲ್ಲ-ಕೇಂದ್ರಕ್ಕೆ ಸುಪ್ರೀಂ

Rajnath Singh

ಕಾಶ್ಮೀರ ಸಮಸ್ಯೆ: ಕೇಂದ್ರದಿಂದ ಮಾತುಕತೆಗೆ ಗುಪ್ತಚರ ಇಲಾಖೆ ಮಾಜಿ ನಿರ್ದೇಶಕ ದಿನೇಶ್ವರ್ ಶರ್ಮಾ ನೇಮಕ

Siddaramaiah

ರಾಜ್ಯಗಳಿಗೆ ಕೇಂದ್ರದ ಅನುದಾನ: ಸಂವಿಧಾನವನ್ನು ಸರಿಯಾಗಿ ಓದಿ-ಪ್ರಧಾನಿಗೆ ಸಿಎಂ ಸಿದ್ದರಾಮಯ್ಯ ಸಲಹೆ

Rahul Gandhi

ಜಿಎಸ್‌ಟಿ ಅಂದ್ರೆ 'ಗಬ್ಬರ್ ಸಿಂಗ್ ಟ್ಯಾಕ್ಸ್': ಪ್ರಧಾನಿ ಮೋದಿ ವಿರುದ್ಧ ರಾಹುಲ್ ಕಿಡಿ

India announce squad for T20I series against New Zealand, first two Tests against Sri Lanka

ಶ್ರೀಲಂಕಾ ಟೆಸ್ಟ್, ಕಿವೀಸ್ ವಿರುದ್ಧದ ಟಿ20 ಸರಣಿಗೆ ಟೀಂ ಇಂಡಿಯಾ ಪ್ರಕಟ!

ಜಿಎಸ್ ಟಿ ಅಂದ್ರೆ ಗಬ್ಬರ್ ಸಿಂಗ್ ಟ್ಯಾಕ್ಸ್: ಪ್ರಧಾನಿ ಮೋದಿ ಸರ್ಕಾರದ ಬಗ್ಗೆ ರಾಹುಲ್ ಗಾಂಧಿ ಲೇವಡಿ

Election commission

ಗುಜರಾತ್ ಬಿಟ್ಟು ಹಿಮಾಚಲ ಪ್ರದೇಶದ ಚುನಾವಣಾ ವೇಳಾಪಟ್ಟಿ ಪ್ರಕಟವಾಗಿದ್ದಕ್ಕೆ ಆಯೋಗದಿಂದ ಸ್ಪಷ್ಟನೆ

ವಿಶಾಖಪಟ್ಟಣಂ: ಫುಟ್ ಪಾಥ್ ನಲ್ಲಿ ಹಾಡಹಗಲೇ ಮಹಿಳೆಯ ಮೇಲೆ ಅತ್ಯಾಚಾರ!

wedding

ನೋಟು ನಿಷೇಧ, ಜಿಎಸ್ ಟಿಯಿಂದ ಮದುವೆ ಸೀಸನ್ ವ್ಯಾಪಾರದ ಮೇಲೆ ಶೇ.10-15 ರಷ್ಟು ಪರಿಣಾಮ!

Anushka Sharma-Virat Kohli

ಮದುವೆಗಾಗಿ ಕ್ರಿಕೆಟ್‌ನಿಂದ 'ಬ್ರೇಕ್' ತೆಗೆದುಕೊಳ್ಳುತ್ತಿದ್ದಾರಾ ವಿರಾಟ್ ಕೊಹ್ಲಿ?

ಸಂಗ್ರಹ ಚಿತ್ರ

ಅಪಘಾತದಲ್ಲಿ ಪೋಷಕರ ಸಾವು: 7 ವರ್ಷಗಳ ಬಳಿಕ ನಿರುದ್ಯೋಗಿ ಮಗನಿಗೆ 1.2 ಕೋಟಿ ರುಪಾಯಿ ಪರಿಹಾರ

I Was offered Rs 1 crore to join BJP: Patel leader

ಬಿಜೆಪಿ ಸೇರಲು 1 ಕೋಟಿ ರು. ಆಮಿಷ ಒಡ್ಡಲಾಗಿತ್ತು: ಪಟೇಲ್ ಸಮುದಾಯದ ಮುಖಂಡನ ಆರೋಪ

Two girls drown to death in a lake while fetching water at Devanahalli

ದೇವನಹಳ್ಳಿ: ಕೆರೆಯಲ್ಲಿ ನೀರು ತರಲು ಹೋಗಿದ್ದ ಇಬ್ಬರು ಬಾಲಕಿಯರು ಸಾವು

ಮುಖಪುಟ >> ಜೀವನಶೈಲಿ

ವಿಶ್ವ ಮಾನಸಿಕ ಆರೋಗ್ಯ ದಿನ: ಕಾರ್ಯಸ್ಥಳದಲ್ಲಿ ಮಾನಸಿಕ ಆರೋಗ್ಯಕ್ಕಾಗಿ ಪರಿಹರಿಸಬೇಕಿದೆ ಈ ಸಮಸ್ಯೆಗಳನ್ನ

File pic

ಸಂಗ್ರಹ ಚಿತ್ರ

"ಬೇಕಾದಷ್ಟು ಸಂಪಾದನೆ ಉಂಟು ಸರ್,  ಗೌರವಾನೂ ಇದೆ, ಅಧಿಕಾರನೂ ಇದೆ, ಆದರೆ ಕೆಲಸಕ್ಕೆ ರಾಜೀನಾಮೆ ಕೊಟ್ಟು ಎಲ್ಲಾದರೂ ಹೋಗಿ ಬಿಡೋಣ ಅಂತ ಅನ್ನಿಸುತ್ತೆ. ಆದರೆ ಏನು ಮಾಡೋದು, ಹೆಂಡತಿ, ಮಕ್ಕಳು, ಮನೆ - ಸಂಸಾರ ಅಂತ ಕಟ್ಟಿಕೊಂಡ ಮೇಲೆ, ಹಾಗೆ ಬಿಟ್ಟು ಹೋಗೋಕೂ ಆಗಲ್ಲ, ಇಲ್ಲಿ ಇರ‍್ಲಿಕ್ಕೂ ಆಗ್ತಿಲ್ಲ, ಏನೋ ಒಂದು ಪೇಚಾಟದ ಪರಿಸ್ಥಿತಿ ಸರ್" ಅಂತ ನನ್ನ ಬಳಿ ಆಪ್ತ ಸಲಹೆಗೆ ಬಂದ ವ್ಯಕ್ತಿಯೊಬ್ಬರು ಹೇಳಿದರು.

ಸುಮಾರು 8 ವರ್ಷಗಳ ಕಾಲ ಒಂದೇ ಕಂಪೆನಿಯಲ್ಲಿ ದುಡಿದು ಒಳ್ಳೆಯ ಹುದ್ದೆಗೇರಿದ ಮೇಲಿನ ಅವರ ಮನಸ್ಸಿನ ಪರಿಸ್ಥಿತಿ ಅನೇಕರಿಗೆ ಹುಚ್ಚುತನ ಅಂತ ಕಂಡರೂ ಇಂತಹ ಅನೇಕ ಮಂದಿ ಇಂದಿನ ದಿನಗಳಲ್ಲಿ ನಮಗೆ ಕಾಣಸಿಗುತ್ತಿರುವುದು ವಾಸ್ತವ. ಹಣ, ಆಸ್ತಿ, ಅಂತಸ್ತು ಇವೆಲ್ಲ ಇದ್ದರೂ ಏನೂ ಇಲ್ಲದ ಭಾವ ಬರುವುದಕ್ಕೆ ಕಾರಣ ಏನು ಎಂದು ಹುಡುಕುತ್ತಾ ಹೋದರೆ, ಅರಿವಾಗುವುದು ಮಾನಸಿಕ ನೆಮ್ಮದಿಯ ಕೊರತೆ. ಇಂತಹ ಪರಿಸ್ಥಿತಿಯೇ ಬಹಳ ಸಮಯ ಮುಂದುವರಿದರೆ ಇದು ಖಿನ್ನತೆಗೂ ಕಾರಣವಾಗಬಹುದು. ಆದರೆ ಅದೆಷ್ಟೋ ಬಾರಿ ದೊಡ್ಡ ಸಮಸ್ಯೆಯಾಗುವವರೆಗೂ ಗಮನಕ್ಕೇ ಬಂದಿರುವುದಿಲ್ಲ, ಅಥವಾ ಬಂದಿದ್ದರೂ ಅದರ ಬಗ್ಗೆ ಯಾವುದೇ ಕಾಳಜಿಯನ್ನು ವಹಿಸುವುದಿಲ್ಲ. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ವಿಶ್ವದೆಲ್ಲೆಡೆ 3೦೦ ಮಿಲಿಯನ್ ಜನರಿಗಿಂತಲೂ ಹೆಚ್ಚು ಮಂದಿ ಖಿನ್ನತೆಯಿಂದ ಬಳಲುತ್ತಿದ್ದಾರೆ. ಇದರಿಂದ ಸುಮಾರು 1 ಟ್ರಿಲಿಯನ್ ಡಾಲರ್ ಗಳಷ್ಟು ನಷ್ಟವಾಗುತ್ತಿದೆ.

ಯಾಕೆ ಈ ರೀತಿ ಜನರು ಮಾನಸಿಕ ನೆಮ್ಮದಿಯನ್ನು ಕಳೆದುಕೊಂಡು ಬಿಡುತ್ತಾರೆ ಎಂಬುದನ್ನು ಕೂಲಂಕುಷವಾಗಿ ಗಮನಿಸಿದಾಗ ಅನೇಕ ಕಾರಣಗಳು ಕಂಡುಬರುತ್ತವೆ. ಮೊದಲನೆಯದು, ವೃತ್ತಿಯ ಆಯ್ಕೆ. ಇತರರ ಒತ್ತಾಯದ ಮೇರೆಗೆ, ಅಥವಾ ಕೌಟುಂಬಿಕ ಪರಿಸ್ಥಿತಿಗಳ ಕಾರಣದಿಂದ ತಮಗಿಷ್ಟವಿಲ್ಲದ ವೃತ್ತಿಯನ್ನು ಆಯ್ಕೆ ಮಾಡಿಕೊಂಡಿರುತ್ತಾರೆ. ಅದರ ಹಿಂದೆ, ತಮಗಿಷ್ಟವಿಲ್ಲದ ವಿಷಯವನ್ನೂ ಅಧ್ಯಯನ ಮಾಡಿರುತ್ತಾರೆ. ಆಮೇಲೆ ಹಿಡಿದ ದಾರಿ ಕಡುವಾಗುತ್ತದೆ.

ಎರಡನೆಯದು ಕಾರ್ಯಸ್ಥಳದಲ್ಲಿರುವ ಒತ್ತಡ. ಖಾಸಗಿ ಸಂಸ್ಥೆಗಳ ಮೂಲ ಉದ್ದೇಶವೇ ಕಡಮೆ ವೆಚ್ಚದಲ್ಲಿ ಗರಿಷ್ಟ ಉತ್ಪತ್ತಿ. ಇದು ಸಾಧ್ಯವಾಗಬೇಕಾದರೆ, ಉದ್ಯೋಗಿಗಳನ್ನು ಅವರ ಸಾಮಾನ್ಯ ಸಾಧ್ಯತೆಗಿಂತಲೂ ಹೆಚ್ಚಿನ ರೀತಿಯಲ್ಲಿ ದುಡಿಸಿಕೊಳ್ಳಬೇಕು. ಹಾಗಾದಾಗ ಉದ್ಯೋಗಿಗಳು ಮಾನಸಿಕ ಸಮಸ್ಯೆಗಳಿಗೆ ತುತ್ತಾಗುತ್ತಾರೆ.

ಮೂರನೆಯದು ಏಕತಾನತೆ. ಒಂದೇ ರೀತಿಯ ಕೆಲಸ, ಬದಲಾವಣೆ ಇಲ್ಲ, ಜಾಸ್ತಿ ಮನುಷ್ಯ ಸಂಪರ್ಕ ಇಲ್ಲ. ದಿನವೂ ಕಂಪ್ಯೂಟರಿನ ಮುಂದೆ ಕುಳಿತೋ ಅಥವಾ ಇನ್ಯಾವುದೋ ಮೆಷಿನ್ ನ ಮುಂದೆ ಕುಳಿತು ಕೆಲಸ. ಹೀಗಾಗಿ ಕೆಲಸದ ಕುರಿತು ಬೇಸರ ಉಂಟಾಗುತ್ತದೆ.

ನಾಲ್ಕನೆಯದು ಸಹೋದ್ಯೋಗಿಗಳ ಅಸಹಕಾರ. ಎಷ್ಟೋ ಬಾರಿ ಸಹೋದ್ಯೋಗಿಗಳು ತಮ್ಮದೇ ಆದ ಕಾರಣಗಳಿಂದಾಗಿ ಇತರರಿಗೆ ಸಹಾಯ ಮಾಡದೆ ಇರುವುದು ತುಂಬಾ ಸಮಯ ನಡೆದರೆ, ಅನೇಕರು ಬೇಸತ್ತು ಬಿಡುತ್ತಾರೆ.

ಐದನೆಯದು ಅರ್ಥಹೀನತೆ. ಬಾಲ್ಯದಲ್ಲಿ ಕಂಡ ಕನಸುಗಳು, ತಮ್ಮ ಪ್ರತಿಭೆ, ಕೌಶಲ್ಯ ಇದ್ಯಾವುದಕ್ಕೂ ತಾವು ಮಾಡುತ್ತಿರುವ ಕೆಲಸದಿಂದ ತೃಪ್ತಿ ಸಿಗದಾಗ, ಅನೇಕರು ಬದುಕಿನ ಅರ್ಥವನ್ನೇ ಕಳೆದುಕೊಂಡು ಬಿಡುತ್ತಾರೆ.

ಈ ರೀತಿ ಸಮಸ್ಯೆ ಜಟಿಲವಾಗುತ್ತಾ ಹೋದಂತೆಲ್ಲ ಮಾಡುತ್ತಿರುವ ವೃತ್ತಿಯಲ್ಲಿ ಆಸಕ್ತಿ ಕಳೆದುಕೊಂಡು ಇನ್ನೇನಾದರೂ ಮಾಡಬೇಕು ಎಂದು ಹೊರಡುತ್ತಾರೆ. ಆದರೆ ಮಧ್ಯವಯಸ್ಸು ದಾಟಿದ ಮೇಲೆ, ಇತರೆ ವೃತ್ತಿಗೆ ಬದಲಾವಣೆಯನ್ನು ತೆಗೆದುಕೊಳ್ಳುವುದು ಇನ್ನೊಂದಷ್ಟು ಸುಲಭವಾದ ಉತ್ತರಗಳಿಲ್ಲದ ಪ್ರಶ್ನೆಗಳನ್ನು ಅವರೆದುರು ತಂದಿಡುತ್ತದೆ. ಆ ಪ್ರಶ್ನೆಗಳು ಮತ್ತಷ್ಟು ಸಂಕೀರ್ಣವಾದಾಗ ಯಾವುದೂ ಬೇಡ, ಈ ಜೀವನವೇ ಸಾಕು ಎನ್ನುವ ನಿರ್ಧಾರಕ್ಕೂ ಅನೇಕರು ಬಂದುಬಿಡುತ್ತಾರೆ.

ಇಂತಹ ಪರಿಸ್ಥಿತಿಯಲ್ಲಿದ್ದೂ ನಾವಿನ್ನೂ ಮಾನಸಿಕ ಸಮಸ್ಯೆಗಳ ಕುರಿತು ಗಂಭೀರವಾದ ಚಿಂತನೆಯನ್ನು ಆರಂಭಿಸಿಲ್ಲ. ಕಾರ್ಪೋರೇಟ್ ಕಂಪೆನಿಗಳಲ್ಲಿ ಉದ್ಯೋಗಿಗಳನ್ನು ಉತ್ತಮವಾಗಿ ಕೆಲಸ ಮಾಡಲು ಪ್ರೇರೇಪಿಸಲು ವಿವಿಧ ತರಬೇತಿ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಾರೆ. ಆದರೆ ಉದ್ಯೋಗಿಗಳು ವೈಯಕ್ತಿಕವಾಗಿ ಯಾವ ರೀತಿಯ ಮಾನಸಿಕ ಸಮಸ್ಯೆಗಳನ್ನು ಅನುಭವಿಸುತ್ತಿದ್ದಾರೆ, ಮತ್ತು ಅವು ಅವರ ಕಾರ್ಯಕ್ಷಮತೆಯಲ್ಲಿ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಕುರಿತು ಸಂಸ್ಥೆಗಳು ಜಾಸ್ತಿ ತಲೆಕೆಡಿಸಿಕೊಳ್ಳುವುದಿಲ್ಲ.

ಒಂದು ವೇಳೆ ಪ್ರತಿ ಸಂಸ್ಥೆಯೂ ಕೂಡಾ ತಮ್ಮ ಉದ್ಯೋಗಿಗಳ ಮಾನಸಿಕ ಆರೋಗ್ಯವನ್ನು ಉತ್ತಮವಾಗಿಡುವಲ್ಲಿ ಸ್ವಲ್ಪ ಗಮನ ಹರಿಸಿದಲ್ಲಿ ಅವರ ಪ್ರಗತಿಯಲ್ಲೂ ಬಹಳ ಉತ್ತಮ ಬದಲಾವಣೆಗಳಾಗುವ ಸಾಧ್ಯತೆಗಳಿವೆ. ಉದಾಹರಣೆಗೆ, ವಿಶ್ವ ಸಂಸ್ಥೆಯ ಅಧ್ಯಯನದ ಪ್ರಕಾರ, ಮಾನಸಿಕ ಆರೋಗ್ಯವನ್ನು ಉತ್ತಮವಾಗಿಸಲು ಖರ್ಚು ಮಾಡುವ ಪ್ರತಿ 1 ಡಾಲರ್, ಕನಿಷ್ಟ 4 ಡಾಲರ್ ನಷ್ಟು ಹೆಚ್ಚಿನ ಆದಾಯವನ್ನು ತಂದುಕೊಡುವಲ್ಲಿ ಸಹಾಯ ಮಾಡುತ್ತದೆ.

ಈ ನಿಟ್ಟಿನಲ್ಲಿಯೇ, ಪ್ರತಿ ವರ್ಷದಂತೆಯೇ ಅಕ್ಟೋಬರ್ 10 ರಂದು ಅಂದರೆ ಇಂದು ಆಚರಿಸುವ ವಿಶ್ವ ಮಾನಸಿಕ ಆರೋಗ್ಯ ದಿನಾಚರಣೆಯ ವಿಷಯವನ್ನು "ಕಾರ್ಯಸ್ಥಳದಲ್ಲಿ ಮಾನಸಿಕ ಆರೋಗ್ಯ" ಎಂದು ಆರಿಸಿದ್ದಾರೆ. ಯಾವುದೇ ರೀತಿಯ ಉದ್ಯೋಗದಲ್ಲಿರಲಿ, ಯಾವುದೇ ರೀತಿಯ ಸ್ಥಾನದಲ್ಲಿರಲಿ, ಮಾನಸಿಕ ಸಮಸ್ಯೆಗಳು ಯಾರಿಗೂ ಬರಬಹುದು. ಇವುಗಳನ್ನು ಆಯಾ ಸಂದರ್ಭದಲ್ಲೇ ಸರಿಪಡಿಸಿಕೊಂಡಲ್ಲಿ ದೊಡ್ಡ ಮಟ್ಟಿನ ಹಾನಿಯಾಗುವುದು ತಪ್ಪುತ್ತದೆ. ಉತ್ತಮ ಆರೋಗ್ಯಕರವಾದ ಸಮಾಜ ನಮ್ಮದಾಗುತ್ತದೆ.

-ಅಕ್ಷರ ದಾಮ್ಲೆ
ಮಾನಸಿಕ ತಜ್ಞರು ಮತ್ತು ಸ್ಥಾಪಕರು
ಮನೋ ಸಂವಾದ
aksharadamle@manosamvaada.com
Posted by: SBV | Source: Online Desk

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು
ಆಯ್ಕೆ ಮಾಡಿ -
ಉಚಿತ ನೋಂದಣಿ !

Topics : World Mental Health Day, Depression issues, Workplace, ವಿಶ್ವ ಮಾನಸಿಕ ಆರೋಗ್ಯ ದಿನ, ಖಿನ್ನತೆ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Kannadaprabha.com App for Android Kannadaprabha.com App for IOS
Advertisement
Advertisement