Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Shivakumara Swamiji

ನಡೆದಾಡುವ ದೇವರು ಶ್ರೀ ಶಿವಕುಮಾರ ಸ್ವಾಮೀಜಿ ಲಿಂಗೈಕ್ಯ

MLA Anand Singh Assault Case: Congress Suspends Kampli MLA JN Ganesh

ಶಾಸಕರ ಮಾರಾಮಾರಿ: ಕಾಂಗ್ರೆಸ್ ನಿಂದ ಕಂಪ್ಲಿ ಶಾಸಕ ಗಣೇಶ್ ಅಮಾನತು

ಜೇಕಬ್

ಟೀಂ ಇಂಡಿಯಾ ಮಾಜಿ ಆಟಗಾರ ಜೀವನ್ಮರಣ ಹೋರಾಟ; ಬದುಕಿಸಿಕೊಡಿ ಎಂದು ಪತ್ನಿ ಕಂಬನಿ!

Chief Justice of India Ranjan Gogoi.

ಸಿಬಿಐ ಮಧ್ಯಂತರ ನಿರ್ದೇಶಕರ ನೇಮಕಾತಿ ವಿಚಾರಣೆಯಿಂದ ಹಿಂದೆ ಸರಿದ ಸಿಜೆಐ ರಂಜನ್ ಗೊಗೊಯ್

8 people died after a boat was submerged in sea near Kaewar

ಕಾರವಾರ: ಜಾತ್ರೆ ಮುಗಿಸಿ ಬರುವಾಗ ದೋಣಿ ಮುಳುಗಡೆ, 9 ಮಂದಿ ನೀರುಪಾಲು, ಹಲವರು ನಾಪತ್ತೆ

Anna says Lokpal would have prevented Rafale

ಲೋಕಪಾಲ್ ನೇಮಕವಾಗಿದ್ದರೆ ರಾಫೆಲ್ ಹಗರಣ ತಡೆಯಬಹುದಿತ್ತು: ಅಣ್ಣಾ ಹಜಾರೆ

Thak Thak gang robs, assaults actress Farheen Prabhakar in Delhi

'ಹಳ್ಳಿ ಮೇಷ್ಟ್ರು' ನಟಿಯನ್ನು ದೋಚಿದ ತಕ್ ತಕ್ ಗ್ಯಾಂಗ್!

Mamata Banerjee And  HD Kumaraswamy

ದೇಶವನ್ನು ಮುನ್ನಡೆಸುವ ಎಲ್ಲಾ ರೀತಿಯ ಸಾಮರ್ಥ್ಯ ಮಮತಾ ಬ್ಯಾನರ್ಜಿ ಅವರಿಗಿದೆ: ಕುಮಾರಸ್ವಾಮಿ

US man kills parents, girlfriend and baby daughter before being shot dead by police

ಅಮೆರಿಕ: ಪೋಷಕರು, ಪ್ರೇಯಸಿ, ಪುತ್ರಿಯನ್ನು ಹತ್ಯೆ ಮಾಡಿದ ವ್ಯಕ್ತಿ, ಪೊಲೀಸರ ಗುಂಡಿಗೆ ಬಲಿ

Arun Jaitley

ಫೆಬ್ರವರಿ 1ರಂದು ಅರುಣ್ ಜೇಟ್ಲಿಯವರೇ ಬಜೆಟ್ ಮಂಡಿಸಲಿದ್ದಾರೆ; ಮೂಲಗಳು

Kamala Harris

2020 ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಕಮಲಾ ಹ್ಯಾರಿಸ್ ಸ್ಪರ್ಧೆ

Kumbh Mela to generate Rs 1.2 lakh crore revenue says CII

ಯೋಗಿ ಸರ್ಕಾರಕ್ಕೆ ಅಕ್ಷಯಪಾತ್ರೆಯಾದ 'ಕುಂಭಮೇಳ': ಉತ್ತರ ಪ್ರದೇಶಕ್ಕೆ 1.2 ಲಕ್ಷ ಕೋಟಿ ಆದಾಯ!

India

ಮೋದಿ ಸರ್ಕಾರದಲ್ಲಿ ದೇಶದ ಸಾಲದ ಮೊತ್ತ ಶೇ. 50ರಷ್ಟು ಹೆಚ್ಚಳ, ಸಾಲ ಎಷ್ಟು ಕೋಟಿ ಗೊತ್ತಾ?

ಮುಖಪುಟ >> ಅಂಕಣಗಳು

ಹೂಡಿಕೆಗೆ ಈ ವರ್ಷ ಯಾವ ಕ್ಷೇತ್ರ ತರುವುದು ಹರ್ಷ?

ಹಣಕ್ಲಾಸು
Hanaclassu: Profitable investment sectors to look out for in 2018

ಹೂಡಿಕೆಗೆ ಈ ವರ್ಷ ಯಾವ ಕ್ಷೇತ್ರ ತರುವುದು ಹರ್ಷ !

ಕಳೆದ ಹಲವು ವಾರಗಳಿಂದ ನಮ್ಮ ಬ್ಯಾಂಕ್ಗಳೆಷ್ಟು ಸುರಕ್ಷಿತ? ಬೈಲ್ ಔಟ್ ಮತ್ತು ಬೈಲ್ ಇನ್ ಇವುಗಳ ಬಗ್ಗೆ ಜೊತೆಗೆ ಕುಸಿಯುತ್ತಿರುವ ಬಡ್ಡಿ ದರದಿಂದ ಆಗುತ್ತಿರುವ ಸಾಮಾಜಿಕ ಏರುಪೇರುಗಳ ಬಗ್ಗೆ ಹಣಕ್ಲಾಸು ಅಂಕಣದಲ್ಲಿ ಓದಿದ ಹಲವಾರು ಓದುಗರ ಪ್ರಶ್ನೆ ಹೆಚ್ಚು ಕಡಿಮೆ ಒಂದೇ ರೀತಿ ಇತ್ತು. ಸಣ್ಣ ಉಳಿತಾಯದ ಮೇಲೂ ಬಡ್ಡಿ ದರ ಕುಸಿದಿದೆ ಎನ್ನುತ್ತೀರಿ ವಸ್ತು ಸ್ಥಿತಿ ಹೀಗಿರುವಾಗ ಸಣ್ಣ ಮತ್ತು ಮಧ್ಯಮ ಹೂಡಿಕೆದಾರರು ಎಲ್ಲಿ ಹೂಡಿಕೆ ಮಾಡಿದರೆ ಸೂಕ್ತ ಎನ್ನುವ ಒಂದಷ್ಟು ಮಾಹಿತಿ ನೀಡಿದರೆ ಚನ್ನಾಗಿತ್ತು ಎನ್ನುವುದು ಮೊದಲೆ ಹೇಳಿದಂತೆ ಹಲವಾರು ಓದುಗ ಮಿತ್ರರ ಧ್ವನಿ. ಇಂದಿನ ಹಣಕ್ಲಾಸು ಅಂಕಣದಲ್ಲಿ ಯಾವ ಕ್ಷೇತ್ರದಲ್ಲಿ ಹಣ ತೊಡಗಿಸಬಹದು ಎನ್ನುವುದರ ಬಗ್ಗೆ ಸ್ಥೂಲ ಮಾಹಿತಿ ನೀಡುತ್ತೇನೆ. ಉಳಿದಂತೆ ಹೂಡಿಕೆ ಸಮಯದಲ್ಲಿ ಹೆಚ್ಚಿನ ಪರಾಮರ್ಶೆ ಅವಶ್ಯಕ ಎನ್ನವುದನ್ನ ಓದುಗರ ಅರಿತು ಕೊಳ್ಳುವುದು ಒಳಿತು. 

ನಮ್ಮ ಸ್ಟಾಕ್ ಮಾರ್ಕೆಟ್ 2018 ರಲ್ಲಿ ಹೇಗಿರುತ್ತದೆ? 

2017 ರ ಸ್ಟಾಕ್ ಮಾರ್ಕೆಟ್ ಸಾಕಷ್ಟು ಅಭಿವೃದ್ಧಿ ಕಂಡಿತು. ಹಣಕಾಸಿನ ದೃಷ್ಟಿಯಿಂದ ನೋಡುವುದಾದರೆ ಸ್ಟಾಕ್ ಮಾರ್ಕೆಟ್ ನಲ್ಲಿ ನುರಿತ ಹೂಡಿಕೆದಾರರು ಸಾಕಷ್ಟು ಯಶಸ್ಸು ಕಂಡರು. ಈ ವರ್ಷ ಕೂಡ ಹೇಳಿಕೊಳ್ಳುವಂತಹ ತೊಂದರೆಗಳು ಸದ್ಯದ ಮಟ್ಟಿಗೆ ಕಾಣುತ್ತಿಲ್ಲ. ಭಾರತದ ಮಟ್ಟಿಗೆ ಹೇಳುವುದಾದರೆ ಈ ವರ್ಷ ಸುಲಲಿತವಾಗಿ ಸಾಗಬೇಕು. ಆದರೇನು ನಾರ್ತ್ ಕೊರಿಯಾ ಮತ್ತು ಅಮೇರಿಕಾ ನಡುವಿನ ಟ್ವೀಟ್ ಸಮರವನ್ನ ಕಂಡಿರುವರು ಅವುಗಳ ನಡುವಿನ ಹೊಡೆದಾಟವನ್ನ ಅಲ್ಲಗೆಳೆಯುವುದಿಲ್ಲ. ಈ ರೀತಿ ಅಂತರರಾಷ್ಟ್ರೀಯ ವಿದ್ಯಮಾನಗಳನ್ನ ಮತ್ತು ಊಹಿಸಲಾಗದೆ ಘಟಿಸುವ ವಿಷಯಗಳನ್ನ ಪಕಕ್ಕೆ ಇಟ್ಟು ನೋಡಿದರೆ ಸ್ಟಾಕ್ ಮಾರ್ಕೆಟ್ ಈ ವರ್ಷವೂ ಒಳ್ಳೆಯ ಫಸಲನ್ನ ನೀಡುವ ಸಾಧ್ಯತೆಗಳಿವೆ. 

ಥೀಮ್ ಆಧಾರಿತ ಸ್ಟಾಕ್ ಮೇಲಿನ ಹೂಡಿಕೆಗೆ ಹೆಚ್ಚು ಒತ್ತು ನೀಡಿ: 

2018 ರ ಬಜೆಟ್ನಲ್ಲಿ ಕೇಂದ್ರ ಸರಕಾರ ಖಂಡಿತವಾಗಿ ಗ್ರಾಮಿಣಾಭಾವೃದ್ಧಿಗೆ ಹೆಚ್ಚಿನ ಮಹತ್ವ ನೀಡಲಿದೆ. ಹೀಗೆ ರೂರಲ್ ಡೆವಲಪ್ಮೆಂಟ್ ಹೆಸರಿನ ಬಾಂಡ್ಗಳನ್ನ ಕೇಂದ್ರ ಸರಕಾರ ಜಾರಿಗೆ ತರಲಿದೆ. ಇವು ಎಲ್ಲಾ ರೀತಿಯಲ್ಲೂ ಹೆಚ್ಚಿನ ಸುರಕ್ಷತೆಯಿಂದ ಕೂಡಿವೆ ಜೊತೆಗೆ ಹೆಚ್ಚಿನ ಆದಾಯವನ್ನೂ ನೀಡಲಿದೆ. ಇದೊಂದೇ ಅಂತಲ್ಲ ಯಾವುದೇ ರೀತಿಯ ನಿಗದಿತ ಹೆಸರಿಟ್ಟು ಬಿಡುಗಡೆ ಮಾಡುವ ಬಾಂಡ್ ಗಳ ಮೇಲಿನ ಹೂಡಿಕೆ ಉತ್ತಮವಾಗಿರುತ್ತದೆ. ಉದಾಹರಣೆ ನೋಡಿ ಇದೆ ತಿಂಗಳು 10 ನೇ ತಾರೀಕಿನಿಂದ ಕೇಂದ್ರ ಸರಕಾರ ಸೇವಿಂಗ್ ಬಾಂಡ್ ಅಂದರೆ ಉಳಿತಾಯದ ಹೆಸರಿನಲ್ಲಿ ಬಾಂಡ್ ಅನ್ನು ಬಿಡುಗಡೆ ಮಾಡಿದೆ. ಇದು 7.75 ಪ್ರತಿಶತ ಬಡ್ಡಿ ಹೊಂದಿದ್ದು ಇದರಲ್ಲಿ ತೆರಿಗೆ ಮಿತಿಯಲ್ಲಿರುವವರು ಹೂಡಿಕೆ ಮಾಡಬಹದು. ಇದು ಅಂತಹವರಿಗೆ ಹೆಚ್ಚಿನ ಲಾಭ ಕೊಡುತ್ತದೆ.  ತೆರಿಗೆಯನ್ನ ಬಡ್ಡಿ ಹಣ ಕೊಡುವ ಸಮಯದಲ್ಲಿ ಕಡಿತಗೊಳಿಸುವುದರಿಂದ ಯುವಕರಿಗೆ ಮತ್ತು ಹೆಚ್ಚಿನ ತೆರಿಗೆ ಕಟ್ಟುವವರಿಗೆ ಯಾವುದೇ ಉಪಯೋಗ ಇಲ್ಲ. 

ಎಲ್ಲಾ ಮ್ಯೂಚುಯಲ್ ಫಂಡ್ ಗಳು ಸುರಕ್ಷಿತವಲ್ಲ: 

ಇಲ್ಲಿ ಕೂಡ ಮಿಡ್ ಟರ್ಮ್ ನಿಂದ ಲಾಂಗ್ ಟರ್ಮ್ ಹೂಡಿಕೆ ಹೆಚ್ಚಿನ ಲಾಭವನ್ನ ಖಂಡಿತ ತಂದು ಕೊಡುತ್ತದೆ. ಮಾರುಕಟ್ಟೆಯಲ್ಲಿ ಸಣ್ಣ ಪುಟ್ಟ ಏರಿಳಿತಗಳು ಸದಾ ಇದ್ದೆ ಇರುತ್ತದೆ. ಲಾಂಗ್ ಟರ್ಮ್ ನಲ್ಲಿ ಇಂತಹ ಸಣ್ಣ ಪುಟ್ಟ ಏರಿಳಿತಗಳ ಲಾಭ ನಷ್ಟ ಎಲ್ಲವೂ ಹೊಂದಾವಣಿಕೆಯಾಗಿ ನಮ್ಮ ನಿರೀಕ್ಷಿತ ಲಾಭವನ್ನ ತಂದು ಕೊಡುತ್ತದೆ. ಮಾರುಕಟ್ಟೆಯ ಏರಿಳಿತ ಹೇಗೆ ಇರಲಿ ನಿಮ್ಮ ಹೂಡಿಕೆ ಸದಾ ಸಮತೋಲಿತವಾಗಿರಲಿ ಆಗ ಮಾರುಕಟ್ಟೆ ಕುಸಿದರೂ ನಿಮಗೆ ಹೆಚ್ಚಿನ ನಷ್ಟ ಆಗುವುದಿಲ್ಲ. 2017ರಲ್ಲಿ ರಿಲಯನ್ಸ್ ಮಿಡ್ ಕ್ಯಾಪ್ ಮ್ಯೂಚುಯಲ್ ಫಂಡ್ 70 ಪ್ರತಿಶತ ಲಾಭವನ್ನ ತಂದು ಕೊಟ್ಟಿದೆ. ಎಲ್ ಅಂಡ್ ಟಿ ಇನ್ಫ್ರಾ ಮ್ಯೂಚುಯಲ್ ಫಂಡ್ 60 ಪ್ರತಿಶತ ಲಾಭವನ್ನ ತಂದುಕೊಟ್ಟಿದೆ. ಉಳಿದಂತೆ ಮೆಜಾರಿಟಿ ಮ್ಯೂಚುಯಲ್ ಫಂಡ್ ಗಳು ನೆಲ ಕಚ್ಚಿವೆ. ಹೀಗಾಗಿ ನಮ್ಮ ಸಲಹೆ 'ವಿಷಯಾಧಾರಿತ ಅಥವಾ ನಿಗದಿತ ಹೆಸರಿಟ್ಟ ಯೋಜನೆಗಳ ಮೇಲಿನ ಹೂಡಿಕೆ' ಹೆಚ್ಚಿನ ಲಾಭ ತಂದು ಕೊಡುತ್ತದೆ ಅಲ್ಲದೆ ಸುರಕ್ಷತೆಯ ದೃಷ್ಟಿಯಿಂದ ಕೂಡ ಉತ್ತಮ. 

ಪಬ್ಲಿಕ್ ಸೆಕ್ಟರ್ ಬ್ಯಾಂಕ್ಗಳು ಮತ್ತು ಇತರ ಫೈನಾನ್ಸಿಯಲ್ ಸರ್ವಿಸ್ ನೀಡುವ ಸಂಸ್ಥೆಗಳ ಮೇಲೆ ಹೂಡಿಕೆ ಮಾಡಿ: 

ಬ್ಯಾಂಕ್ಗಳಲ್ಲಿ ಹಣವನ್ನ ಠೇವಣಿ ಇರಿಸುವುದು ಹೆಚ್ಚು ಲಾಭದಾಯಕವಲ್ಲ ಆದರೆ ಅದೇ ಹಣದಲ್ಲಿ ಬ್ಯಾಂಕಿನ ಷೇರು ಖರೀದಿ ಖಂಡಿತ ಹೆಚ್ಚಿನ ಲಾಭವನ್ನ ತಂದು ಕೊಡುತ್ತದೆ. ಕೇಂದ್ರ ಸರಕಾರ ಬ್ಯಾಂಕ್ಗಳು ಕುಸಿಯದಂತೆ ತಡೆಯಲು ಕಟಿಬದ್ಧವಾಗಿದೆ. ಹೇಳಿದಂತೆ ಬ್ಯಾಂಕ್ನಲ್ಲಿ ಬಂಡವಾಳ ಮರು ಹೂಡಿಕೆ ಮಾಡುತ್ತಿದೆ . ಇದು ಹೂಡಿಕೆದಾರರಲ್ಲಿ ಹೆಚ್ಚಿನ ವಿಶ್ವಾಸ ತಂದಿದೆ . 2018 ರಲ್ಲಿ ಬ್ಯಾಂಕ್ ಕ್ಷೇತ್ರಕ್ಕೆ ಸಂಬಂಧಪಟ್ಟ ಷೇರುಗಳು ಏರುಗತಿಯನ್ನ ಕಾಣುವ ಸಾಧ್ಯತೆಗಳು ದಟ್ಟವಾಗಿದೆ . ಕೇವಲ ಪಬ್ಲಿಕ್ ಸೆಕ್ಟರ್ ಬ್ಯಾಂಕ್ ಅಲ್ಲದೆ ಎಲ್ಲಾ ಹಣಕಾಸು ಸೇವೆ ನೀಡುವ ಸಂಸ್ಥೆಗಳ ಷೇರುಗಳು ಏರುಗತಿಯನ್ನ ಕಾಣಲಿದೆ . ಸ್ವಲ್ಪ ಅಳೆದುತೂಗಿ ಫೈನಾನ್ಸಿಯಲ್ ಮಾರ್ಕೆಟ್ ನಲ್ಲಿ ಹಣವನ್ನ ಹೂಡಬಹದು . 

ಪೀರ್ ಟು ಪೀರ್ ಲೆಂಡಿಂಗ್ : 

ನಿಮ್ಮ ಬಳಿ ಹೆಚ್ಚಿನ ಹಣವಿದ್ದರೆ ನೀವೇ ಬಾಂಕ್ನಂತೆ ಕಾರ್ಯ ನಿರ್ವಹಿಸಬಹದು! ಪೀರ್ ಟು ಪೀರ್ ಎನ್ನುವುದು ಜನಸಾಮನ್ಯ ಇನ್ನೊಬ್ಬ ಜನ ಸಾಮಾನ್ಯನಿಗೆ ಮಧ್ಯವರ್ತಿಯ ಸಹಾಯವಿಲ್ಲದೆ ಹಣವನ್ನ ಸಾಲ ನೀಡಲು ಮತ್ತು ಪಡೆಯಲು ನಿರ್ಮಾಣವಾಗಿರುವ ವೇದಿಕೆ. ಇಲ್ಲಿ ನೊಂದಾಯಿಸಿಕೊಂಡು ಸಾಲ ಪಡೆಯುವನ ಕ್ರೆಡಿಬಿಲಿಟಿ ವೀಕ್ಷಿಸಿ ನೀವೇ ನೇರವಾಗಿ ಹಣವನ್ನ ಸಾಲ ಕೊಡಬಹದು ಮತ್ತು ನಿಗದಿತ ಬಡ್ಡಿಯನ್ನೂ ವಿಧಿಸಬಹದು. ಇದು ಇತ್ತೀಚೆಗಷ್ಟೇ ಭಾರತದಲ್ಲಿ ತನ್ನ ಪುಟ್ಟ ಹೆಜ್ಜೆಯನ್ನ ಇಡುತ್ತಿದೆ. ಹೆಚ್ಚಿನ ರಿಸ್ಕ್ ತೆಗೆದುಕೊಳ್ಳುವ ಮನಸಿದ್ದವರು ಖಂಡಿತ ಇಲ್ಲಿ ಹೂಡಿಕೆ ಮಾಡಬಹದು. ಪ್ರಾರಂಭದಲ್ಲಿ ಇವು ಖಂಡಿತ ಚನ್ನಾಗಿ ಕಾರ್ಯ ನಿರ್ವಹಿಸುತ್ತವೆ. 

ಇತರೆ ಕ್ಷೇತ್ರಗಳ ಹೂಡಿಕೆ: ಕಮಾಡಿಟಿ ಮಾರ್ಕೆಟ್ನಲ್ಲಿ ಹಣವನ್ನ ಹೂಡಬಹದು. ಸಕ್ಕರೆ, ಚಿನ್ನ ಈ ವರ್ಷ ವೃಷಭ ಓಟ ಓಡುವ ಸಾಧ್ಯತೆಯಿದೆ. ಉಳಿದಂತೆ ಐಟಿ ಕ್ಷೇತ್ರ, ಕ್ಯಾಪಿಟಲ್ ವಸ್ತುಗಳ ಮೇಲಿನ ಹೂಡಿಕೆ, ಮೂಲ ಸೌಕರ್ಯಗಳ ಬಾಂಡ್ ಗಳ  ಮೇಲಿನ ಹೂಡಿಕೆ ಕೂಡ ಚನ್ನಾಗಿರುವ ಸಾಧ್ಯತೆಯಿದೆ.  ಯಾವುದೇ ರೀತಿಯ ಅಸುರಕ್ಷತೆ ಬಯಸದವರು ಎಂದಿನಂತೆ ಪಿಪಿಎಫ್, ಸೇವಿಂಗ್ ಬಾಂಡ್, ಪೋಸ್ಟ್ ಆಫೀಸ್ ತಿಂಗಳ ಆದಾಯ ತರುವ ಯೋಜನೆ, ಏನ್ ಎಸ್ ಸಿ ತರಹದ ಅತ್ಯಂತ ವಿಶ್ವಾಸಾರ್ಹ ಹೂಡಿಕೆಗಳನ್ನ ಮಾಡಬಹದು. 

ಹಣ ಯಾವತ್ತಿಗೂ ರಾಜ: 

ಮಾರುಕಟ್ಟೆ ಹೆಚ್ಚಿನ ಏರಿಳಿತಕ್ಕೆ ಒಳಗಾದಾಗ ಯಾರ ಕೈಲಿ ಹಣವಿರತ್ತೋ ಅವನು ರಾಜ! ಈ ಮಾತು ಎಂದೆದಿಗೂ ಸತ್ಯ!! ಇದನ್ನ ಹೇಳುವು ಉದ್ದೇಶ ಇಷ್ಟೇ ನಿಮ್ಮ ಬಳಿ 100 ರೂಪಾಯಿ ಹೂಡಿಕೆ ಮಾಡಲು ಇದೆಯೆಂದು ಕೊಳ್ಳಿ ಅದರಲ್ಲಿ ಕನಿಷ್ಠ 20 ರೂಪಾಯಿ ಹಣದ ರೂಪದಲ್ಲೇ ಇರಲಿ! ಅಂದರೆ ಹೂಡಿಕೆ ಕೇವಲ 80 ರೂಪಾಯಿ ಆಗಿರಲಿ. ನಾಳೆ ಯಾವ ಹೊಸ ಅವಕಾಶ ನಿಮ್ಮ ಬಾಗಿಲ ಬಡೆಯಬಹದು ಬಲ್ಲವರಾರು?. 

ಕೊನೆ ಮಾತು: ಇವತ್ತು ಜಗತ್ತು ಪೂರ್ತಿ ಕ್ರಿಪ್ಟೋ ಕರೆನ್ಸಿ ಹಿಂದೆ ಹುಚ್ಚನಂತೆ ಓಡುತ್ತಿದೆ. ಇದು ಭಾರತದಲ್ಲಿ ಕಾನೂನುಬದ್ಧವಲ್ಲ. ಅಲ್ಲದೆ ಇದನ್ನ ಒಮ್ಮೆ ಕಳೆದುಕೊಂಡರೆ ಮರಳಿ ಪಡೆಯಲು ಸಾಧ್ಯವಿಲ್ಲ. 100 ಕ್ರಿಪ್ಟೋ ಕರೆನ್ಸಿ ಯಲ್ಲಿ ಅರ್ಧದಷ್ಟು ಎಲ್ಲಿದೆ ಎನ್ನುವ ಮಾಹಿತಿಯೇ ಇಲ್ಲ!! ಇವೆಲ್ಲಾ ಅತ್ಯಂತ ಹೆಚ್ಚು ಹಣವಂತರು ಆಡುವ ಆಟ ಇದರಲ್ಲಿ ಹೂಡಿಕೆ ಮಾಡಿ ಹಣವನ್ನ ಕಳೆದುಕೊಳ್ಳಬೇಡಿ. ಇದು ಅಂತಲ್ಲ ಯಾವುದರ ಮೇಲಿನ ಹೂಡಿಕೆಯೇ ಸರಿ ಅದರ ಪೂರ್ಣ ಜ್ಞಾನ ಮತ್ತು ಅರಿವಿಲ್ಲದೆ ಮಾಡುವ ಹೂಡಿಕೆ ಲಾಭಕ್ಕಿಂತ ನಷ್ಟವೇ ಹೆಚ್ಚು ಮಾಡುತ್ತದೆ. ಈ ನಿಟ್ಟಿನಲ್ಲಿ ನಿಮ್ಮ ಜ್ಞಾನವೃದ್ಧಿಸುವ ಕಾರ್ಯ ಮಾತ್ರ ನಿಲ್ಲದೆ ಸಾಗುತ್ತಿರಲಿ. ನಿಮಗೆ 2018 ಹೂಡಿಕೆಯ ದೃಷ್ಟಿಯಿಂದ ಫಲಪ್ರದವಾಗಿರಲಿ. 

-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com
ಸಂಬಂಧಿಸಿದ್ದು...

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : Hanaclassu, Profitable investment sectors, 2018, ಹಣಕ್ಲಾಸು, ಹೂಡಿಕೆ ಕ್ಷೇತ್ರ, 2018

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS