Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
PM Narendra Modi

ಮಹಾಘಟಬಂಧನ್ ಗೆ ಮರ್ಮಾಘಾತ: ಮೋದಿ ಸುನಾಮಿಗೆ ಪ್ರತಿಪಕ್ಷಗಳು ಧೂಳಿಪಟ: ಬಿಜೆಪಿಗೆ ಬಹುಮತ!

Narendra Modi-Mamata Banerjee

ಮಮತಾ ಬ್ಯಾನರ್ಜಿಯ ಭದ್ರಕೋಟೆಯನ್ನೇ ಅಲುಗಾಡಿಸಿದ ಮೋದಿ ಸುನಾಮಿ! ದೀದಿ ಕೋಟೆ ಕೆಡವಿದ್ದೇಗೆ?

LK Advani

ಬಿಜೆಪಿಗೆ ಜಯಮಾಲೆ: ನರೇಂದ್ರ ಮೋದಿ, ಶಾಗೆ ಅಡ್ವಾಣಿ ಶುಭ ಹಾರೈಕೆ

ಸಂಗ್ರಹ ಚಿತ್ರ

ಎನ್‌ಡಿಎಗೆ ಭಾರೀ ಮುನ್ನಡೆ: ಮೋದಿ ಹವಾ; ಷೇರು ಮಾರುಕಟ್ಟೆಯಲ್ಲಿ ದಾಖಲೆ ಏರಿಕೆ!

Imran Khan

ಚುನಾವಣೆಯಲ್ಲಿ ಮೋದಿಗೆ ಜಯ: ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಹೇಳೀದ್ದೇನು?

Lok Sabha Election Results 219; World Leaders Congratulate PM modi

ಲೋಕಸಭಾ ಚುನಾವಣೆ ಫಲಿತಾಂಶ; ಪ್ರಧಾನಿ ಮೋದಿ ವಿಶ್ವ ನಾಯಕರಿಂದ ಶುಭಾಶಯಗಳ ಮಹಾಪೂರ

Axis My India chief, who got election results 100% right, breaks down on live TV

ನೇರಪ್ರಸಾರದಲ್ಲಿ ಕಣ್ಣೀರಿಟ್ಟ ಚುನಾವಣಾ ಸಮೀಕ್ಷೆ ಸಂಸ್ಥೆಯ ಮುಖ್ಯಸ್ಥ: ಇಲ್ಲಿದೆ ಕಾರಣ

Loksabha Poll Results: CM Siddaramaiah congratulates PM Modi on victory

ಮುಂದಿನ ಐದು ವರ್ಷ ಜನ ಮೆಚ್ಚುವಂತಹ ಕೆಲಸ ಮಾಡಿ: ಪ್ರಧಾನಿ ಮೋದಿಗೆ ಸಿದ್ದರಾಮಯ್ಯ ಶುಭಾಶಯ

Ratan Singh

ಮಧ್ಯಪ್ರದೇಶ: ಮತಎಣಿಕೆ ಕೇಂದ್ರದಲ್ಲಿ ಹೃದಯಾಘಾತವಾಗಿ ಕಾಂಗ್ರೆಸ್ ನಾಯಕ ಸಾವು

Congress President Rahul Gandhi leading with over 7,90,000 votes from Kerala

ಅಮಿತ್ ಶಾ ದಾಖಲೆ ಹಿಂದಿಕ್ಕಿದ ರಾಹುಲ್ ಗಾಂಧಿ, ವಯನಾಡ್ ನಲ್ಲಿ 7.90 ಲಕ್ಷ ಮತಗಳ ಭರ್ಜರಿ ಮುನ್ನಡೆ

Manohar Parrikar

ಗೋವಾ ಉಪಚುನಾವಣೆ: ಮನೋಹರ್ ಪರಿಕ್ಕರ್ ಕ್ಷೇತ್ರದಲ್ಲಿ ಕಾಂಗ್ರೆಸ್ ಗೆ ಜಯ

Israel PM Benjamin Netanyahu congratulates Prime Minister NarendraModi

ಲೋಕಾ ದಿಗ್ವಿಜಯ; ಪ್ರಧಾನಿ ಮೋದಿಗೆ ಆಪ್ತ ಗೆಳೆಯ ಇಸ್ರೇಲ್ ಪ್ರಧಾನಿ ನೆತಾನ್ಯಾಹು ಶುಭಾಶಯ

Priyanka meets Rahul as Cong stares at defeat

ಚುನಾವಣೆಯಲ್ಲಿ ಕಾಂಗ್ರೆಸ್ ಗೆ ಸೋಲಿನ ಕಹಿ: ರಾಹುಲ್ ಗಾಂಧಿ-ಪ್ರಿಯಾಂಕಾ ವಾದ್ರಾ ಭೇಟಿ

ಮುಖಪುಟ >> ಅಂಕಣಗಳು

ಕುಂಭಮೇಳದ ಆರ್ಥಿಕತೆ ಬಗ್ಗೆ ನಿಮಗೆಷ್ಟು ಗೊತ್ತು?

ಹಣಕ್ಲಾಸು-77
Kumbhamela-2019

ಕುಂಭಮೇಳ-2019

ಕುಂಭಮೇಳ ಮಾರ್ಚ್ 4, 2019ಕ್ಕೆ ಮುಗಿದಿದೆ. ಇಂತಹ ದಿನ ಶುರುವಾಗಬೇಕು ಮತ್ತು ಇಂತಹ ದಿನವೇ ಮುಗಿಯಬೇಕು ಎನ್ನುವುದನ್ನ ಗ್ರಹಗಳ ಚಲನೆಯನ್ನ ಆಧರಿಸಿ ಲೆಕ್ಕಾಚಾರ ಮಾಡುತ್ತಾರೆ. ಅದೊಂದು ಕ್ಲಿಷ್ಟ ಲೆಕ್ಕಾಚಾರ. ಅಲ್ಲಿನ ಲೆಕ್ಕಾಚಾರ ಮಾಡಲು ಬೇರೆಯ ಜನರಿದ್ದಾರೆ. ಇಲ್ಲೇನಿದ್ದರೂ ಬೇರೆಯದೇ ಲೆಕ್ಕಾಚಾರ! 

ಹಿಂದಿನ ಕುಂಭಮೇಳ ನೆಡದದ್ದು 2013ರಲ್ಲಿ. ನನಗೆ ಚನ್ನಾಗಿ ನೆನಪಿದೆ ಕಾಲ್ತುಳಿತದಲ್ಲಿ ಒಂದಷ್ಟು ಮಂದಿ ಸತ್ತು ಹೋದರು. ಅದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಹುದೊಡ್ಡ ಸುದ್ದಿಯಾಗಿತ್ತು. ನನ್ನ ಸ್ಪ್ಯಾನಿಷ್ ಗೆಳೆಯರು, ಸಹೋದ್ಯೋಗಿಗಳು ನೀವೇಕೆ ಹೀಗೆ? ಇಂತಹ ಕಾರ್ಯಕ್ರಮವನ್ನ ಅದೇಕೆ ಇನ್ನಷ್ಟು ಚನ್ನಾಗಿ ಆಯೋಜಿಸಬಾರದು? ಹೀಗೆ ಅನೇಕ ಪ್ರಶ್ನೆಗಳನ್ನ ಕೇಳಿದ್ದರು. ಈ ಘಟನೆ ನೆಡೆದು ಕೇವಲ ಒಂದೆರೆಡು ದಿನದಲ್ಲಿ ಸ್ಪೇನ್ ದೇಶದ ರಾಜಧಾನಿ ಮ್ಯಾಡ್ರಿಡ್ ನ ಡಿಸ್ಕೋ ಒಂದರಲ್ಲಿ ಕಾಲ್ತುಳಿತ ಉಂಟಾಗಿ ಹತ್ತಾರು ಜನ ಸತ್ತು ಹೋದರು. ಆಗ ನನ್ನ ಸ್ಪ್ಯಾನಿಷ್ ಮಿತ್ರರಿಗೆ ಹೇಳಿದ್ದೆ, ಕುಂಭಮೇಳ ಎನ್ನುವುದು ಜಗತ್ತಿನ ಅತಿ ಹೆಚ್ಚು ಜನ ಸೇರುವ ಒಂದು ಧಾರ್ಮಿಕ ಕಾರ್ಯಕ್ರಮ. ಇಷ್ಟು ಸಂಖ್ಯೆಯ ಜನ ಹಿಂದೂಗಳಲ್ಲದೆ ಬೇರಾವ ಜನಾಂಗವಾಗಿದ್ದರೂ ಇಷ್ಟೊಂದು ಶಾಂತಿಯಿಂದ ಕೊನೆಯಾಗುವುದೇ ಇಲ್ಲ. ಕೇವಲ ಸಾವಿರ ಸಂಖ್ಯೆಯಲ್ಲಿ ಸೇರುವ ಡಿಸ್ಕೋದಲ್ಲಿ ಕಾಲ್ತುಳಿತಕ್ಕೆ ಹತ್ತಾರು ಮಂದಿ ಸಾಯುತ್ತಾರೆ ಏಕೆ? ಅದನ್ನ ಇನ್ನಷ್ಟು ಚನ್ನಾಗಿ ಆಯೋಜಿಸಬಾರದಿತ್ತೇ? ಕುಂಭಮೇಳದಲ್ಲಿ ಕಾಲ್ತುಳಿತಕ್ಕೆ ಸಿಕ್ಕಿ ಸತ್ತರೆ ಅದು ತೃತೀಯ ದೇಶ, ಡಿಸ್ಕೋದಲ್ಲಿ ಕಾಲ್ತುಳಿತಕ್ಕೆ ಸಿಲುಕಿ ಸತ್ತರೆ ಅದು ಮುಂದುವರಿದ ದೇಶವೇ? ಎನ್ನುವ ಪ್ರಶ್ನೆ ನನ್ನ ಬಹುತೇಕ ಸ್ಪ್ಯಾನಿಷ್ ಮಿತ್ರರನ್ನು ತಣ್ಣಗಾಗಿಸಿತ್ತು. ಇರಲಿ... 

2013 ರಲ್ಲಿ ಕುಂಭಮೇಳದಲ್ಲಿ ಭಾಗವಹಿಸಿದ ಜನರ ಸಂಖ್ಯೆ 12 ಕೋಟಿ! ಇದಕ್ಕೆಂದು ಉತ್ತರ ಪ್ರದೇಶದ ಸರಕಾರ ಮಾಡಿದ ಖರ್ಚು 1,300 ಕೋಟಿ ರೂಪಾಯಿ. ಇದರಿಂದ ಉತ್ತರ ಪ್ರದೇಶ ಸರಕಾರಕ್ಕೆ ಸಿಕ್ಕಿರಬಹುದಾದ ಅಂದಾಜು ಲಾಭ 22 ಸಾವಿರ ಕೋಟಿ!!

1,600 ಎಕರೆಯಲ್ಲಿ ಟೆಂಟ್ ವ್ಯವಸ್ಥೆಯನ್ನ ಮಾಡಲಾಗಿತ್ತು. 2013 ರಲ್ಲಿ ಇದ್ದ ವ್ಯವಸ್ಥೆಯಲ್ಲಿ ಅಷ್ಟೊಂದು ಜನ ಭಕ್ತರು ಬಂದಿದ್ದರು.  2019 ರಲ್ಲಿ ಉತ್ತರ ಪ್ರದೇಶ ಸರಕಾರ ಕುಂಭಮೇಳವನ್ನ ಇನ್ನಷ್ಟು ವ್ಯವಸ್ಥಿತವಾಗಿ ಆಯೋಜಿಸಬೇಕು ಎನ್ನುವ ಉದ್ದೇಶದಿಂದ 4,300 ಕೋಟಿ ರೂಪಾಯಿಯನ್ನ ಮೀಸಲಿಟ್ಟಿತು. ಈ ವರ್ಷ 15 ಕೋಟಿ ಜನ ಕುಂಭಮೇಳದಲ್ಲಿ ಭಾಗವಹಿಸಬಹದು ಎನ್ನುವ ಅಂದಾಜು ಮಾಡಲಾಗಿತ್ತು. ಐವತ್ತು ದಿನಗಳ ಈ ಮಹಾ ಮೇಳದಲ್ಲಿ ಭಾಗಿಯಾದವರ ಸಂಖ್ಯೆ ಬರೋಬ್ಬರಿ 24 ಕೋಟಿ ಎಂದರೆ ನಂಬಲು ಅಸಾಧ್ಯ! 4,300 ಕೋಟಿ ಇದ್ದ ವೆಚ್ಚ 7,೦೦೦ ಕೋಟಿ ರೂಪಾಯಿಯಾಗಿದೆ. ಈ ವರ್ಷ 3,200 ಎಕರೆ ಪ್ರದೇಶದಲ್ಲಿ ಟೆಂಟ್ ವ್ಯವಸ್ಥೆ ಮಾಡಲಾಗಿತ್ತು.  ಉತ್ತರ ಪ್ರದೇಶ ಸರಕಾರಕ್ಕೆ ಇದರಿಂದ 1 ಲಕ್ಷ 20 ಸಾವಿರ ಕೋಟಿ ರೂಪಾಯಿ ಆದಾಯ ಬಂದಿದೆ. ಈ ಸಂಖ್ಯೆಗಳನ್ನು ಒಂದಷ್ಟು ಗಮನಿಸಿ ನೋಡಿ, ಭಾರತದ ಜನಸಂಖ್ಯೆಯ ಅಗಾಧ ಶಕ್ತಿಯ ಅರಿವಾಗುತ್ತದೆ.  ಜೊತೆಗೆ ವ್ಯವಸ್ಥೆ ಸರಿಯಾಗಿದ್ದರೆ ಹೆಚ್ಚೆಚ್ಚು ಜನ ಇದರಲ್ಲಿ ಭಾಗವಹಿಸಲು ಇಚ್ಛಿಸುತ್ತಾರೆ ಎನ್ನುವುದು ಕೂಡ ಸಾಬೀತು ಮಾಡಿದೆ. 

2013 ರ ಕುಂಭಮೇಳಕ್ಕೆ ಹೋಲಿಸಿದರೆ 2019 ರ ಕುಂಭಮೇಳ ಎಲ್ಲಾ ರೀತಿಯಲ್ಲೂ ದಾಖಲೆ ಬರೆದಿದೆ. ಕಾಲ್ತುಳಿತ ಅಥವಾ ಇನ್ನಿತರ ಅಹಿತಕರ ಘಟನೆ ನೆಡೆದ ಸುದ್ದಿ ಬರಲಿಲ್ಲ. ಸರಕಾರ ಮನಸ್ಸು ಮಾಡಿದರೆ ಏನೆಲ್ಲಾ ಮಾಡಬಹದು ಎನ್ನುವುದಕ್ಕೆ ಸ್ವಚ್ಛ ರಸ್ತೆಗಳು, ಉತ್ತಮ ಸೆಕ್ಯುರಿಟಿ ವ್ಯವಸ್ಥೆ, ಕುಡಿಯುವ ನೀರಿನ ವ್ಯವಸ್ಥೆಗಳು ಉದಾಹರಣೆಯಂತಿದ್ದವು. ಹೆಚ್ಚಿನ ಹಣ ಕೊಡುತ್ತೇವೆ ಎಂದವರಿಗೆ ಐಷರಾಮಿ ಅಥವಾ ಹೆಚ್ಚಿನ ಸವಲತ್ತಿರುವ ಟೆಂಟ್ಗಳು ಕೂಡ ಲಭ್ಯವಿದ್ದದ್ದು ಈ ಬಾರಿಯ ವಿಶೇಷ. ಟೆಂಟ್ಗಳಲ್ಲಿ ರಾತ್ರಿ ಕಳೆಯಲು 650 ರೂಪಾಯಿಯಿಂದ 32 ಸಾವಿರ ರೂಪಾಯಿವರೆಗೂ ಹಣವನ್ನ ನಿಗದಿಪಡಿಸಲಾಗಿತ್ತು. ಅವರವರ ಜೇಬಿನ ಶಕ್ತಿಗೆ ತಕ್ಕಂತೆ ಅನುಕೂಲವನ್ನ ಒದಗಿಸಲಾಗಿತ್ತು.  ಸಾಮಾನ್ಯ ಸಮಯದಲ್ಲಿ ದಿನಕ್ಕೆ  ಎರಡರಿಂದ ಮೂರು ಸಾವಿರ ರೂಪಾಯಿ ಇದ್ದ ಹೋಟೆಲ್ ದರ 6 ಸಾವಿರದಿಂದ 8 ಸಾವಿರಕ್ಕೆ ಜಿಗಿದಿತ್ತು. ಹಾಗೆಯೇ ಪ್ರಯಾಗರಾಜ್ ನ ಸಾಮಾನ್ಯ ಹೂವು ಮಾರುವ ವ್ಯಕ್ತಿ ದಿನಕ್ಕೆ 300-500 ದುಡಿಯುತ್ತಿದ್ದವನು ಈ 50 ದಿನದಲ್ಲಿ ಪ್ರತಿದಿನ 1,500ಕ್ಕಿಂತಲೂ ಹೆಚ್ಚು ಹಣವನ್ನ ಗಳಿಸಿದ್ದಾನೆ. ಅಂತೆಯೇ ನಾಯಿಂದ, ಬೋಟ್ ಹುಟ್ಟುಹಾಕುವರು, ಪೂಜಾ ಸಾಮಗ್ರಿ ಮಾರುವರು ಇತರೆ ಸಣ್ಣ ಪುಟ್ಟ ವ್ಯಾಪಾರಿಗಳ ಆದಾಯ ಮೂರುಪಟ್ಟು ಹೆಚ್ಚಳ ಕಂಡಿದೆ. ಪುರೋಹಿತರು ದಿನಕ್ಕೆ 8 ರಿಂದ 10 ಸಾವಿರ ರೂಪಾಯಿ ಗಳಿಸಿದ್ದಾರೆ. 

ಕುಂಭಮೇಳದಿಂದ ಉತ್ತರ ಪ್ರದೇಶ ಸರಕಾರಕ್ಕೆ ಅಷ್ಟೊಂದು ಹಣ ಬಂದದ್ದು ಮಾತ್ರ ಲೆಕ್ಕವಲ್ಲ ಅದರ ಜೊತೆಗೆ ಹೋಟೆಲ್ ಇಂಡಸ್ಟ್ರಿ, ಟ್ರಾವೆಲ್ ಇಂಡಸ್ಟ್ರಿ ಕೂಡ ಸಾಕಷ್ಟು ಆದಾಯವನ್ನ ಕಂಡಿವೆ. ಜೋತೆಗೆ ಕುಂಭಮೇಳದಲ್ಲಿ ಗೈಡ್ ಆಗಿ ದುಡಿದವರ ಸಂಖ್ಯೆಯೂ ಬಹಳಷ್ಟಿದೆ. ಸ್ಥಳೀಯ ವ್ಯಾಪಾರಿಗಳಿಗಂತೂ ಹಬ್ಬ! ವರ್ಷದ ಆದಾಯವನ್ನ ಕೇವಲ ಐವತ್ತು ದಿನದಲ್ಲಿ ಗಳಿಸಿರುವ ಅವರ ಮುಖದಲ್ಲಿ ನಗುವಿದೆ. ಐವತ್ತು ದಿನದ ಈ ಕಾರ್ಯಕ್ರಮಕ್ಕೆ ತಿಂಗಳುಗಳ ಮುಂಚೆಯೇ ಸಿದ್ಧತೆ ಶುರು ಮಾಡಲೇಬೇಕು. ಉತ್ತರಪ್ರದೇಶ ಸರಕಾರ ಮೂಲಭೂತ ಸೌಕರ್ಯಗಳನ್ನ ಕಲ್ಪಿಸಲು ಬಹಳಷ್ಟು ಸಮಯ ಮತ್ತು ಹಣವನ್ನ ವ್ಯಯಿಸಿದೆ. ಇದರಿಂದ ಲಕ್ಷಾಂತರ ಕೆಲಸ ಕೂಡ ಸೃಷ್ಟಿಯಾಗಿದೆ. ಸೇವೆಗಳನ್ನ ಒದಗಿಸುವ ವಲಯದಲ್ಲೆ ಎರಡೂವರೆ ಲಕ್ಷಕ್ಕೂ ಹೆಚ್ಚು ಉದ್ಯೋಗ ಸೃಷ್ಟಿಯಾಗಿದೆ ಎನ್ನುತ್ತದೆ ಅಂಕಿಅಂಶ. 

ಕುಂಭ ಮೇಳ ಕೇವಲ ಭಾರತದ ಮೇಳವಾಗಿ ಉಳಿದಿಲ್ಲ. ಇದಕ್ಕೆ ಯುನೈಟೆಡ್ ಕಿಂಗ್ಡಮ್, ಆಸ್ಟ್ರೇಲಿಯಾ, ಸಿಂಗಪೂರ್, ಮಲೇಶಿಯಾ, ನ್ಯೂಜಿಲ್ಯಾಂಡ್, ಮಾರಿಷಸ್, ಶ್ರೀಲಂಕಾ, ಸೌತ್ ಆಫ್ರಿಕಾ ಮತ್ತು ಜಿಂಬಾಬ್ವೆ ದೇಶಗಳಿಂದ ಕೂಡ ಜನ ಬರುತ್ತಾರೆ. ಹೀಗೆ 2013 ರಲ್ಲಿ ಬಂದ ವಿದೇಶಿಯರ ಸಂಖ್ಯೆ ಹತ್ತು ಲಕ್ಷಕ್ಕೂ ಹೆಚ್ಚು! 2019ರಲ್ಲಿ ಈ ಸಂಖ್ಯೆ 35ಪ್ರತಿಶತಕ್ಕೂ ಮೀರಿ  ಹೆಚ್ಚಾಗಿದೆ. ಕಾಂಬೋಡಿಯಾ, ಇಂಡೋನೇಶಿಯಾ, ಈಜಿಪ್ಟ್ ಮತ್ತು ಕೆನಡಾ ದೇಶ ಹೊಸದಾಗಿ ಬಾರಿಯ ಮೇಳಕ್ಕೆ ಸೇರ್ಪಡೆಯಾಗಿವೆ. 

ಇಂತಹ ಕುಂಭಮೇಳಕ್ಕೆ 2000 ಸಾವಿರ ವರ್ಷದ ಇತಿಹಾಸವಿದೆ. ರಾಜ ಹರ್ಷವರ್ಧನನ ಕಾಲದಲ್ಲಿ ಭಾರತಕ್ಕೆ ಬಂದಿದ್ದ ಚೀನಿ ಯಾತ್ರಿಕ ಹೂನೆಸ್ ತ್ಸಂಗ್ ಮಹಾಕುಂಭ ಮೇಳವನ್ನ ಉಲ್ಲೇಖಿಸಿದ್ದಾನೆ. ಅಂದರೆ ಇದಕ್ಕೆ ಕನಿಷ್ಠ ಎರಡು ಸಾವಿರ ವರ್ಷಗಳ ಹಿಂದಿನ ಇತಿಹಾಸವಿದೆ. ಇದಕ್ಕೂ ಮುಂಚೆ ಅದೆಷ್ಟು ವರ್ಷಗಳಿಂದ ನೆಡೆದು ಬರುತ್ತಿದೆಯೂ ಅದರ ನಿಖರ ಲೆಕ್ಕವಿಲ್ಲ. 

ಭಾರತವೆಂದರೆ ಹೀಗೆ ನೋಡಿ ಯಾವುದೂ ನಿಖರ ಲೆಕ್ಕ ಸಿಕ್ಕುವುದಿಲ್ಲ. ಮೇಲೆ ಹೇಳಿರುವ ಎಲ್ಲಾ ಸಂಖ್ಯೆಗಳೂ ಅಷ್ಟೇ... ಅವೆಲ್ಲ ಅಂದಾಜಿನ ಲೆಕ್ಕಾಚಾರದಲ್ಲಿ ಕೊಟ್ಟಂತವು. ಅಂದ ಮಾತ್ರಕ್ಕೆ ಅವು ನಂಬಲರ್ಹವಲ್ಲ ಎಂದೇನಲ್ಲ ಅವು ನಿಖರವಲ್ಲ ಅಷ್ಟೇ. 

ಕೊನೆ ಮಾತು: ಗಮನಿಸಿ ನೋಡಿ ಜಗತ್ತಿನ ಯಾವುದೇ ಭಾಗದಲ್ಲಿ ಆಗಲಿ 24 ಕೋಟಿಗೂ ಮೀರಿದ ಜನ ಸೇರುತ್ತಾರೆ ಮತ್ತು ಆ ಕಾರ್ಯಕ್ರಮ ಶಾಂತಿಯಿಂದ ಮುಗಿಯುತ್ತದೆ ಎಂದರೆ ಆ ದೇಶ ಮತ್ತು ಅಲ್ಲಿನ ಜನ ಎಷ್ಟೊಂದು ಶಾಂತಿ ಪ್ರಿಯರಿರಬಹುದೆಂದು! 

ಕೆಲಸ ಮತ್ತು ಹವ್ಯಾಸದ ಸಲುವಾಗಿ ನಾನು ನೋಡಿದ ದೇಶಗಳ ಸಂಖ್ಯೆ ನಿಖರವಾಗಿ 59. ಬ್ರೆಜಿಲ್, ಮೆಕ್ಸಿಕೋ, ವೆನಿಜುಲಾ, ಗ್ವಾಟೆಮಾಲಾ ಮತ್ತು ಕೊಲಂಬಿಯಾ ದೇಶಗಳಲ್ಲಿ ಮತ್ತು ಇತರ ಮಧ್ಯ ಮತ್ತು ದಕ್ಷಿಣ ಅಮೆರಿಕಾದ ದೇಶಗಳಲ್ಲಿ ಮಾನವೀಯತೆ ಸತ್ತು ಅದೆಷ್ಟು ವರ್ಷವಾಯಿತು ಎನ್ನುವುದನ್ನ ಲೆಕ್ಕ ಮಾಡಿ ಹೇಳಬೇಕಿದೆ.

ಜಗತ್ತಿನ ಇತರ ದೇಶಗಳಿಗೆ ಹೋಲಿಸಿದರೆ ಭಾರತದಲ್ಲಿ ಕ್ರೈಂ ರೇಟ್ ಕಡಿಮೆ ಎಂದು ಹೆಚ್ಚಿನ ಅಧ್ಯಯನವಿಲ್ಲದೆ ಹೇಳಬಹದು. ಇಷ್ಟೊಂದು ಸಂಖ್ಯೆಯ ಜನ ಒಂದೇ ಸಾಮಾನ್ಯ ಕಾರಣಕ್ಕೆ ಸೇರುವುದು ವಿಶ್ವದ ಇನ್ನ್ಯಾವ ಭಾಗದಲ್ಲೂ ಆಗುತ್ತಿಲ್ಲ. ಆ ಮಟ್ಟಿಗೆ ಕುಂಭ ಮೇಳ ಜಗತ್ತಿನ ಗಮನ ಸೆಳೆಯುವ ಕಾರ್ಯಕ್ರಮ. ಇಲ್ಲಿ ಕೇವಲ ಹಣದ ಲೆಕ್ಕಾಚಾರ ಬಿಟ್ಟು ನೋಡಿದರೂ ಇದು ಲಾಭದಾಯಕ. ನೂರಾರು ಜನ ಸಂಶೋಧಕರು, ಮನಃಶಾಸ್ತ್ರಜ್ಞರು, ಇತಿಹಾಸ ತಜ್ಞರು ಹೀಗೆ ಸಾವಿರಾರು ಸಂಖ್ಯೆಯಲ್ಲಿ ಜನ ಇದನ್ನ ಅಧ್ಯಯನ ಮಾಡಲು ಬರುತ್ತಾರೆ. 
ಲಕ್ಷಾಂತರ ಸಂಖ್ಯೆಯಲ್ಲಿ ಬರುವ ವಿದೇಶಿಯರು ಮತ್ತೊಮ್ಮೆ ತಮ್ಮವರನ್ನು ತಪ್ಪದೆ ಭಾರತಕ್ಕೆ ಕರೆತರುತ್ತಾರೆ. ಯಾವ ಕೋನದಿಂದ ನೋಡಿದರೂ ಕುಂಭಮೇಳ ಲಾಭದಾಯಕ. ನಾವು ನಮ್ಮದು ಎನ್ನುವ ಕಿಚ್ಚನ್ನ ಇದು ಯುವ ಜನರಲ್ಲಿ ಹೆಚ್ಚಿಸಿದರೆ ಆಗ ಇದರ ಲಾಭ ಅಗಣಿತ. 

- ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : Kumbhamela 2019, Socio-Economic dimension, Hanaclassu, ಕುಂಭಮೇಳ-2019, ಆರ್ಥಿಕತೆ, ಹಣಕ್ಲಾಸು

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS