Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Amit Shah Holds Consultations with BJP Leaders after Party Wins Trust Vote in Karnataka Assembly

ಕರ್ನಾಟಕ ಸರ್ಕಾರ ಪತನ ಬೆನ್ನಲ್ಲೇ ಬಿಜೆಪಿ ಹೈಕಮಾಂಡ್ ಮಹತ್ವದ ಸಭೆ: ಯಡಿಯೂರಪ್ಪಗೆ ಅಮಿತ್ ಶಾ ಬುಲಾವ್?

H D Kumaraswamy loses trust vote, JD (S)-Congress coalition government falls in Karnataka

ವಿಶ್ವಾಸಮತದಲ್ಲಿ ಕುಮಾರಸ್ವಾಮಿಗೆ ಸೋಲು: ಕಾಂಗ್ರೆಸ್-ಜೆಡಿಎಸ್ ಮೈತ್ರಿ ಸರ್ಕಾರ ಪತನ

Rebel MLAs to return after Yeddyurappa sworn in

ಸರ್ಕಾರ ಪತನದ ನಂತರ ಬಂಡಾಯ ಶಾಸಕರ ಮುಂದಿನ ನಡೆಯೇನು?: ಇಲ್ಲಿದೆ ಮಾಹಿತಿ

Speaker Ramesh Kumar reserves decision over rebel MLA

ಅತೃಪ್ತ ಶಾಸಕರ ಅನರ್ಹತೆ: ತೀರ್ಪು ಕಾಯ್ದಿರಿಸಿದ ಸ್ಪೀಕರ್

Internal conflict in MP Congress, don

ಕರ್ನಾಟಕದ ಮಾದರಿಯಲ್ಲೇ ಮಧ್ಯಪ್ರದೇಶ ಕಾಂಗ್ರೆಸ್ ನಲ್ಲೂ ಭಿನ್ನಮತ: ಸರ್ಕಾರ ಬಿದ್ದರೆ ನಾವು ಹೊಣೆಯಲ್ಲ- ಶಿವರಾಜ್ ಸಿಂಗ್

Virat Kohli retains number one spot in ICC Test Rankings

ಐಸಿಸಿ ಟೆಸ್ಟ್‌ ರ‍್ಯಾಂಕಿಂಗ್: ಅಗ್ರಪಟ್ಟ ಕಾಯ್ದುಕೊಂಡ ವಿರಾಟ್ ಕೊಹ್ಲಿ

3 Metro lines in Kochi, Nagpur,Delhi targeted for commissioning in next 100 days

ನೂರು ದಿನಗಳಲ್ಲಿ ಮೂರು ಮೆಟ್ರೋ ಲೈನ್ ಗಳ ಕಾರ್ಯಾರಂಭದ ಗುರಿ

Bill to amend POCSO Act with death penalty for child rape introduced in RS

ಮಕ್ಕಳ ಮೇಲೆ ಅತ್ಯಾಚಾರ ಎಸಗುವವರಿಗೆ ಮರಣದಂಡನೆ ವಿಧಿಸುವ ಮಸೂದೆ(ತಿದ್ದುಪಡಿ) ರಾಜ್ಯಸಭೆಯಲ್ಲಿ ಮಂಡನೆ

Prohibitory orders across Bengaluru for two days after Congress, BJP supporters clash

ಬೆಂಗಳೂರಿನಲ್ಲಿ ಎರಡು ದಿನ ನಿಷೇಧಾಜ್ಞೆ ಜಾರಿ: ಅಲೋಕ್ ಕುಮಾರ್

PM Modi With Child

ಸಂಸತ್ತಿನಲ್ಲಿ ಪ್ರಧಾನಿ ಭೇಟಿಯಾದ 'ವಿಶೇಷ ಅತಿಥಿ': ಮಗುವಿನಂತೆ ಆನಂದಿಸಿದ ಮೋದಿ!

Shubhman Gill disappointed to not be included for Windies tour

ವಿಂಡೀಸ್ ಪ್ರವಾಸ: ತಂಡದಲ್ಲಿ ಸ್ಥಾನ ಸಿಗದಕ್ಕೆ ಶುಭ್ ಮನ್ ಗಿಲ್ ಬೇಸರ

Assam NRC: SC extends deadline to August 31, rejects pleas for 20 per cent sample re-verification

ಅಸ್ಸಾಂ ಎನ್ಆರ್ ಸಿ: ಆಗಸ್ಟ್ 31ರ ವರೆಗೆ ಗಡುವು ವಿಸ್ತರಿಸಿದ ಸುಪ್ರೀಂ ಕೋರ್ಟ್

In a first, Andhra Pradesh Government reserves 75 per cent private jobs for locals

ಸ್ಥಳೀಯರಿಗೇ ಶೇ.75ರಷ್ಟು ಉದ್ಯೋಗ ಮೀಸಲು; ಆಂಧ್ರ ಪ್ರದೇಶ ಸರ್ಕಾರದ ಕ್ರಾಂತಿಕಾರಿ ನಡೆ!

ಮುಖಪುಟ >> ಅಂಕಣಗಳು

ವಿನಿವಿಂಕ್, ವಿಕ್ರಂ ಇನ್ವೆಸ್ಟ್ಮೆಂಟ್, ಈಗ ಐಎಂಎ ಹಗರಣ! ನಾವು ಕಲಿಯುವುದ್ಯಾವಾಗಣ್ಣ?

ಹಣಕ್ಲಾಸು-92
Hanaclassu: Tips to protect yourself from the rising economic fraudsters

ವಿನಿವಿಂಕ್, ವಿಕ್ರಂ ಇನ್ವೆಸ್ಟ್ಮೆಂಟ್, ಈಗ ಐಎಂಎ ಹಗರಣ! ನಾವು ಕಲಿಯುವುದ್ಯಾವಾಗಣ್ಣ?

ಐಎಂಎ ಹಗರಣ ನಿಮಗೆಲ್ಲ ಗೊತ್ತಿರುವ ವಿಷಯ. ಬೆಂಗಳೂರು, ಕರ್ನಾಟಕ ಅಷ್ಟೇ ಏಕೆ ದೇಶದ ಗಮನ ಸೆಳೆದ ಬಹು ಕೋಟಿ ಹಗರಣವಿದು. ಇಂದು ಹೇಳ ಹೊರಟಿರುವ ವಿಷಯದಲ್ಲಿ ಎರಡು ವಿಷಯಗಳಿವೆ. ಮೊದಲಿಗೆ ಹೇಗೆ ವ್ಯವಸ್ಥಿತವಾಗಿ ಇಂತವರು ಮೋಸದ ಬಲೆಯನ್ನ ಹೆಣೆಯುತ್ತಾರೆ, ಮತ್ತು ಎರಡನೆಯದಾಗಿ ಜನ ಹೇಗೆ ಬಹಳ ಖುಷಿಯಿಂದ ಇಂತಹ ಮೋಸದ ಬಲೆಗೆ ಬೀಳುತ್ತಾರೆ ಎನ್ನುವುದು.

ಹಣಕಾಸು ವಂಚನೆ ಇಂದು ನಿನ್ನೆಯದಲ್ಲ ಮನುಷ್ಯನ ಉಗಮ, ಹಣದ ಉಗಮವಾದ ದಿನದಿಂದ ನಡೆದು ಬಂದಿರುವ ಇತಿಹಾಸ ಇದಕ್ಕೂ ಇದೆ. ಎಲ್ಲಕ್ಕೂ ಹೆಚ್ಚಿನ ಅಘಾತಕಾರಿ ವಿಷಯವೆಂದರೆ ಜನ 'ಇರುಳು ಕಂಡ ಬಾವಿಗೆ ಹಗಲು ಬೀಳುವ' ಕೆಲಸ ಮಾಡುವುದು. ಅಂದರೆ ಇಂತಹ ಯೋಜನೆಗಳಲ್ಲಿ ಹಣ ತೊಡಗಿಸುವ ಮುನ್ನ ಜನ ಸಾಮಾನ್ಯನಿಗೆ ಕೂಡ ಒಂದಂಶದ ಸಂಶಯ ಬಂದಿರುತ್ತದೆ. ಆದರೆ ಹೆಚ್ಚಿನ ಹಣದ ಆಮಿಷ ಆ ಕ್ಷಣದಲ್ಲಿ ಅವರ ಬುದ್ದಿಗೆ ಮಂಕು ಕವಿಯುವಂತೆ ಮಾಡುತ್ತದೆ. 

ಐಎಂಎ ಈ ಲೇಖನದಲ್ಲಿ ಉದಾಹರಣೆಯಾಗಿ ನಮೂದಿತವಾಗಿದೆ. ಇಂದು ಅವರು ನಾಳೆ ಇನ್ನೊಂದು ಹೆಸರು. ಇಂತಹ ಯೋಜನೆಗಳು ಸಮಯ ಕಳೆದಂತೆ ಮತ್ತೆ ಮತ್ತೆ ಬರುತ್ತಲೇ ಇರುತ್ತವೆ. ಜನ ಸಾಮಾನ್ಯನ ನೆನಪು ಬಹಳ ಕಡಿಮೆ. ಹೀಗಾಗಿ ಇಂತಹ ಕೃತ್ಯಗಳು ಮತ್ತೆ ಮತ್ತೆ ಸುಲಭವಾಗಿ ಘಟಿಸುತ್ತವೆ. ಇಂದಿನ ಬರಹದಲ್ಲಿ ವಂಚನೆ ಮಾಡುವ ಉದ್ದೇಶದ ಯೋಜನೆಗಳು ಹೇಗಿರುತ್ತವೆ ಎನ್ನುವುದನ್ನ ತಿಳಿದುಕೊಳ್ಳೋಣ ಹಾಗೆಯೇ, ಇಂತಹವುಗಳಿಂದ ದೂರವಿರಲು ಏನು ಮಾಡಬೇಕು ಎನ್ನುವುದನ್ನು ಕೂಡ ನೋಡೋಣ. 

ವಂಚನೆ ಮಾಡುವ ಉದ್ದೇಶದ ಯೋಜನೆಗಳು ಹೇಗಿರುತ್ತವೆ ? 

ಗಮನಿಸಿ ಇಲ್ಲಿ ಹೇಳ ಹೊರಟಿರುವ ಯೋಜನೆ ಕೇವಲ ಐಎಂಎ ಗೆ ಸಂಬಂಧಪಟ್ಟದ್ದು ಮಾತ್ರವಲ್ಲ. ಇಂತಹ ಸಂಸ್ಥೆಗಳು ರೂಪಿಸುವ ಯೋಜನೆಗಳ ಉದಾಹರಣೆ ಮಾತ್ರ. 

  1. ಪ್ರತಿ ತಿಂಗಳು ಚಿನ್ನಾಭರಣದ ಚೀಟಿಯ ಕಂತು ಕಟ್ಟಲು ಹೇಳುವುದು, 11 ತಿಂಗಳು ಕಟ್ಟಿದರೆ ಸಾಕು 12ನೇ ಕಂತು ಉಚಿತ ಎನ್ನುವುದು. ಜೊತೆಗೆ ಚಿನ್ನಾಭರಣದ ಮೇಲಿನ ವೆಸ್ಟೇಜ್ ಹಾಕುವುದಿಲ್ಲ ಎನ್ನುವುದು. ಎಲ್ಲಕ್ಕೂ ಮಿಗಿಲಾಗಿ ಆರಂಭದ ಕಂತು ಕಟ್ಟಿದಾಗ ಇರುವ ಚಿನ್ನದ ಬೆಲೆಯನ್ನ ವರ್ಷ ಬಿಟ್ಟು ಚಿನ್ನ ಕೊಳ್ಳುವ ವೇಳೆಯಲ್ಲಿ ಕೂಡ ನೀಡುವ ಭರವಸೆ ನೀಡುವುದು. 
  2. ಐಎಂಎ ಜನ ಸಾಮಾನ್ಯರಿಂದ ಹಣವನ್ನ ಠೇವಣಿ ರೂಪದಲ್ಲಿ ಸಂಗ್ರಹಿಸುತ್ತಿತ್ತು. ಈ ಹಣಕ್ಕೆ ವಾರ್ಷಿಕ 30 ಪ್ರತಿಶತ ಬಡ್ಡಿಯನ್ನ ನೀಡುತ್ತಿತ್ತು ಎನ್ನುವುದು ಈಗ ತಿಳಿದುಬಂದಿರುವ ವಿಷಯ. ಅಂದರೆ ಗಮನಿಸಿ, ಪ್ರತಿ ಲಕ್ಷ ರುಪಾಯಿಗೆ ತಿಂಗಳಿಗೆ 2,500/- ರೂಪಾಯಿ ಹಣವನ್ನ ಬಡ್ಡಿಯ ರೂಪದಲ್ಲಿ ನೀಡಲಾಗುತ್ತಿತ್ತು. ಇದೆ ಹಣವನ್ನ ಬ್ಯಾಂಕಿನಲ್ಲಿ ನಿಗದಿತ ಠೇವಣಿಯಲ್ಲಿ ಇಟ್ಟಿದ್ದರೆ 6.5 ಪ್ರತಿಶತ ವಾರ್ಷಿಕ ಬಡ್ಡಿ ಪ್ರಕಾರ ಮಾಸಿಕ ಬಡ್ಡಿ 541ರೂಪಾಯಿ ಸಿಗುತ್ತಿತ್ತು. ಅಂದರೆ ಬ್ಯಾಂಕಿನ ಬಡ್ಡಿಗಿಂತ ಐದು ಪಟ್ಟು ಹಣದ ಹೆಚ್ಚಳದ ಆಮಿಷ ನೀಡಲಾಗಿದೆ. ನ್ಯಾಯಯುತ ವ್ಯವಹಾರ ಮಾಡಿ ಯಾರೊಬ್ಬರೂ ಇಷ್ಟು ದೊಡ್ಡ ಮೊತ್ತದ ಹಣವನ್ನ ಬಡ್ಡಿಯ ರೂಪದಲ್ಲಿ ನೀಡಲು ಸಾಧ್ಯವಿಲ್ಲ ಎನ್ನವುದನ್ನ ಜನ ಸಾಮಾನ್ಯ ಮರೆಯಬಾರದು. 
  3. ಇವರ ಕಾರ್ಯವೈಖರಿ ಹೇಗಿರುತ್ತದೆ ಎಂದರೆ ತಾವು ಠೇವಣಿ ಮೇಲೆ ನಿಗದಿ ಪಡಿಸಿದ ಬಡ್ಡಿಯನ್ನ ಮೊದಲು ಠೇವಣಿ ಇಟ್ಟ ಜನಕ್ಕೆ ಪ್ರತಿ ತಿಂಗಳು ಹೇಳಿದ ದಿನಾಂಕಕ್ಕೆ ವರ್ಗಾವಣೆ ಮಾಡುತ್ತಾರೆ. ಈ ಪ್ರಕ್ರಿಯೆ ಹಲವಾರು ತಿಂಗಳು ಕೆಲವೊಮ್ಮೆ ವರ್ಷಗಳು ಕೂಡ ನೆಡೆಯುತ್ತದೆ. ಜನ ಸಾಮಾನ್ಯನ ಮನಸ್ಸಿನಲ್ಲಿ ನಂಬಿಕೆಯನ್ನ ಸೃಷ್ಟಿಸಲಾಗುತ್ತದೆ. ಹೀಗೆ ಠೇವಣಿ ಇಟ್ಟ ಜನರನ್ನ ಒಮ್ಮೆ ಮಾತನಾಡಿಸಿ ಬನ್ನಿ, ಅವರೆಲ್ಲಾ ಒಂದಲ್ಲ ಒಂದು ರೀತಿ ಸಂಬಧಿಕರು, ಮಿತ್ರರು ಇಲ್ಲ ನೆರೆಹೊರೆಯವರು!! ಅರ್ಥ ಇಷ್ಟೇ... ಮೊದಲು ಠೇವಣಿ ಇಟ್ಟು ಉತ್ತಮ ಬಡ್ಡಿ ಹಣವನ್ನ ಹಲವಾರು ತಿಂಗಳು ಪಡೆದು ಖುಷಿಯಾದ ಗ್ರಾಹಕ ಹೋಗಿ ತನ್ನ ಸಂಬಂಧಿಕರನ್ನ ಅಥವಾ ಮಿತ್ರರನ್ನ ಕರೆದುತರುತ್ತಾನೆ. ಹೀಗೆ ಹೊಸದಾಗಿ ಠೇವಣಿಗೆ ಇಟ್ಟ ಹಣದಿಂದ ಅವರು ಬಡ್ಡಿಯನ್ನ ಕೊಡಲು ಶುರುಮಾಡುತ್ತಾರೆ. 
  4. ಮನೆಯಲ್ಲಿ ಉಪಯೋಗಿಸುವ ಇಲೆಕ್ಟ್ರಾನಿಕ್ ಉಪಕರಣಗಳ ಮೇಲಿನ ಬೆಲೆಯನ್ನ ನಿಗದಿತ ಬೆಲೆಗಿಂತ ಅತ್ಯಂತ ಕಡಿಮೆ ಬೆಲೆಗೆ ಮಾರಲು ಶುರು ಮಾಡುವುದು. ಜನ ಜಾತ್ರೆಯಂತೆ ನಿಂತು ಖರೀದಿಸುತ್ತಾರೆ. ಮೊದಲು ಕೊಂಡವರು ಜಾಣರು. ನಂತರ ಶುರುವಾಗುವುದು ನಿಜವಾದ ಮೋಸದ ಜಾಲ. ಜನರಿಗೆ ಹಣವನ್ನ ಮುಂಗಡ ನೀಡಲು ಹೇಳಲಾಗುತ್ತದೆ. ಹತ್ತಾರು ಲಕ್ಷದ ವಸ್ತುವನ್ನ ಅವರ ಕಣ್ಣ ಮುಂದೆ ಅತ್ಯಂತ ಕಡಿಮೆ ಬೆಲೆಯಲ್ಲಿ ಮಾರಿ ವಿಶ್ವಾಸಗಳಿಸುರುತ್ತಾರೆ. ನೇರವಾಗಿ ಕಾರ್ಖಾನೆ ಜೊತೆಗೆ ಒಪ್ಪಂದವಿದೆ. ಮುಂಗಡ ಹಣ ನೀಡಿ ತಿಂಗಳು ಕಾಯಬೇಕು ಎಂದು ಹೇಳುತ್ತಾರೆ. ತಿಂಗಳು ಪೂರ್ತಿ ಕೋಟ್ಯಂತರ ಹಣವನ್ನ ಮುಂಗಡ ಪಡೆದು ಪರಾರಿಯಾಗುತ್ತಾರೆ. 
  5. ವಿಕ್ರಂ ಇನ್ವೆಸ್ಟ್ಮೆಂಟ್ ಕಂಪನಿಯ ಹೆಸರು, ವಿನಿವಿಂಕ್ ಹೆಸರು ಜನರ ಮನದಲ್ಲಿ ಇನ್ನೂ ನೆನೆಪಿದೆ ಎನ್ನುವ ನಂಬಿಕೆಯಿಂದ ಈ ಉದಾಹರಣೆಯನ್ನ ಸೇರಿಸುತ್ತಿದ್ದೇನೆ. ಇವರದು ತಂತ್ರಜ್ಞಾನ ಬಳಸಿ ಸಮಾಜದಲ್ಲಿ ಬುದ್ದಿವಂತರು, ವಿದ್ಯಾವಂತರು ಎಂದು ಕರೆಸಿಕೊಳ್ಳುವ ಜನರನ್ನ ಮೋಸದ ಬಲೆಗೆ ಕೆಡುವುವ ಜಾಲ. ಒಮ್ಮೆ ನೀವು ಇವರ ಪರಿಧಿಯಲ್ಲಿ ಬಂದರೆ ನಿತ್ಯ ಇಷ್ಟು ಹಣ ಹೂಡಿಕೆ ಮಾಡಿದರೆ ಇಷ್ಟು ಹಣ ಬರುತ್ತದೆ ಎನ್ನುವ ಸಂದೇಶವನ್ನ ರವಾನಿಸುತ್ತಾರೆ. ನಿತ್ಯ ಇಂತಹ ಲಾಭದಾಯಕ ಅವಕಾಶಗಳಿಂದ ವಂಚಿತನಾಗುತ್ತಿದ್ದೇನೆ ಎನ್ನುವ ಭಾವನೆ ಆರು ತಿಂಗಳು ಅಥವಾ ವರ್ಷದಲ್ಲಿ ನಿಮ್ಮ ಮನಸ್ಸಿನಲ್ಲಿ ಬಂದು ಬಿಡುತ್ತದೆ. ಸಾಲ ಮಾಡಿಯಾದರೂ ಸರಿಯೇ ನಮ್ಮ ಬುದ್ದಿವಂತರು ಅಲ್ಲಿ ಹೂಡಿಕೆ ಮಾಡಿಬಿಡುತ್ತಾರೆ. 
  6. ಎಲ್ಲಾ ಬಗೆಯ ಚೀಟಿಗಳು ಕೂಡ ಅವುಗಳ ಮಟ್ಟದಲ್ಲಿ ಕುಸಿಯುವ ಅಥವಾ ವಂಚನೆಯಾಗಿ ತಿರುವು ಪಡೆದುಕೊಳ್ಳುವ ಸಾಧ್ಯತೆಗಳು ಹೆಚ್ಚಾಗಿರುತ್ತದೆ. 
  7. ಕೋ-ಆಪರೇಟಿವ್ ಸೊಸೈಟಿ ಗಳು ಕೂಡ ಮುಖ್ಯ ಸ್ಥರದ ಬ್ಯಾಂಕುಗಳಿಗಿಂತ ಹೆಚ್ಚಿನ ಬಡ್ಡಿ ದರವನ್ನ ನೀಡುತ್ತವೆ. ಇಲ್ಲಿ ಹೂಡಿಕೆ ಮಾಡುವಾಗ ಕೂಡ ಎಚ್ಚರಿಕೆಯ ಅಗತ್ಯವಿದೆ. ಎಲ್ಲಾ ಕೋ-ಆಪರೇಟಿವ್ ಬ್ಯಾಂಕುಗಳು ಸುರಕ್ಷಿತವಲ್ಲ. ಹಾಗೆಂದು ಎಲ್ಲವೂ ಕೆಟ್ಟವು ಕೂಡ ಅಲ್ಲ. ಇಲ್ಲಿ ವಿವೇಚನೆ ಅತಿ ಮುಖ್ಯ. 
ಜನ ಸಾಮಾನ್ಯ ವಂಚನೆಗೊಳಗಾಗದೆ ಇರಲು ಏನು ಮಾಡಬೇಕು? 

ಮೇಲಿನ ಉದಾಹರಣೆಗಳನ್ನ ಗಮನಿಸಿ ನೋಡಿ. ಅವುಗಳಲ್ಲಿ ಮುಖ್ಯವಾಗಿ ಎರಡು ಅಂಶಗಳಿವೆ. 1.ಮುಖ್ಯಸ್ಥರದ ಹಣಕಾಸು ಸಂಸ್ಥೆಗಳು ನೀಡುವ ಬಡ್ಡಿಯ ದರಕ್ಕಿಂತ ಹೆಚ್ಚಿನ ಬಡ್ಡಿ ಅಥವಾ ಹಣವನ್ನ ವಾಪಸ್ಸು ನೀಡುತ್ತೇವೆ ಎನ್ನುತ್ತಾರೆ.  2. ಇಲ್ಲವೇ ಯಾವುದಾರೊಂದು ವಸ್ತು ಅಥವಾ ಸೇವೆಯನ್ನ ಮುಖ್ಯ ಸ್ಥರದಲ್ಲಿ ಖರೀದಿಸಲು ಬೇಕಾಗುವ ಹಣಕ್ಕಿಂತ ಕಡಿಮೆ ಹಣದಲ್ಲಿ ನೀಡುತ್ತೇವೆ ಎನ್ನುವುದಾಗಿದೆ. 

 ಹೀಗಾಗಿ...:
  1. ಪ್ರತಿಯೊಬ್ಬ ನಾಗರೀಕನೂ ಸಾಧ್ಯವಾದಷ್ಟು ಮುಖ್ಯವಾಹಿನಿಯ ಹಣಕಾಸು ಸಂಸ್ಥೆಗಳ ಜೊತೆಯಲ್ಲಿ ವ್ಯವಹಸರಿಸುವುದನ್ನ ರೂಢಿ ಮಾಡಿಕೊಳ್ಳಬೇಕು. 
  2. ಸಮಾಜದಲ್ಲಿ ಚಾಲ್ತಿ ಇರುವ ಬಡ್ಡಿ ದರ, ಸೇವೆ ಮತ್ತು ಸರುಕಿನ ಬೆಲೆಗಳ ಮಾಹಿತಿ ತಿಳಿದುಕೊಂಡು ತಾವು ಹೂಡಿಕೆ ಮಾಡಲಿರುವ ಸಂಸ್ಥೆಯ ಜೊತೆಗೆ ತುಲನೆ ಮಾಡಬೇಕು. ಇದರ ಅಂತರ ಹೆಚ್ಚಿದಷ್ಟು ಅದು ಎಚ್ಚರಿಕೆಯ ಕರೆ ಘಂಟೆ. ಯೋಚಿಸಿ ನೋಡಿ ಯಾರೋ ಒಬ್ಬ ವ್ಯಾಪಾರಿ ನಿಮಗೇಕೆ ಅಷ್ಟೊಂದು ಲಾಭ ಮಾಡಿಕೊಡುತ್ತಾನೆ. ಅವನು ಲಾಭ ಮಾಡಿಕೊಳ್ಳಲು ಹಳ್ಳ ತೊಡುತ್ತಿರುತ್ತಾನೆ ಅಷ್ಟೇ. 
  3. ಕೋ-ಆಪರೇಟಿವ್ ಬ್ಯಾಂಕುಗಳಲ್ಲಿ ಹೂಡಿಕೆ ಮಾಡುವ ಮುನ್ನ ಅದರ ನಿರ್ದೇಶಕರ ಪಟ್ಟಿಯನ್ನ ಪರಿಶೀಲಸುವುದು ಉತ್ತಮ. 
  4. ಬಂಧು-ಮಿತ್ರರ ನಡುವಿನ ಹಣದ ವ್ಯವಹಾರ, ಚೀಟಿ ವ್ಯವಹಾರ ಇಟ್ಟುಕೊಳ್ಳಬಾರದು. 
  5. ಸಾಧ್ಯವಾದಷ್ಟೂ ಹಣಕಾಸಿನ ಬಗ್ಗೆ ತಿಳುವಳಿಕೆ ಉಳ್ಳವರ ಜೊತೆ ಸಮಾಲೋಚನೆ ನೆಡೆಸಿ ಹೂಡಿಕೆ ಮಾಡುವುದು ಎಲ್ಲಾ ವಿಧದಲ್ಲೂ ಉತ್ತಮ. 
ಕೊನೆ ಮಾತು: ಮನುಷ್ಯನ ದುರಾಸೆ ಎಲ್ಲಿಯವರೆಗೆ ಇರುತ್ತದೆಯೂ ಅಲ್ಲಿಯವರೆಗೆ ಇಂತಹ ವಂಚನೆ ಪ್ರಕರಣಗಳು ಆಗುತ್ತಲೆ ಇರುತ್ತದೆ. ಇದಕ್ಕೆ ನೇರವಾಗಿ ಇಂತಹ ಸಂಸ್ಥೆಗಳನ್ನೇ ಹೊಣೆ ಮಾಡುವುದರ ಬದಲು, ಹೆಚ್ಚಿನ ಹಣದ ಆಮಿಷಕ್ಕೆ ಬಲಿ ಬಿದ್ದ ಜನ ಸಾಮಾನ್ಯನ ಕೊಡುಗೆಯನ್ನ ಕೂಡ ಸದಾ ನೆನೆಪಿಸಿಕೊಳ್ಳೋಣ. ಎರಡೂ ಕೈ ಸೇರಿದರೆ ಚಪ್ಪಾಳೆ. ಇಂತಹ ವಂಚನೆ ಯೋಜಗಳಿಗೆ ಕೈ ಜೋಡಿಸದಿರೋಣ. 

-ರಂಗಸ್ವಾಮಿ ಮೂಕನಹಳ್ಳಿ
muraram@yahoo.com

ಲೇಖಕರ ಕುರಿತು : ಕಳೆದ ಎರಡು ದಶಕದಿಂದ ಆಂತರಿಕ ಲೆಕ್ಕ ಪರಿಶೋಧಕರಾಗಿ ದುಬೈ ಮತ್ತು ಯೂರೋಪಿನ ವಿತ್ತ ಪ್ರಪಂಚದಲ್ಲಿ ಬದುಕು ಕಂಡು ಕೊಂಡಿರುವ ಶ್ರೀ. ರಂಗಸ್ವಾಮಿ ಮೂಕನಹಳ್ಳಿಯವರು ಹವ್ಯಾಸಿ ಬರಹಗಾರರು. ವೃತ್ತಿ ಮತ್ತು ಪ್ರವೃತ್ತಿಯ ಸಲುವಾಗಿ ಐವತ್ತಕ್ಕೂ ಹೆಚ್ಚು ದೇಶಗಳ ಸುತ್ತಿರುವ ಲೇಖಕರು ತಾವು ಕಂಡ ದೇಶಗಳಷ್ಟೇ ಅಲ್ಲದೆ ಜಗತ್ತಿನ ಆರ್ಥಿಕ ಸ್ಥಿತಿಗತಿ ಬಗ್ಗೆ ಕನ್ನಡ ಪ್ರಭ, ಸಂಯುಕ್ತ ಕರ್ನಾಟಕ, ಉದಯವಾಣಿಗೆ ಲೇಖನಗಳ ಬರೆದಿದ್ದಾರೆ. ಇವರು ಕಂಡ ದೇಶಗಳ ಪ್ರವಾಸಿ ಕಥನ ತರಂಗ, ವಿಜಯ ನೆಕ್ಸ್ಟ್ ಮತ್ತು ಡಿಜಿಟಲ್ ಕನ್ನಡದಲ್ಲಿ ಲೇಖನ ಮತ್ತು ಸರಣಿ ರೂಪದಲ್ಲಿ ಪ್ರಕಟವಾಗಿವೆ. ಹಣಕ್ಲಾಸು ಕನ್ನಡಪ್ರಭ.ಕಾಮ್ ನಲ್ಲಿ ಪ್ರತಿ ಗುರುವಾರ ಪ್ರಕಟವಾಗುವ ಅಂಕಣ ಬರಹ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : Hanaclassu, Investment fraud, IMA, ಹಣಕ್ಲಾಸು, ಹೂಡಿಕೆ ವಂಚನೆ, ಐಎಂಎ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS