Advertisement
ಹೆಚ್ಚು ಓದಿದ್ದು
ಪ್ರಮುಖ ಸುದ್ದಿ
Alliance sealed: BJP to contest from 25 seats, its

ಕಚ್ಚಾಡಿಕೊಳ್ಳುತ್ತಿದ್ದ ಬಿಜೆಪಿ-ಶಿವಸೇನೆ ನಡುವೆ ಮತ್ತೆ ಮೈತ್ರಿ, ಸ್ಥಾನ ಹಂಚಿಕೆ ಘೋಷಣೆ!

Indian diplomats ignore handshake by Pakistan officials at ICJ

ಕೈ ಕುಲುಕುವುದಕ್ಕೆ ಬಂದ ಪಾಕ್ ಅಧಿಕಾರಿಗೆ ಕೈ ಮುಗಿದ ಭಾರತೀಯ ಅಧಿಕಾರಿ

Pulwama encounter ends; three terrorists killed,  three soldiers martyred

ಪಿಂಗ್ಲಾದಲ್ಲಿ ಎನ್ ಕೌಂಟರ್ ಕಾರ್ಯಾಚರಣೆ ಪೂರ್ಣ: 3 ಉಗ್ರರ ಹತ್ಯೆ, 3 ಯೋಧರು ಹುತಾತ್ಮ

SBI waives outstanding loans for 23 CRPF soldiers

ಪುಲ್ವಾಮ ಉಗ್ರ ದಾಳಿ: ಎಸ್ ಬಿಐನಿಂದ 23 ಹುತಾತ್ಮ ಯೋಧರ ಸಾಲ ಮನ್ನಾ

ಐಸಿಜೆಯಲ್ಲಿ ಕುಲಭೂಷಣ್ ಜಾಧವ್ ಪ್ರಕರಣದ ವಿಚಾರಣೆ: ಪಾಕ್ ವಿಯೆನ್ನಾ ಒಪ್ಪಂದ ಉಲ್ಲಂಘಿಸಿದೆ-ಹರೀಶ್ ಸಾಳ್ವೆ

ಐಸಿಜೆಯಲ್ಲಿ ಕುಲಭೂಷಣ್ ಜಾಧವ್ ಪ್ರಕರಣದ ವಿಚಾರಣೆ: ಪಾಕ್ ವಿಯೆನ್ನಾ ಒಪ್ಪಂದ ಉಲ್ಲಂಘಿಸಿದೆ-ಹರೀಶ್ ಸಾಳ್ವೆ

Punjab Govt cuts petrol price by Rs 5, diesel by Re 1

ಪಂಜಾಬ್ ಬಜೆಟ್: ಪೆಟ್ರೋಲ್​ ಬೆಲೆ ಲೀಟರ್ ಗೆ 5 ರು. ಡೀಸೆಲ್‌ 1 ರು. ಇಳಿಕೆ

Tamil Nadu environmental activist, who accused cops of conniving with Sterlite Copper, goes missing

ಸ್ಟೆರ್ಲೈಟ್ ಜತೆ ಪೊಲೀಸರು ಶಾಮಿಲು ಎಂದು ಆರೋಪಿಸಿದ್ದ ತಮಿಳುನಾಡು ಪರಿಸರವಾದಿ ನಾಪತ್ತೆ

Sohail Mahmood

ಪುಲ್ವಾಮಾ ದಾಳಿ :ಭಾರತದಲ್ಲಿನ ತನ್ನ ರಾಯಭಾರಿಯನ್ನು ಹಿಂದಕ್ಕೆ ಕರೆಸಿಕೊಂಡ ಪಾಕ್

ICC Women

ಐಸಿಸಿ ಮಹಿಳಾ ಏಕದಿನ ರ್ಯಾಂಕಿಂಗ್: ಅಗ್ರ ಪಟ್ಟ ಉಳಿಸಿಕೊಂಡ ಸ್ಮೃತಿ ಮಂದಾನ

Barkha Dutt

ಬರ್ಖಾ ದತ್ ಗೆ ಅಶ್ಲೀಲ ಸಂದೇಶ, ಬೆದರಿಕೆ: ದ್ವೇಶಿಸಬೇಡಿ, ಪ್ರೀತಿ, ಶಾಂತಿಯಿಂದ ಬಗೆಹರಿಸಿಕೊಳ್ಳಿ-ಟ್ವೀಟಿಗರ ಸಲಹೆ

Mumbai: Woman raped at her birthday party, police say victim

ಮುಂಬೈ: ಆಕೆಯ ಬರ್ತ್ ಡೇ ಪಾರ್ಟಿಯಲ್ಲೇ ಯುವತಿ ಮೇಲೆ ಅತ್ಯಾಚಾರ

CM Kumaraswamy

ಮೈಸೂರು: ನಿಗದಿತ ಸ್ಥಳದಲ್ಲಿ ಇಳಿಯದ ಸಿಎಂ ಹೆಲಿಕಾಪ್ಟರ್, ಅಧಿಕಾರಿಗಳು ಕಂಗಾಲು!

Mamata Raises Question on Timing of Pulwama Attack, Asks Why This Happened Ahead of Lok Sabha Polls

ಲೋಕಸಭಾ ಚುನಾವಣೆ ವೇಳೆಯಲ್ಲೇ ಪುಲ್ವಾಮ ಭಯೋತ್ಪಾದಕ ದಾಳಿ ಏಕೆ?: ಮಮತಾ ಬ್ಯಾನರ್ಜಿ ವಿವಾದ

ಮುಖಪುಟ >> ಅಂಕಣಗಳು

ಕೈಕೆಗಿಂತ ಮೊದಲು ಪಟ್ಟ ಮಹಿಷಿಗೆ ಪಟ್ಟಾಭಿಷೇಕದ ಬಗ್ಗೆ ತಿಳಿಸಿದ್ದಿದ್ದರೆ ಮುಂದಿನ ರಾದ್ಧಾಂತವೇ ನಡೆಯುತ್ತಿರಲಿಲ್ಲವೇನೋ?

ರಾಮಾಯಣ ಅವಲೋಕನ- 133
Kaikeyi-Dasharatha

ಕೈಕೆ-ದಶರಥ

(ಓದುಗರೆ, ಒಂದು ಕಥೆ; ಬಹುಶಃ ಜಾನಪದವಿರಬಹುದು; ಅದರಲ್ಲಿನ ವಿವರಣೆ ಇದು. ಯುದ್ಧವಾಗುತ್ತಿರುವಾಗ, ರಥ ಓಡುತ್ತಿದ್ದಾಗ, ರಥದ ಚಕ್ರ ತಿರುಗಲು ಸಹಾಯವಾದ ಕಡಾಣೆ ಬಿದ್ದು ಹೋಯಿತು. ತಕ್ಷಣವೇ ಕೈಕೆ ತನ್ನ ಬೆರಳನ್ನು ಕಡಾಣೆಯಾಗಿಸಿ, ಬಿಚ್ಚಿಹೋಗಬಹುದಿದ್ದ ರಥವನ್ನು ತಡೆಹಿಡಿದಳು. ಅವಳು ಹಾಗೆ ಮಾಡದಿದ್ದಿದ್ದರೆ, ರಥ ಉರುಳಿ ರಾಜ ಬಿದ್ದು, ಅನಾಹುತವಾಗುತ್ತಿತ್ತು. ಮರಣವೂ ಆಗಬಹುದಿದ್ದ ಅವಘಡ ತಪ್ಪಿಸಿದ್ದರಿಂದ ದಶರಥ ಕೈಕೆಗೆ ವರ ಕೊಟ್ಟ!?ಇದು ಕಥೆ.

ಕಡಾಣಿ ಹಾಗೆ ಜಾರಲು ಸಾಧ್ಯವೇ ಇಲ್ಲ. ಹಾಗೇನಾದರೂ ಆದರೆ ಸಾರಥಿಯ ಮುಂಜಾಗ್ರತೆಯ ಪ್ರಶ್ನೆಯಾಗುತ್ತದೆ. ಅಲ್ಲದೇ ಉರುಳುತ್ತಿರುವ ಚಕ್ರಕ್ಕೆ ಅಡ್ಡಲಾಗಿ ಜಟ್ಟಿಯ ಬೆರಳೂ ತುಂಡಾಗುವ ಸಾಧ್ಯತೆ ಇರುವಾಗ ಕೈಕೆ ಬೆರಳಿಡಲು ಸಾಧ್ಯವೆ? ತಿರುಗುತ್ತಿರುವ ಗಾಲಿಯನ್ನು ಆ ಬೆರಳು ತಡೆದು ನಿಲ್ಲಿಸಬಲ್ಲದೇ? ಅವಳ ಕೈಯ್ಯನ್ನೇ ಅದು ಕತ್ತರಿಸದೇ? ಕೋಮಲೆ ಕೈಕೆ ಇದನ್ನು ಮಾಡಲು ಸಾಧ್ಯವೆ?
 
ಇನ್ನು ವರವಿಚಾರ. ತನ್ನ ಕಷ್ಟ ಸಮಯದಲ್ಲಿ ರಕ್ಷಿಸಿದ ಕೈಕೆಗೆ ಏನಾದರೂ ಬಹುಮಾನಿಸಬೇಕಾದ್ದು ಸಹಜ. ಹಾಗೇ ರಾಜ ಕೇಳಿದ ಕೂಡ. ಆದರೆ ಸಮಸ್ಯೆ ಇರುವುದು ವಿನಿಯೋಗದಲ್ಲಿ! ಕೇಳುವುದು ಯಾಚಕಾಧಿಕಾರ. ಕೇಳಿದ್ದನ್ನು ಕೊಡಲೇಬೇಕೆಂಬ ನಿಯಮ ಇದ್ದಂತಿಲ್ಲ. ಸಾಯದೇ ಇರುವ ವರ ಕೇಳಿದಾಗಲೆಲ್ಲ ಬ್ರಹ್ಮ ಅಡ್ಡಡ್ಡ ತಲೆಯಾಡಿಸಿದ್ದಾನೆ. ಜೊತೆಗೆ ವರ ಕೇಳುವ ಅವಧಿ ಅನಿರ್ದಿಷ್ಟವಾಗಿರುವುದೂ ವ್ಯಾವಹಾರಿಕವಲ್ಲ. ನಾಳೆ ಏನಾಗಬಹುದೆಂದು ಇಂದು ಊಹಿಸದ ಸ್ಥಿತಿಯಲ್ಲಿ, ಮುಂದೆಂದೋ ಕೇಳುವ ವರವನ್ನು ಈಡೇರಿಸುವುದಾಗಿ ಯಾರು ತಾನೇ ಹೇಗೆ ಹೇಳಬಲ್ಲರು? ವರವೇನೆಂದೇ ಖಚಿತವಾಗದಾಗ, ಅದನ್ನು ಮುಂದೆಂದೋ ಕೊಡುವ ಭರವಸೆ ಹೇಗೆ? ಹೀಗಾಗಿ ದಶರಥ ಭವಿಷ್ಯದಲ್ಲಿ ಏನೋ ಕೇಳುವ ವರಕ್ಕೆ ಮೂಗ ಬಸವನಂತೆ ತಲೆ ತೂಗಿದ್ದು ಅಂಥ ವಿವೇಕವಲ್ಲ! ಕೊಟ್ಟ ಮಾತನ್ನು ಉಳಿಸಿಕೊಳ್ಳುವುದು ವಿಧಿ ಬದ್ಧವೇ ಎಂಬುದೂ ಗಮನಾರ್ಹ! ಕಾನೂನಿಗೆ ವಿರೋಧವಾದ ಅಪೇಕ್ಷೆಯನ್ನು ಆಗ ಮಾಡಲು ಸಾಧ್ಯ ಹೇಗೆ? ಹೀಗಾಗಿ ಭವಿಷ್ಯದಲ್ಲಿ ಕೇಳಬಹುದಾದ ವರ ನೀಡಲು ದಶರಥ ಒಪ್ಪಿದ್ದೇ ಅವನ ಮೂರ್ಖ ನಿರ್ಧಾರ. ಇದರಿಂದಾಗಿಯೇ ಮುಂದಿನ ಅನಾಹುತ ಪರಂಪರೆ!-ಲೇಖಕರು)

ದಶರಥನಿಗೆ ಸಂತೋಷಾಧಿಕ್ಯ ಹಿಡಿದಿಡಲಾಗುತ್ತಿಲ್ಲ. ದುಃಖವನ್ನಾದರೂ ಮುಚ್ಚಿಡಬಹುದು; ಸುಖದ ಹಣೆಯ ಬರಹವೇ ಅದು. ಹಂಚಿಕೊಳ್ಳಲೇ ಬೇಕು. ಲಗುಬಗೆಯಿಂದ ಎದ್ದ. ರಾಣಿಗೆ ಹೇಳಬೇಕಲ್ಲ? ಹೊರಟ ರಾಣೀ ವಾಸದತ್ತ! ಮನಸ್ಸು ರಾಮ ಮಾತೆಗೆ ವಿಷಯ ಹೇಳಬೇಕೆಂದುಕೊಳ್ಳುತ್ತಿತ್ತೇನೋ ಆದರೆ ಇತ್ತೀಚಿನ ವರ್ಷಗಳಲ್ಲಿ ನಡೆದು ನಡೆದು ಅಭ್ಯಾಸ. ಕೈಕೆಯ ಗೃಹದ ಹಾದಿ ಹಿಡಿದ. (ಕ್ರಮಭಂಗ ಮಾಡಿದ್ದರ ಅಡ್ಡ ಪರಿಣಾಮ ಇದು. ಪದವಿಯೋ, ವಯಸ್ಸೋ, ಅರ್ಹತೆಯೋ... ಈ ಯಾವುದೋ ಕಾರಣಗಳಿಗೆ ಅನುಗುಣವಾಗಿ ನಾವು ಮರ್ಯಾದೆ ಮಾಡಬೇಕು. ಕೇಂದ್ರ ಮಂತ್ರಿ ಇದ್ದಾಗ, ರಾಜ್ಯದ ಮುಖ್ಯಮಂತ್ರಿಯನ್ನು ಮೊದಲು ಸ್ವಾಗತಿಸುವುದು ಸಭಾ ಮರ್ಯಾದೆಯಲ್ಲ! ಆಯಾ ಹುದ್ದೆಗನುಗುಣವಾಗಿ ಗೌರವ ಸಂದಾಯ. ಇದನ್ನರಿಯದವನೇ ದಶರಥ? ಮಹರ್ಷಿ ತುಲ್ಯನೆಂದು ಬೇರೆ ವಾಲ್ಮೀಕಿಗಳ ಪರಾಕು! ಇಲ್ಲಿಯವರೆಗೂ ಏನೇ ಇದ್ದಿರಲಿ, ಈಗ ರಾಮ ಪಟ್ಟಾಭಿಷೇಕ ಸಂದರ್ಭದಲ್ಲಿಯಾದರೂ ರಾಮ ತಾಯಿಗೆ, ಪಟ್ಟ ಮಹಿಷಿಗೆ ಪ್ರಥಮ ಪೂಜೆ ಬೇಡವೆ? ಇಲ್ಲ! ಮೋಹಿತ ರಾಜ ಬಂದೇ ಬಿಟ್ಟ ಕೈಕಾ ಸದನಕ್ಕೆ!! ಹಾಗೊಮ್ಮೆ ಕೈಕೆ ಬಳಿ ಬಾರದೇ ರಾಮಮಾತೆಗೆ, ಪಟ್ಟ ಮಹಿಷಿಗೆ, ಪ್ರಥಮ ಪತ್ನಿಗೆ ವಿಷಯ ತಿಳಿಸಲು ಬಂದಿದ್ದಿದ್ದರೆ, ಮುಂದಿನ ರಾದ್ಧಾಂತವೇ ನಡೆಯುತ್ತಿರಲಿಲ್ಲವೇನೋ!! ಪ್ರೀತಿ ಇರುವುದು ಬೇರೆ, ಅದನ್ನು ಅನುಭವಿಸುವುದೋ ಪ್ರಶಂಸಿಸುವುದೋ ಬೇರೆ; ಆದರೆ ಮೋಹಿತನಾಗುವುದೇ ಬೇರೆ! ಹೊಸ ಮನೆ ಕಟ್ಟುವುದು, ಸುಖಿಸುವುದೂ, ಯಾವುದೋ ಕಾರಣದಿಂದ ಬಾಡಿಗೆಗೆ ಕೊಡುವುದೂ ಬೇರೆ; ಆದರೆ ಬಾಡಿಗೆದಾರರು ಅವರಿಗೆ ತಕ್ಕಂತೆ ಗೋಡೆಯ ಮೇಲೆ ಮೊಳೆ ಹೊಡೆದರೆ ತನ್ನ ಎದೆಯಮೇಲೇ ಗೂಟ ನಟ್ಟಂತೆ ಒದ್ದಾಡುವುದು ಬೇರೆ. ನಾವು ಮೋಹಿತರಾದಾಗಲೇ ನಮಗೆ ದುಃಖ, ಸಂಕಟಗಳ ಸರದಿ -ಲೇಖಕರು)

ರಾಜ ಬಂದಾಗ, ಸುಂದರ ಸಾಲಂಕೃತ ಮನೆಗೆ ಬಂದಾಗ, ಲತಾ ಕುಂಜಗಳ ದಂತಪೀಠಗಳ ಮನೆಗೆ ಬಂದಾಗ, ಗಿಳಿ ನವಿಲುಗಳ ರವಭರಿತ ಮಧುರ ಮನೆಗೆ ಬಂದಾಗ, ವಜ್ರ ನಿರ್ಮಿತ ಜಗುಲಿಗಳಿಂದ ಕೂಡಿದ, ಬಂಗಾರದ ತಗಡು ಅಂಟಿಸಿದ್ದ ಗೋಡೆಗಳ ಭವ್ಯ ಭವನಕ್ಕೆ ಬಂದಾಗ ಎಂದೂ ಒಂಟಿಯಾಗಿರಲಿಲ್ಲ. ಬರುವ ಮುನ್ನವೇ ಕೈಕೆ ವಿವಿಧ ಸಾಮಗ್ರಿಗಳಿಂದ ಎದುರುಗೊಳ್ಳುತ್ತಿದ್ದಳು. ಇಂದು ಮೊಂಕು ಮುಸುಕಿದ, ಶೂನ್ಯ ಸಾಮ್ರಾಜ್ಯದ, ಬಿಕೋ ಎನ್ನುತ್ತಿದ್ದ ಕೈಕೆಯ ಕಪ್ಪು ಕೋಣೆ ಅನುಚಿತ ಸ್ವಾಗತ ಬಯಿಸಿತು. " ಎಲ್ಲಿ? ರಾಣಿಯವರು ಎಲ್ಲಿ? ಕೈಕಾದೇವಿ ಎಲ್ಲಿ? "ಎಂದು ಕೂಗಿದ ಪ್ರಶ್ನೆಗೆ ತಲೆತಗ್ಗಿಸಿದ ಕಂಚುಕಿ, "ಕ್ಷಮಿಸಿ ಮಹಾರಾಜ. ಈಗ ಕೊಂಚಹೊತ್ತಿಗೆ ಮುನ್ನ ರಾಣಿಯವರು ಕೋಪಗೃಹಕ್ಕೆ ಹೋದರು. "ಹಾರುತ್ತಿದ್ದ ಹಕ್ಕಿ ಕಲ್ಲು ತಗುಲಿ ನೆಲಕ್ಕೆ ಬಿದ್ದಿತು. 
(ದೇವ ದೇವೀಂ ಭೃಶಂ ಕೃದ್ಧಾ ಕ್ರೋಧಾಗಾರಮಭಿದ್ರುತಾ
ಪ್ರತೀಹಾರ್ಯಾ ವಚಃ ಶ್ರುತ್ವಾ ರಾಜಾ ಪರಮ ದುರ್ಮನಾಃ)

ಏನು? ಕೈಕೆ ಕೋಪಗೃಹಕ್ಕೆ? ಅವಳೆಂದೂ ಕೋಪ ಮಾಡಿಕೊಂಡೇ ಇಲ್ಲ. ಕೋಪಿಸಲಲ್ಲ; ಅಸಮಾಧಾನಗೊಳ್ಳಲೂ ಕಾರಣವಿಲ್ಲ! ಅವಳು ಹೇಳಿದುದು ಯಾವುದು ಆಗದೇ ಇದೆ? ಕ್ರೋಧ ಮನೆಯ ದಾರಿಯಲ್ಲಿ ಯಾರೂ ಇಲ್ಲ! ದೀಪವೇ ಹಚ್ಚಿಲ್ಲ! ಕಾಲಿಗೇನೋ ಒತ್ತಿತು! ಎತ್ತಿ ನೋಡಿದ. ಗೆಜ್ಜೆ! ಕೊಂಚ ದೂರದಲ್ಲಿ ಕಂಠೀಹಾರ!! ಓಹ್!! ಮುಂದೆ ಬಂಗಾರ ಬಳೆಗಳು!!!
 
ಕೋಪಗೃಹದ ಬಾಗಿಲಲ್ಲೆ ಮುದುಡಿ ಬಿದ್ದ ಮುಡಿದ ಮಾಲೆ
ಮೊಬ್ಬು ಬೆಳಕು ಮಂದದೀಪ, ಚಿನ್ನಡಾಬು ತುಳಿದು ನಿಂತ!
ಮಂಚ ಖಾಲಿ ಕೆಳಗೆ ಕಪ್ಪು ಸೀರೆಯುಟ್ಟ ಕಾಮುಕಾಂಗಿ!
ನೆಲದ ಧೂಳು ಸೀರೆ ಮೆತ್ತೆ. ಉಟ್ಟ ಬಟ್ಟೆ ಅಸ್ತವ್ಯಸ್ತ 
ಬಿರಿದ ಕೇಶ ತಿಲಕವಿಲ್ಲ ಕಣ್ಣ ಕೊಳದ ತುಂಬ ನೀರು!
ಬಾಲೆ ಮಡದಿ ಬರಿಯ ನೆಲದಿ ಅಳುತ ಬಿದ್ದಿರುವುದ ಕಂಡ!
ಹರಿದ ಹಾರ, ಮುರಿದ ಮೂರ್ತಿ, ಕಡಿದ ಕದಳಿಯಂತೆ ಕೈಕೆ
ನೆಲಕೆ ಬಿದ್ದ ರತಿಯೊ ಸತಿಯೊ? ತನ್ನ ಪ್ರಾಣ ಪತಿತವಾಯ್ತೊ?
ಎನುತ ರಾಜ ತಳಮಳಿಸುತ ಎದೆಯು ನಡುಗೆ ಕುಸಿದು ಬಿದ್ದ
ಮುದಿಯ ಮನಕೆ ಮುಳ್ಳು ಮುರಿಯೆ ತಡವರಿಸುತ ಸಂತೈಸಿದ.(ಮುಂದುವರೆಯುವುದು....)  
*****************

-ಡಾ.ಪಾವಗಡ ಪ್ರಕಾಶ ರಾವ್
pavagadaprakashrao@gmail.com 
ಸಂಬಂಧಿಸಿದ್ದು...

ಲೇಖಕರ ಕುರಿತು : ವಿದ್ವಾನ್ ಡಾ.ಪಾವಗಡ ಪ್ರಕಾಶ್ ರಾವ್ ಪ್ರಸಿದ್ಧ, ಬಹುಶೃತ ವಿದ್ವಾಂಸರು. 2003 ರಿಂದ ಚಂದನ ವಾಹಿನಿಯಲ್ಲಿ ಇವರು ನಡೆಸಿಕೊಡುತ್ತಿದ್ದ 'ಸತ್ಯದರ್ಶನ' ಕಾರ್ಯಕ್ರಮ 1,111 ಸಂಚಿಕೆಗಳನ್ನು ಪೂರೈಸಿ ಮುಕ್ತಾಯಗೊಂಡಿದ್ದು ಧರ್ಮ, ಧರ್ಮ ಗ್ರಂಥ, ಆಚರಣೆಗಳಿಗೆ ಸಂಬಂಧಿಸಿದಂತೆ ಜನರ ಸಂಶಯಗಳ ನಿವಾರಣೆಗೆ ಅಪಾರ ಜನಪ್ರಿಯತೆ ಗಳಿಸಿದೆ. ಸತ್ಯದರ್ಶನದೊಂದಿಗೆ ಭಗವದ್ಗೀತೆಯ 712 ಉಪನ್ಯಾಸಗಳು ಸೇರಿ ಒಟ್ಟು ದಾಖಲೆಯ 1823 ಉಪನ್ಯಾಸಗಳನ್ನು ನೀಡಿದ್ದು, ನಾಡಿದ ಪ್ರಸಿದ್ಧ ಸಂಸ್ಥೆಗಳು ಜ್ಞಾನ ಪ್ರಕಾಶ, ವಿದ್ಯಾ ವಿಶಾರದ, ಜ್ಞಾನ ಭಾಸ್ಕರ ಎಂಬ ಬಿರುದುಗಳನ್ನು ನೀಡಿ ಗೌರವಿಸಿವೆ. ತುಮಕೂರು ಹಾಗೂ ಮೈಸೂರು ವಿಶ್ವ ವಿದ್ಯಾನಿಲಯಗಳಿಂದ ಪಿಹೆಚ್ ಡಿ ಪದವಿ (ಡಾಕ್ಟೊರೇಟ್ ಗಳನ್ನು) ಗಳಿಸಿದ್ದಾರೆ.
Posted by: SBV | Source: Online Desk

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ?
ಕನ್ನಡ ಮ್ಯಾಟ್ರಿಮೋನಿಯಲ್ಲಿ -
ಉಚಿತ ನೋಂದಣಿ!

Topics : Ramayana avalokana, Dasharatha, Rama's anointment, Kaikeyi, ರಾಮಾಯಣ ಅವಲೋಕನ, ದಶರಥ, ರಾಮ, ಪಟ್ಟಾಭಿಷೇಕ, ಕೈಕೆ

Disclaimer: We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

ನಿಮ್ಮ ಅನಿಸಿಕೆ/ಅಭಿಪ್ರಾಯಗಳನ್ನು ಕನ್ನಡದಲ್ಲಿ ಟೈಪ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

Advertisement
ಈ ವಿಭಾಗದ ಇತರ ಸುದ್ದಿ
Advertisement
Advertisement
Advertisement
Advertisement
Kannadaprabha.com App for Android Kannadaprabha.com App for IOS